رواية كسرة القانون الفصل السابع 7 بقلم أودي الفرجاني

رواية كسرة القانون الفصل السابع 7 بقلم أودي الفرجاني

رواية كسرة القانون البارت السابع

رواية كسرة القانون الجزء السابع

رواية كسرة القانون الحلقة السابعة

هيثم ابصوت عالي: كنك سكتي اهاا أنحبك و أنحبك و أنحبك
آيات أنا متيم في حبك افهميها هذي أنا متيم في حاجه أسمها آيات بعد قلتيلي
نبي انوقف قيدي تعقدة و خفت معش أنشوفك و اكيده لاحظتي ردة فعلي
يوم يالي زلقت وقتلك يا قلبي تخايلي ان أنا كنت كل ليله انتمنى انقولها لكِ
و لما سألتك سؤال هل تؤمنِ بالحب من أول نظرة اتصدقي ان لما شفت
أعيونك السؤال طلع عفوي و بدون قصد ولما شفت الفرخ يالي يسمى
ولد عمك كيف ماسك يدك و ايهزب ركبني مية جن وبعد هضا كله
اتقوليلي شن لكي خص تي انتِ كلك ملكِ اعيونك ملكِ ضحكتك ملكِ كلماتك
ملكِ عصبيتك ملكِ جنونك ملكِ كل حاجه فيك ملكِ
آيات دمعو اعيونها من كلام هيثم
آيات ابصوت مخنوق : بس للأسف أنا مش ملكككك
هيثم ابــ صدمه: كيف
آيات ماسكه بكيتها: كيف ما سمعت أنا مش ملكككك
وسكرت آيات و نزلو ادموعها لأنها حتى هي كانت أتحب هيثم
اهاا اتحبه ما اتقولوليش كيف الحب ما يعرفش الوقت الحب
ايجي في لحظه بدون حتى ما اتوقع ولا تعرف نين فجأة تعرف
روحك انك طحت فالحب و ماحد سمى عليك
………..
عند هيثم
بعد سكرة آيات قعد مستك و مش امصدق يالي اسمعه يعني آيات
و حبها خلاص طارو من بين ايديه و طلع الدخان و قعد ايدخن
…………..
عند آيات
قعمزة و اقعدت تبكي علي خشت فريحه
فريحه: ويته قالك فهمي ….
و بعد شافت آيات
فريحه:هييييييي كنك تبكي
آيات تبكي
فريحه جتها تجري و قعمزة جنبها
فريحه ابخوف : ويته حبيبي كنك احكي وقسماً بالله جوفي رعش
آيات تبكي و تشهق من العبره: أنحبه و مش قادره اصلاً شن نبي
اندير كيف انقوللهم هو ايحبني و انا حتى أنحبه و مافيش حد عرف
كيف اندير
فريحه: ويته بشويه علي روحك واللهي ما فهمة حاجه من يالي
ايحبك و من يالي اتحبيه كنك اتلبزي فالكلام
آيات تبكي : هيثم
فريحه بستغراب : هيثم من ؟
آيات: من فترة …. وحكتلها كل القصه
فريحه ابصدمه : قصدك هو يالي شاهين قال عليه ال بابا
آيات: اهاا هو
فريحه: باهي انتِ متأكده انك اتحبيه
آيات: اهاا أنحبه يا أتو أنحبه لدرجة ما اتوقعيها بكل
لدرجة الموت انتِ اكيده مستغربه كيف حبيته في فترة اقصيرة
لكن فعلاً أنا حبيته من أول ما عيني جت في عينه حبيته من أول
نظرة من أعيونه
فريحه ابتسمت: وجا اليوم يالي سمعت في أيوته حبت
آيات ابتسمت و اسكتت
و اقعدت فريحه اتهدي فيها و قالتلها ان لو هيثم فيه نصيب
ح يقعد الها لو الدنيا كلها عارضتها
…..
