رواية الوقوع في الحب الفصل الثاني 2 بقلم هبوش
رواية الوقوع في الحب الفصل الثاني 2 بقلم هبوش
رواية الوقوع في الحب البارت الثاني
رواية الوقوع في الحب الجزء الثاني
 |
رواية الوقوع في الحب الحلقة الثانية
سليمان/ وليش لا مش احسن من الغريب
خالي/ بتفكير… والله ماجت في بالي
سليمان/ خلاص مالا شوفها اتجي تشتغل معانا والمعاش اللي تبيه نعطهولها
خالي/ ايصير خير توا نسال خوها لو وافق
سليمان/ تمام…
ع المغرب روح سليمان لحوشه
سليمان/ سلام عليكم
صفية/ وعليكم السلام يا حاج انست
سليمان/الله ايانسك راهو قاعد على لحم بطني من الصبح كثر علينا الشغل مالحقناش انتغدوا
صفية/ هيا هي نص ساعه ويطيب العشى
سليمان/ نمشي اندوش وشوفي الشباب ايتعشوا معانا
صفية/ بربكة… ايي بااهي…
خش حاج سليمان ايدوش و صفية خشت ادير في العشاء وتمتم شن اتقول بعد يسألها ع معاذ
يامن/ جاء خلفها… مع من تهدرزي يا صفصف
صفية/ نقزت… وااااه علياااا رعشتني
… وضرباته ع صدره
يامن/ يضحك… اااووووو اعترفي في من اتفكيري واخذ عقلك ياجميل… وقرصلها جنابها…
صفية/ عيطت وقعدت تضرب فيه وهو يضحك… معش اديرهالي الحركة هذه
يامن/ هههههه…وشد ايديها ثبتهم خلفها وقعد حاضنها
يامن/ باهي من امزعله الحلو نقتله لك
صفية/ تي مغير وخر كسرت ضلوعي
يامن/ انلاااا مانيش طالقك قولي قبل من اللي واخذ عقلك ومزعلك ماتخفيش مانديرله شي????
صفية/ هههههه يامهبول تحشم
يامن/ الحب مافيش حشم يابت هيا قولي شن اسمه
صفية/ قعدت تفك في روحها… واااك يا يامن اطلقني انكمل عشاء لبوك مش فضيالك
يامن/ رخها… شن درتي عشاء حتى انا ميت جوع… وفتح ع طنجرة
يامن/ واااااك يا امي بالله هذا شنو
صفية/ مش عاجبك خوذ من المطعم… وقعدت تكمل في شغلها
يامن/ معقولة توا هذا عشاء ناس امعبية
فلوس وخير واديري مكرونة بالدجاج
صفية/ شن بندير مالا بوك هك يحب ياكل وبعدين هذا اللي نعرف انديره
يامن/ فتح ثلاجة طلع ????… قايلك جيبوا شغالة كيف الناس وخلوا العز ايبان عليكم علاش عندنا فلوس…وقعد ياكل في العنب
صفية/ اني مهبولة انجيب شغالة خليني ساكتة ????… ????????
هذا زمان كانت في مرأة اتجي اتنظف في الحوش كل شهر اتجيب فاها صفية وعاد يامن في يوم كان مسطول وشافها تنظف وتغني حلت في عينه وقعد يتحرش بيها وصارت مشكلة و من يومها حرموا ايجيبوا شغالات ????♀️
يامن/ واااك ماتنسوش بكل كنت مسطووووول لو واعي نشبح لوحدة كيفها؟ انا يامن على سن ورمح نشبح لشغالة ????
صفية/ بهزوة… والله هذا هو ماخليتوا فاها ثقة انت و خوتك
يامن/ حك راسه… زايدة عندك جرعة الحاج سليمان مش انتي صفصف اليوم
صفية/ تنهدت… توا خوك كيف يمشي من راسه ومايقولي
يامن/ من فيهم
صفية/ تغسل في الخضرة… معاااذ
يامن/ اهاااا امتى سافر
صفية/ كنت تعرف؟
ويامن طلع من المطبخ
يامن/ سمعته يتفق مع عبود…
صفية/ بصوت عالي… وانت ساااكت ماتقوليش انه امسااافر
يامن/ قعمز فتح تلفزيون… وانتي علاش شاغلة روحك
صفية/ بتمتمة… اااخ اخ بتجيبوا لبوكم الجلطة…
جاء الحاج
سليمان/ خير… وجاء قعمز تاعب
يامن/ خير ياحاج..وغير ع القناة حط ع الاخبار????
سليمان/ مشيت لشغلك؟
يامن/ لا ماخطرليش
سليمان/ قاعد مكتب ع الفاضي وخلاص لا اشتغلت فيه ولا جيت اتساعدني
يامن/ بتمتمة… ياوالله حالة ح يبدا في الهم
سليمان/ شن اتقول
يامن/ لا ماقلت شي ياحاج نستغفر بس
سليمان/ اشبحلي هنا يا تمشي تقعمز في مكتب وتحرك الشغل ياما اتجي اتقعمز في المصنع وتشرف ع العمال
يامن/ قاعد نشتغل راهو ياحاج هاليومين بس مامشيت
سليمان/ قول اسبوع اي يومين تحسابني راقد على اوذاني
يامن/ دايره بالجو مش مستحق للشغل
صفية/ هيا للعشاء
سليمان/ صبي شوف خوتك
يامن/ مش قاعدين…
ع طاولة ????????
سليمان/ معاذ ليا يومين ماصدفت معه وين يمشي
صفية/ سمي بسم الله ياحاج…وقعدت تشبح ليامن
سليمان/ بسم الله الرحمن الرحيم… وقعد ياكل
خش ادم من برا وجاء لعندهم
ادم/ مساء الخير يا عيلة
صفية/ هيا تعال تعشى
ادم/ شبح للطاولة … مكرووونة لالا مانبيش توا ندز على دليفري…
وقعمز خذا سلطة قعد ياكل فاها ????
سليمان/ وخوك وينه ماجاش معك
ادم/ من معاذ؟…
و صفية قعدت تكح
سليمان/ مالا منو…
وزادت صفية كحتها كيف اللي غصت
سليمان/ شبحلها… اشربي مية
يامن/ مدلها يشرب فاها… اشربي ياصفصف شكلها بتولع ????
