رواية هل نلتقي الفصل العاشر 10 بقلم هاجر عصام

رواية هل نلتقي الفصل العاشر 10 بقلم هاجر عصام

رواية هل نلتقي البارت العاشر

رواية هل نلتقي الجزء العاشر

رواية هل نلتقي الحلقة العاشرة

نيللي: نور قابلته وقلبي طائر من الفرحه يا نور لم تسع الغرفه اجنحتي لا بل العالم كله
نور: الحمد لله كنت خايفه اوي الحمد لله احكيلي
نيللي: لسه جميل زي ما هو لا زاد جمال، خدت نفسي من تاني النهارده انا اسعد واحده في العالم
نور: ربنا يسعدك دايما يا صاحبي والدبله التالته وصلت يا حاره
نيللي: يارب يا نور بجد يارب
عند كريم
امل: ضحكتك مرسومه بشكل جميل يا كرمله
كريم: مش قادر اوصفلك سعادتي يا ماما ومش هتكمل غير بيها انا عايز اخطبها
امل: إن شاء الله يا حبيبي دي حاجه اكيده بس لسه بدري مش لما تتخرج وتشتغل
كريم: ده انا عايز اخطبها الاجازه الجايه يا ماما وبعدين ربنا يحلها
امل: ازاي ده هنقول للناس ايه
كريم: ماما هشتغل في الاجازه وهتدرب عشان لما اتخرج اشتغل على طول وبمساعدة بابا بقى الدنيا هتتحل
امل: كل ده حلو وجميل بس أهلها هيقولوا ايه عادل معندوش مشكله يساعدك انت ابنه الوحيد لكن هنقول لأهلها أبوه هيصرف عليهم متستعجلش يا حبيبي انتوا الاتنين شاريين بعض هتستناك
كريم: هصبر تاني ازاي يا ماما
امل: ربنا رحيم بعباده ياحبيبي اصبر ولو نصيبك مش هتروح لغيرك
كريم: ولو راحت يا ماما
امل: مش نصيبك وبعدين انت شايف الجانب المظلم ليه في الموضوع اصبر
كريم بقلة حيله: حاضر يا ماما
جميله: اهلا اهلا استاذ مراد
مراد: جايين بكره نخطبك ملكيش حجه بقى
جميله: تنوروا
مراد: اخبار زرعي ايه دي امانه عندك هعرف بيها انك قد المسئوليه
جميله: عيب عليك ده انا شايلاهم في عيوني ده من الغالي
مراد: تسلم عيونك
جميله: هو احنا هنعيش في اسوان
مراد: انا حياتي كلها في اسوان اهلي وناسي بس شغلي مش فيه فممكن نبقى نشوف حاجه عندكم أو لو هسافر بره هاخدك معايا مش هسيبك لوحدك
جميله: هنا سأصمت قليلا احتراما وتقديرا لهذا القرار القمر
مراد: ده أنتِ اللي قمر يا قمر
جميله: يلا سلام عندي محاضرات الصبح
مراد: عايز تقدير محترم معنديش لعب عيال
جميله: عيب عليك وراك فنان
مراد: واثق واثق
يقع الإنسان في حب من يعينه على طريق النجاح من يرفع من شأنه ويزيد من طموحه كي يصل إلى اعلى المراتب
تاني يوم
نور: جدعه جبتي المج بتاع القهوه احسن انا مش فايقه
نيللي: ليه سهرانه بتعملي ايه
نور: متبصيش كده بابا مانع اي كلام بينا نهائي لحد ما نتخطب غير كده ولا يعرفني ولا اعرفه
نيللي: عمو حبيبي احسن عشان تتلمي ولو لقيتكم واقفين مع بعض هقوله
نور: متتعبيش نفسك واخد مننا وعد منقدرش نكسره وعشان ربنا يبارك لنا
نيللي: انتِ مرتاحه
نور: مع اني مكنش في بالي ولا بشوفه غير انه هيخطب جميله الا اني حسيت أن اه بحبه
نيللي: صاحبي واقع
نور: بس بقى جايلك يوم، هو ايه حوار جدته ده
نيللي: كل اللي اعرفه عنها انها كانت طول الوقت معاه من صغره
نور: ازاي لحد دلوقتي فاكرها شئ غريب وازاي بيدور عليها وهي ميته
نيللي: مسألتش
نور: وازاي شايفها فيكي
نيللي: معرفش يا نور معرفش ده موضوع متعب بالنسبالي بس اعمل ايه بقى
نور: طول فترة صداقتكم مسألتيش عن الحوار ده
نيللي: كنا صغيرين مجاش في بالي اسأل ولا كنت مستوعبه كان صاحبي وبس دلوقتي الموضوع رخم الحقيقه
