رواية هي من احببتها الفصل السابع 7 بقلم ندى سمير
رواية هي من احببتها الفصل السابع 7 بقلم ندى سمير
رواية هي من احببتها البارت السابع
رواية هي من احببتها الجزء السابع
رواية هي من احببتها الحلقة السابعة
….: نور انتى بتعملى ايه
زين ونور بصوا ناحيه الصوت وفجاه نور صوتت وجريت حضنته
زين بصدمه :هى ازاى جريت عليه كده لا وكمان حضنته
نور وهى بتبوسه:وحشتنى اوى اوى ي يوسف
يوسف بضحك:وانتى كمان وحشتينى يا قلب يوسف
وفضلوا يتكلموا سوا ونسيوا زين تماما
زين لما لقاه بيحضنها جامد وبيشلها مقدرش يستحمل وراح ضربه
زين وهو بيضربه بعصبيه :فاكرها سينما يا روح امك
نور وهى بتزعق لزين:انت بتعمل ايه يا زين سيبه
زين بعصبيه والله ما هسيبه الا لما اكسرله عضمه دا كله ويوسف عمال يضحك بيتضرب ويضحك برضو ودا شعلل زين اكتر
نور بعياط: سيبه ي زين اخويا هيموت فى ايدك
زين اتصدم وايده فضلت متعلقه فى الهوا
زين بصدمه:اخوكى؟!!
نور وهى بتجرى على يوسف:انت كويس ي حبيبى سامعنى
زين بغيره وبيقلد صوتها:انت كويس ي حبيبى سامعنى
يوسف كل دا كان هيموت من الضحك وبعدين قام من على الأرض وعدل هدومه وقرب جامد من أذن زين وقاله:على فكره مش هجوزهالك وابتسم ومشى من جنبه
زين بتبرير:مين قالك اصلا انى عايز اتجوزها انا بس مكنتش اعرف انك اخوها وهى مسؤوله منى دلوقتى
يوسف بضحكه استهزاء:عافيتك من المهمه دى ي حضرة الرائد مش كده الرائد زين كباب
نور وزين استغربوا الاسم وبعدها زين جرى على يوسف وحضنه
زين بضحك ومش مصدق: يوسف كفته انا بجد مش مصدق انت اختفيت فين فجاه
يوسف ضحك وقاله:لا دى حكايه طويله هحكيهالكوا لما تتجمعوا كلكوا وقرب منه وبصوت واطى محدش سمعه غير زين وقال بنبره مخيفه: انا لسه هحاسبك على الحركه اللى كنت ماسك بيها اختى دى
زين بمشاكسه:اصل الجو كان ساقع عليها وخفت يجيلها برد
يوسف باستهزاء:لا والنبى
زين:عيب عليك ي عم
نور باستهزاء:حساكوا نسيتوا انى موجوده
على العموم هات جهاز التنصت ي زين علشان أمشى
زين لسه هيتكلم يوسف خد الجهاز منه وراح يديهولها وقالها أنه هيروح معاها ويفضل بعيد وطبعا زين راح معاهم
وصلوا هما التلاته الملهى وكانت عربيه محمد وشهد سبقتهم على هناك
فى عربيه محمد
محمد: بتحبى تسمعى لتامر حسنى ولا عمر دياب انا بحب الاتنين
شهد بجديه:لا بحب ام كلثوم
محمد بفرحه :وانا بعشق ام كلثوم تعالى نغنيلها حاجه عقبال ما نوصل
شهد كانت هترفض بس كانت عايزه تعرف هيغنى ايه
محمد:الليل وسماه وسكت يلا ي بنتى كملى
شهد بضحكه صغيره:ونجوموا وقمروا
محمد:وقمروا وسهروا
شهد :وانت وانا
محمد :ي حبيبى انا
شهد:ي اخويا انا
محمد بعصبية:اخوكى فى عينك قال اخوكى قال
شهد بضحكه هستيرية:انا مش قادره ابطل ضحك ومحمد طول الوقت بيبص عليها وهى بتضحك بنظرات كانت ليها زى الالغاز
وفى عربيه زين
زين :دلوقتى هنروح هناك لو قلعتى الجاكيت دا هاجى انا اخليكى تلبسيه غصب عنك
نور ليوسف باستعطاف:شايفه ي أبيه قاعد بيتكلم معايا ازاى علشان عارف انى ضعيفه ومقدرش اعمل حاجه
يوسف بتريقه:ض ايه يختى انتى ضعيفه دا لو شاف الجزء التانى منك هيخاف منك اكتر ما يخاف من اعدائه
نور : جرا ايه ي يوسف انت وفجاه سمعوا صوت طلق ناري على العربيه
زين بعصبيه :اه ي ولاد ال*** اكيد المعلومات اتسربت أننا حينا سوريا اكيد فيه خاين فى الجنود
نور :مش وقت كلام دلوقتى ولسه هتتكلم فى عربيه وقفت ادام عربيه زين وحاصروا العربيه
نزل زين ويوسف وقالوا لملك انها تفضل جوه
وحدث مشاجرات بين الطرفين بالاسلحه ويوسف اتصاب في كتفه
نور اول لما شافت دم اخوها رجعت فى دوامه الماضى تانى
نور خرجت من العربيه وعينيها اقرب للدم
زين بصوت عالى:ادخلى العربيه ي نور هتتصابى
بس نور مكنتش معاه كل اللى كانت شايفاه اخوها وهو متصاب وومضات من الماضى بتيجى ادامها
يوسف بهدوء : انا كويس يا نور متقلقيش ي حبيبتى مفيش حاجه انا كويس اااهدى بس
واحد اتنين تلاته وصوت طلق نارى بس اللى اتسمع
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية هي من احببتها)