ادم/ شبحلها… معاذ ماقاللكمش انه مسافر
سليمان/بستغراب…شنوووو مسااافر ووين مسااافر الحيوااان
صفية/بلكلكة… ماااا هووو ماااشي مع اصحابه وو..قاطعها
سليمان/ بغضب… وااانا اخر من يعرف شنووو رجل كررسي في الحوش…وعزق كشيك وصبى
صفية/ صبت…لاااا حاااشاك يااحاج والله مااكنت نعر…قاطعها
سليمان/ فنص عيونه… ووولدك مش داايرلناا ااعتبر يااصفية ياااخسارة اسمنا خلفنا رجالة…
يامن وادم قعدوا يتنحنحوا ????????هههه كلام شاملهم
صفية/ياحاج شباب طايشين ويبوا يفرهدوا مافيها شي كان… قاطعها عيط عليها
سليمان/ اااي ززززيدي دلليهممم وقعدي طبطبي هك لعند يفسدوا فوق من هما فاسدين
يامن وادم/ ???????? اكححح…
صفية/ وين ماشي اقعد كمل عشاك ياحااج…
سليمان/ بزعلة… كوليه اانتي وعيالك… ومشى ايعارك
صفية/???? توا هكي خيررر… وفنصت فيهم
ادم/ونحن شن دخلنا
يامن/ بتذمر… تي راجلك هو اللي معقدها
صفية/ لا معقدها ولا شي معه حق في كل كلمة قالها…
يامن/ و خيره ايلوح في الكلام مش معبرنا بكل شن شاف علينا اللي مش ماليين عينه
ادم/ ياكل بفم مليان… بووووك شكله يبي يزوج بس بيديرها عذر معنداش اولاد ههههه…
يامن/ بقرف… بااهي قرفك غادي اللزح… ????
وقعد يمسح في يده جت عليها رياقه ????
صفية/ بزعلة… خليه يزوج كان الشي هذا ايريحه
ادم/ زمط مكرونة… وانتي عندك عادي مش غايرة ههههههه
يامن/ بغزل… والله مايلقى وحدة تسوى ظفرك انتي الاصل و الحب الأبدي ياجميل ????
صفية/ بالبسمة… محظوظة اللي بتاخذك امها دعيتلها زعما سعيدة الحظ من العيلة ولا برانية
يامن/ بتكبر… لالا مش ح ناخذها طنجرة اني مستواي حاجة صح
????Hăbošh……… ???????? خزي المتكبر
ادم/ بتهزي… دلال الهبلة شن ايصير فاها المسكينة تحبك ههههه ????…
هذه بنت جيرانهم ????♀️
يامن/ بستهزاء… ااااههههه خوذها انت مناسبة لك
صفية/ حرام عليكم خلوا البنت في حالها هذه خلقة ربي… وشبحتله بعقدت حاجب… وخيرهم بناتنا ماشاءالله عليهم وين تلقى احسن منهم
يامن/ صبى… ناقص عليا نتزوج ليبية تنكد ام عيشتي لا نموت اعزب اشرف لي ????…
ومشى يصفر طلع لداره
صفية/ ربي يهديك… وشبحت لادم… وانت شن وضعك
ادم/ حط سلطة في فمه وصبى… ع الهزاز…. وعطاها بوسة في الهواء… تسلم ايديك ع مكرونة… ومشى
صفية/ ضحكت… ربي يحفظكم ليا ونفرح بيكم ياااارب …
عاد فرحانة بيهم شايفتهم احسن ناس ????لفت السفر وخشت ع المطبخ
و ادم خش داره اتسطح ع سرير وخذا تلفونه فتح ع المسنجر شاف
جوري بنت خالته اون لاين قعد اينابش فاها دزلها …
ادم/ شنجو يا دريه
جوري/ شبحت المسج قلبت عينها وبعثتله… كان تمام توا زي الزفت
ادم/ علاش ان شاءالله شن قلبلك مودك
جوري/ شن تبي يا ادم مش فاضية نهدرز
ادم/ باهي خيرك معفلقة كنت نسأل بس
جوري/ كويسين شكرا ع سؤالك سلم على خااالتي
ادم/ الله يسلمك… وجوري طلعت من المحادثة قبل مايرد وتشوفه
ادم/ بغضب… الفرخة فيش مشغولة…
و اتصل عليها لقاها مشغول نار لعبت فيه????
ادم/ نهارها الاحرف في من تكلم…وعزق تلفون جنبه ع سرير
ادم/ وانا ليش مهتم تمشي تولع شن دخلني فاها… و استند ع السرير وعقله يوزله
ادم/ لو مش مهتم ليش قاعد تفكر فاها
ادم/ لا عادي بنت خالتي وحقي نغير عليها كيف اختي… قعد يمسح وجه بيديه الاثنين بتخبيط خفيف…ااااوف طلعها من راااسك الزح …
وخذا تلفونه قعد يهدرز مع بنات يعرفهم ومعجبات بيه موت
……. .????????????????????????????????????????
عندي
جاء خالي بعد العشاء
عزيز/ فتحله الباب… اهلين خالي كيف حالك
خ محمود/ الحمدلله كيف حال العويلة… وخش ماشي للمربوعة
عزيز/ وراه… تمام خش للصالة ياخالي
خ محمود/ لا خلينا هنا نبيك في كلمتين بروحك… وخش للمربوعة
عزيز/ وباه…ولف ع باب الصالة… يا سيدراااا ااانتي ياابنت
سيدرا/جاته تجري… نعم يابابا
عزيز/ قولي لاعمتك ادرلنا شاي
سيدرا/ حاضر… وخشت عليا كنت نلعب بالتلفون…
سيدرا/ اعميمة بابا يبي شاي هو و جدي محمود
انا/ نزلت تلفون… خالي في مربوعة؟
سيدرا/ ايه
انا/ نزلت قفزت من سرير… امشي لامك وتقوليلها قالك بابا دريلنا شاي فاهمة ولالا
سيدرا/ قلبت عيونها… باااهي
انا/ ياويلك اتقوليلها اني اللي دزيتك
سيدرا/ ???? باااهي…
لبست جاكة التوتة وطلعت عليهم
انا/ بفرحة… نورت ياااخالي…وجيت بست على يده
خ محمود/ كيف حالك ياوردة … وشبح لوجهي… شن هذا اللي ع وجهك
عزيز/ بلكلكة… طاااحت
انا/ فنصت فيه… كذاب مش طايحة انت ضربتني ماخلت فيا عظمة اهه اهه اهه ????… وقعدت نبكي
خ محمود/ بعتب… مش عيب عليك تضرب اختك بدل ماتكون عون ليه اتجي ادير فاها هك
عزيز/ هي اللي استفزتني ترد عليا
انا/ ببكاء… قوووله ع ااالعريس اللي جاايبهولي
خ محمود/ بتعجب… عريس شنو
عزيز/ بملل… جارنا جاي يطلب فاها ومصارش طار في ساعتها
انا/ بصوت عالي… مالا فكة راجل كبير بصغاره يبوني نوافق عليه شن ناقصني ناخذه????
