رواية خطيبتي واخواتها التوأم الفصل السادس والعشرون 26 بقلم رحاب القاضي
رواية خطيبتي واخواتها التوأم الفصل السادس والعشرون 26 بقلم رحاب القاضي
رواية خطيبتي واخواتها التوأم البارت السادس والعشرون
رواية خطيبتي واخواتها التوأم الجزء السادس والعشرون
رواية خطيبتي واخواتها التوأم الحلقة السادسة والعشرون
خالد بخوف
مم ملك الفار دخل تحت الشنطه بتاعتي منك لله..
ملك ببكاء
تعالي وديني لاختي يلاااااا..
خالد وهو لسه علي الكنبه
هاتي الفار الاول وطلعيه بره الاوضه هنزل اوديكي لاختك…
_ بعظ شويه في المستشفي كان بهاء قاعد علي الكنبه بيقلب في الفون وناني قاعده علي كرسي جنب سما النايمه، وفجأه دخلت ملك وهي باقول بصويت…
ملك
سمااااااااا ماالك في ايه؟..
سما قامت مفزوعه وقالت
ايه في ايه مين مااات..
ملك وهي بتقعد جنبيها
انتي كويسه ابو عبيده كويس، قوليلي ان خالد كداب وقال كده عشان يهرب من الفار..
بهاء بغيظ.
فاار ايه وهباب ايه حد يدخل مستشفي كده..وانت يا خالد بقي هو ده اللي اطمن يا دكتور بهاء..
خالد بغيظ
اسكت والنبي يا دكتور الهانم بنتك جابتلي فار في الاوتيل وانا عندي فوبيا من الزواجب وخصوصا الفيران..
ـ الكل فضل يضحك وخالد كانت متعصب من ملك جدا..
ـــــ #بقلم_الكاتبه_رحاب_القاضي ـــــ
_ في بيت محمد كانت ثريا بتعيط ومحمد واقف قصادها وهو متعصب وقال..
محمد
كفايه بقي ارجوكي انا حياتي اتمرت بسببي وخسرت ابني ومراتي بسببك..
ثريا ببكاء
والله العظيم والله ما اعرفش حاجه عن اللي حصلها غيرمن صحبتي يا محمد، انا ازاي بعني اعمل فيك كده ولا في ابنك ليه اتجننت..
محمد بحده
اومال مين ما حدش بيكره سما غيرك انتي اللي عايزه تبعديها عني باي شكل عشان انا اللي اختارتها مش انتر وازاي بقي محمد يختار حاجه مش علي مزاج ثريا هانم..
ثريا زعقت فيه وقالت
هو انا بعني هكدب عليك ليه، انا لما مديت ايدي عليها قولتلك يا محمد، انما اني اذي حفيدي فا ده مستحيل..
محمد بدموع
مش قادر اصدقك ولا قادر اقتد في مكان واحد معاكي، انا مااشي وما تساليش رايح فين ولا تسألي علي اصلا…
مشي محمد وثريا قالت لايهاب
انت ساااكت ليه ما تقول حاجه بقي، روح ورااه وخليه يرجع..
ايهاب بهدوء
انا عارف انك ما تعمليش كده يا ثريا بس شوفتي الظلم وحش ازاي، اهو ربنا دوقك من نفس الكاس اللي داقت منه مرات ابنك…
_ سابته ثرية ودخلت اوضتها وكانت متدايقه جدا من ظلم الكل ليها..
ـــــ #بقلم_الكاتبه_رحاب_القاضي ـــــ
_عدي اسبوع كامل علي ابطالنا
_ وفي بيت امجد البحيري…
كانت نسمه قاعده مدايقه وصفاء فضلت تضحك وقالت..
صفاء
ههههه باباه كان كده بيقابل العملا اللي من بره مصر هنا في البيت…
نسمه بضيق
اممم وكان بيحصن ويبوس زي ابنك..
كتمت صفاء ضحكتها وقالت
لا طبعا ده انا كنت اكسر البيت كله فوق دماغه…
نسمه بعصبيه
حلو اروح بقي اكسر البيت فوق دماغ ابنك..
صفاء بقلق
لا لا مش دلوقتي لما الناس تمشي عيب…
قعدت نسمه قدامها وقالت
ماشي اديني قاعده، مش فالح غير يتكم فيا وبقولي ما تنزليش تحت غير بحجابك عشان الحراس…
صفاء بخبث
لا لا مالوش حق هو فاكرك كرسي ولا كنبه عنده، لا انتي بني ادمه ومراته ولازم يحترمك..
