رواية عشقت مريضي الفصل الخامس عشر 15 بقلم سلمى محمود

رواية عشقت مريضي الفصل الخامس عشر 15 بقلم سلمى محمود

رواية عشقت مريضي البارت الخامس عشر

رواية عشقت مريضي الجزء الخامس عشر

رواية عشقت مريضي الحلقة الخامسة عشر

شهقه خرجت من الجميع
ذهبت روحيه تجاه هدير واردفت بغضب/ وطيتى راسنا ياهدير… بتروحى لراجل غريب بيته
نظرت لهم ببرود وتحركت لادهم / الراجل الغريب ده يبقى اخويا يا اما… وائل العزيزى
فاكره ولا افكرك
اندهش الجميع… واتجهت انظارهم جميعا الى روحيه
التى كانت تتحرك حدقتيها فى الارجاء بتوتر شديد
اقترب منها ذكى بغضب شديد… وهو يمسك معصمها ويضعط عليه بقوه / اى الكلام الى بنتك بتقوله ده ياروحيه….. انتى ليكى ابن
كانت تنظر للجميع بتوتر.. واردفت بتعلثم/اى….. الكلام ده… مش… حقيقى….. دى كدابه
ارتسمت على وجهه سفيان الذى يتابع الحوار بهدوء…. ابتسامه سخريه…. اقتربت منه زوجته واردفت بقلق/ سفيان هوا فى اى…. انا مش فاهمه حاجه
نظر لها بابتسامه مطمئنه / متقلقيش يامديحه…. هتفهمى كل حاجه دلوقتى
اما فتحيه… اقتربت من روحيه وذكى بحده/ هوا فى اى…. محدش فاهم حاجه
حولت انظارها لروحيه / انتى ليكى ابن ومخبيه علينا
نفضت روحيه يدها وصرخت بغضب/ بس…. بس…. انا ماليش عيال غير جهاد وهدير….. انتو كلكوا كدابين
كدابين ازاى بس ياماما…. بتبرى من ابنك بسرعه اوى كده
التفت الجميع بانظارهم لمصدر الصوت
همس ذكى بصدمه/ احمد؟!!

نظر سفيان امام بهدوء/ تعالى يا وائل
اقترب وائل من سفيان وقبل يد سفيان / عامل اى ياخالو
ربت سفيان على يده / الحمد لله ياحبيب خالك
اردفت امنيه بصدمه واستغراب/ ازاى؟! احمد هوا وائل ازاى
تحدثت فاطمه بغضب خفيف/ فى اى ياجماعه… احنا مش فاهمين حاجه
سمر بقلق وهى تنظر لهم/ ازاى احمد… اسفه… قصدى وائل يبقى ابن عمتو
اسراء بتشويش وحيره/ انا خلاص تهت…. ممكن تفهمونا ياجماعه وتوضحوا كل حاجه
حمحم سفيان بهدوء ونظر للواقفين/ اقعدوا بقا كده الاول… وهفهمكوا كل حاجه
امسك ذكى يد روحيه بغضب.. التى كانت تنظر لهم بخوف.. واجلس جوار زوجته
تنهد سفيان تنهيده طويله وبدأ بالسرد/ من اكتر من تلاتين سنه….. كنت انا وقتها متجوز مديحه… وذكى متجوز فتحيه…. كنا عايشين حياتنا فى هدوء
بس كانت روحيه اختى دايما توقع بينا وبين بعض
شيطانه عايشه معانا…. مبتحبش تشوفنا سعدا ابدا
وبتعمل مشاكل كتير…. دى حتى حاولت تخلص منى انا واخوها
بس جه اليوم الى غير كل حاجه
Flash Back🎥

