رواية غيبوبة القدر الفصل الثامن 8 بقلم رويدا القاضي

رواية غيبوبة القدر الفصل الثامن 8 بقلم رويدا القاضي

رواية غيبوبة القدر البارت الثامن

رواية غيبوبة القدر الجزء الثامن

رواية غيبوبة القدر الحلقة الثامنة

منى: خليني يما مانبيش نروح هذا مكاني مستكثرين عليا شوف خياله في الحوش😭 حسوا بيا كبدي تقطعت.
أمينة: انا للي تقطعت عليك لمن قعدا قوليلي بس كان
للي كان شداك هنيا مات 💔.
خيرية: هوا مات لكن انا حية خليا ترمي عدتها معايا
وبعدين لو طلعت مش حامل تروح.
أمينة: انا وانتي نعرفوا انها مش حامل فعلاش تخلي الكلام يوصل بوها والناس تهزا علينا.
مها : معليشي خليها ياماما حتى تبرد نارها شوية وهيا توا عقلها فيها مستحيل ادير حاجة غلط 🥺 .
خولة: مش عارفة نصبر روحي ولا نصبر صاحبتي أصلا عزايا واعزها واحد .
أمينة: روحت ومش عارفة كيف نتصرف بين بنتي للي بتهبل ع راجلها وبين ولدي للي مش مفهوم وضعه شن 💔.
علي: وين بنتك علاش مش معاك راك تقولي خليتها غادي.
امينة: اسمع للي فيا سادني مدامك عارفها قعدا عندهم
علاش تسأل 😏.
علي: من وين لا وين بنلقاها خشي كنتك من بكري تبكي وقابلة الدنيا .
مها:😱 انسيناها هيا وامها توا تقول خلوني وامشو لبنتهم.
امينة: ماهو هذا كله اديره اختك لو روحت معانا 😡
راهو مش مجبورة نطلع من حوشنا ونخلي كنتي بروحها.
حواء: طيب فيك للي جيتي كان مش ع خاطر بنتي راني روحت ولدك بين الحياة والموت وانت مسيبة حوشك 😏 عليك عار وخلاص.

امينة: اسمعي انا مش متحملة روحي اهو قولتيها اسمه ولدي يعني مستحيل حد يحسه اكثر مني.
مها: اهدو معليشي ياعمتي حواء حقك علينا لكن امي مشت مجبورة ع خاطر منى .
حواء: بناتها وخلتها غادي يعني كل يوم رح تمشيلها وتقول مجبورة 🤨 مش رأي اهو.
سارة: انا مانبي حد يقعد معاي مش محتاجة حد ماما تبي تروحي تقدري تروحي 🥺 هذا الوضع مش معروف
كم يستمر وللي يبي يروح يروح .
حواء: رجلي ع رجلك مستحيل نخليك لمن بنخليك للي يطلعوا ويخلوا فيك بروحك.
أمينة: اطلعي من حوشي وهاذي بالشرع مرت ولدي تبي تقعدي انت زي بنتي 🥺 تبي تروحي مع امك رأيك ونحترمه.
سارة: امي عيونها معاي تستنى في كلمة نبي نروح معاك.
حواء:😎 مسكينة أكيد بنتي بتختار أمها شئ طبيعي.
مها: تكلمي ياسارة وحلي القصة اهيا.
سارة: اسفة ياماما مستحيل نروح لين يرجعلي راجلي مانبيش أنس يفيق ويلقاني مش معاه.
حواء:😡 جابت فيك الرباية انسى انه عندك أم بكل وتوا ينفعك راجلك.
أمينة: اكيد ينفعها.
سارة: مانبيش نكسر قلبها ومانبيش نخسر راجلي احيانا
القدر يعطيك درس كبير بذون ماتكون عندك فكرة .
” معقولة هاذي نهاية صبري معاه علاش الظلم هذا كله
شن ذنبي وذنبه “