نسمه بغيظ
ايوه ايوه سخنيني اكتر، انا مش نسمه القديمه ومش هسكت علي حاجه تاني..
_ وبعد شويه طلع الوفد الاجنبي من عنده معادا البنت اللي حضنته من شويه، ونسمه وقفت وقالت..
نسمه بغيظ
البت ما تطلعتش اكيد البيه شقطها بس والله مش هتعدي علي خير…
_ قالت كلامها وراحت المكتب عند امجد وصفاء فضلت تضحك وفتحت الباب لقيتهم قاعدين علي الكنبه جنب بعض وفي ايدهم ورق وامجد. قال..
امجد
في حاجه يا نسمه ولا ايه؟…
نسمه بخبث
الحقني يا امجد تعبانه اووي ومش قادره اقف…
قام امجد وقال بخوف
تعبانه ازاي في ايه حصل ما انتي كنتي كويسه..
نسمه مسكت فيه اوي وقالت
تعبااانه اوووي يا حبيبي شيلني طلعني اوضتنا…
امجد بعدم. تصديق
نعممم حبيبي واشيلك انتي اتشليتي يا نسمه..
نسمه بغيظ
اتشليت اييه وبعدين البت دي بتعمل ايه هنا…
امجد بهدوء
شغل هتكون بتعمل ايه هنا انا ديما بحب اخلص الشغل المهم من البيت…
نسمه بصت للبنت من فوف لتحت وقالت
طيب انا عايزه اشوفك وانت بتشتغل يا تخليها تمشي وتيجي معاهم كلهم..
ابتسم امجد وقال
هو انتي بتغيري عليا ولا ايه..
نسمه اتوترت وقالت
نعممم بقي انو اغير وعليك انت لا طبعا انا بتكلم. في شكلي قدام.. قدام الللي موجودين في القصر يقولو سايبه جوزها مع البنات عادي…
امجد بخبث
بقي كده طيب اتفضلي اقعدي مع ماما بره انا لسه عندي شغل مش فاضي…
نسمه
بقي كده طيب اشبع بيها هي دي اصلا اول مره الله واعلم انت بتعمل ايه من ورا ضهري ما كل حاجه باينه بس انا اللي غبيه معلش عطلتكم..
_ قالت كلامها ومشيت وامكد قفل الباب وقعد يكمل شغل مع البنت الاجنبيه بس كان مدايق مم كلامها، ودخلت نسمه وقالت وهي متعصبه….
نسمه
هو مش انت لو عرفت اني لغير هتخليها تمشي، ماشي يا امجد انا بغير عليك…
ضحك امجد وقال للبنت بالانجلش
Thank you, Jeff, you have successfully completed your mission
ابتسمتله اابنت ومشيت ونسمه قالت
انت قولتلها ايه خلاها تقوم تمشي وهي مبسوطه كده…
امجد وقف قدامها وقال بخبث
قولتلها تمشي لان مهمتها تمت بنجاح…
نسمه بتوتر
مم مهمة ايه بالضبط؟…
ضحك امجد وقال
هههههه البنت لما حضنتني بره كان قصدها خير مبسوطه انها شافتني وانا شولت بقي ان في ناس ولعت مكانها فقولت استغل البنت شويه واخليكي تعترفي باللي جواكي وهصوصا انك مش عنيده وهتيجي بسرعه…
نسمه بغيظ
اصلا انا ما بغيرش انا قولت كده وخلاص…
امجد قرب منها وقال
لا ما هي طلعت خلاص وبعدين انا يتغار عليا اصلا، هو انتي لسه هتعرفي امجد البحيري…
ادايقت نسمه من طريقته وقالت
لا ازاي ده انا اكتر واحده اعرفه، بس اللي تشوف امجد البحيري من بره غير اللي تعاشره وانا كنت معاك سنين يعني ما حدش يعرفك ويعرف انك لا تتحب ولا يتغار عليك اصلا…
مسكها امجد من ايدها جا وقال بعصبيه
هو انا لعبه في ايدك ما احنا كنا كويسين وخلاص هنبدأ من جديد ليه اللف والدوران ده…
نسمه بدموع والم
مش لف ودوران بس حط نفسك مكاني بكل اللي انت عملته فيا ولسه بتعمله هتبقي مقسوم نصين…
_ ساب امجد ايدها وهي مشيت ودخلت صفاء وقالت بقلق…
صفاء
ايه اللي حصل بالظبط، اوعي تكون زعلتها يا امجد؟…
امجد. بحزن
لا يا ماما ما زعلتهاش بس اللي حصل زمان مش هيتنسي، هتفضل ديما تفكرني بيه…
صفاء
انا عايزه افهم انت ازاي كنت فاهم انها ممكن تحبك باللي كنت بتعمله فيها..