عزيز/ بااه صكري فمك ماحد غصبك… جيت بنرد عليه
خ محمود/ خلاااص اااسكتوا مش انتهى الموضوع
عزيز/ ايه
خ محمود/ اسمع يا عزيز اختك معش تحط ايدك عليها كان تبيني نخش حوشك و لا والله ما عيني تجي في عينك
عزيز/ ياخالي هي اللي تخليك تطلع من طورك قليلة ادب مش دايرتلي قيمة
انا/ صبيت نعيط عليه… ااااني وشن اللي درته اااه
خ محمود/ قعمزززي ياوردة
انا/بعصبية… سمعته شن اااايقول
خ محمود/ لا اله إلاالله قعمزي بشويش نهدرزوا بلاش عياط
انا/ قعمزت ننفخ ونهز برجلي… اااهو سكتت ????
خالي/ المهم توا انتوا الزوز كل حد في حاله ماحد يستفز حد وانت ياعزيز راك الكبير وسع بالك وكبر عقلك مهما كان اختك ومسؤليتك دير بالك منها…
عزيز/بملل… ان شاءالله ياخالي…
خ محمود/ ايوة الله يرضى عليك…وشبحلي… اي خطرها حصلتلك شغل معاي في المزرعة عند الحاج سليمان
انا/ باستفهام… شغل شنووو
خ محمود/ طبيبة
انا/ بفرحة… حقه ياااخالي ????
خ محمود/ ايه ها شن قلت يا عزيز
عزيز/ لا مش موافق… ????
انا/ باندفاع… شنووو وعلاااش ????
خ محمود/ تي اسكتي… وشبحله… شن مايخليك توافق فرصة جتها ومعاشها كويس
عزيز/ ياخالي كيف تشتغل في مكان كله تريس
خ محمود/ ماتبيش تختلط بيهم هي عندها مكانها وبعدين اني قاعد معها ولا مش مالي عينك
عزيز/ لا مش قصدي… قاطعاته نجوي
نجوى/ زارتنا البركة ياخالي اهلين وسهلين… وحطت الشاي ع طاولة وقعمزت
خ محمود/ البركة في هله يابنتي كيف حالك وحال الصغار
نجوى/الحمدلله بخير كيف حال خالتي عائشة والبنات
خ محمود/ كويسين ايسلموا عليك… وشبح لعزيز… شنو ياعزيز انجي الصبح نرفعها
عزيز/ ااا…
نجوى/ اااي ليش ما ايوفق هو بس خايف عليها ☺️
انا/???? بتمتمة… ياسوسة يامحسدية
عزيز/ باهي كان تقعد تحت عينك موافق
خ محمود/ تبي تخاف عليها اكثر مني وردة بنتي حتى هي واللي ايمسها ايمسني
انا/ خذيت يده بستها… ررربي ااايخليك ليا
خ محمود/ خلاص غدوة ع سبعة ونص نلقاك جاهزة ودوام راهو لعند 4 العصر انروح بيك
عزيز/ وكم الراتب
انا/????
خ محمود/ اللي قبلها ياخذوا في الف وخمسمية
انا/ صفقت… ييييييييس????…
قعد خالي شرب الشاي و هدرز شوي ومشى وانا طرت من الفرحة واخيرا حصلت شغل بتخصصي اللي نحبه خشيت انغني لداري واتصلت ع حنين
انا/ الوووو
حنين/ اهلا وردة شنجوك
انا/ مليحة هلباااااااا
حنين/ يامقلب الحال خير ان شاءالله
انا/ باااركيلي ياااصاحبتي
حنين/ الف مبروك انخطبتي ????????
انا/ههههههههه لالا حصلت شغل في مزرعة ابقار بتاع مصنع حليب الهناء
حنين/ اوووو مبررروك ياعمري تستاهلي كل خير
انا/ الله ايبارك فيك
حنين/ بزعلة… قصدك معش اتجي للعيادة
انا/ لا خلاص دوام يومي لبعد العصر
حنين/ ياخسارة ح تخلي مكانك وتوحشيني ????
انا/ حبيبتي ان شاء الله مانفقدك توا كل جمعة يا انجيك يا اتجيني
حنين/ ان شاءالله …
وقعدنا ع خط قريب ساعة نهدرزوا من موضوع لموضوع….