نور: طب افرضي بيدور عليها في اي واحده
نيللي: لا هو مش كده كان حب من قرايبه لو كده شبه جدته
نور: مش فاهمه بجد ازاي فاكرها كل ده ايه ده عاش معاها ٤ سنين بس ايه الذاكره دي
نيللي: بس بقى انا فيا اللي مكفيني
نور: خلاص خلاص
نيللي: انا مش عايزه احضر ليوسف
نور: ليه
نيللي: خايفه ومحرجه
نور: ليه يا بنتي حصل ايه
نيللي: لا مفيش يلا
نور: ربنا يعينك على دماغك يا صاحبي
نيللي: ناقص خمس دقايق على المحاضره يلا ندخل القاعه
نور: يوسف بعت ان هيتأخر نص ساعه عنده شغل فوق
نيللي: احنا نتأخر تبقى مصيبه هو يتأخر عادي
نور: انتِ متوتره ليه بس
نيللي: ولا متوتره ولا حاجه تعالي نفطر
نور: مش هنلحق
نيللي: ايوه ونوح جاي المفروض ابقى سور بينك وبينه ومتتقابلوش
نور: بطلي رخامه
نيللي: عمو قال لا
نور: منا عارفه قال يعني هنسلم على بعض اقفي ثابته
نوح: السلام عليكم
نيللي: وعليكم السلام ده مضروب ماله كده عمو عمل الواجب وزياده
نور: اتريقي اتريقي ولا اعرفه ولا يعرفني لا ومتقن عمله اوي
نيللي: تعيشي وتاخدي غيرها يا نواره يا قمر
عند كريم فتح الدرج وطلع مذكرات ليلى جاب الجزء الاخير وفضل يقرأ
ليلى: النهارده يوم ولادتك يا حبيبي خصصت جزء من مذكراتي ليك عشان اعيش معاك وتعيش معايا زي جدك وخالك الغالي مامتك تعبت من اول يوم فاضطريت اكون انا جنبك من اول يوم حسيتك ابني قبل حفيدي جيت سلام لقلبي ، الدكتور قال مش هينفع ترضع طبيعي فعشان صعب على أمل اخدتك بعيد عنها لحد ما تبقى كويسه من اول يوم وانا بنيمك على سورة يوسف بدأت تكبر قدامي وانا حاسه انك ابني انا نظامك انا اللي عملته أكلك مظبطاه بمواعيد ربنا عوضني عن ابني بيك يا حبيبي ، النهارده بقى عندك ٣ شهور ملامحك حلوه شعرك تقيل وناعم وبخدود وقمر أقنعت امل تفضل هي كمان معايا في البيت عشان متبعدش عني ووافقت عشان شغل عماد وسفره المستمر وكل يوم بتعلق بيك عن اللي قبله
صور كتير وتحت كل صوره عليها الذكرى بتاعتها
كريم بدموع: كنتي حلوه اوي يا ليلى
بقى عندك سنه بقيت أعلمك الوضوء كإنه لعبه من غير نقطة مايه عشان متبردش بس بعلمك زي ما علمت كريم خالك وطلع تقي وجميل مش بيفوت فرض عايزاك تبقى كده انت كمان شايف شكلك وانت على سجادة الصلاه كإنك ملاك يا نور عيني كنت غلباوي بس حياتي كلها ، النهارده عرفت اني عندي كانسر انت بقيت سنه ونص مش عايزه اسيبك بسرعه كده يا كريم رغم حزني بالخبر الا اني حزينه اضعافه اني هسيبك لوحدك عايزه ابقى محفوره جواك سجلتلك صوتي عشان متنساش ليلى خليني في قلبك يا كريم متنسانيش ،لما مشيت كنت اول ايد تمسك ايدك اول ضحكه كانت ليا وانا اللي قلتلي ماما مش عارفه دي انانيه واني خدت فرحة بنتي ليا ولا ساعدتها
كريم: ليلى أنتِ ظلمتيني انا بالمذكرات وصوتك مبقتش عارف اعمل ايه بدور عليكي في نيللي وده ظلم ليها بردو انا حبيتك حب مرض مش قادر انساكي ولا عارف ابطل اسمع صوتك واقرأ كلامك مش عارف انام غير بسورة يوسف ومواظب على الصلاه دايما بس انتِ مش هنا سبتيني مع كل الذكريات دي ومشيتي ليه
عند نيللي
يوسف: محمد ابعت اني دخلت والكل يحضر
على الجروب
محمد: دكتور يوسف دخل محدش يتأخر
نور: يلا يا نيللي بسرعه يوسف دخل
نيللي: يختاااي لمي لمي
نور: اصبري هتدلقي القهوه
نيللي: مش مهم ده هينفخنا لو اتأخرنا
