رواية ألمي الفصل الثامن 8 بقلم السمراء

رواية ألمي الفصل الثامن 8 بقلم السمراء

رواية ألمي البارت الثامن

رواية ألمي الجزء الثامن

رواية ألمي الحلقة الثامنة

رن رن…
– أوف نبي نرقد فتحت عيوني على اساس نبي نقفل المنبه بس شفت غرفة مش غرفتي نطيت من الصالون وتذكرت اني متزوجه توا ضحكت وطفيت المنبه شفت صقر مشش قاعد في مكانه استغربت…
– صقر.. صقر … مع طلعت صقر من الحمام « اكرمكم الله» .
صقر : نعم
– استغربت ملقيتكش في الفراش بس.. كيف امتى وعيت؟
صقر: أصلا مرقدتش.
– ليش!
صقر: مش عارف المهم طلعيلي شويت ملابس عشان الموعد عند الدكتور.
– هيا وانت رن على ميرا تجيبلك فطور عشان الدواء
صقر: تمام
مع طقت الباب..
صقر : تفضل
صفاء: صباح الخير ل اجمل عرسان
– حبيبتي صباح النور.
صقر: صفصف صباح الخير
صفاء : المهم قتلك عندك فستان والله نجيبلك من عندي.
نا وصقر في نفس الوقت: ليش
صفاء بضحكه: هههههههههه كنكم.. بعدين كيف مش عارف يا صقر.
صقر : شنو

صفاء : اسمعي يا حنه عندنا ضروري ما العروس تلبس بدله عربيه وكذا وتنزل تحت عشان يشوفهن أقربائه وهك فا ماما خلتني ان نجيك ونقولك لو عندك فستان لو معندكش نعطيك من عندي.
– ضروري القصه هذي.
صفاء: اها ضروري.
– بحتت في صقر.. شن رأيك
صقر: أمشي انا أصلا يمكن انتاخر شوي عند الدكتور.
– خلاص بعد تروح رن عليا….
صقر : ان شاء الله
– اوعدني.
صقر : بشنو!
– إنك بعد اتروح ترن عليا.
صقر بضحكه: لا حول ولاقوة الابالله العلي العظيم خلاص وعد.
صفاء: ههههههههههه
صقر: هيا امين برا نبي نطلع.
– هيا لحظه… جبتله الجاكيت ولبسته وبخيت له عطر.
صقر : تبي شيء
– سلامتك… طلع صقر وسيبني مع صفاء.
صفاء: غريبه صقر خذا عليك
– في عقلي تي هذا جنني… ضحكت مجامله.
صفاء : ها يا جميله عندك فستان.
– تعالي نوريك… عندي يا حنه الفستان هذا وعندي هذا وعندي دراعة مغريبه شن رايك
صفاء: ماشاء الله ذوقك خيالللل
-حبيبتي من ذوقكك… المهم شن رأيك

صفاء : والله كلهن جميلات.. بس شن رايك تلبسي مغربي حتى فكره جديده.
– وانا نقول هك..
صفاء: اندزلك على كوافيره؟
– حبيبتي لالا نعرف راح نبهرك هههه
صفاء : خلاص تمام خلينا نفطرو بس
– تمام…… فطرنا نا وصفاء وخذيت دوش سريع وصليت وبديت في شعري.
صفاء : ماشاء الله شعرك عند من صبغته
– لا طبيعي شعري
صفاء بشهقه: اتبصري
– ههههه والله ورثته من ماما
صفاء: لا انتِ هك راح تغطي عليهن كلهن
– استغربت.. قصدك من
صفاء بضحكه خبيثه: صبايا خوتي
– هههههههههههه مش لدرجه هذي.. اها صاح زوجت صادق حسيته مش حبتني سلمت عليا بطريقه غريبه
صفاء: هذي عندك تكون اخت خطيبت صقر…..
________________________
صفاء: تكون اخت خطيبت صقر.
-اها… احكيلي شوي على عيلتكم.
صفاء: يا حنه الخبر فيك مش خساره نحنا 6 يعني بنتين و4 شباب صقر الكبير بعده انس وصادق وامين ونا واروى… طبعا أروى اختي طبعه صعب شوي يعني لم تقولك اي كلمه متعدليش عليها راح تسكت بروحه وبابا الي مستحيل حدا يقدر ينزل كلمه بس طيب وماما أهم حاجه عندها المظاهر هههههه صاح امي بس نا مختلفه عنهم وانس طيب بكلل معندش نيه هوا و زوجته اماني تكون بنت عمي وصادق طبعا صاح خوي بس الحق أن زوجته شايخة عليها اريج الي هي بنت خالتي.
– يعني قصدك خطيبت صقر بنت خالتك.