مها: كل يوم نفس الروتين ماشيين جايين ع المستشفى وبلا فايدة الدكتور قال لو عنده عمر ايعيش كان هذا الأعمار بيد الله .
منى: اليوم صدام سكر شهر وهو بعيد عليا 🥺 كنت مانبيش ايخليني 20 يوم توا بيخليني العمر كله .
خيرية: ياسرك قطعتيلي قلبي يامنى كل مانقول خلى
نصبر وننسى شوية ترجعي انت ذكريني.
خولة: خليها هوا احنا نقدرو ننسوه اصلا حقها يما .
خيرية: اسكتو صوت الباب يخبط ابصر من جاينا توا .
منى: حتى أمي كيف روحت من بيجينا .
خولة: خليكم خلي نمشي انا نفتح الباب .
خيرية: باهي نوضي شن تستنى .
حاتم: اهلين كيف حالك اليوم ان شاء الله بخير.
خولة: الحمدلله تفضل .
حاتم: بالله ضبحيلي ع الوالدة لو سمحتي .
خولة: حاضر شويه واتجيك .
خيرية: 🥺 كانه ريحة ولدي فيه كان خاطري نطلع نلقى انس واقف معاه ويقولي وين العشاء ياحاجة ولا شن مع تبي تطيبلي .
حاتم: صدمني شكل عمتي خيرية كيف ولت كيف حالك ياعمتي .
خيرية: حال للي كبده مسحونة بالله بنسألك ياحاتم ياولدى.
حاتم: تفضلي ياعمتي .
خيرية: مازال تزور في صاحبك ولا نسيته 💔 ماتغيبش
عليه صدام مش متعود يقعد بروحه .
حاتم: 😭 بذون مانحس دموعي نزلوا انا كل جمعة معاه وباقي الأيام مع أنس .
خيرية: ربي يرجعه سالم خسارتين تكسر .

حاتم: انا اليوم بعت الرأس متع صدام وأنس 🥺 واهما فلوسه .
خيرية: هذوما ياحاتم أمانة في رقبتك تحطهم في جامع خلي يكونوا صدقة عليه تنور قبره.
حاتم: ان شاء الله معليشي ياعمتي نبي انجيك كل يومين في الأسبوع نجيبلك للي ناقصك ومتحشم نخاف نضايقكم .
خيرية: جيتك عندي بالدنيا نحس كأنه صدام قدامي ماماتش .
حاتم: الله يرحمه ويغفرله يارب.
مهيب: وين غيابك هذا كله نعرف عندك ظرف ومقدرك
لكن مش حل لما تهربي وتواجهي المشاكل بروحك.
مها: مشاكل شن مافيش مشاكل خيرك حبيبي.
مهيب: نستنى فيك امتا تحكيلي ع موضوع محمد لما جاك كيف يتعدا عليك وانا أخر من يعلم شن موقعي من الإعراب.
مها:🥴 أكيد أمل حكتلك كل شئ مستحيل تنبل في فمها الفولة ضروري ماتحكي .
مهيب: صار لو ماحكتليش أمل انت مستحيل تحكيلي .
مها: انا نعرف نتصرف معاه راك تكلمه غدوا ماشية للمحكمة وعندي الدليل للي ينهي قضيتك كلها.
مهيب: في ستين ألف داهية القضية المهم توا عندي انت .
مها: والله حتى انت تهمني وانا لما سكتت ع خاطرك بس .
مهيب: معاش تتصرفي من رأسك انا نغار ونموت مجرد مانفكر انه حطه يده عليك .
خالد: هاذي الورشة متع أنس 🙂 خلي نخش نديرله مفاجأة أكيد مش رح يتوقع رجعتي لكن صحة ليه كبر مشروعه ومن ورشة ولت مركز .
حاتم: مقعمز نجمع في الحسابات لين شفت خالد خاش تغير الله الله جيت نجري حضنته .
خالد:🤣😆 خيرك ياراجل راني مش راجع من الموت
فكنا من الدراما .