مشى الوقت
فــ اليل ع ساعه 2 الا ربع
كانت آيات فــ الدار تقرى بس ما كان عندها نيه فــ القرايه صبت وعدت للمطبخ
دارت قهوه وخذت شيتاتها و اطلعت برا الجنان و قعمزة ع كرسي و بالها
مشى عند هيثم و قلبها نغزها و اقعدت اتفكر فيه وبعد تفكير قررت اترن عليه
أمسكت الفون و جت تبي اترن لكن قلبها منعها
آيات: لا آيات ما اتعلقيش قلبك بأنسان مستحيل ايكون لكِ انتِ لي ولد عمك
و ولد عمك لكِ
لالالا هذا مش تفكيرك يا آيات انتِ طول عمرك ما اقتنعتي ب قانون
عيلتك و طول عمرك اتقولي انك في يوم ح تكسريه
آآآآآآآآآآآه ياربي واللهي قاعده بين نارين
وهي اتفكر و بالها مشغول فونها جاته رساله آيات بحتتله لقاته
رساله من هيثم حست قلبها رف و خضاته وفتحتها طول
محتوى الرساله …
هيثم( عارف روحي مرات انثقل عليك و مرات كلامي ايضايقك بس نبيك
تفهميني أنا عمري ما حركة قلبي بنت ولا عمره فكرة في حب ولا زواج
لكن بعد شفتك تغيرت كل حاجه تغيرت نظرتي للحياة تغير تفكيري
في حاجات وااااااااجد حبيتك من أول منظره حبيتك من كلامك بذات لما اتقولي
نجك ليا حبيتك من حركاتك العفويه خصوصاً لما اتكشخي حبيتك من عصبيتك
حبيتك من طولة اللسانك و احلى حاجه فيك و يالي انموت فيها غمزاتك لما تبتسمي
لمعة اعيونك لما اتحشمي و احمرار اخدودك و أجمل هيئة شفتك بيها
و انتِ تبكي و ادموعك و ملامحك البريئه آيات أنحبك و ربي الكون أنحبك
انتمنى منك حاجه وحده لو أتحبيني قوليلي و لو ما اتحبنيش برضو قوليلي
لأن وربي معش نقدر انتحمل انشوفك بعيده عليا نبيك امعايا و جنبي ديماً
نقرو مع بعضنا و انتخرجو مع بعضنا و نزوجو و تقعدي حلالي
و انشالله أم اعيالي ومش طالب من ربي حاجه خطيك انتِ
أنحبك)
آيات تقرى و اعيونها سييييييل علي اخدودها و مش امصدقه
يالي تقرى فيه لأنها ما عمرها تخيلت أنها ح اتحب و تنحب
و بدون تفكير زرت ع خضره و رنت عليه
……
عند هيثم
كان حاط رآسه ع مخده و غارق في تفكيره
علي رنة فونه رن نط من ميكانه و لما لقاها آيات رد عليها
هيثم: الو
آيات ابصوت يرعش: ايوا
و اقعدو سكتين خمس دقايق
هيثم: مزلتي ما تبيش تحكي
آيات ساكته
هيثم: واللهي ما نكذب عليك في ولا حرف انا فعلاً أنحبك
و رايدك ليا اليوم قبل بكره و مانبيش حد غيري ياخذك منِ
ياسيدي بيش اتأكدي انِ ما نكذبش أنا مستعد انجي نخطبك معني
ما عمري حطيت في بالي نخطب و لا نزوج قبل ما ناخذ الشهاده
لكن عشان خاطر حبي لكِ مستعد نكسر كل قوانيني
آيات استجمعت قوتها: حتى أنا أنحبك
هيثم من صدمته معش عرف يحكي
آيات: وحتى أنا انتمنى انكون امعاك و مش مع غيرك و متمنيه
انكون جنبك لكن انسان حنون و طيب و حبك ليا ايكفيني صح انت عصبي
لكن حتى عصبيتك انموت فيها لأن الأنسان بعد ايحب شخص ايحبه
ابكل اعيوبه و مميزاته بس
هيثم كان فرحان ابكلام آيات بس بعد قالت بس خربت كل حاجه
هيثم: بس شنو
آيات: يالي نب انقوله لكِ ان عيلتي الها قانون …….