فى قصر السوالمى كان يجلس عثمان السوالمى على كرسيه الخاصه به…. مزين بطريقه رائعه…. يشبه عرش الملوك فى العصر الفرعونى….
كان يجلس بكل شموخ وعظمه…. نظراته بارده
هتف بصوت جامد / انتى يابت ياثريا
جاءت الخادمه مسرعه… وقفت امامه فى خوف.. مخفضه رأسها للاسفل وقالت بخوف/ ايوه يابيه… تحت امرك
اردف بجمود / طلعى اكل للمحروجه الى فوج دى…. واياكى تتحدثى معاها بحرف… تحطى الوكل وتخرجى…. فاهمه
هزت رأسها خوفا وتحركت مسرعه للمطبخ
اما عثمان حول نظره لاعلى لغرفه ابنته… وتنهد بحزن على حالها… قسوتها تلك لايعلم من اين حصلت عليها
تنهد بأسى على حال ابنته
أخرجه من حاله الحزن…. صوت ابنه سفيان
اقترب سفيان من والده ليخرجه من شروده هاتفا بقلق/ بابا؟! …. انت كويس؟!
حمحم عثمان بخشونه/ ايوه انا بخير ياولدى…. خير عاوز حاجه
توتر سفيان وجلس جوار ابيه مردفا بهدوء/ شوف ياوالدى…. انا عارف انك رافض الموضوع…. بس معلشى ادى فرصه
نظر له عثمان بعدم فهم/ فى اى ياولدى… انا مش فاهم حاجه
أردف سفيان بتوتر/ جمال صحبى عاوز يتجوز روحيه اختى
نظر له سفيان بدهشه / جمال عاوز يتجوز روحيه بنتى
هز سفيان رأسه ايجابا/ ايوه يابوى…. وانا رفضت…. انا مش ممكن اظلم صاحبى
بس هوا مصمم عليها… هوا واقف بره وعاوزك يابوى
نظر عثمان امام واردف بجمود/ خليه ياجى يتفضل
نظر سفيان لوالده بصدمه… بلع ريقه بتوتر
تحرك للخارج مشيرا لصديقه بالدخول مردفا فى قلق/ تعال ياجمال اتفضل
جمال بلهفه/ ابوك وافق صح؟!

سفيان بحزن/ راجع نفسك ياصاحبى…. بعد كل الى قولتهولك لسه عاوز تتجوزها
اردف جمال بجديه / اظن انت سمعت رأى يا صحابى
انا بحب اختك…. مهما كانت شخصيتها اى
انا هغيرها
هز سفيان رأسه ايجاب وتحركوا للداخل
جلس جمال اما عثمان بتوتر بعد انا اشار له عثمان بالجلوس
اردف عثمان ببرود/ احب اعرف انت جاى لى
اخذ جمال نفس واخرجه بهدوء/ انا طالب ايد بنت حضرتك ياعمى
عم الصمت لبضع دقائق فى المكان… ثم اردف عثمان بجديه/ وانا موافق
هب جمال واقفا من مكانه بلهفه / بجد ياعمى حضرتك موافق….. طب ورأيها!
ضرب عثمان بعصاه الابنوس بقوه/ ومن ميتا الحريم ليهم رأى….. خصوصا بتى…. انا قولت كلمه…
وجهز نفسك الفرح يوم الخميس الجاى
تركهم عثمان فى صدمتهم وتحرك للاعلى
اما سفيان وجمال… كانوا ينظرون لبعض فى دهشه
سفيان بصدمه/ انا خايف… روحيه مش هتعديها على خير…. دى ممكن تقلب الدنيا حريقه
اردف جمال بابتسامه وهو يربت على كتف صديقه/ متقلقشى ياسفيان…. انا عارف هتعامل معاه ازاى
نظر له سفيان بأمل/ يارب ياجمال يارب
جمال بفرحه/ انا هروح دلوقتى اجهز كل حاجه لان مافيش وقت
تحرك جمال للخارج… ليعد الترتبيات لزواجه السعيده وحياته الجديده…. ولم يكن يعرف انها بدايه نهايته
عند عثمان فتح غرفه ابنته… وجده تجلس فوق سريره… وعلى وجهها علامات الغضب
اغلق الباب خلفه وجلس امامه واردف ببرود/ هتفضلى اكده لحد امتا

صرخت روحيه بغضب/ لحد اما اخلص منكم كلكم
نظر لها عثمان بغضب/ لى….. عاوز تخلصى مننا لى…. عملنا اى
روحيه بصراخ/ علشان محدش فيكم يستحق الحياه
انت عثمان السوالمى كبير البلد… وعيالك الاتنين
ممسكهم كل حاجه فى البلد
وانا ولا حاجه
والشخص الى حبيته… انت قتلته بدم بارد
مش هرتاح غير لما اخلص عليكوا واخد كل العز ده ليا…. ليا انا وبس
اقترب منها عثمان ببرود… ورفع يده عاليا… وضربها على وجهها بقوه / انتى زرع شيطانى… وانا هعرف اكسر دماغك دى
واعملى حسابك… فرحك الخميس الجاى على جمال العزيزى
تركها وخرج… اما هى اخذت تصرخ بصوت عالى وتكسر كل ما يقابلها
بعد مرور اربع ايام…. جاء موعد الزفاف
كانت روحيه تجلس فى غرفتها… وحولها الفتيات يقمن بتزينها…. وملامح الجمود مرتسمه على وجهها… وكانت تفكر… كيف تتخلص من هذه الزيجه
هبطت مع الفتيات لاسفل واخذوا يحتفلون
بعد مرور شهر… كان جمال يعاملها بكل حنيه… رغم معاملتها الجافه له
كانت دائمه الغضب والصراخ عليه… كان يقابلها هوا باللين والحب
End Flash Back🎥

