رواية كيد النساء وقهر الرجال الفصل السابع 7 بقلم منى محمود
رواية كيد النساء وقهر الرجال الفصل السابع 7 بقلم منى محمود
رواية كيد النساء وقهر الرجال البارت السابع
رواية كيد النساء وقهر الرجال الجزء السابع
رواية كيد النساء وقهر الرجال الحلقة السابعة
الصدمة …
كل واحد فينا بيختلف استقباله للصدمه عن غيره في ناس بتنهار نفسيا أو جسديا أو الاتنين وفي الناس بتكتم جواها وفي ناس بتستسلم وفي ناس بتضحك وفي ناس بترفض تصدق
كلهم بيكونوا موجوعين وجع بيحتلهم مره واحده بس تعبرهم عن الوجع ده هو اللي بيختلف
❈-❈-❈
عند منار
استنت لما امير نزل والباب اتقفل وبعتت رساله باسم الدوا بسرعه ومن كتر توترها مخدتش بالها أن تلفون امير رن بصوت رساله الواتس وهو علي السفرة اللي قصادها
طلعت رقم حازم بسرعه واتصلت عليه في نفس الوقت اللي امير كان افتكر أن تلفونة فوق وطلع علشان يجيبه
منار :
_ بقا انت يا حازم بتهددني انا ؟ لا هو انت فاكر انت بس اللي مقطع السمكة وديلها وعرفت بنات كتير وعملي فيها الواد الصايع اللي محدش قدة .. فاكر لما تقولي معلومات عني هخاف واقولك يمي تحت امرك يا سي حازم يلا نتقابل وانفذلك كل رغباتك ؟
انا مش كنت واضحه معاك من الاول وقلت لك ان انا اخري مكالمات وصور وبس ؟ مش قلت لك قبل كده مليون مره انا بحب اكون مبسوطه والاقي راجل يدلعني ويسمعني كلمتين حلوين وانا كمان ادلعه واسمعه كلمتين حلوين وده اخري ؟ بس مش عاجبك مش كده؟ طب اسمع بقا اللي عندي الاسم حازم عبد السلام عزمي المحمدي العنوان ١٣ ش معتز النمر الدرب الأحمر متجوز من هاله محمد صبحي اكبر منك ب ١٦ سنة وبتغفلها وساحب منها شيء وشويات ومرافق هايدي العناني مرات خليل محمود الشرقاوي صاحب معرض سيارات كبير اوي في وسط البلد وكل بلاويك معايا ممكن توصل صوت وصورة ومعاهم عنوانك وصورة بطاقتك ل خليل باشا وهو يتصرف بقا ها قلت ايه يا حيلتها ؟
حازم بصدمة :
_ انتي انتي عرفتي كل ده ازاي ؟ انتي جبتي المعلومات دي منين ؟ منار اوعي تكوني بعتي حاجه فعلا لحد دا انا اروح في 60 داهيه
منار ضحكت جامد:
_ لا يا قلب منار ما قلتش المعلومات دي لحد بس لو فضلت في قله الادب اللي انت فيها دي هبعتها وعليا وعلي اعدائي بقا وقتها والبادي اظلم يا حزومة
حازم بتوتر :
_ لا لا لا خلاص خلاص انا مش هعمل اي حاجه خلاص انا اسف
منار بقوة :
_ ما انا عارفه ان انت اسف وواثقه كمان ان انت اسف عموما يا حازم انا زهقت الموضوع خلاص بقى مقرف اوي اي وقت هتفكر تاذيني هكون مدمراك وانت كده اخذت وقتك معايا قلت لك قبل كده انا لما بزهق ما عنديش اسهل من البلوك والشات مليان رجاله يتمنوا بس كلمه مني انت ولا اول راجل اكلمه ولا هتبقى اخر راجل اكلمه يلا من غير سلام