امجد. بضيق
كنت خايف تفكر فيه وكنت عايزها تخاف اصلا تفكر فيه…
صفاء
تقوم من كل عقلك تعمل اللي عملته، ما هي طبيعي كانت تكرهك هي من امتي القسوه بتبقي نتيجتها حب يا ابني، وبعدين نسمه بدأت تتغير من ناحيتك للاحسن بلاش بس تيأس..
ابتسم بحزن وقال
نفسي تيجي اللحظه اللي تحبني فيها حتي ربع ما بحبها وتقولي مسمحاك…
صفاء
خليك زي ما انت كده بينلها حبك ونسمه قلبها طيب وهتصفالك…
ـــــ بقلم_الكاتبه_رحاب_القاضي ـــــ
_ وفي المركز الرياضي بتاع معتز وحازم وعزت اتجمعو كلهم هناك وعلا ومنه كانو هناك…
نيره مسكت دراع حازم جامد وقالت
انت اللي غزمت الصفرا وبنتها مش كده يا حازم؟..
حازم بخوف
والله العظيم والله العظيم تاني مش انا يا حبيبتي..
نيره بغيظ.
اومال مين اللي عزمهم بس انا عايزه اعرف…
قربت منهم مربم وقالت
سيبي الراجل بوظتيلي هيبته يا شيخه وبعدين انا اللي عزمتهم..
نيره
انتي يا مريم انتي صاحبة عمري تعملي كده؟..
مريم بجمود
للاسف ايوه لاني لما فكرت صح لقيت ان البت منه دي يجي منها وهبله كده ممكن اشكلها علي ايدي وتنفع للواد ايااد…
حازم
يادي النيله يا شيحه افهمي انتي وجوزك عيالكم كبار ويقدرو يختارو اللي عايزين يتجوزوهم براحتهم..
مريم
وانا مش هختار حد، انا بس كنت مخليه اياد واخد جنب منها مع انها بتحبه اوووي فانا قربت بقي اصلح الغلط ده..
نيره
طيب سيبك من اياد ومنه شويه وبصي علي جني كده ابنك منكد علي البت..
مريم. بثقه
عارفه ابني قالي..
نيره بغيظ
يا سلام يا اختي وهو يحكيلك ليه ان شاء الله..
حازم
والله البت دي صعباانه عليا بدل الحما هيبقي عندها اتنين وانيل من بعض…
نيره
سيبك من النيله ده المهم عايزين نصالحم..
حازم
استنو بعد الماااتش دي مصر اللي بتلعب يلاا بينا بس…
_ واتجمعو كلهم في الكافي وجيلان وجني كانو قاعدين بعيد شويه وجيلان قالت..
جيلان
تطلعي بره فين انتي كمان، تعالي بس يا جني ربنا يهديكي..
جني بضيق
مش عايزه اتفرج علي حد انااا..
جيلان
هو انا بقولك اتفرجي علي حد يا جني، انا بقولك تعالي نشجع مصر وكان انس مش بيلعب اصلا…
_ راحت جني وقعدت جنب مامتها وكانت بتلعب في الموبيل بتاعها بس كل ما تسمع اسم انس تبص بطرف عينيها للتلفزيون، لحد ما فجأه حد من اللغيبه بتاعت الفرقه التانيه خبط انس جامد في رجله اللي كانت مكسوره قبل كده وحصل؟؟…
_ تفتكرو هيحصل ايه؟…
ـــــ #بقلم_الكاتبه_رحاب_القاضي ـــــ
_ في الاسكندريه في بيت بهاء، خبط خالد علي الباب وراحت ناني فتحتله وقالت..
ناني
مساء الفل يا ابو نسب تعالي احضر معايا الماتش..