عند يامن
بدل حوايجه بيطلع يسهر كالعادة
يامن/ خش ع ادم… قاعد مش طالع
و ادم مشغول يهدرز ويضحك اشر بيده بي لا…
يامن/ هات مفتاح سيارتك مالا
ادم/ استني توا نعودلك… صكر الخط… سيارتك وين
يامن/ تبي تصليح
ادم/ لا سيارتي مانعطيهاش دبر راسك
يامن/ تي بلا اقطاف اعطيني الخرا
ادم/ امشي الززح مش معطيه هيا صكر وراك الباب… وعاود اتصل يهدرز
يامن/ بغضب… اوكي ياحيوان… ومشى لامه دوبها كملت شغل المطبخ وتبي تخش دارها
يامن/ صفصف استني…
صفية/ يدها ع مقبض الباب… شن تبي
يامن/ قرب منها… جيبلي مفتاح الحاج
صفية/ مفتاح شنو
يامن/ نقصي صوتك شن اللي مفتاح شنو مفتاح سيارته اعطهولي من غير مايحس
صفية/ والله وسيارتك وين
يامن/ عاطلة هيا بس سلم صفصف مشوار ساعتين ونرجعها في مكانها
صفية/ لالا مادخلنيش معه في مشاكل…وجت تبي تخش شدها
يامن/ ماتخافيش والله ماينتبهلها باهي عشان خاطري ولا تبيني نتبهدل في تكاسي
اخر الليل
صفية/ تاففت… باهي بس دير بالك اتعطل
يامن/ لالا اطمني قبل ال2 انروح
صفية/ تاففت… امري لله اصبر توا نجيك
يامن/ اووكي… وعطاها بوسة في الهواء…
خشت صفية لقت سليمان مستند ويقرا من المصحف
صفية/ مارقدتش؟
سليمان/ صدق الله العظيم… وصكر المصحف… خير شن تبي تقولي
صفية/ قعمزت ع سرير… لا ماعندي شي نقوله نسأل بس
سليمان/ باهي طفي معك الضي بالكي نرقد حتى ساعتين هذا لو جاني النوم
صفية/ طول بالك ياحاج معاذ مش اصغير ومتعود ديما ايسافر… قاطعها
سليمان/ مش من ورانا يا صفية ياخسارة ماعرفناش انربوا
صفية/ بزعلة… لا ياحاج الحمد لله لا يحششوا ولا يسرقوا
سليمان/ انزعج… طفي الضي طفي… وخذا البطنية تغطى بيها ودار ع جنب
صفية/ صبت طفت الضي… تصبح على خير…
وخذت بشويش مفتاح سيارة ع الكميدنوا وطلعت
يامن/ واقف جنب باب داره… شنو
صفية/ جاته… شد بس ماتعطلش مش ناقصة مشاكل مع بوك ساد معاذ
يامن/ لالا متخافيش هيا سلام ياحلى ام في دنيا…
وقرصلها خدها ونزل ماشي لمشواره
في طريق
يامن/ وين قعدين مالا
صاحبه/ في ال****** تعالى هناك
يامن/ باهي هيا جاي…
وصل لشقة واحد معرفة كل فترة ايجيب في بنات ويسهروا فتحله صاحبه الباب
يامن/ شنجو
صاحبه/ مليح خيرك عطلت
يامن/صكر الباب…سيارة عطلت بيا ماخذيت الا سيارة الحاج…وشبح للسهرة والبنات
يامن/ اوووو من وين الكيكات…
وجاء قعمز بين بنتين لابسات قصير وحدة ادخن والاخرى رجل ع رجل وفخاذه ع شارع
ميمي/ شو بتحب الكيك
يامن/ يده ع فخادها… نموووت فيه مووت????… وقعد ايحرك في يده
ميمي/بضحكة الرقاصة… اههههههه شو مهضوم
يامن/ بغزل… اااه ياقلبي????
صاحبه/ جابله كاس ????… اشرب الليلة تبي تولع للصبح
يامن/ خذا يشرب… وتولع شن ورانا…
وقعد يلمس افخادها ويقول في كلام????
صبى واحد منهم جاب مقبلات و جو ????ميوزك والبنات صبوا يرقصوا والشباب شرب ورقص معهن
وبعد وقت كل حد شاد وحدة خش بيها ويامن هبلاته ميمي ونسى الوقت والسيارة
ساعة ثلاثة ونص خذاه النوم جنب ميمي ????
……. ????????????????????????????????????????
. اذان الفجر
ناض حاج سليمان وشبح صفية واعية
سليمان/ صباح الخير
صفية/ نقزت… ااا صباااح االنور خيرررك واااعي
سليمان/ مش سامعة الفجر ولا شنو… وصبى خش للحمام
صفية/ تهز وتضرب ع صدرها… يااانهاري الاحرررف وينك يا يامن الله يهديك ????
…
وخذت تلفونها مشيت تتصل عليه برا الدار قعد تلفونه يضرب بس مافيش رد
صفية/ هذه عملة اديرهالي شن بنقول للحاج توا…
وقعدت حايرة
توضى الحاج وطلع يلبس في جلابيته
سليمان/ ياصفية وين مشيتي
صفية/ من فم الباب… اااهني بنمشي نجهزلك فطورك
سليمان/طلعلها… خشي صلي قبل لاحقة ع الفطور…
صفية/ زمطت… مااااهو اااصلااا ااااا…قاطعها
سليمان/ خيرك العفو مش ع بعضك ولونك مخطوف
صفية/ تنهدت… مافي شي بس يااامن ماروحش ????
سليمان/ اااااا توا بالله عليك راجل طول في العرض لامتى بيقعد مستهتر لا يخاف من الله ولا عبدالله
صفية/ ادعيله الله يهديه مافي ايدينا شي
سليمان/ لاحول ولاقوة الا بالله والله لولا انخاف نظلم بنات الناس لكنت زوجته بس من اللي تقبل بيه لا دين ولا عمل مانافع غير للحرام استغفراللةالعظيم
صفية/ بزعلة… خيره يامن ماشاءالله عليه الف بنت تتمناه صح مرة مرة يشرب بس قلبه ابيض وحنون…قاطعها
سليمان/بتذمر… اني لمن نشكي اامشي???? جيبيلي المفتاح خليني نمشي للجامع
صفية/ بخوف… اااا سيارة يامن عاطلة
سليمان/ وشن نبي فاها سيارته…
صفية/ زمطت… ماااهو طلع بسيااارتك ياحاج????????
سليمان/بغضب… شنووووو كيييف ياااخذها ااااااا اانتي ساعدتيه صح
اي من اللي مقويهم غيرك حسبي الله ونعم الوكيل تبوا تهبلوني انتي و اعيالك…
ونزل ايعارك وصفية وراه تبررله
فتح باب الحوش
صفية/ تي وين طالع ياحاج صلي حتى في الحوش
سليمان/ يوم اللي انطيح انصلي في الحوش…وشبحلها بغضب ????
صفية/ بس ياااحاج كيف تبي تمشي
سليمان/ بعتب… خشي كملي نومك ماتفكريش فيا… وطلع ورد التفتلها… نطلع من الجامع ماشي طول للمزرعة ماديريش فطور… ولف مشى
صفية/ تنهدت بضيق… الله يهديك…
وصكرت الباب واجعها مشيته ع رجليه
صفية/ الله ايسامحك يا يامن مادرت فينا خير ????????… ومشيت دارها
طلع الصبح وانا كلي حيوية ونشاط توضيت وصليت الصبح وخذيت سروال جنز ازرق فاتح لبست عليه بلوزة كحلة طويلة شبحت وجهي ع مرايا وحطيت خافي العيوب ع اثار الكدمات وفوقيه واقي الشمس و روج بينك ومسكرة
انا/ ياحليلي ماحلاني نهبل اممممموه ????