منار قفلت السكة ورمت الفون علي التربيزة وبتلف عشان تدخل المطبخ اتفاجات ب امير واقف وراها وعينيه حمرا من الغضب وبيتنفس بصوت عالي
منار بصدمة :
_ ا ا امير أأنت هنا من امتي ؟
امير وهو بيقرب عليها:
_ بقا انتي يطلع منك كل دا ؟ ليه هه عملتلك ايه يا زباله ؟
مسكاها جامد من شعرها وبدء يضربها بالاقلام وهي كانت بتصوت وتستنجد بالجيران لكنة مكنش سامع ولا همه حاجة كان جواة نار نار ممكن تحرق كل حاجة حواليه فضل يضرب فيها بكل قوتة ولما تعب رماها علي الارض
امير بغضب :
_ انا هفضحك في كل حته يا زباله .. اخواتك الرجاله وابوكي هروح اجيبهم دلوقتي واخليهم يجوا يشوفوا اختهم الشريفه اللي كانت عايشه عليا الدور اوي وفاكره نفسها انصح من الكل … انا هفضحك قدامهم هخليكي مش عارفه ترفعي عينك في اي حد .. انتي فاكره ان انا هطلقك كده وخلاص لا ابدا اقسم بالله يا منار لو افضحك في كل حته وبعد ما اخلي سيرتك علي كل لسان هاخد منك بنتي وارميكي رميه الكلاب يا رخيصه
خرج من الشقه ورزع الباب وراه وزق الجيران ال كانو واقفين وقفل عليها من برة بالمفتاح
امير للجيران :
_ لو سمحتو كل واحد علي بيته ال الزباله ال جوة دي هروح اجيب أهلها يجيو يخدوها ويشوفو بنتهم الرخيصه اللي مدورها مع الرجاله يلااااا كل واحد علي بيته
الناس انسحبت بهدوء وهو نزل جري والغضب مسيطر عليه طلع تلفونه واتصل علي اخواتها وابوها وقالهم يسيبو كل حاجة ويجيو علي شقتة دلوقتي حالا وراح يشوف مأذون فاتح عشان يطلقها رسمي قدامهم
في خلال نص ساعه رجع امير بالمأذون وقابل اخواتها وأبوها قدام باب العمارة
كلهم شافو امير وشكلة المبهدل والغضب اللي باين علي ملامحه والمأذون ال معاه الرعب دخل قلوبهم
صلاح :
_ في اي يا أمير ؟ وشكلك عامل كدة ليه ؟ ومين دا ؟
امير بعصبيه مكتومة:
_ دا المأذون اللي هيطلقنا انا وبنتك دلوقتي بس قبل ما اطلاقها كان لازم تيجو وافضحها قدامكم الرخيصه الواطيه
محسن بعصبيه :
_ احترم نفسك يا أمير ايه هي هربت منك ولا ايه ؟
مصطفي بغضب :
_ اتعدل يا امير واعرف انت بتتكلم عن مين
امير بسخريه :
_ لا ما انا عرفت انا بتكلم علي مين بتكلم علي ست خاينة مقضيها علي التلفون والنت مع الرجاله مدوراها ومستغفلاني تبقي واطيه ورخيصه ولا لا يا مصطفي هه
صلاح بصدمة :
_ ايه اللي انت بتقوله دا … لا اكيد في حاجة غلط .. حرام عليك يا ابني دي منار بنتي متربيه احسن تربيه
امير :
_ تربيه اه هه ونعم التربيه
محسن وهو بيمسكة من دراعه :
_ ما تحترم نفسك يا زفت انت واتكلم عدل في ايه ؟
امير :