خالد
لا ماليش في ال basketball، انا بتاع الشناوي وكهربا المهم اختك فين؟…
كتمت ناني ضحكتها وقالت
بتجهز عشا جوه، والله كلنا بنكلمها وبنقولها ترجعلك وكفايه سما بقيت كويسه وهي مش راضيه..
خالد
بالجزمه هترجع معايا النهارده..
_ والباب خبط تاني وراحت ناني فتحت وكانو صحاب سما في المدرسه اللي سغاله فيها جايين يطمنو عليها… وناني استقبلتهم ودخلو ولما شافو خالد كلهم ابتسمو وقالت واحده فيهم..
البنت
ايه ده يا ناني مين القمر ده اخوكم مش كده؟…
خالد ما كانش هيرد بس لمح ملك طالعه من المبخ، فابتسم بخبث وقال…
خالد
ايوه انا اخوهم…
ملك اتعصبت وقالت
نعم يا حيلتهاااااا…
خالد كتم. ضحكته وقال
اخو ناني وسما انما جوز القمر دي…
ملك
ايوه كده اتعدل، نورتونا يا بنات جايين ليه…
ناني لاحراج
هو ده وقت هزار يا ملك خدها جوه يا خالد…
خالد مسك ايدها وقال
تعالي وريني بتعملي ايه عشا الله يفضحك…
_ ودخلو البنات عند. سما وقعدو معاها وواحده منهم قالت بسخريه…
البنت
يعني الكلام اللي سمعنااه صح هو انتي هتطلقي يا سما…
قالت واحده تانيه
يا حرام ده انتي لسه صغيره وجوزك باين عليه طيب اووي..
ردت واحده غيره وقالت
ما دي المشكله اهو طلع ابن امه و..
سما بجدبه
هو انتو مين قالكم كده، جوزي وحماتي بعيد عن الموضوع ده خالص ولو انا هطلق هتبقي بسبب اني مش مرتاحه مش اكتر انما محمد ومامتن ناس محترمين جدا ومالهمش ذنب في حاجه…
البنت
مدام. كده ليه بقي هتطلقي، انتي لسه صغيره وكلمة مطلقه وحشه اووي عليكي..
سما
لا انا اول ولا اخر اللي اطلقو وده نصيب، ناني ما جيبتبش حاجه للبنات ينفع كده؟…
ناني قامت وقالت
حاضر يا حبيبتي ملك بتجهز في الحاجه هروك اجيبها اهوو..
_ وفي المطبخ كانت ملك بتعمل في السلطه وبصت لخالد وقالت بغيظ…
ملك
لا حنين يا خالد باشا انت كمان بتعملهم العصير بنفسك…
خالد قرب منها وقال
وانا مالي بيهم انا بعمل كده عشان اساعدمراتي هاا مراتي اللي اول اسبوع جواز ليها مقضيااه في بيت اهلها…
ملك بتوتر
انت بتكلمني انا يا حبيبي..
خالد بغيظ
لا بكلم امك الله يرحمها..
ضرلته علي كتفه وقالت
اتلم ومالكش دعوه بماما، وبعدين ما انا كل يوم كنت بكلمك فون لحد ما تنام…
خالد بسخريه
يا سلام يا اخاي ولازمتها ايه كنا اتجوزنا وعملتلك فرح صرفت عليه دم قلبي كنا خلينا كده احسن…
ملك
خلاص ما تزعلش انا كده كده جايه معاك النهارده بس الاول هنروح نجيب شوية طلبات لبيتنا الجديد..
خالد
برضو عايزانا نروح شقتي، ما كنا سكنا في بيت العيله احسن…
ملك
لا طبتا انا ما اتجوزش في بيت عيله، وبعدين بيتنا لوحدنا ولينا خصوصيتنا…
غمزلها خالد وقال
طيب ما يلا مستنين ايه؟…
ملك بقلق
لا خالد. اتلم اصلا انت مش متربي وانا خايفه ارجع معاك عشان كده..
خالد قربها ليه وقال
والله مظلوم هو انا عملت حاجه، بس وحشااني يا جزمه انتي…
_ وفي الوقت ده دخلت ناني بسرعه وقالت…
ناني
كل ده. يا ملك بتعملي اا
بصت للارض بكسوف وخالد قال
انا هستني عمي في الصاله..