حاتم: ليك وحشة ياعافن اخيه ع الوقت بلاكم .
خالد: وين المضروب ع رأسه أنس ولا قاعد راقد في الحوش مع مرته 🥴.
حاتم: تعالى قعمز توا نحكيلك .
خالد: شن جو نسيبه شن كان هوا اسمه.
حاتم: أنس هوا راقد كيف ماقلت لكن مش في حوشه ياخالد .
خالد: وين بالك سافر عاد سلطان وعلاش لا حتى الهاتف مقفل.
حاتم: أنس في غيبوبة صارله حادث ونسيبه للي تحكي عليه توفى .
خالد: اه اسمع فكنا منها المقالب متعك اهيا من قبل تعرفني نكرها الناس تكبر وتعقل وانت تكبر وتهبل.
حاتم: وربي للي سمعته مافيه كلمة كذب وكله حق .
خالد:🥺😱 علاش الباهي في الدنيا ماعنداش نصيب لالا انا بنمشي لعمي علي نتأكد اكيد في حاجة غلط انت تكذب.
حاتم: لما شفته مش متقبل القصة ومصدوم خليته طلع يجري من جنبي مش عارف شن صاير.
خالد: لالا. توا اول مانوصل عندهم في الحوش يطلعلي خزي معقولة هكي يستقبلوني بالرعايش .
” كأنه حوشهم فيه شئ ناقص احيانا حتى المباني تعكس مشاعر اصحابها”
وين سيارته للي كان يسكر بيها في الشارع وتبدأ الناس تعيط اطلع حول السيارة .
وقفت نخبط ع الباب نستنى من ايجئ يفتحلي مستحيل يخلي امه ولا خواته يفتحو.
علي: اهلين ولدي خالد كيف حالك كيف حال صحتك ان شاء الله بخير.
خالد: بوجه مخلوع لالا. مش بخير ضبحلي ع أنس نبيه .
علي:🥺 نحساب حاتم بلغك أنس ربي يلطف بيه في غيبوبة .
خالد: شن معقولة ياعمي علي متفاهم معاهم حتى انت .

علي: كلنا مانبوش نصدقوا لكن كل يوم نفيق نقول توا بيجئ بيقولي ماتمشيش للفرن انا نجيب الخبزة لكن نستنى نستنى وماايجيش.
خالد: قداش الدنيا الصغيرة كنت نستنى امتا نروح ونقوله انا وليت رجعت .
منى: خولة نبي نمشي لحوشي شوية وانجيكم .
خولة: علاش خلي نمشي معاك .
منى: مافيش داعي مش مطولة.
طلعت من جنبها ومشيت الحوش مظلم ولعت الضئ وخشيت لدراي كله قاعد زي ماهو الغبرة في كل مكان
من يوم توفى صدام معاش خشيته .
” قعمزت نذكر في كل شئ يوم للي فيقته باش يمشي للموعد ويشري الرأس”
فيق هيا مش عندك موعد مع أنس أكيد يستنى فيك
هيا .
🥺: حرام عليك خليني نرقد شوية توا نفيق.
لالا. توا النوم لو يشبع راهو شبع القطاطيس ياريتني
خليته يرقد ياريتنى قتله ماتشريشي .
فتحت الدولاب طلعت بدلة العرس مشيت ع الكومدينوا
هذا عطره حطيت منه ع البدله حضنتها نشم في ريحتها ياريتني مازعلته أخر ليلة قبل مايطلع ياريتني
ماصديته امشي وعيونه فيها لوم عليا 😭.
كل يوم يفوت ونحس انه العدة بتكمل نحس انه عمري نقص ياربي ريحني وهون عليا وجع قلبي هذا كله .

خيرية: وين منى ياخولة.
خولة: مشت لحوشها شويه وجاية هبلتي انتى كيف تخليها تمشي بروحها.
منى: نسمع في صوت في المطبخ مشيت نجري هذا صدام لقيته فاضي نحس فيه معاي مشتاقة حتى نشوفه في حلمي .
خيرية: تعالى لا ادير حاجة في روحها هاذي امانه عندنا
طلعت نجري .
خولة: باب الحوش مفتوح صوتها تتكلم خشينا لقينها 😱 تربط في حبل في روشن المطبخ .
خيرية: تبي تقتليني يامنى مش سادني صدام لو الموت اريح راني اول وحدة قتلت روحي.
منى: انا كل يوم نموت نبي نمشيله نبي نكون معاه مازال ماشبعتش من شوفته ملامح وجهه مانبيش ننساها مع الوقت .
خولة: ادعيله بدل ماتعذبي فيه يامنى نعرفوا انك تحبيه لكن هذا أجله وهاذي ساعته.

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية غيبوبة القدر)