هيثم ابصدمه: قصدك ولد عمك حاجرك
آيات ابحزن: اهاا
هيثم ابقلق: باهي شن الحل أنتِ تبيني و أنا نبيك كيف انديرو
آيات: مش عارفه
هيثم: بس أنا ح انجي نطلبك
آيات ابصدمه: كيف تبي تخطبني و قتلك ولد عمي امحجرني
هيثم: ايصير ان نطلبك بس مش من باتك
آيات: املا مِنْ مَنْ
هيثم: من ولدعمك
آيات: بس في قولك شاهين ح ايوافق
هيثم ابعصبيه : غصباً عنه ايوافق آيات افهمي انتِ ملكِ مش
ملك حد غيري الجمله هذي خليها في بالك
آيات ابتسمة : تمام و أنا ملككككككك يا روحي
هيثم: شن شن شن عاودي يا من
آيات ابخجل : يا روحي
هيثم: واللهي انتِ يالي روحي
وقعدو آيات و هيثم يحكو و عطاته آيات رقم باتها عشان ايكلمه
و اقعدو ايهدرزو للفجر و كل واحد فيهم صلى و ردو يحكو اخرى
لأن مافيش حد ح يحضر محاضرات بكره لأن هيثم يبي ايجي يطلب
آيات من هلها
…..
صباح يوم جديد
تحديداً الساعه 12 م
فريحه اتهز في آيات: آيات آيات نوضي عطك ادعوه وقت محاضرتك فات
آيات ابصوت دوبه طالع : فوتيني مانبيش نمشي
فريحه: تي نوضي برا عمي ابراهيم و جدي و شاهين قاعدين مع بابا
آيات نطت من نومها و قعمزة
آيات ابصدمه : عليش قاعدين
فريحه: مش عارفه بس حس بابا ايقول ايجي ما ايجي
آيات اطلعت تجري ولقت فهمي يحكي مع سهام اقعدت تسمع
سهام: باهي ماعرفتوش كنه
فهمي: لالا كل يالي فهمته ان قال ال باتي جيب كبير العيله و ولد خوك شاهين
سهام: باهي امتى جاي
فهمي: بعدين العشيه
سهام: يسترالله و خلاص
وطلع فهمي و سهام خشت للمطبخ
آيات طول اعرفت ان هيثم كلم باتها و ردت للدار
وخذت فونها و اقعدت اترن عليه
فريحه: كنك فهمتي حاجه
آيات ماتبيش اترد
فريحه: اوي نحكي امعاك
آيات: ايوا صباح الورد
هيثم: باحؤؤؤؤ الثكر يا عثل
آيات تضحك : نجك ليا
هيثم: نا حليا و خلاص
آيات: انت كلمة بابا
هيثم: اهاا كيف عرفتي
آيات: اصلاً …..
فريحه كانت امتنحه في آيات و ماعرفتش مع من تحكي
هيثم: بإذن الله اليوم ح انتم الموضوع
آيات: انشالله ياربي
هيثم: انتِ واثقه فيا
آيات: اكيييييييييده
هيثم: خلاص معناها خلي ثقتك فيا كبيره
آيات: ان شاء الله
هيثم: خلاص توا نبي انسكر و بعدين ايصير خير
آيات: بيباي
هيثم: أنحبك
آيات ابخجل : ميرسي
هيثم يضحك : اكيده اخدودك انحمرو صااااح
آيات تضحك
هيثم: نا حليا هيا سلام
آيات: سلام
وسكرو
فريحه
آيات: كنك
فريحه: من هذا و عليش كلم بابا
آيات ابتسمت : هيثم أمس …..
فريحه: هيييييييييي
آيات: كنك
فريحه: و انشالله اليوم يبي ايجي يطلبك من شاهين
آيات: اهاا
فريحه: بس يا آيات انتِ عارفه قانون العيله
واستحاله تاخذي حد برا العيله
آيات: خرفي ع قانون يالي قطعتونه بيه
فريحه: و قسماً بالله يتسر الله من الحاجات يالي اديري فيهن
آيات صبت: خلاص هو ح ايجي يطلبني و انتهى
فريحه: بس بابا و جدي مستحيل ايوافقو
آيات: قولي خير
فريحه: انشالله خير انتِ اختي و انا انتمنالك كل الخير
آيات اطلعت و سيبت فريحه
فريحه: يستر الله ربي يستر و خلاص
………..