… وخذيت نضارة شمسية وتلفون حطيتهم في شنطة وطلعت للمطبخ طيبت قهوة ودرت نصف جبنة وقعمزت نفطر واستنيت خالي ايجي
ثمانية الا اتصل خالي وقالي اطلعي
انا/ هياااا جاااية… ورجعت تلفون في شنطة
عزيز/ طالع يتثاوب… خاالي برا
انا/ بتمتمة… صباااح الخيررر
عزيز/ بملل… صبااح الخير ماشية مع خالي
انا/ ايه اهو قاعد برا يستنى هيا سلللااااام… وطلعت فرحانة بنطير…
انا/فتحت باب سيارة… صباااحووو يا احلى خااال…
خالي/يضحك… صباح النور ما شاء الله معنوياتك مرتفعة
انا/بفرحة…هلبااااااااااا
خالي/ ان شاءالله دووم…
ولع سيارة مشينا قعدت نهدرزله و هو يوصي فيا ع شغل الجديد ووووووو
وصلنا لمزرعة كبيرة وخشينا من بوابة عليها حراس
لعند ماوصلنا لمبنى صغير فيه مكاتب وعيادة صغيرة خشيت وانا نتفرج للمكان منبهرة بيه شعور لا يوصف الصراحة
خ محمود/ السلام عليكم…
ح سليمان/ وعليكم السلام… وشبحلي… اهلين يابنتي
انا/صباح الخير يااستاذ…
ماعرفت شن نقوله الحق ????
ح سليمان/ضحك… قولي حاج سليمان ولا خالي كيف ماتنادي لمحمود
انا/ ابتسمت… خلاص مافيش مشكله يا خالي…
ح سليمان/ ايوه هك صح ههههه هيا تفضلوا علاش واقفين
خ محمود/ ناخذها اتشوف الشغل
ح سليمان/ لا عاد مش ع طول خلي انضيوفوها قبل… واتصل ع قهواجي
خ محمود/ شبحلي… تعالي قعمز… وجيت قعمزت جنب خالي
ح سليمان/ايوة يا فرج جيبلنا فطور للمكتب…وصكر الخط
خ محمود/ وعلاش الفطور يا حاج فطرين والله
ح سليمان/ تبي الحق مش فاطر وماحبيتش نفطر بروحي عاد سايروني ولا شنو يا بنتي…
انا/ عادي نفطر مرتين وعشرة هههه
ح سليمان/ ههههههه ما شاءالله عليك…
خ محمود/ بستغراب… خيرها سيارتك مالقيتهاش برا
ح سليمان/ تنهد… يامن طالع بيها ماجيت الا بالتاكسي
خ محمود/ ليش ماقلتلي كان جيت رفعتك في طريقي
ح سليمان/ اهو طلعت معصب مادورتش الله غالب عيال توا كيف قلتهم
خ محمود/ معليش ياحاج ربي يهديه ان شاءالله
ح سليمان/ تعرف يا محمود ياخوي ربي يحبك رزقك بالبنات ربي يحفظهملك
…
وقعدوا يهدرزوا ع الشباب و الباين من ح سليمان انه مضايق من عياله
واني انسجمت لحديثه وتعاطفت معه
جابوا الفطور سفرة فيها كل خير وطبعا حليب المصنع في الصدارة ???? فطرنا ونهدرزوا ع شغل وبعدين مشيت للمكتب اللي نقعد فيه وكان مجهزيلي حوايج العمل بالطوا و بوت لبستهم وخذيت شنطة الادوات الطبية و طلعنا للحضاير كانوا في ابقار في سياج بروحهم يبوا فحص
خ محمود/ هذول يبوا فحص البقرة من امس ماتحركتش هلبا وهذه رجلها تعرج عليها…
المهم خشيت للسياج وفي عاملين ايشدوا في الابقار اللي بنفحصهم وكان عندي رهبة بالاول بس من بديت نفحص في البقرة نحى مني الخوف وشتغلت بحب وضمير….
.
.
اما عند يامن ناض الضهر فتح عيونه يتكسل وضربت ايده البنت اللي راقدة جنبه قفز
يامن/ يشبحلها ويشبح للدار… اووووباااا… وضرب ع جبينه
ميمي/ ناضت تتكسل… صباح الخيرررر
يامن/ تي وين الخير يخرب بيتك… وناض يالبس
ميمي/ هيك اتقول ع صبح ماعندك دووق أبداً … وطرمت شفايفها…
يامن/ لبس تيشرته باستعجال … مش فاضيلك الزززح شدي فلوسك وطلعي من راسي…
وطلع فلوس من جيب السروال عزقهم ع سرير…
ميمي/????????????
يامن/ تشاااووو… وطلع بسرعة من الشقة
ركب سيارة وطار للحوش
اول ماخش طول اتجه للمطبخ على صوت حركة امه اتحوس فيه
يامن/ صباح الخير اسف عطلت????
صفية/ حطت اللي بيدها والتفتت بانزعاج… توا بس خطرلك يا استاااااذ علاااش ماااروحت من الليل ????
يامن/ ماااهو صااحبي امه مرضت المسكينة و رفعناها المستشفى اضطريت نقعد معه…
صفية/????بستهزاء… لااااا صدقتك والله ياحراام
يامن/ حك راسه… والله نسيت واخذ سيارة الحاج وهو وينه توا؟
صفية/ بحمقة… الله ااايسامحك طلع معصب ماشي للجامع على رجليه حتى ماروحش يفطر ???? ارتحت توا
يامن/ بملل… عادي رياضة كويسة له في عمره…
صفية/ بغضب… انا الغلطانة اللي سمعت كلامك وعطيتك المفتاح شن بنحصل من وراءك غير الهزايب…
والتفتت تغسل في الخضرة
يامن/ هذا اللي صار شن بنديرلك… وحط المفتاح ع رخامة جنبها…اهو المفتاح ماشي نكمل نومي ماحدش ايوعيني…وطلع
صفية/ شبحت لفوق… ربي يهديك ويصلح حالك… وتنهدت بضيق اتكمل في شغلها
……..????????????????????????????????????????????