_ انا بتكلم عدل يا محسن واللي عندي قلته اختكم كانت مدوراها كلام مع الرجاله وبتبدل بينهم كل ما تزهق وانا انهاردة كشفتها وسمعتها بوداني وهي بتكلم واحد منهم ولو مش مصدقني اتفضلو معايا فوق وهسمعكم كل حاجة بنفسكم
مصطفي بعد ايد محسن واتكلم بهدوء غريب :
_ تمام يا أمير واحنا هنطلع معاك ونشوف ولو طلع كلامك صح هيبقي ليك كل الحق في اي حاجة تعملها بس لو طلع كلامك غلط او كان في سوء تفاهم وانت مصبرتش تفهم اعرف ان حسابك هيكون تقيل اوي يا أمير
امير ابتسم بسخرية و طلع والكل وراه فتح بالمفتاح ودخلوا اتفاجاؤ كلهم بمنار مرميه جمب كرسي السفرة وبتنزف من كل حتة اخواتها و ابوها جريو عليها
صلاح بخوف :
_ منار … حبيبتي يا بنتي ردي عليا … منار يا قلب ابوكي ردي عليا يا حبيبتي
قام محسن وجري علي امير وضربه بالبوكس في وشه بقوة لدرجة أن أمير وقع علي الارض
محسن بغضب :
_ بتمد ايديك عليها يا حيوان … دا انا ه
وقفه مصطفي :
_ اصبر يا محسن ( بص ل امير ) ها أنا حيشه وحايش نفسي عنك اهو لحد ما نتاكد فين دليلك ؟
امير قام وبص ل منار ب غل وكره ومسك تلفونها اللي كان علي التربيزة ورن علي اخر رقم كانت مكلماه وفتح الاسبيكر وبعد تالت جرس الخط اتفتح
❈-❈-❈
نرجع في فيلا ياسين
ياسمينا كانت بتتكلم بعصبيه وغضب وصوت عالي ومحستش باللي واقفه وراها بتسمع في زهول وصدمة ومش مستوعبه اللي هي سمعتة قفلت مع ابوها وهناء انسحبت من غير ما ياسمينا تحس بيها وخرجت بسرعه من الفيلا ركبت عربيتها واتحركت بسرعه من قدام الفيلا كانت حيرانة مش عارفه تعمل ايه طلعت تلفونها وجابت رقم محمود كانت ايديها بتترعش ودموعها نازله
محمود :
_ اي يا حبيبتي وصلتي خلاص ؟
هناء ببكاء:
_ م محمود الحقني
محمود بخوف :
_ في ايه انتي كويسه ؟ جرالك حاجة ؟
هناء :
_ لا لا انا كويسه بس بس في مصيبه وانا مش عارفه اعمل ايه ( صوت عياطها زاد ) انا مش عارفه اتصرف
محمود بقلق :
_ هناء اهدي وفهميني في ايه عشان اعرف اتصرف اهدي حبيبتي واتكلمي براحة
هناء خدت نفس طويل وخرجته بهدوء وبدأت تحكيلة اللي حصل كله سمعها للاخر
محمود :
طب انتي ما واجهتهاش ليه؟
هناء بصوت مبحوح:
_هتصدقني لو قلت لك ان انا خفت منها انا لما سمعت اللي هي قالته ما اعرفش حسيت ان انا خايفه خايفه ان هي تشوفني لقيت نفسي بجري بجري وبخرج من المكان كله
محمود :
_ طيب اقفلي معايا دلوقتي واتصلي بياسين وشوفي هو فين وقولي له يجي لنا هنا على الفيلا ضروري جدا قولي له ان في كارثه في مصيبه وانه لازم يجي لك الفيلا وانتي كمان تعالي على هنا ياسين لازم يعرف وحالا يا هناء
هناء :
_ حاضر حاضر يا محمود يا رب بس يرد عليا
محمود :
_ بقول لك ايه لو ما ردش عليكي من اول مره ما تتصليش تاني ليقفل التليفون ابعتيلو فويس على الواتساب وقوليله فيها زي ما انا قلت لك هو اكيد هيسمعها وهيقلق عليكي وهيجي جري على الفيلا لكن لو فضلتي تتصلي على التليفون مش بعيد يقفله خالص