فــ العشيه ع ساعه 5 ونص
كان خليفه و اعياله و مسعود و ابراهيم و شاهين قاعدين
فــ المربوعه و يرجو في هيثم
…
تعالو انقوللكم هيثم كيف كلم خليفه
عند هيثم جاته رساله من آيات لقاه رقم خليفه
سجله و ثاني يوم فــ صبح أول ما وعى رن عليه طول
خليفه: ايوا السلام عليكم
هيثم: وعليكم السلام كيف حالك يا عمي
خليفه: الحمدالله
هيثم: عمي خليفه صاح
خليفه: اها تفضل من امعايا
هيثم: أنا أسمي هيثم افلان
خليفه: مرحبتين بيك تفضل
هيثم: لو في فرصه نبي انجيك فالحوش ع سبه موضوع
خليفه استغرب: باهي تمام
هيثم: إذا ممكن اتخلي كبير العيله ايجي و شاهين ولد خوك ايجي
خليفه: باهي تمام بس ممكن نعرف السبب و شن في
هيثم: ع فون ما ايصير شي خليها بعد انجيك تو نحكيلك
خليفه: تمام اوكي
هيثم: اوكي
……
انردو عند آيات
الباب ايدق
صبى مراد فتح و لقاه هيثم
(طبعاً اكيده اتقولو كيف عرف الحوش هو خذى العنوان من نسرين)
مراد سلم عليه: خش تفضل
وخش هيثم و آيات و فريحه كانن فــ الجنان الخلفي
و شافنه بعد خش
آيات أعيونها أقلوب
فريحه ابصدمه : قصدك هذا هيثم
آيات: اهاا هو هذا
فريحه: نا عليا عليك شخصيه جنتللللل
آيات اقعدت تضحك
…………
عند الرجاله فـــ المربوعه
مسعود: مرحبا يا اولدي
هيثم: مرحبتين يا عمي
شاهين من أول ما خش هيثم و هو امشبه عليه لكن ما عرفش وين شايفه
خليفه: تفضل يا شاب كنك انشالله خير
هيثم: الحق أنا طالب جامعي مش من هنا أنا من مدينة القبه(محافظة درنه)
وجاي هنا نقرى في سكن الطلاب و هلي مش هنا أنا الحق اول ما شفت بنتكم
آيات و شفت تربيتها و اخلاقها العاليه يالي كل الجامعه تشهد بيها حبيت نقعد نسيب
ناس طيبه يالي ربة هكِ تربيه
شاهين رقاله من كلام هيثم و أول ما هيثم حكى علي آيات طول أذكر يوم يالي جا
فالجامعه و هيثم سأله شن يبي من آيات و اذكره
خليفه جا يبي يحكي قاطعه مسعود
مسعود: للأسف مالكش عندنا نصيب البنت امحجرها ولد عمها
هيثم: عارف موضوع التحجير و عارف قانون عيلتكم
شاهين: دبينك عارف عليش جاي
هيثم: انا جاي نطلب في يدها منك
كلهم في حالة صدمةة
مسعود: كيف الكلام هذا
هيثم: انا جاي نطلب فيها من ولد عمها يالي حاجرها و هو من حقه يعطيها ليا
خليفه: دبينك عارف قانون العيله و ان نحن ما نعطوش البراني كيف جاي تطلب فيها
هيثم: هذين قوانين زمان قوانين التخلف مفروض انتو اتغيروهن مش تمشو ف تخلف زمان
مسعود ابعصبيه : صبي اطلع برا و نحن ما عندناش بنات للزييزه
شاهين راقيله: تي انتو عارفينه هذا من هذا يالي حكيتلكم عليه يوم يالي جيتها فالجامعه
وقعد ايدافع عليها
مراد ابعصبيه : هو انت يا ولد ال….
هيثم ابصوت عالي: لم روحك و لم الفاظك يا باشا خير ما ايجيك كف ايخربلك خريطة
فسختك و الكلام و انتهى
هيثم ابــ عصبيه: أنا أنحب البنت و نبيها كيف ما تعطوهاش ليا
شاهين : أتحب عين أمك ي تافه و البنت مانيش طالقها
هيثم : كيف مانكش طالقها
…………..
عند البنات
كانن فالمطبخ علي اعصابهن و لما اسمعاً الصوت عالي
اعرفاً انهم ديرين عركه
آيات: هيييي حي عليا حي
فريحه: هييييي صوت عركه حي علي أمك يا آيات شكلهم اعرفو
بالقصة الحب يالي بينكم
آيات ابخوف : عليك بخت بختي حتى بعد حبيت انكشفت من أول يوم
فريحه: يستر الله
….