في الجامعة عند جوري
كانت مقعمزة مع صحباتها في الكلية
مروة/ شبحت شاب … واوووو اشبحوا يابنات الطرف اهوه…
التفتوا البنات
جوري/????????
سوسن/ حي ع الزين ورضى الولدين ياحليلي…
رهف/ شبحت لجوري… مش هذا ولد خالتك ياجوري ولا بيتهيالي!؟
التفتوا سوسن و مروة
جوري/ بتافف… اايه هووو ????…وشبحاته جاي لعندهم
سوسن و مروة/ باستغراب… ووولد خاالتك؟ ياغبية عندك هك طرف وماتقوليش
رهف/ ااسكتوا اهو جااي هنا
…
التفتوا البنات يشبحوله وهو جاي لابس سروال جنز اسود و تيشرت اخضر وعضلات ايديه ملفتات نحى النظارة وهو جاي بخطوات ثقة عارف انه خاطف الانضار و قلوب البنات ????… عاد هو جذاب من ربي وزايدها اناقته ولاباقته
ادم/ صباح الخير عليكم …
البنات/ عيونهم قلوب… صباااح النوور ????
جوري/ صباح الخير????
ادم/ عيونه عليها… كيف حالك يابنت خالتي
جوري/ بابتسمة مصتنعة…الحمد لله علاش انت في كليتنا
البنات/????????????…
ادم/ عندي شغل …
ورالها الكاميرة معه ????
جوري/ اهاااا انت اللي تصور البرمو سنة رابعة
ادم/ بابتسمة تسحر… ااايوووه براافو عليك
مروة/ واااو ومصور اخرى سبحااان من صوررررك ????… ضربتها رهف بكوعها…
ادم/ عقبال عندكم بعد اتخرجوا ناخذلكم صور حلوة تليق بيكن…وغمز لجوري ومشى
سوسن/ ياماماااااا ???? يقتللللللل…ودعست ع يد جوري … عرررفيني عليه نبي رقمه نبي ايميله
جوري/ دفتها…طيح سعدك انتي وياها مايغركن الشكل هذا اكبر صايع ???? ولد خالتي ونعرفه يكسد عليكن ويفوتكن يا غبيات…
مروة/ لكن ايجنن سعدودك عندك هك ولد خالة اااه لو يقسم على اولاد خالاتي شوية
رهف/ قولي ماشاءالله راهو تضربيه بعين ربي يخليه لاهله
جوري/ مش عارفة شن اللي عجبكم فيه
????…
شبحلها البنات بتعجب!!!
ولا ايراديا عيونها مشيوا لعنده وهو ايسلم على مجموعة طلاب وطالبات جاي ايصور بريمو التخرج بتاعهم
والبنات ايكلموا فاها وهي سرحت لعند سوسن ضربتها ع يدها
جوري/ بعقدت حاجب… خيررررك
سوسن/ بنضرة جنب… وين مشيتي
جوري/ برتباك… قاااعدة وين نبي نمشي
مروة/ وعلاش اتراقبي في ولد خالتك ????
جوري/حطت اصبعه ع صدرها… اااني انراقب فيه! لا ياماما بتهيالك
مروة/ بهزوة… هااااا مالا كلنا بتهيالنا صح يابنات
سوسن/ ايه ماهو على كلامها هو اكبر صايع مش معقولة بتراقبه ???? مالناش حق نظلموها ????
جوري/ بعقدت حاجب… درهتوا كبدي على فكرة… وصبت
رهف/ خليك انبصروا معك خيرررك عصبتي …وقعدوا يضحكوا
جوري/ بشمزاز… ننننننننننن اااضحكواا بااهي هيا باااي ياتافهات خوي جاء…
البنات/????????????
سوسن/ الحيوانه لو ماتطلع تحبه مايكون اسمي سوسن
مروة/ ههههههه الصايع ينحب الحق
…
التفت ادم يبي يشبح جوري مالقهاش مع صحباتها قعد ايدور عليها بعيونه لعند شبحها تبي تطلع…
ادم/ بعد اذنكم يا شباب خمس دقائق…
الشباب/ خوذ راحتك…
مروة/ اشبحوا لحقهاااا
سوسن و رهف/ ضحكوا… وااضحة في حاجة بينهم
و ادم ماشي يسرع لعندها بعد قريب يوصلها
ادم/ جوووري اااستني
جوري/ وقفت التفتت… نعم
ادم/ وقف قدامها… ووين ماشية
جوري/ بتهزي… ماشية ندهور ونوسع خاطررري ????… وجت بتمشي وقفها من يدها
ادم/ شن الجو اللي ديري فيه
جوري/ شبحت ليده… نحي ايدك من عليا ماتشبحش وين قاعد
ادم/ رخى يدها… باهي انكلم فيك جد وين ماشية
جوري/ وانت شن دخلك
ادم/ بنفس طويل????… فاضي جاي نسأل فيك امشي في ستين داهيه…
ورجع للكلية
وجوري قعدت تشبحله وتنفخ ????
