روايات
رواية وعد الفصل الأول 1 بقلم مجهول
رواية وعد الفصل الأول 1 بقلم مجهول
رواية وعد البارت الأول
رواية وعد الجزء الأول
رواية وعد الحلقة الأولى
البنت الي واقفه بتمسح الطرابيزه هناك”؟
“”-مالها ياباشا
انا عايز البنت دي وهوا بيشاور عليها!!
– بس يباشا يعني البنت ديه وغلبانه و
-انت فهمت ايه ياحي*وان انت انا عايزها في شغل
-ااااه ط طب حاضر ثواني وهجبها لحضرتك
قال جملته وطلع يجري وهو بيقرب من بنت كانت واقفه تمسح الطربيزه اللي في الكافيه وباين علي وشها التعب وهي بتمسح العرق اللي اتكون علي جبينها …
-وعد سيبي اللي في ايدك وتعالي معايا بسرعه
وعد وهي بتبصله باستغراب : انت مش شايفيني بشتغل ياصلاح في ايه
صلاح وهو بي*شدها من ايديها بلهفه : تشتغلي ايه بس تعالي الباشا الكبير عايزك ..
وعد وهي ماشيه معاه باستغراب : باشا مين استني يابني أن…
صلاح وهو بيقاطعها لما وصل قدام الراجل اللي طلبها
-وعد اهي يباشا
وعد وهي بتزق أيده بعصبيه: ممكن افهم في ايه ليه بتجرني زي البه*يمه كده ومين ده كمان ؟!
صلاح وهو بيبلع ريقه بتوتر : ا اسكتي ده ال آااا
الراجل وهو بيشاورله بأيده أنه يسكت وبيقوم يقف قدام وعد وهو بيعدل جاكت البدله بتاعته : ممدوح العربي
وعد برفعه حاجب وهي بتربع ايديها الاتنين ببرود : ايوه برضو مين ؟
الراجل وهو بيشاور لصلاح أنه يمشي : طب امشي انت ياصلاح واتفضلي يا انسه وعد
وعد باستغراب : اتفضل فين؟
ممدوح وهو بيتنهد : حابب اتكلم معاكي في موضوع
وعد برفعه حاجب: معايا انا؟!
ممدوح : ايه رأيك لو تاخدي مليون جنيه
وعد وهي فاتحه بوقها بصدمه : هه !!
ممدوح وهو بيحط أيده في جيبه وبيبتسم بخبث: مليون دلوقتي ومليون لو عملتي اللي هقولك عليه
وعد وهي بتبلع ريقها : م م مقابل ايه ؟!
ممدوح بغموض : تتجوزي ابني
وعد بسخريه : اتجوز ابنك؟ اشمعني انا وبعدين هو ننوس بابي ومامي مستنيك تدورله علي عروسه !
ممدوح بحزن مصطنع: وهيدور ازاي وهو مش بيشو*ف
وعد بصدمه : مش بيشو*ف ؟؟
ممدوح : ايوه
وعد وهي مربعه ايديها الاتنين وبتسأل بسخريه: وانا ايه اللي يجبرني اتجوز واحد أعم*ي مش بيشو*ف !
ممدوح : الاتنين مليون جنيه
وعد : يعني انت عايزني اتجوزه لفتره معينه وبعدين نتطلق!
ممدوح بابتسامه غامضه : بالظبببط
وعد : وليه كل ده ؟
ممدوح : عشان جده واللي هو بابايا تعبان وأيامه معدوده في الدنيا ورافض يتنازل عن أملاكه ليا
وعد باستغراب : ليه مش فاهمه؟!
ممدوح : عايز يفرح بحفيده قالي مش هتنازل عن حاجه غير لو جوزت حفيدي وخليتني افرح بيه قبل ما ام*وت
وعد وهي بتتنهد : يعني انت عايزني اتجوز ابنك عشان باباك يتنازل عن الاملاك ولما هو ي*موت نتطلق
ممدوح : ايوه
وعد بتفكير : طيب سيبلي يومين افكر
ممدوح بلهفه : مفيش وقت
وعد وهي بتبلع ريقها : ي يعني ابنك عارف
ممدوح : ايوه هو اللي قالي اشوفله عروسه لانه زي ما قولتلك مش بيشو*ف
وعد وهي بتبص قدامها بتفكير : بس انا عايزه ضمان
ممدوح : ضمان !!
وعد : اه ضمان وانا ايش ضمني انك بعد ما نتجوز انا وابنك وتاخد الورث بتاعك انك هتديني الفلوس ؟ انا واحده علي باب الله مليش أهل ولا صحاب ولا ليا حد من الاساس يعني ساعتها مش هقدر أقف في وشك لوحدي !
ممدوح وهو بيخرج وصل من جيبه وبيمدلها أيده : اتفضلي
وعد برفعه حاجب : ايه ده ؟
ممدوح: وصل بمليون جنيه واول ما نكتب الكتاب ليكي واحد بمليون زيه
وعد وهي بتاخده منه وبتقراه بصوت مسموع ..
ممدوح بصدمه : انتي بتعرفي تقرأي؟!
وعد وهي بتبصله بحزن : انا خريجه اعلام ياممدوح باشا
ممدوح بذهول : بتهزري؟
وعد وهي بتهز رأسها : لا مش بهزر …ها ياممدوح باشا هنبدء المهمه أمتي
ممدوح وهو بيبص قدامه بغموض : دلوقتي
وعد بصدمه : دلوقتي دلوقتي ؟
ممدوح : اه يالا جهزي نفسك عشان هنروح علي الفيله ونكتب الكتاب
هزت وعد رأسها بخوف واخدت نفس وهي بتروح عشان تجيب شنطتها والفون بتاعها في الحقيقه ان ده الشيئ الغالي الوحيد اللي بتملكه !
-يالا ياممدوح باشا انا جاهزه
بعد مرور ربع ساعه وصلوا قدام فيله كبيره لاول مره تشوفها وعد في الحقيقه هي دايما تشوف الأماكن ديه في الافلام والمسلسلات انما عمرها ما كانت تتخيل في يوم انها ممكن تدخل مكان زي ده !
-وعد يالا
فاقت من شرودها علي صوت ممدوح ودخلت وهي ماشيه تبص يمين وشمال بذهول مره واعجاب مره وخوف من كم الحرس اللي معاهم كلا*ب مره …
ممدوح وهو واقف علي الباب : وعد خليكي هنا خمس دقائق أمهد للعيله الموضوع
هزت وعد رأسها وهي بتاخد نفس طويل وبتفرك ايديها بتوتر …
-ااااه ايه يابني آدم مش تفتح
قالتها وعد وهي بتقوم بعصبيه للشخص اللي خبطها ووقعها علي الارض …
-ا أنا آسف يا انسه ا انا فعلا مش بشو*ف انا اسف
وعد بصدمه وخفوت: معقوله هو ده ؟
-يا انسه انتي كويسه ؟
وعد بخفوت : ا انا كويسه ا انا اسفه جدا م مكنتش اعرف ان حضرتك مش بتشو*ف
هو بابتسامه صغيره وحزينه : ولا يهمك واسف مره تانيه
قال جملته وخبط علي الباب ودقائق وفتحت الخدامه ودخل وقفلت في وش وعد مره تانيه
وعد بذهول وشرود : يعني انا هتجوز ده ؟ ووو…..