هناء :
_ ماشي تمام خلاص يلا مع السلامه هتصل بيه واجي على البيت
محمود :
_ لا انت هتقفلي معاه وتتصلي بيا و تخليكي معايا على التليفون لحد ما تيجي هنا كفايه ان انا قلقان عليكي وانتي سايقه في الحاله دي هكون معاكي على التليفون عشان اكون مطمن وعلي ما انتي تكلميه هتصل انا علي جلال يجي هو كمان لازم يكون موجود اوك
هناء ابتسمت بحب :
_ حاضر يا حبيبي هكلمه وارجعلك تاني باي
محمود :
_ باي
هناء عملت زي ما محمود قالها اتصلت اول مرة و فعلا ياسين مردش بعتتله فويس علي واتساب أنها في مشكلة كبيرة جدا ولازم يجيلها فورا علي الفيلا والا في مصيبه هتحصل
بعتت الرساله ورجعت كلمت محمود تاني وفضلت معاه على التليفون واول ما قربت من البيت عندها لقيت ياسين بيتصل بيها على الويتنج قفلت مع محمود وردت عليه
هناء :
_ الو
ياسين بخوف :
_ هناء انتم كويسين ؟؟؟ في ايه ؟ ايه الرساله ال بعتيها دي ؟
هناء :
_ انت فين دلوقتي يا ياسين ؟
ياسين :
_ ف الطريق جايلك اهو يعني ربع ساعه واكون عندك بس طمنيني فيكي ايه ؟
هناء :
_ انا كويسه مشكلة ومحتاجاك بس جمبي فيها متتاخرش عليا ممكن ؟
ياسين :
_ حاضر يا حبيبتي مسافه السكة واكون عندك
هناء :
_ توصل بالسلامة يا حبيبي باي
ياسين :
_ باي
قفلت معاه ودخلت واول ما شافت محمود قدامها اترمت في حضنه وفضلت تعيط وهو شدد من حضنها وفضل يطبطب عليها ويحاول يهديها
❈-❈-❈
عند منار
اول ما الخط اتفتح كلهم اتصدمو من ال سمعوة
….
_ أيوة يا ست منار في حاجة نسيتي تقوليها تاني ولا ايه ؟
منار قاومت التعب اللي هي فيه واتكلمت بضعف
منار :
_ اه لسه فيه عايزه اقول لك ان انا مش هقول لجوزك ولا حاجه ان انتي بتكلمي جوزي انا بس كل اللي عايزاه ان انتي تبعدي عن بيتي مش اكثر لكن انا مش خرابه بيوت وعمري ما كنت هسبب لك مشاكل يا هبه
هبه :
_ كتر خيرك يا منار وانا اوعدك ان اي وقت امير يكلمني تاني مش هرد عليه انا عملت للرقم اللي معايا بلوك بس كنت عارفه ان هو هيكلمني من أرقام تانيه وانا مش هرد على اي ارقام مش هكلمه تاني ابدا انا عارفه ان انتي ست اصيله وجدعه ومش هتحاولي تخربي بيتي شكرا يا منار
منار بتعب :
_ العفو يا حبيبتي احنا ستات زي بعض سلام
هبه :
_ سلام
الخط فصل وكلهم بصين لبعض ومش فاهمين حاجه اتكلمت منار وهي بتتسند على ابوها وبتقف على رجلها
منار بدموع :
_ طبعا جري عليكم وقال لكم ان انا ست خاينه وبكلم رجاله مش كده بس مش دي الحقيقه فاكر يا مصطفى فاكر لما دخلت عليا الاوضه وكنت بكلم حد ولقيتني اتوترت وقلت لك ان انا كنت بكلم واحده صاحبتي ..
