روايات
رواية عارفة حظي الفصل الثالث 3 بقلم ميرفت السيد
رواية عارفة حظي الفصل الثالث 3 بقلم ميرفت السيد
رواية عارفة حظي البارت الثالث
رواية عارفة حظي الجزء الثالث
رواية عارفة حظي الحلقة الثالثة
بقلم مرفت السيد
اول ماالحاج عاطف شاف تاليا قالها باعجاب: لا دة احنا كبرنا خالص ايه القمر دة
تاليا بخجل: شكرا يابشمهندس
ادهم: معلش انت مشفتهاش من زمان كلها شهر وتتخرج من كلية الحقوق
عاطف: ماشاء الله طيب انتي هاتتمرني على الشغل طول الشهر دة ولما تتخرجي تشتغلي معانا في الشئون القانونية على طول وهانزلك تدريب مع استاذ حامد عتمان المحامي بتاعي
قالت بلهفة: بجد دة دكتور عندنا بالكلية دة اسطورة كلنا بنتمنى نتدرب معاه
ضحك عاطف: اعتبره نفسك معاه انا كان نفسي اخلف بنت بس ربنا كرمني ب ولدين ادهم التالت بتاعهم وانتي الرابعة
ادهم: تسلم ياحاج مش محتاج اوصيك عليها
دخل زين وقبل يد عاطف وجلس امام تاليا واضعا قدم فوق الأخرى وقال: معلش قاطعتك ياحاج بس علاء راجع بعد اسبوع عشان يتجوز فيروز
عاطف بسعادة: وشك. حلو يابنتي
ادهم: مبروك ياشمهندس عاطف عقبالك يابشمهندس زين
زين: ليه كدة ياادهم دة انا بحبك
عاطف: اعرفك يازين دي تاليا اخت ادهم ومعانا بالشئون القانونية
زين بتكبر: اهلاً
لا ياحاج انا محتاج سكرتيرة
ادهم: بس هي ماشتغلتش قبل كدة سكرتيرة والافضل تشتغل في مجال دراستها
زين: اه طبعاً بس الي يخليها تتدرب بالشئون القانونية الي مس محتاجين فيها حد اصلا تتدرب عندي وانا محتاج سكرتيرة
عاطف: والله كلام موزون ولو ماارتحتش هانقلها مع المحاميين ايه رأيك ياتاليا
نظر زين لها بتحدي ففهمت انه عاوز يزهقها فابتسمت بثقة وقالت: موافقة يابشمهندس
ادهم: متأكدة ياحبيبتي
تاليا: اها بس…
بقلم مرفت السيد
زين: إيه اتراجعتي
تاليابتجاهل: ياحاج انا هامتحن خلاص الاسبوع الجاي واول شهر مواعيدي مش هتكون مظبوطة
زين: خلاص يبقى تدريب كل يوم ساعتين او 3
عاطف: دة حل ممتاز ودة كان اقتراحي من شوية
ادهم: تمام عن اذنكم اخدها تمضي العقد مع استاذ عمر
عاطف: ماشي خلص ووصلها وارجعلي عشان في اجتماع
زين: طيب وتروح ليه ماتتدرب من النهاردة مع ولاء
تاليا: مفيش مشكله
ادهم. نظر لزين وقال: مفيش مشكله انا هاكون معاكي
ومضت تاليا العقد وذهبت لمكتب ولاء لتبدأ تدريبها
ولاء: كنت عارفة انه هايرخم عليكي يابنتي
تاليا: سيبك. منه دة انا هعلمه الادب
وبدأت ولاء تدرب تالية حتى انتهى اليوم وروحت تاليا مع ادهم
قبل ماتنام دخل ادهم غرفتها وقالها: حبيبتي انا عاوز اقولك كلمتين زين مش سهل ابدا دة شخص متعب وصعب ابوه مش بيقدر عليه عارفة لو اخوه علاء اقولك اشتغلي معاه بدون خوف انما زين هو محترم وابن ناس اه بس قاسي وعنيد وانا عارفك عنيدة ومخك ناشف ووافقتي تشتغلي معاه بالعند وهو عاوز يثبت فشلك ويردلك الاهانة
تاليا: بس انا مااهنتوش
لأ انتي هزأتيه وسخرتي منه
: متخافش عليا اختك تقوم بعشرة شبهه
لازم اخاف
: لو خنقني اوعدك هاتنقل
وعد متعانديش نفسك
: وعد ياحبيبي
احتضنها بحنان وقبل رأسها وخرج
قالت لنفسها: اما وريتك يامغرور
وبفيللا عاطف وبالتحديد غرفة زين
طرقت امه الباب ودخلت قائلة: حبيبي انا حبيت اتطمن عليك
: انا بخير ياست الكل
ياسمين سألت عليك
: يووووه ياماما ابوس ايدك انا باحبها زي بنت خالتي يعني اختي وبس
يابني مش هتلاقي زيها
: عشان خاطري اقفلي الموضوع دة
الام باستسلام: حاضر يابني تصبح على خير
وخرجت
قال لنفسه: اما وريتك يامغرورة
وبالصباح ذهبت بمفردها لانشغال ادهم بمشوار للشغل فتقابلت مع زين عند باب الشركة فنظرا لبعض بتحدي