تنهد سفيان بعيون حزينه / بعد اسبوع من الجواز كانت ضربه جوزها بالنار
شهقه خرجت من الجميع.. وانظار معاتبه كانت موجهه لروحيه… التى كانت تنظر لهم بغضب
نظر لها سفيان بسخريه/ متستغربوش اوى كده… دى اقل حاجه عملتها مع جمال…..
استلم وائل بقيه الحديث واردف بحزن متراكم بين ضلوعه لسنين/ بعد شهر من الجواز عرفت انها حامل
عملت المستحيل علشان تنزلنا
اسراء بدهشه/ تنزلكوا!!!!
وائل بحزن / كنا تلاته تؤام….. دا حتى لما عرفت انها حامل حاولت تخلص من جوزها… علشان هوا السبب
وبعد تسعه شهور عدوا على والدى عذاب
اخد اجازه من الشغل… فضل ملازمها طول فتره الحمل.. كان خايف انها تحاول تأذى نفسها تانى
جه يوم الولاده
كانت فتره الحمل… بابا جاله شغل بره فى السعوديه… وكان لازم يسافر… فاخد ماما معاها لانه خاف يسبها لوحدها
وف يوم الولاده… اتولدنا تلاته تؤام
من يوم الولاده لحد عمر خمس سنين… الست دى…. قالها مشيرا لروحيه التى تجلس منكسه راسها بغضب….
لمده خمس سنين متعرفشى عننا حاجه خالص…. كانت الداده هى الى بتهتم بينا علشان الهانم مكنتشى فاضيه
كانت مقضياها سهر وخروجات… لاء وكمان كانت بتعرف شباب
كانت دايما تضربنا وتعاملنا اسوء معامله
بابا هوا الى كان حنين علينا ولا كان حرمنا من حاجه
جيت فى يوم عيد ميلادنا كنا تمينا ال١١ سنه… بعد الحفله ماخلصت…..

Flash Back🎥
فى نهايه حفل العيد ميلاد… فى غرفه المكتب
كان جمال يقف امام زجاج المكتب المطل على الحديقه… ينظر لابنائه الذين يلعبون فى سعاده
دخلت روحيه المكتب بغضب/ طلقنى ياجمال
التفت لها ببرود/ طلاق مافيش…. انتى مش هتتطلقى
روحيه بصراخ وهى تدفعه بعيدا/ يا اخى حرام عليك…
مش عوزاك… سيبنى اخد عيالى وامشى
اردف جمال بسخريه/ اها… اطلق وتروحى لتوفيق حبيب القلب
روحيه بغضب/ ايوه هروحله… انا مبحبكش… هتطلقنى ياجمال… بمزاجك او غصب عنك
جمال بغضب مماثل/ مافيش طلاق الا على جثتى
ابتسمت بشر ورفعت المسدس عاليا ووجهت على جمال… واطلقت رصاصه كانت تعرف مكانها جيدا
… اقتربت منه وجثت على ركبتيها وهى تهمس بشر/ انت الى اضطريتنى لكده… بس فى كلا الحالات كنت هموت… بس انت شكلك الى استعجلت موتك… يلا اتشاو يابيبى
تركت زوجها غارق فى دمائه واسرعت واخذت الفتاتان فقط وركبت السياره
اما وائل فكان يتابع الحوار من البدايه…. وشاهد مقتل والده
اسرع الى غرفه المكتب وهو يبكى / بابا… بابا قوم متسبنيش
جمال وهو يلفظ انفاسه/ روحى لصاحبى… وخليك… معاها… هو… الى هيخل… هيخلى باله.. منك
وصعدت روحه الى بارئها
End Flash Back🎥