مصطفي هز دماغه وهي كملت
_ دي مش صاحبتي يا مصطفى دي ست من الستات اللي جوزي بيكلمها قدرت اعرف رقمها من تليفونه وكلمتها وضربت معاها صحوبيه في الاول قلت لها ان انا عرفتها من جروب من جروبات الفيس اللي كلها ستات وبيقولوا لبعض ارقامهم عادي وهي صدقت ولما قربت منها عرفت انها بتحب واحد على جوزها وان اسمه امير ومتجوز وعنده طفله وهي حاسه بالذنب تجاه جوزها وكل ما بتيجي تبعد عنه هو بيفضل يحوطها من كل ناحيه وبتضعف تاني قلت لها ان انا مراته وطلبت منها بكل هدوء تبعد عنه والا هفضحها في الوقت ده امير كان تحت بيجيب لي مسكن من كتر الصداع اللي كنت حاسه بيه ما اعرفش انه كان سامعني بقفل معاها وبلف لقيته قدامي ما كنتش ناويه اقول له كنت ناويه احافظ على بيتي خلاص قلت ابعد الست اللي بيكلمها عن طريقه واهتم بيه شويه وما خربش بيتي بنفسي وان اكيد دي نزوه بس ازاي بقى البيه ما عجبهوش ان انا كشفت خيانته ليا لما واجهته وقلت له ان انا هددتها ان هقول لجوزها نزل فيا ضرب وقال لي انتي فاكره ان انتي هتعرفي تعملي حاجه انا اصلا قرفت منك وما بقتش عايزك قلت له خلاص انا هروح بيت اهلي وطلقني وادي لي حقوقي قال لي حقوق ايه يا ام حقوق انا هعمل لك فضيحه في الدنيا كلها وهخلي اهلك هم اللي يتحايلوا عليا عشان اطلقك من غير شوشره وهتبريني من كل حاجه ورماني على الارض وقفل عليا الباب بالمفتاح وزعق للجيران اللي كانوا بيحاولوا ينجدوني من ايده ومشي
(بصت لابوها ودموعها نازله ) :
_ بنتك مش خاينه يا بابا انت ربيتني احسن تربيه وعارف انا على ايه كويس اوي والله ما كنت هخرب بيتي انا بس خفت على جوزي وقلت ابعد الست دي عنه ده ده كل اللي انا عملته والتليفون اهو في ايديه امسكوه كده وهيتلاقوا الشات اللي بيني وبين هبه ده وبقى له كذا يوم من اول ما جبت رقمها من على فيسبوك لحد انهاردة كل كلامنا موجود على التليفون افتحوا واتاكدوا بنفسكم ومش بس كده انا عندي سكرين شوت بكلام محمود مع هبه كنت دايما باخده قبل ما يمسحه كنت حاسه ان انا ممكن احتاجه والحمد لله يا رب انا فعلا احتجته عشان ابرء نفسي قدامكم من التهمه اللي هو بيتهمني بيها انا مش خاينه يا بابا اوعى تصدق على بنتك كده هو اللي ندل وواطي انا عايزه حقي عايزاه يعرف ان انا ورايا رجاله مش هيشوفوا اختهم بيحصل فيها كده وهيسكتوا
وانهارت في العياط مصطفى شد التليفون من ايد امير وفتحه واتاكد من كل كلمه منار قالتها كل ده وامير واقف باصص لها بصدمه مش مصدق مش مصدق اللي هي بتقوله مش مصدق ان هي متقنه اوي كده لدرجه انها شككيته هو في نفسه مش عارف هو ازاي كان عايش معاها ازاي ما كانش عارف انها ممثله اوي كده ازاي كان فاكر ان اقوى عيوبها انها شايفه نفسها شويه على اهله ازاي كان مخدوع فيها ما فقش من صدمته الا على صوت مصطفى اللي كان بيخبطوا في كتفه جامد وهو بيكلمه
مصطفي بغضب :
_ قلتلك تحت يا امير أن لو كنت بتكدب هتشوف ايام سودا … بقا انت يا واطي تمد ايديك علي اختي عشان كانت بتحافظ علي بيتها هه
محسن :
