رواية حب عبر الانترنت الفصل السابع 7 بقلم رقية عبد الباسط

رواية حب عبر الانترنت الفصل السابع 7 بقلم رقية عبد الباسط

رواية حب عبر الانترنت البارت السابع

رواية حب عبر الانترنت الجزء السابع

رواية حب عبر الانترنت الحلقة السابعة

قفلت الورقه وانا مشاعرى متلخبطه
فرح ع خوف ع قلق ع انبساط
مبقتش عارفه انا اى بالظبط
الحاجه الوحيده اللى كنت عارفاها
هى انى هقابله النهارده…..
الساعه كانت ١١ الظهر
قومت خدت شوار وظبطت نفسى
الظهر أذن عليا لكن مصليتهوش
ومكانتش دى اول مره لا
انا بقالى فتره بدأت اقطع ف صلاتى وبطلت أقرأ وردى اليومى
_بس كده كده العمر طويل وهصلى بكره إن شاء الله وانتظام تانى
دى كانت الجمله اللى كنت بصبر بيها نفسى
اليوم عدى وانا لابسه وقاعده مستنيه الساعه ٥ تيجى عشان انزل واقابله
الساعه جات ٤ونص
كنت مجهزه نفسى من مجميعه

قومت خدت شنطتى وانا ماشيه ناحيه الباب عشان افتحه وانزل
_رايحه فين دلوقت يامريم
_ها!! هروح لواحده صاحبتى يااماما عندها مشكله ياعينى وكلمتنى ومنهاره هروح اشوف حصل لها اى
_طيب يابنتى .. ربنا يبعد عنك ولاد الحرام وبنات الحرام
ماما كانت ست طيبه .. مكانتش بتسأل كتير انا فين وجايه منين .. كانت بتثق فيا وف كل حاجه بعملها .. هى اقرب حد ليا .. اقرب منى اكتر من بابا بعد ماسافر السعوديه عشان يوفر لنا قرشين كويسين انا واخواتى
نزلت م البيت وانا قلبى عمال يدق ..
انا هقابله
وهتكلم معاه
مش معقوله
انا حاسه انى بحلم
انا فرحانه وخايفه ومرعوبه
فجأه لاقيت نفسى وصلت للكافيه اللى احمد كاتبلى اسمه ف الورقه
_انا وصلت بسرعه كده ازاى
دخلت الكافيه وبصيت حوليا

شوفته
كان قاعد ف زاويه بعيده شويه
اول ماشافنى قام ووقف وابتسملى ابتسامه خدت قلبى
نفس ابتسامته اللى ابتسمهالى ف الحلم
بدأت امشى ناحيته وانا حاسه ان رجلى مش شايلانى
لما وصلت وبقيت قودامه مدلى ايده عشان يسلم عليا
_عامله اى يامريم (بأبتسامه)
مديتله ايدى وسلمت عليه
_الحمد لله يا احمد كويسه
_اتفضلى اقعدى
_ااه .. شكرا
_ثوانى اطلب حاجه نشربها
_لا مفيش داعى
_ازاى بس ..

_طب ممكن ليمون
_لو سمحت ….. اتنين ليمون
كنت قاعده خايفه .. حاسه برهبه
ازاى احمد اللى لسه كنت بكلمه انبارح تلفون وبس دلوقت بقى قاعد قودامى كده ..
_مريم!!!
_ن نعم
_مالك ياحبيبتى
كلمه حبيبتى كانت طالعه منه حلوه اوى .. عمرى ماحد قالى ياحبيبتى كده ..
_يابنتى
_هااا!!
_فى اى بس ..
_لالا ابدا
_انا عارف انك مصدومه والدنيا ملخبطه وكل حاجه جات ف وقت غير وقتها بس اعمل اى نصيب
_انت ازاى جيت
_زى الناس

_ازاى يعنى
_ركبت قطر من القاهره لأسكندريه وجيتلك
_احمد انت اى
_ههههه اى
_انا متوتره ومش عارفه اتكلم تمام
_انتى شكلك حلو اوى
_……..
_عامله شبهه الملايكه
_احممم
_انا كنت مفكرك من البنات بتوع اليومين دول بناطيل ومقطع وزفت بس ماشاء الله عليكى ياحبيبتى ..
_احم .. شكرا

_تعرفى أن الخمار مخليكى زى الاطفال .. تسلم ايد اللى ربتك
عدى وقت وكنا عملين نتكلم .. تقريبا اتكلمنا ف كل حاجه .. الجامعه .. والأهل .. والشغل .. وذكرياتنا .. ده احنا حتى اتكلمنا ف الفرح وهنسمى عيالنا اى لما نتجوز
ع قد ماكنت قاعده خايفه ومتوتره من ألموقف وانى قاعده معاه ع قد ماكنت فرحانه ان فى حد بيحبنى كده
_اى رأيك نتمشى شويه
_فين
_اى حته تعجبك انا مش عارف حاجه ف اسكندريه اصلا
_اممممممم
_انتى لسه هتفكرى .. تعالى يلا
خرجنا م الكافيه وفضلنا نتمشى ونتكلم وكلام يجر كلام .. شربنا عصير واكلنا كريب وايس كريم .. كتبناا لبعض ورق كل واحد كتب للتانى بخطه تسجيل لليوم ده .. اتصورتا صور كتييييير اوى .. روحنا اتمشينا ع البحر واكلنا دره مشوى .. كان اكتر يوم حسيت فيه بالفرحه ف حياتى
_حبيبتى صح
_اى

_عمتى ساكنه هنا ف الحته دى
_عمتك !!!؟
_ايوه ياروحى
_عمتك مين ؟!!! وبعدين انت مقولتيش قبل كده أن ليك حد ف اسكندريه اصلا
_ماهو مجاش وقت ياقلبى انا اسف
_تمام
كنت مستغربه ازاى مايعرفش حاجه ف اسكندريه وازاى ليه عمته هنا .. والغربيه أنه مقاليش قبل كده
_ ع فكره عمتى دى انا كنت حاكيلها عنك
_بجد؟!!!
_بجد
_مقولتليش ليه
_عادى ياقلبى .. بس هى حبيتك خالص من كلامى عنك
_اه
_اى رأيك نروح نسلم عليها وبالمره تتعرفوا ع بعض
_اه بس…

_بس اى ياحبيبتى .. متخافيش ٥ دقائق هو انتى مش واثقه فيا ولااى
_لا واثقه فيك اكيد
_طب يلا ياروحى
مشينا مسافه لحد ما وصلنا لشارع ضلمه
دخلنا الشارع ومشينا لأخره
مكنش فيه اى صوت
سكووون رهيب
وصلنا قودام عماره
_اهو ياقلبى وصلنا
_اى المكان الغريب ده ياحمد
_غريب ف اى ياقلب احمد
_مفيهوش حس .. وبعدين مفيش ناس ف الشارع كده ليه
_الله اعلم … يلا بينا نطلع ياقمر
وياريتنى ماطلعت……

يتبع..

لقراءة الفصل التالي : اضغط هنا

لقراءة باقي حلقات الرواية اضغط على (رواية حب عبر الانترنت)