وبص لناني وقال
في ابييه اتنين متجوزين يبقي نستأذن قبل ما ندخل ده انتو عيله ما عندهاش بربع جينيه ذووق…
قال كده وطلع وناني قالت بغيظ
انو اللي غلطان علي فكره اصبر لما تبقي في بيتك..
وبصت لملك اللي قالت بتوتر
بتبصيلي ليه بقي جوزي…
ناني
سيبك من ده دلوقتي تعالي معايا جوه عشان مش عارفه ارد علي القرشنات صحاب اختك…
ملك
لا هاتي العصير كده وانتي كملي العشا وكلمي بابا يجي، وانا دخلالهم…
ضحكت ناني وقالت
الله يرحمهم كانو كويسين…
ـــــــــــــــــــــ
_ في المستشفي بتاعت بهااء، كان قاعد وقدامه فؤاد اللي كان متوتر جدا وبهاء قال..
بهاء
هنفضل متنحين لبعض كده كتير..
فؤاد
لا طبعا بصراحه كده با دكتور انا بحب واحده..
بهاء بسخريه
تمام بس ده تقوله لاسامه منير بيجي علي الرادبو في برنامج اسمه انا والنجوم وهواك مش عندي…
فؤاد
ما تو في مشكله وحاسس ان العيب فيا انا…
بهاء
وايه المشكله دي بقي؟..
فؤاد بحزن
عارف انها مش بتحبني، وانها بتحب واحد غيري
بس انا مش عارف انساها ولا عارف اشوف غيرها..
هي مش اجمل واحده في الكون ولا في المجره والجو ده، هي عاديه جظا وبسيطه جدا بس مميزه اووي، من اول مره شولتها وانا عيني مش عارفه تشوف غيرها حفظت كل تفاصيلها و.. انت نمت يا دكتور…
بهاء بهدوء
وايه تاني كمل يا فؤاد؟..
فؤاد
هي بعدت عن اللي بتحبه ده وحصلت مشاكل انا ماليش دعوه بيها انا اللي يهمني هي وبس،انا بشوفها تعبانه بسببه بيبقي نفسي اقولها هو مش بيحبها وان دموعها دي غاليه عليا اووي ونفسي اعوضها عن كل ده بس خايف..
بهاء
وخايف من ايه ترفضك،وفيها ايه ما ترفضك هو انت بنت هتتكسف..؟…
فؤاد
في ايه هو حضرتك دكتور نفساني ولا انا جاي اتقطم هنا…
بهاء ضحك وقال
هههه طيب خلاص كمل ايه اللي مخوفك؟..
فؤاد
انا فيا عاده زي الزفت، لو اتقالي لا بقفل من الموضوع بتعب بجد ودخلت في حالة اكتياب لاني احممم..
بهاء بجديه
اتكلم وما تقلقش اللي بيتقال هنا ما حدش هيعرفه غيرنا..
فؤاد بحزن
حبيت بنت في الجامعه زمان وكانت بتحبني هي كمان بس رفضتني في الاخر واكتشفت انها كانت هي وصاحبي بيتفقو عليا عشان ياخدو فلوس مني ادفع مصاريف الحفلات ولو رحله خروجه كنت بالنسبالهم فلوس مش اكتر، ولما اتخرجت وبعدت عنهم حبيت واحده تانيه وللاسف رفضتني وقالت عليا مغرور وتنك، ودلوقتي اا..
بهاء
دي مش مشكله ده نصيب، بس انا هساعدك تخلي البنت اللي انت بتحبها دي تعرف انك بتحبها وتحبك قبل ما تعترف انت بحبك ليها…
فؤاد
انت متأكد يا دكتور بهاء انك انت اللي هتساعدني…
بهاء
طبعا ده انت كفايه انك من طرف ناني، دي ديما بتشكر فيك….
فؤاد بتوتر
تمام يا دكتور وربنا يستر..
_ تفتكرو بقي ايه اللي هيحصل؟…
ــــــ #بقلم_الكاتبه_رحاب_القاضي ــــــــ
_ في بيت امجد البحيري كانت نسمه في اوضتها وطالعه من الحمام وبتنشف شعرها ودخل امجد في الوقت ده..
نسمه بجمود
خير في حاجه؟..