الكل دخل باين على يوسف ملامح الحزن
نيللي في سرها: انا اسفه والله يا هندسه بس القلب مش بتاعنا ولا حد يقدر يتحكم فيه
نور: ماله كده هو عنده مشاكل مع الدكاتره ولا ايه
نيللي: مش عارفه
بعد المحاضره
نيللي: دكتور يوسف
يوسف: اتفضلي
نيللي: انا اسفه حقيقي حزنك ده مضايقني بس مش بإيدي
يوسف: تقصدي ايه
نيللي: على الموضوع اللي كلمتني عنه
يوسف: اعتبريني مقلتش حاجه مفيش بينا حاجه وحصل خير خليكي طبيعيه وانا مش متضايق منك
نيللي: باين على وشك اوي يا هندسه
يوسف: افندم
نيللي: ايه ده انت لحقت قلبت وشك علينا انا قلت هتفضل لطيف
يوسف : بعد اذنك يا نيللي عندي محاضرات
نيللي: حقيقي اسفه
يوسف: انا مش هلومك لأن الموضوع مش بإيدك بس ده قلبي مش من حقه يزعل
نيللي: الرسمه اللي انت شوفتها ده جاري وصاحبي من زمان واخيرا اتقابلنا متقابلناش أننا أصحاب بس لا كنا بنحب بعض من زمان ولحد دلوقتي
يوسف: تفتكري ده كلام يطيب خاطري في الوقت ده امشي يا نيللي
نيللي: دكتور يوسف….
يوسف: نيللي خلاص الحوار بينا خلص انا هعمل نفسي لا قلت ولا سمعت حاجه تمام انسي
التليفون رن
يوسف: ايوه يا جدتي مالك صوتك مش كويس
الجده: الحقني يا يوسف
يوسف ساب نيللي وجري على البيت
نجمه: أنتِ كويسه يا تيته
الجده: شكرا يا بنتي مش عارفه لو مكنتيش خدتي بالك كان حصلي ايه
نجمه: بعد الشر عنك انتِ زي الفل بس السكر على عندك ومش واخده العلاج
الجده: نسيت يا نجمه حال يوسف مش عاجبني خالص الفتره دي وأنتِ بقالك فتره مش بتيجي تزوريني
نجمه: سامحيني الامتياز مطلع عيني
الجده: انت في تمريض صح
نجمه: ايوه يا حبيبتي
الجده: شكرا يا بنتي شكرا ،انتِ النهارده معندكيش شيفتات
نجمه: للأسف عندي على اربعه كده
يوسف: تيته تيته خضتيني عليكي بقى كده
الجده: انا بخير يا حبيبي معلش جبتك بسرعه
يوسف: ولا يهمك في داهيه انا المهم أنتِ عامله ايه
الجده: ربنا يبارك في نجمه شافتني وجتلي جري
نجمه: هي بس مأكلتش ولا خدت العلاج فالسكر علي عليها بس الحمد لله هي بقت بخير
يوسف: شكرا
الجده: شكرا ايه انت لازم توصلها المستشفى
يوسف: مستشفى ايه
نجمه: لا مش عايزه اتعب حضرتك بعد اذنكم
الجده: استني هنا هو معاه عربيته بدل ما تتبهدلي في المواصلات
نجمه: ما ينفعش صدقيني
يوسف بضيق: خلاص جهزي نفسك وانا هستناكي في العربيه طالما قالت يبقى مفيش مفر
نجمه بتوتر: تمام
نيللي روحت البيت وطلبت من مامتها تكلم كريم
نيللي: ممكن يا ماما نكلم طنط امل
نسرين: لا
نيللي: ليه
نسرين: اللي عايزنا يكلمنا
نيللي: مالك يا ماما
نسرين: مش موافقه عليه
نيللي: ليه بس ماله كريم
نسرين: بعيد ملوش مكان ثابت منعرفوش
نيللي: منعرفوش ازاي ما صاحبي وكان متربي في بيتنا
نسرين: ده لما كان طفل صغير لما كبر معرفش عنه حاجه وكمان هيتجوزك امتى وفين
نيللي: لما ربنا يإذن
نسرين: انتِ قلبك سايقك
نيللي: في ايه يا ماما رفضاه ليه ما احنا عارفين عنهم كل حاجه
نسرين: عارفين ايه بس لا نعرف اصلهم ولا فصلهم
نيللي: طول الفتره اللي كانوا عايشين معانا فيهم معرفتيش عنهم حاجه
نسرين: هسأل الناس ليه وهما متكلموش أنتِ عارفه اني مش متطفله
نيللي: يبقى نديهم فرصه ثم إننا عايزين بعض
نسرين: انا مش عارفه وجع الدماغ ده هيخلص امتى

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هل نلتقي)