مسح وائل دموعه التى هبطت/ قتلته بدم بارد ومشيت.. واتجوزت زعيم مافيا كبير علشان يساعدها يخلص عليكوا…. بس ربنا خده واتصفى بعد جوازهم بست سنين
انا كنت بحاول اجمع المعلومات عنهم… لحد ماوصلتهلها
والى عرفته ان روحيه هانم السوالمى وجهاد العزيزى… بيشتغلوا تبع المافيا… لاء وكمان بيتاجروا فى المخدرات والبنات
اردفت هدير بحزن/ كانت دايما بتحاول تخلينى زيها هى وجهاد… وانى اشتغل معاهم… بس كنت برفض… وقصاد رفضى كنت بلاقى العذاب… لحد مافى يوم واحنا فى باريس… وقابلت وائل الى اتعرفت عليه فى ثوانى… بسبب الشبب الكبير الى بينا… وحكتيله كل حاجه عن امى واختي… وهو حكالى ازاى امى قتلت ابونا
واتفقنا اننا نقضى عليهم
اقنعتها بالرجوع لمصر بحجه اننا ناخد حقنا فى ورث ابوها وابويا
استلم يحيى الحديث/ اتقابلت انا ووائل فى صفقه شغل… وطبعا بابا كان بيحكيلى على عمو جمال
اتعرفت انا ووائل على بعض ولما سألتو على عمتى… حكالى كل حاجه…. فى الاول انا كدبته… عمتى مستحيل تعمل كده.. وروحت على هنا وحكيت لوالدى الى اكدلى صحه كلامه وان عمتى حاولت تقتل جوزها اكتر من مره
عملنا الخطه دى… وبنينا فكره العداوه الى بينا… وحاولنا نوصل روحيه لوائل على انه واحد شغال فى الشركه اسمه احمد وانه عدو ليحيى ونجاحه وعاوز يخلص منه
عمتى اصطادت الطعم فى ثوانى وبدأت تحرضه علينا
وكنا دايما سابقينها بخطوه
بس يوم الحادثه بتاعتى الى محدش كان عامل حسابه.. وده الى عطل الخطط شويه
وكريم كان معانا خطوه بخطوه… وكنا عارف كل حاجه وهوا كان حلقه الوصل بينى وبين وائل.
وبعد الحادثه…. هوا اتولى مسئوليه مراقبه جهاد… الى كانت بتروح لواحد البيت… كل ليله… والواد ده مرمى فى المخزن حاليا

تنهد مازن بحزن/ اما انا بالنسبه لاسمى الكبير فى المخابرات…. كان سهل جدا يحيى يوصلى
كنت فى يوم فى الشغل وجالى تليفون من يحيى… انه محتاج يقابلنى ضرورى فى موضوع خصوص عيلتى
فى ثوانى كنت راكب العربيه وطاير على العنوان
قابلت يحيى هناك وعرفنى كل حاجه
والى عرفته انه عمتى روحيه كانت عارفه مكانى انا واختى… ولما كنت بدور عليكى هى كانت بتضللنى عن انى اوصل… لاء والى عرفته انها حطه كاميرات مراقبه فى البيت عندى وفى الشغل
علشان تقدر تراقب تحركاتى كويس
وده الى عرفته من يحيى…وبدأت اتصرف زى ماهى عاوزه…. انى احاول ادور على عيلتى وهى تضللنى
لحد يوم حادثه يحيى
ادهم / فى اليوم الى جهاد خطفت هدير وجت مكانها…. بعد باسبوع كانت هدير قدرت تهرب من المخزن الى كانت جهاد مخبياها فيه وراحت لوائل وحكتله كل حاجه… ووائل جالى الشركه وحكالى كل حاجه
وبدأت اتعامل مع هدير الى هى جهاد عادى جدا ومخلتهاش تشك فى حاجه
كنت كل يوم بنزل وراها اراقبها هى بتروح فين..
وعرفنا المخزن الى مخبين فيه المخدرات والبنات
تبع الصفقه الجديده… والى هيتم تهريبهم لروسيا كمان اسبوع
ودلوقتى الموضوع فى ايد الشرطه…..

صرخت روحيه بهياج/ مستحيل…. مش بعد كل التخطيط ده…. انتو الى تكسبوا فى الاخر..
مش بعد كل السنين دى كلها.. اطلع من المولد بلا حمص
ذكى بغضب/ انتى اى ياشيخه بعد كل ده وبردو مافيش فايده
روحيه بشر/ انا عملت المستحيل علشان اخد كل حاجه ليا… قتلت جوزى… حاولت اقتل يحيى كذا مره… حتى هدير… كنت بحاول ادخلها فى شغلنا
وهى ترفض
قتلت اخويا هشام ومراته
صرخه عنيفه خرجت من فم اسراء التى كانت تبكى بعنف/انتى اى ياشيخه شيطانه عايشه معانا… قتلتى ابويا وامى لى…. عملولك اى… لى تحرمينى منهم…. حرام عليكى
روحيه بشر/ ايوه انا الى قتلتهم وخلصت عليهم
سفيان ببرود/ ومين قالك ان اخوكى ومراته ماتوا
_____

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عشقت مريضي)