عند الرجاله
شاهين أبعصبيه : أنا البنت مانيش طالقها و انتهى
هيثم ابعصبيه : مش علي كيف جدك هي تطلقها تطلقها
شاهين : وانت من عشان اتقولي اطلقها
هيثم : من لاخير أنا أنحبها و رايدها ومش ح ياخذها غيري
مسعود ابصوت عالي: شن الكلام يالي انت اتقول فيه
هيثم : كيف ما سمعت يا عمي آيات مستحيل ياخذها غيري
مراد ضغط علي أسنونه : سكر فمك ي تافه
وقدم شوره يبي يضربه جا بيناتهم إبراهيم
إبراهيم: مراد تعوذ من الشيطان
هيثم: هي كلمه و مزلت انقول فيها آيات أنحبها
ومافيش غيري ياخذها
مراد : مزال ايقول فيها ولد الكلب
وقدم عليه و اقعدو ايتعاركو و إبراهيم ايحز
بيناتهم
خليفه أبصوت عااااالي: خلااااااااااااااااص
أسكت انت وياه
مسعود : هيثم اطلع برا
هيثم: تم لزوني لكن خلي الكلمه هذي في بالكم
آيات مش ح ياخذها غيري وكان ايقول فيها بالكلمه
وهب مسعود يعطي هيثم كف
هيثم ما بش يحكي احترماً لأن مسعود راجل كبير
وطلع هيثم و الدنيا جوا شالت
شاهين ابعصبيه: ريتها بنت الكلب خلاته ايجيها ويطلبها منِ
ابراهيم ابصوت عالي: شاهيييييييين هذي بنت عمك و الكلب يالي تحكي عليه عمك
مسعود وهو غمتله: خليفه خش جيبها التافها بنتك
خليفه خش ع بنات فالمطبخ و مسك آيات من يدها من فوق بالقوه وطلع بيها للمربوعه
مسعود قدم شورها : شن لكِ علاقه بيه التافه هذا
آيات ساكته
شاهين قدم عليها : احكي يا حقيرة
آيات قدمت عليه ابعصبيه: واللهي ما حقير إلا أنت
شاهين في حالة صدمة
خليفه اضغطة علي اسنونها : آياااااااااااات
مسعود : احكي الحقير هذا شن تعرفيه
آيات في لحظة اذكرت كيف امنعو فريحه من حب حياتها مروان
و كيف خلو هند تنخطب بدون ما ياخذو رايها و خافت ان ايصير
امعاها كيف البنات لكن هي غير هي محد يقدر يغصبها علي شيء
و استجمعت قوتها و ابكل ثقه
آيات: أنا و هيثم انحبو بعضنا و مافيش حد يقدر ايفرقنا علي بعضنا
و يا هو يا لا
سهام و فريحه كانن امصبيات عند باب المربوعه
سهام و فريحه انصدماً من كلام آيات و اقعداً يندباً ع صامت
خليفه معش شاف الضي قدامه و قدم علي آيات
و كرها من شعرها و نزل فيها ضرب و بعدها استلمها مراد
و حتى هو قتلها من الضرب و أخرى جاحه جاها كف من مسعود
مسعود : هذي معش تمشي للجامعه و بكره نقرو فتحتها علي شاهين
و ياخذها و تنتهي كل القصه
آيات كانت تبكي وبعد أسمعت كلام جدها صبت
آيات ابصوت عالي: تقرو عينكم انا مانيش واخذه غير هيثم
و لو تنطبق السماء ع وطى ماني واخذه غيره
مسعود غمز لي شاهين
شاهين قدم عليها و مسكها من شعرها وطلع ايكر فيها
لعند الدار و سهام و فريحه ايتعايطاً
شاهين ابـ عصبيه : خليك هنا يا تافها
آيات بحتت فيه: اتفوووووو (حشاكم)
شاهين طلع وسيبها وسكر عليها باب الدار بالمفتاح
آيات طاحت ع الأرض و اقعدت تبكييي
…………
عند هيثم
كان راقيله و ايرن علي آيات مقفل و كان خايف ايكون
درولها حاجه وقعد ايرن بس لا حياة لمن تنادي
…………..