شوي و تلفونها شرين
جوري/ الووو وين امدرس
سامي/ اهني اهو اشبحي يمينك
جوري/ التفتت شبحته… اووكي… وحطت تلفون في شنطة ومشيت لسيارة
جوري/ سلااام
سامي/ سلام… ولع سيارة ومشى
سامي/ شبحت ادم معك شن جابه
جوري/بلكلكة… جاااي للجامعة عنده تصوير لتخرج
سامي/ اهااا
جوري/ نبي مكتبة نصور شيت
سامي/ اوكي…
درسوا ع مكتبة صورت الشيت وصلها للحوش ورجع سامي للعيادة
سامي/ صباح الخير
حنين/ صباح النور يادكتور
سامي/ شبحلها… وردة مهناش
حنين/ بتنهيدة… وردة سيبت العيادة حصلت شغل جديد
سامي/ ااااهااا باهي ربي يوفقها… سكت لحظات… واانت كيف حالك
حنين/ رفعت وجها ليه… الحمدلله يادكتور☺️
سامي/ بارتباك… دووم ان شاءالله…
ومشى لمكتبه تافف مضايق من نفسه كل مايشبح حنين يرتبك ويضعف ايكلمها قعمز ع المكتب ايفكر ويحاسب في نفسه وبعدين قرر يمشي لعند حنين وهو طالع شبحها واقفة مع شاب تحكي معه
وقف ع جنب واستنى لين مشى الشاب وبعدين مشالها
سامي/ بتردد… انسة حنين فاضية نحكي معك خمس دقائق
حنين/باستغراب… ااي تفضل
سامي/ شبح للمكان… ممكن نحكوا في المكتب
حنين/ باهي شوية عشان نشوف حد يقعد مكاني
سامي/ تمام نستناك…
ومشى خش لمكتبه وهو عرقان وقلبه يضرب
شافت حنين زميلة قعدت ع الرسبشن وخشت عليه
حنين/ نعم يادكتور
سامي/ قعمزي… قعمزت حنين وسامي قعمز ع كرسي مقابلها
سامي/ باحراج… اسف عطلتك ع شغلك
حنين/ ابتسمت… لا عاادي خير يادكتور في حاجة
سامي/ نزل عيونه ورفعهم… الحق انا من زمان نبي نفتحلك الموضوع و منحرج منك… تنهد بنفس طويل… اني يا حنين معجب بيك وناوي الحلال و يشرفني نطلبك من عيلتك لو ماعندكش مانع…
وحنين وجها احمر وتمنت الارض تنشق وتبلعها انحرجت شن ترد عليه بس الواقع جبرها اتكلم وتعطيه الجواب
حنين/ بزعلة واحراج… اني مخطوبة يادكتور????
سامي/ سكين انغرص في قلبه… مخطوبة!
اسف معليش اعذريني ماكنتش نعرف ????
حنين/ بغصة… ولايهمك وان شاءالله ربي يبعثلك بنت الحلال … وصبت باحراج… نستاذن منك
سامي/ بكسرة… اذنك معك…
طلعت حنين مضايقة هلبا كان طلب سامي شي ايفرحها وتتمنه لو ماكان بوها معطيها لولد عمتها وفرحهم بعد شهرين
زعلت ان الحب اللي شايلته في قلبها من اسنين زاد من جرحها بعد ماعرفت ان اللي تحبه هو نفسه ايحبها وطلبها للزواج بس النصيب كان في النص وكسر قلوب المحبيين????… وللاسف هلبا قلوب مكسورة ومجروحة بعد بينها النصيب ????????
اما سامي بعد طلعت حط راسه بين ايديه ولاام نفسه اللي ضيعها من ايديه وشد غصته في قلبه وناض لشغله في العيادة كا طبيب باطنة واستقبل الحالات…
………..????????????????????????????????????????
عندي
انا/ نمسح ع ضهر بقرة… ما شاء الله قريب تولد
ح سليمان/ نحسها مريضة حتى ماتكلش
انا/ هذه لو يحطوها بروحها احسن
ح سليمان/ نادا للعامل… يااا علي بيش تخذوها في زريبة بروحها
ع علي/ تمام يا حاج… وخشوا اثنين عمال ياخذوا في البقرة طلعوها
انا/ قربت لعجول صغيرة… هدول امطعمينهم
ح سليمان/ والله مش عارف اسالي محمود
انا/ اها اوكي
ح سليمان/ توا انا ماشي للمصنع غدوة انتاج الشهر وضروري نشرف عليهم بروحي …
انا/ ربي يعطيك الصحة
ح سليمان/ الله يسلمك ومانوصيك يابنتي ديري المزرعة مزرعتك وكل اللي فاها تحت تصرفك راهو ماعنديش حد نعتمد عليه غير خالك محمود وانتي
انا/ ان شاءالله نكون عند حسن ضنك
ح سليمان/ بنضرة اعجاب… الله يرحم ولديك قدها وقدود ان شاء الله…
ومشى
واني قعدت داخل نفحص بالبقرة والشمس حارة وقفت حطيت يدي بيني وبين اشاعة الشمس وجهي عرقان واحمر مش متحملة السخونة كان شغل صعب بس كنت نشتغل بضمير وكل شي درته بمجهود وحب
فات الوقت وكملت شغلي خشيت للمكتب الخاص بيا نحيت البوت والبالطو وخشيت للحمام غسلت وجهي وايديا ورجليا بيش بردت ونحيت اشوية من الارهاق
دق باب المكتب
انا/ لبست وشاحي… تفضل
خ محمود/ خش… شن جو الشغل معك
انا/ والله ياخالي ماتوقعته متعب هك ????
خ محمود/ معك حق الله غالب
انا/ بصراحة يا خالي لو شغلي بس كاطبيبة نقدر نوفق فيه بس حسيت شغل مفتوح وكل شي اديره بروحك مافيش مسؤولين اينسقوا الشغل ويهتموا بالمزرعة حتى الحاج سليمان مايقعد لين ايشوف شن ناقص وشن تبي المزرعة والمواشي راهو بكل اهمال مش عادي
خ محمود/ المسكين مش مقصر يجري بين هنا والمصنع وكل حاجة ع رأسه
انا/ باهي ماعنداش خوت و اعيال ايجوا ايشدوا معه
خ محمود/ عنده ثلاث شباب بس لا ايجوا ولايعرفوا المزرعة كيف شكلها
انا/ بتعجب… وكيف مخلين بوهم بروحه مش رزقهم هو
خ محمود/ شن بتقولي شباب مايبوش التعب المهم انتي شن اتكملي تشتغلي هنا ولا ترجعي لعيادتك …
انا/ لا نكمل حبيت الشغل…وشبحت لخالي…
انا/ تعرف ياخالي عندي افكار في راسي لو اتنفذ يمشي الشغل صح واقل تعب
خ محمود/ ياريت مافيش مشكلة قوليها للحاج غدوة