امجد دخل وقفل الباب وقال
هو لازم يكون في حاجه عشلن اجي اوضتي…
نسمه بضيق
لا طبعا براحتك انا اللي همشي واروح اوضه تانيه…
امجد بغيظ
والله العظيم انتو ما ينفعش معاكم غير جو سي السيد…
نسمه
نعم قصدك ايه بقي..
قرب منها وقال
عايزه تعرفي قصدي ايه اقولك، الاول يا هانم كنت ازعق واكسر واضرب واقول تعالي با نسمه كنتي حاضر ونعم واوامرك، ولما اتغيرت وبقيت رومانسي وحنين وبقيت ولا سومه العاشق مناخيرك اترفعت علي ميتين اهلي السما..
سما ببرود
اهو ده اللي عندي، ونسمه القديمه الله يرحمها خلاص سواء انت سي السيد او سومه العاشق..
امجد ابتسم وقال
وكمان بتردي وعينك في عيني من امتي البجاحه دي؟..
نسمه بهدوء
من عاشر القوم بقي، مش مرات امجد البحيري لازم اتعلم البجاحه بعد اذنك..
جات تطلع بس مسك ايدها وقال
استني انا كده كده همشي مدام انتي مش عايزاني معاكي في اوضه واحده…
نسمه بتوتر
سيب ايدي طيب انا اا..
_ قرب منها اكتر وطلع علبه من جيبه وطلع منهت سلسله شكلها حلو اووي ولبسها ليها وقال..
امجد
كل سنه وانتي طيبه يا احلي زوجه في الدنيا…
نسمه ابتسمت وقالت
انا افتكرتك مش هتهتم زي كل سنه او ناسي..
امجد. بهدوء
من اول ما عرفتك كنت كل عيد ميلاد ليكي بجيبلك هديه بس كنتي بترفضيها لانها كانت بتكون غاليه، بس دلوقتي انتي مىاتي زحبيبتي واللي اجيبه يتقال عليه حاضر..
ضحكت نسمه وقالت
حاضر يا ابو صافي..
امجد
صافي ايه الاسم المايع ده انا مش هسمي بنتي الاسم ده..
نسمه بخبث
مش انا اللي اختارته دي مامتك قالت اسم صفاء قديم وحرام نسمي البنت اسم زب ده واختارتلها صافي…
امجد
ده اسم ميه ميه اصلا يا ام صافي..
_ قبل ما ترد عليه موبيله رن برقم غريب، بعد عنها شويه ورد وقال…
امجد
ايوه مين؟…
فوزي بجمود
وحشتني يا ابن الغالي…
امجد بقلق
فوزي يا اهلا وسهلا فينك يا جدع؟..
فوزي
هجيلك قريب بس اتقل انت وانا هجيلك بالتقيل…
امجد بسخريه
هز انا بسه هستناك تيجي انا هه…
زعق فيه فوزي وقال
اكتمياااه واسمع نمك هيقول ايه، ان ما حرقت قلبك وسففتك التراب ما ابقااش انا يا ابن اخويا، وهعرفك ازاي تلعب معايا وتمد. ايدك علي عمك. سلام يا ابو صتفي مش هتسموها صافي وسلملي علي امك…
_ قال كلامه وقفل في وش امجد، ونسمه قربت منه وقالت بقلق..
نسمه
في ايه انت كويس..
امجد بضيق
خليكي هنا انا جاي ايوه جاي وهبات هنا معاكي ومش وقت اعتراض خالص ده انا دافع اد كده في السلسله…
_ ونزل لقي صفاء قاعده بتتفرج علي التلفزيون..
امجد.
ماما ركزي معايا شويه..
صفاء
استني يخلص مسلسل المتوحش الاول ده شكله باباه اللي كان خاطفه وهو وصغير..
امجد بغيظ
يا ماما احنا في مشكله اكبر دلوقتي، عايزك تمشي كل الشغالين اللي هنا وانا هجيب غيىهم تكام وهزود الحراسه عليكم وما فيش حد منكم هيطاع من البيت غير مهايا لو سمحتو يا ماما…
صفاء بقلق
طيب في ايه طيب؟..
امجد
معلش يا ماما اعملي اللي بقولك عليه بس الفتره دي وانا هحل كل حاجه…
صفاء
حاضر بس انت خلي بالك من نفسك، امجد انا ومراتك وبنتك مالناش حد في الدنيا بعد ربنا غيرك انت…
ابتسم امجد وقال
ما تخافيش يا ست الكل قاعد علي قلبكم..
