رواية الدبش اللي خطفت قلبي الفصل السابع 7 بقلم نرمينا راضي

طبعا كأي اتنين كابلز ،عمر بعد مروح بيته منامش زي مقال ليمني ولا الست يمني نامت

يمني دخلت أوضتها البسيطه.. خلعت طرحتها وعملت شعرها الطويل كعادتها كحكه يمين وكحكه شمال وكأنها طالعه من المخبز كانت شبه المعزه بقرونها دي

مامتها وباباها واخوها وكل اللي في البيت دخلوا يناموا ،إلا العشاق ????

.يمنى إتسحبت للمطبخ زي اللي داخله تسرق حاجه ،وكعادة اي بنت مصريه بتتفجع بعد نص الليل ???? طلعت بطاطس ووقفت تقشرها عشان تقليها في الزيت ولانها اوزعه كانت بتشب عشان تجيب طبق ..

الطبق يجي بسهوله لاا إزاي… وقع عالأرض وفضل يلف ويمني واقفه تتفرج

يمني للطبق :

ايوه ايوه ارقص الاول ولم عليا البيت خلي امي تيجي تديني بالشبب ،بس والله لواكله بطاطس برضه ولايهمني

الحمدلله المهمه تمت بنجاح وعملت سندوتش طول دراعها زي ماتكون رايحه تحارب بنت المفجوعه

.

بتفتح الفيس لقت عمر منزل صوره ليه وواحده عملاله لاف

يمني بغيره

:ينهارك لوبيا داانت ليلتك طيين انت والمقيحه اللي عملالك لاف دي لفلفوها ساعه وانفضينا

اتصلت علي عمر ،في أول مره مردش

راحت داخل عالواتس بعتتله رساله مردش برضه ،تسكت ،لااا ازااي متبقاش مصريه وضد الكسر لو مشالتش صوره البروفايل بتاعتها من الواتس ونزلت حاله لرضوي الشربيني بتشتم فيها الراجل الخاين ????

..

شويه وعمر رن ،كانت هي في الوقت ده بتاكل سندوتش وبتعيط في نفس الوقت (مشاعرها حمضانه زي حالاتنا????

يمني وهي بترد علي عمر

: اقطع علاقتك بياا ياخااين عااااا

عمر بدهشه

:نعم !..يمنى حبيبتي مالك انا عملت ايه

يمنى:

عملك اسود ومنيل بقاا تخوني اناا ،انا اتخان مع واحده شبه ساميه فستك

كتم الضحكه غصب عنه :مين ساميه فستك دي ياحبببتي

يمنى:انت ليك عين تضحك ،ده انت قلبك قاسي

عمر خلاص ميت من الضحك رد عليها بيقلد البنت اللي كانت في الفيلم مع تامر حسني :اووي اوي ،دانت مش بتحس كده وكده ????

يمنى غصب عنها ضحكت :

عمر مش وقت هزار ،مين اللي عملتلك لاف دي

عمر بهدوء: دي ريناد اختي ياحبيبتي وانتي عارفه ومتأكده ان مفيش بنت تملى عيني وقلبي غيرك ياروح قلبي انتي ⁦

يمنى بخجل:احممم هي ريناد غيرت الأكونت

عمر بجديه:اه التاني اتقفل عملت واحد جديد باسم مستعار

يمني:اااه طيب انت كنت بتعمل ايه لما رنيت عليك

عمر:كنت في الحمام يادبشه انتي ورجعي صورة الواتس وشيلي ام الوليه دي من حالتك عشان مااجيش افتحلك دماغك ياروحي

يمنى بعند:

وانت فاكر ان لما تفتحلي دماغي هسكتلك ده انا انزل صورتك في دندشه وجروب ميمز بطعم الليمون وهنعمل من فخادك شاورما

عمر بضحك

:ههههههههه انتي بتقولي ايه ،دي تعويذه دي

يمنى بغيظ:نينينينيني

عمر:يلاا ياهبله نامي عشان اوديكي بكره الملاهي

يمنى:هيييييه والله شكلي حبيتك ياقلبي لك يخربيتك

عمر بمزاح:بيتي هو بيتك ياحبيبتي هتخربيه ليه

يمنى:دي اغنيه يانرم اشفهمك انت ،كله الا حماده نشواتي

عمر:اممم انتي مصممه تستفزيني ،طب وغلاوتك عندي لمعرفك بكره ازاي تنطقي اسم راجل تاني علي لسانك يايمنى الكلب

يمنى:ههههه بعشقك وانت بتغير ياموري

عمر:نينينيني

يمنى:هاهاها خفه

عمر:طيب يلاا اتخمدي ياحبيبتي عشان تصحي فايقه بكره

يمنى:في حد يقول لحبيبته اتخمدي ياعديم الأحاسيس والمشاعير

عمر:ههههه انا بعد كلمة مشاعير دي اخلع البطاريه من التلفون يومين تلاته

يمنى بدلع:تقدرش

عمر:طبعا مقدرش علي بعدك ثانيه يابنوتي ⁦❤️

يمنى:روح نام بقا عشان توديني الملاهي عشان هطلع عينك بكره

عمر:ههههه انا كلي ملكك يابنوتي ،ااه صحيح ريناد وخطيبها هيجوا معانا

يمنى:اشطااااا ده هتبقا مليطه يابا الحج نيهاااع

عمر:لاا انا بقول انام احسن ههههه تصبحي ع خير ياقمري

يمنى:وانت من اهل الخير يابعلي

عمر:بعلك!! هتشليني والله ،يلا سلام

يمنى:سلام

…

قفلت معاه ،تنام لاااا ازااي ده قامت طلعت كل لبسها من الدولاب وفضلت تعمل بروفه تشوف انهو تروح بيه بكره مع عمر

يمني لنفسها :جامد الطقم ده بس عمر هيعملي فيها زعيم مافيا وميرضاش يطلعني ببنطلون ..لا انا هلبسه عشان اعرف اخد راحتي ووالله لو مرضاش لاأبيع الشبكه اللي معايا واحرقه قلبه عليها نيهاااع????