انا/ ايه ان شاء الله…
فات ساعة
وانا قاعدة في المكتب انريح في راسي سمعت صوت حركة برا وهرج صبيت فتحت الروشن نشوف شن في
لقيت شرطة مكافحة الهجرة ويشدوا في العمال الافارقة وصايرة منوشات بين خالي والعمال مع الشرطة واني قلبي وقف وخفت اول مرة نشوف قوات شرطة وسلاح صكرت الروشن ونضرب ع وجهي
انا/بخوف… يانهاري الاحرف شن جابني اهني غبارة في حظي توا ايشدوني حتى ني ???? ياغبارتك ياوردة ايشدوك واااه علياااا ني ياشماتت نجوى فيك …
وقعدت نبكي و خذيت تلفون المزرعة وشفت رقم الحاج اتصلت عليه والحاج سليمان داخل المصنع جنب الالات وصوت عالي حس بالتلفون ع الهزاز ايشرين طلعه و رد
انا/باستعجال… الوووو ياااعمي تعاال بسرررعة
ح سليمان/ قاطعني… شن صااير
انا/ اااالشرطة بسلاحتهم في المزرعة ايشدوا في العمال والدنيا مقلوبة
ح سليمان/ حط يد ع وذنه الثانية… شنووو مانسمعش فيك كويس
انا/ في شرررطة ايشدوااا في العمال المزرررعة
ح سليمان/ وخااالك ووين
انا/ بصوت عالي… قااااعد ايتهااوش معهم
ح سليمان/ ايشوف لموظف ايكلم فيه… بااهي يا بنتى تواا نتصرف صكري…
انا/ بعياط.. بسرعة ياعمي راهو خايفة ايشدوني حتى ني…
وصكرت منه ومشيت للروشن حاطة يدي ع قلبي و انشوف من بعيد خايفتهم يشبحوني
…
صفية/ يامن ياامن نوووض
يامن/ همممم
صفية/ شد تلفون بوك يبيك
يامن/ عين مفتحة وعين مغمضة… اااوف شن يبي الزززح…
صفية/ بعياط… تي شد واانت سااكت
يامن/ بملل… الووو خير ياااحاج
ح سليمان/ بعصبية… من شفت وجهك ماشفت خير صبي فز بسرعة للمزرعة
يامن/ لا حول ولاقوة الابالله تي مزرعة شني يااااحاج
ح سليمان/ صبي ياراجل شوف الشرطة اتشد في العمال انا حاصل في المصنع مانقدرش نمشيلهم
يامن/بتذمر… وعلاش اتشد فيهم مش عندهم اوراق
ح سليمان/ايه عندهم تالقاهم في الخزنة عند امك خوذهم و امشي حل المشكلة
يامن/ بنفخ… باااهي… وصكر منه اعطى تلفون لامه وصبى…
صفية/ خيررره الحاج
يامن/ يتافف… يبي نمشي للمزرعة جاية الشرطة تشد في العمال… ومشى يتمتم خش للحمام وعيط لامه
يامن/ في اوراق في الخزنة عندك طلعهملي…
صفية/ باهي هيا ماطولش
عندنا في المزرعة
خ محمود/ يا افندي اصبر كلمت صاحب المزرعة وتوا ايجيب اوراقهم
افندي/ بعد نرفعوهم عندنا خلي ايجيبهم للمركز… واعطى اشارة لافراد اللي معه
افندي/ هياااا ارفعوهم للسيارة… وشبح للمبنى… يا افندي كريم خشوا تفتيش داخل المبنى
خ محمود/ بغضب… هذول المكاتب شن اتفتشوهم
افندي/ بحزم… نحن عندنا امر ضروري ايتنفذ…
و لوح بيده ايخشوا
وخالي ايعارك وهو لاحقهم
بعد شبحتهم جايين جهة المكتب قلبي طاح وقعدت انحوس
انا/ ياااربي ياااربي ع العملة حي عليااا ني شن بندير ووين نهرررب…????
بديوا الشرطة تخش للمكاتب واني من الخوف خشيت تحت الطاولة ???? وقعدت كارسة ونقول فالاذكار… وشوية وسمعت صوت حد يتعارك معهم برا
يامن/ بحمقة… من سمحلكم اتخشواا شنو تحسابوهااا ساايبة اتفتشوا وصاحب المزرعة مش قاااعد
افندي/ هذين أوامر
يامن/ في خصوصيات كان بلغتوا قبل مش اتهدوا وخلاص ???? هيا اطلعوااا برا
افندي/ نحن مش جيين نلعبوا هذا شغل
يامن/ بغضب… شغلكم اتشدوهم قبل ماتكدوا اهو شوف كل اوراقهم سليمة وبهوياتهم… وقرب مده له
افندي/ خذا الاوراق يشبحلهم ويقلب فيهم… مممم تمام… ورجع مدهم ليامن
يامن/ بنضرة ع جنب????… تاكدتواا
افندي/ اوكي نعتذروا ع الغلط…
واعطاء أوامر ينزلوا العمال وفعلا انحلت المشكلة وطلعت الشرطة من المزرعة
يامن/ يتكلم بتلفون… تمام ياحاج خلاص روحوا اوكي باه سلام…
خ محمود/ بارك الله فيك باهي اللي جيت…
وفجأة خالي سكت وتذكرني
خ محمود/ بفزع… نسيت وووردة…
ومشى يسرع للمكتب فتحه و يامن وراه مش فاهم شي
خ محمود/يشبح للمكتب… ياااوردة ياااوردة
انا/ طلعت راسي من تحت المكتب… روووحوااا ????
يامن/عيونه طلعوا????… هده شن ادير هنا
خ محمود/ جاء لعندي… ايه يابنتي مشيوا وانتي علاش قاعدة تحت اطلعي… ومدلي يده
انا/ شديت بيده وطلعت… شن بندير خفت ايشدوني حتى ني ????…
وقعدت انفض في حوايجي
يامن/ هذه من يا عمي محمود وشن ادير هنا
في المزرعة
واني انصدمت انتبهتله واقف ع الباب ????
انحرجت
خ محمود/ التفت له… هذه الدكتورة وردة بنت اختي… وشبحلي… سلمي يا وردة على يامن ولد الحاج سليمان
يامن/ خش مد يده… اهلا????
انا/ نشبحله ونشبح ليده بارتباك… اااهلين…
ومديت يدي سلمت وحسيت بالكهرباء ⚡
يامن/ يشبح لخالي… قصدك تشتغل هناااا!؟
خ محمود/ ايه وردة طبيبة بيطرية و اليوم اول دوام ليها في المزرعة
انا/بفرحة ☺️
يامن/بنضرة استهزاء… اهاااا ااااول يوووم ممممم ولعتي المزرعة ببركاتك ااااا قصدي نورتي المزرعة????… و طلع لمكتب بوه
انا/ بستفهام… شششن يقصد ياخالي؟????????
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية الوقوع في الحب)