مشى الوقت
فــ اليل ع ساعه ٧
كانت آيات ميته من البكاء و خطر عليها تحكي مع هيثم لأنها
خافت ايجو ياخذو منها الفون و صبت جابت الفون لقت هيثم
ران عليها عرمممممم مرات طول عاودت رنة عليه
…………..
عند هيثم
كان فالكفي و راقيله للألف رن فونه لقاها
آيات رد طول
هيثم ابـ خوف : ايوا آيات
آيات تبكي: حبيبي
هيثم: نعم ي عيون حبيبك و يا روحه انتِ شن صار
عندك حبيبي
آيات تبكي : قالولي جامعه معش في و بكره يبو يقرو فاتحتي علي شاهين
هيثم ابــ صدمه : لالالا هذا يالي ماحسبت احسابه تؤ عليك قصه
آيات : كيف الحل أنا مش متخيله انكون مع غيرك
هيثم سكت بعدها
هيثم: واثقه فيا
آيات: أكثر من روحي
هيثم: مستعده اديري يالي انقولك عليه عشان حبنا
آيات: لو الموت يجمعنا مستعده أنموت
هيثم: تهربي امعايا
آيات فتحت أعيونها عشرة عشرة
هيثم: نهرب انا وياك و نردو لي مدينتي و نزوجو غادي
آيات: بس هلي
هيثم: هلك سيورهم يرضو اهم حاجه توا نلقو حل
عشان ما نخسروش بعضنا
آيات: تمام انا اموافقه
هيثم: اليوم اتلمي ادبشك و جيبي امعاك جواز السفر
و كتيب العيله و البطاقه المدنيه و اليوم ع فجر انكون
عند حوشكم انرن عليك اطلعي
آيات: باهي تمام
هيثم: هيا سلام
آيات سلام
و سكرو هما الأثنين
….
عند هيثم
رد للسكن و لم أدبشه كله و أوراقه و شيتاته
و ياما رافع سأله كنك بس هيثم مابش ايرد و لم ادبشه
و كل حاجه و طلع أجر سيارة عشان اتشيلهم للقبه
…..
أما عند آيات
قالتلهم انها تبي الحمام (حشاكم) طلعوها
عدت بدون ما واحد يفطنلها خذت الأوراق والحاجات
يالي قاللها عليهن هيثم و خشت بيهن للدار وحطتهن في شنطه
اصغيره و احطت أشوية دبش و مستلزمات بسيطه و دست الشنطه
و اقعدت اتفكر كيف ح تطلع وبعد تطلع من الحوش كيف ح اتكون حياتها
…..
فاليل ع ساعه ١٢ ونص
خشت عليها فريحه و قعمزة امعاها و اقعدت اتهدي فيها و تحكي امعاها
فريحه: خلاص انسي هيثم كيف ما انسيت أنا و ابدي حياة جديده مع شاهين
آيات: نبي انقولك حاجه بس نبيك توعديني انك مش ح تغدري بيا
فريحه: هيييي معقوله أنا نغدر بيك
آيات: أنا اليوم……
فريحه ابــ صدمه: نعممممممممممممم
آيات : خلاص قررت مش ح انتخلى علي حبي و انصلح غلط
العيله المتخلفه هذي
فريحه: بس انتِ ح اتصلحي الغلط ب غلط ثاني
آيات: أنا خضيت قراري و انتهى
و اقعدت فريحه تبكي و تضبط في آيات و ياما حكت و حاولة تقنعها
ان يالي ادير فيه غلط لكن آيات كانت واخذه قرارها و ناهيه كل حاجه
……
الساعه ٤ الفجر
كانت آيات تستنى في هيثم ايرن وبعد أشويه
دارها رنه و سكر صبت آيات و اضبطة فريحه
و اقعدت تبكي تبكي تبكي نين خلاص و ودعاً بعضهن
و اطلعت آيات بشويش بكل وحطت فونها فم الباب
وبحتت في حوشهم و ادموعها شلاااااااال
وجت تبي تطلع
سمعت صوت وراها
:…………..آيااااااااااااااات
آيات من الخوف اقعدت تبرم بشويييييييش ولقت

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية كسرة القانون)