_ عايزاها تبيرك من كل حاجة … دا هوديك في ستين داهيه … مش انا كنت هرنك علقه دلوقتي هه بس لا والله ما تستاهل اوسخ ايدي وامدها عليك مصطفي هات اختك و بنتها ويلا علي القسم عشان نثبت حاله الضرب دي ونعمله محضر وبعدها نطلع علي محامي صحبك عشان نرفع عليه قضيه طلاق للضرر ونفقه ومؤخر بقا وتمكين الشقه عشان اختك حاضنه ونشوف لو في قضايا تانيه بتترفع نرفعها … ( بص لامير اللي منطقش بحرف ) انا هخليك تلف حوالين نفسك هخليك تشحت من اللي يسوي واللي ميسواش عشان تسدد بس في الديون اللي هتبقي عليك ومش بس كدة بنتك مش هتشوفها عايز تشوفها القانون قدامك روح ارفع قضيه رؤيه ولما يبقي يتحكم فيها نبقي نوريهالك .. وياسلام بقا لو ظبطنا تقرير الطبي أن علاج منار يحتاج علاج فوق ال ٢١ يوم هتبقي جنحة وان شاء الله يتحكم عليك بالحبس فيها … والله يا أمير لخليك تمشي تكلم نفسك في الشارع اصبر علينا … عشان تعرف انك متجوز ست الستات كلهم مش واحدة واطيه زي ال انت بتكلمهم
مصطفي :
_ معاك حق يا محسن حقنا هناخدة بالقانون وقدام الناس كلها يلا يا منار تعالي معايا يا حبيبتي علي مهلك يلا
قامت منار معاهم وبدات تجهز شنطه صغيره ليها هي وبنتها الماذون انسحب في هدوء من غير ما حد يحس بيه وبعد نص ساعه كانوا خلصوا ونزلوا من الشقه كل ده وامير واقف مكانه زي ما هو ما اتحركش لا رد عليهم ولا عمل اي حاجه مجرد حاله ذهول عنده خليته واقف مكانه ما يتحركش وشلت تفكيره تماما
عدى وقت هو مش عارف قد ايه لاقي نفسه مره واحده بيتخنق فضل ياخد نفسه بصوت عالي جدا ودموعه نازله طلع يجري على الحمام وفتح الدش على الميه الساقعه ونزل تحتيه وفضل يعيط
صوت عياطه وشقهاته كان مالي الشقه كلها بعد حوالي ربع ساعه خرج من تحت الميه وغير هدومه وقبل ما يمسك التليفون ويحاول يشوف هيتصل بمين ولا يعمل ايه اتفاجئ بجرس الباب بيضرب فتح لاقي قدامه ظابط ومعاه اثنين عساكر كان معاهم امر بالقبض عليه نزل معاهم وهو مستسلم تماما من غير اي مقاومه ما بقاش فارق معاه اي حاجه
❈-❈-❈
ياسين وصل فيلا هناء في وقت قياسي حوالي 10 دقائق نزل يجري وهو خايف وقلقان ومش عارف ايه المشكله اللي ممكن تكون عند هناء تخليها تبعت له فويس زي دي خبط جامد جدا وما فيش ثواني وفتح له محمود
ياسين بخوف :
_ في ايه يا محمود ؟ هناء كويسه والبنات ؟
محمود بحزن :
_ كويسين متقلقش ادخل بس تعالي
ياسين دخل وهو مش فاهم حاجه لاقي هناء قاعده وبتعيط جامد جدا وجنبها جلال حاطط ايديه على راسه وموطي راسه في الارض
ياسين وهو بيجري علي هناء :
_ هناء في ايه يا حبيبتي… حد يقولي في ايه حرام عليكم اعصابي مبقتش مستحملة القلق دا كله
جلال رفع رأسه وبص ل محمود :
_ اتكلم انت يا محمود انا مش هقدر والله
ياسين :
_ يتكلم يقول ايه ؟ ( بص ل محمود ) في ايه يا محمود ؟؟
محمود مكنش عارف يقولو ازاي بس قرر يحكي زي ما هناء قالتله بالظبط وبسرعه من غير ما يوقف وفعلا عمل كدة
طول ما كان بيتكلم كلهم عينيهم كانت علي ياسين …
مرعوبين من رد فعله موجوعين عليه وعلي اللي حصله …
خلص محمود كلام وساد الصمت دقائق لا ياسين نطق ولا حد فيهم كان قادر يتكلم بس بدؤ يقلقو عليه لما حسو أن الصمت طال خصوصا أن ياسين الدموع كانت محبوسه في عيونة ورافضه تنزل …
قامت هناء من مكانها وقربت منه وبمجرد ما لمستة وقبل ما تقول اي حاجة وقع ياسين علي الارض وبدء جسمه كله يتشنج جامد …
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية كيد النساء وقهر الرجال)