صفاء : للاسف… المهم وامين اصغر حدا هادئ ويحب الضحك حتى زوجته زيه هديل الي هي بنت خالي طبعا نحنا بابا يحب يخذا من ألاقربائ انتِ أول وحده برا من العائله بس بصراحه حبيتك وخشيتي قلبي.
– حبيبتي والله انا اكثر حسيت انك الوحيده الي متقبلتني.
صفاء: صديقني في يدك تقدري اتخليهم يحبوك.
– ان شاء الله.. تبي نسألك
صفاء: اسمعي ألمى اساليني زي ما تبي تمام
– حبيبتي.. عشان خطيبت صقر هل عن حب او من بابك.
صفاء: اسمعي طبعا صقر الوحيد اللي ميقدرش حدا يجبر على حاجه إلا اذا بابا اصر يعني بالغصب لكن طبعه شوي صعب ويحب الشغل لكن بصراحه اسماء على قولت حب الطفوله وهي جميله لكن دلوعه بكل وثقيله ما صدقت صقر تقدمله وافقت طول بس استغربت لم سيبته بين يوم وليلة المهم راح نكملك في الليل هي جهزي روحك نا نلبس ونجيك .
– تمام حبيبتي.
– طلعت صفاء مشيت قفلت الباب منعرفش حدا ضروري ما نقفل يارب عطيني الصبر بديت في شعري طلقت شعري وحطيت هدبيس بسيط ابيض بديت في المكياج خليت مكياج ترابي كملت وطلعت الدراعة كانت طرفين جوا ابيض وطرف الي برا أزرق داكن مع حزام ابيضّ ولبست كعب وطاقم بسيط جدا مع طقت الباب…
– من.؟

صفاء: صفاء أفتحي.
– هيا.. فتحت الباب
صفاء: لالا شن الجمال هذا.
– بجدا والله شن رأيك بدون مجامله؟؟
صفاء: والله العظيم اتهبلي بكلل أميره ربي يحفظك ارقي روحك راه العين قويه.
– نجكلي…. امتى ننزل !
صفاء: توا كان كملتي.
– خلاص نرش عطر بس…. رشيت عطر وقريت على اية الكرسي… صفاء يلا.
صفاء : يلا بينا.
– أسمعي متخلينيش بروحي منعرفش حدا.
صفاء : متخفيش.
– نزلت من عند الدروج ونسمع في الأغاني وتصفيق المهم دخلتني صفاء ل صاله كبيره كانت امعبيه صبايا. صفاء: متوقفيش أمشي اجلسي على الكرسي هذاك
– كملت مشي وصلت للكرسي و جلست حسيت بالعيون على نسمع في مدح ماشاء الله هذي هي ل صقر ونسمع في وشوشه يا نعلي عليك حظ للبنت خفت تي هذين في شنو يحكن جات وحده اتسلم عليا.
أماني: الف مبروك انا زوجت انس اخ صقر.
– الله يبارك فيك.. اها عرفتك.

أماني: عينك من صقر هذا قرعه خاصه
– صقر في عيوني
أماني: ربي يخليكم لبعضكم
– اللهم امين تسلمي… مشت وكل مره اتجي وحده اتسلم عليا وشكلهم أقربائهم واجد اوف مليت منحبش نكون الدنيا كلها عيونها عليا مشت تقريبا ساعه مع خشت وحده مع بناته لبسات ومكياجت حسيت فرح في صاله مش صباحيه بسيطه استغربت لكن الي استغربت أكثر الدنيا الي مصدومه حسيت في حاجه غريبه لكن البنت الي معاه جات في جهتي وعيونه كلهن كيف الي جايه تنتقم جماله مقبول لكن شعرها قصير ملامحه بسيطه لكن المكياج الي انا العروس مش دايره هك وصلت عندي وتبحت في من فوق ل تحت مدت يده…
اسماء: انا اسماء خطيبت صقر.
– حسيت كيف الميه السخانه الي نكبت عليا بس حبيت اني منبينش الشي هذا لأن العيون كله عليا تبي تششوف ردت فعلي ضحكت في وجه ومديت يدي له.
-اهلين بيك.

اسماء ضحكت: لامصدق روحك .. ومشت في إتجاه الدروج..
– حسيت أنه ادور في صقر بس الي استغربت أنه هي الي اخترت الشي هذا ليش الأسلوب هذا مهتميتش وكملت ضحكتي لكن الوليه الكبيره الي كانت مع اسماء اتشوف في هي واريج زوجت صادق وبنت اخره حسيت انهم يحكن عليا مع رنت تلفوني طلع صقر..
– الو..
صقر : وينك؟؟
– مع الصبايا تحت أنت وصلت.!
صقر : تعالي للمطبخ بسرعه.
– بس منعرفش نا وين.
صقر : اسألي صفاء وتعالي بسرعه.
– هيا…. سألت صفاء وقلتله راح نمشي بروحي مشيت وصلت لكن لقيت الباب امسكر طقيت وسمعت صوت
…….

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)