ــــــــــ بقلم_الكاتبه_رحاب_القاضي ــــــــــ
_ في شقة محمد راحله خالد وخبط علي الباب وفتحله محمد وقال..
محمد
مكلمني بقالك ساعه وربع وتقولي عشر دقايق واكون عندك ادخل يا عم..
خالد
علي فكره انا اول مره اجي بيتك المفروض الاستقبال يبقي افضل من كده..
محمد
ده لو احنا مش عدايل ابقي اعاملك برسميه..
خالد
عدايل دي هي اللي انا متجوز اخت مراتك وانت متجوز اخت مراتي.. ايه ده ايه اللي خليتني افكر فيه..
محمد
اقسم بالله انا كنت عاقل، بس انت ما اتعاملش فيك اكيد اللي اتعمل فيا..
ضحك خالد وقاله
ايوه دكتور بهاء وقتها قالي علي المقلب اللي عملوه فيك، ده انت ما تعرفش المقالب اللي حصلت في العرسان اللي قبلك..
محمد بضيق
هي سما كانت بتقابل عرسان قبلي..
خالد بجمود.
مش وقته المهم انا عرفت مين اللي عمل كده في سما، قدرت الاقي البنات اللي اتهجمو عليها وقالو..
محمد. بفضول
مين اللي عمل كده في مراتي وابني اتكلم يا خالد؟..
خالد بضيق
جيدا منصور بنت مديرتك فيروز باين مش كده…
محمد بعصبيه
يا بنت ال؟؟؟؟ والله العظيم ما هرحمها…
_ نزل محمد وهو متعصب جدا وخالد راح وراه ودخل الفرع الجديد اللي مسكته معاه جيدا مؤخراً، ودخل المكتب وهو متعصب وقال…
محمد
بقي انتي يا واطيه تعملي في مراتي كده والله مش هرحمك..
مسكه خالد بسرعه وقال
اهدي يا ابني مش كده الناس تقول ايه عليك..
جيدا بهدوء
الاخ اللي انت جايبه معاك ده بيتكلم صح..
خالد بصلها بحده وقال
بقي انا يتشاور عليا كده ويتقالي اخ..
محمد بغيظ
غلطت فيك هي كده بتشتمك..
خالد بسخريه
انت كده. بتسخني عليها، انا اصلا سخن لوحدي فاهدي..
جيدا
لو سمحت يا محمد احنا لازم نتكلم لوحدنا..
خالد
لا معلش مش هخليكي تختلي بيه اخاف عليه منك..
جيدا بحده
انت مين اثلا عشان تتكلم كده؟..
خالد بهدوء
اهدي با اموره شويه انا جوز اخت اللي انتي بعتيلها نسوان سكه زيك اعترفو من اول قلم عليكي انك بعتيهم لسما عشان يسقطوها..
جيدا بسخريه
امم وبعدين اي محامي س*ك*ه قولتها صح زيك مش كده هيطلعني منها ولو صممتو تعملو قضيه يبقي انا كمان هفتح القضيه القديمه لما الهانم اتهجمت عليا في بيتي…
خالد ببرود
واحده كانت هتخطف جوزها ادبتها قلمين علي بوكسين وهمشيها دفاع عن النفس وهطلعها، انما انتي سقطتيها و..
جيدا وقفت وقالت بعصبيه
انت مين يا حيوان انت اصلا عشان تقعد قدامي وتتكلم كده انت ما تعرفش انا مين، امشي اطلع بره والا والله اطلبلك البوليس…
محمد
بتغلط فيك من بدري وانت ساكت..
خالد بجمود
ما انا مش بحب امد. ايدي علي ستات مش رجوله، بس الست اللي تقل ادبها تتربي..
جيدا بحده
انت اا..
محمد
من قبل ما تكملي ده حصرة الظابط خالد فتحي من اشهر الظباط هنا في اسكندريه وليه اسم وهيبه..
جيدا بتوتر
اا انا ما كنتش اعرف وو..
وقف خالد وقال بعصبيه
يا حيوانه يا واطيه يا رخيصه لما تعملي اللي عملتيه ده مع واحد متجوز وتدمري حلمه هو ومراته تبقي كده واوسخ من كده..
محمد بعصبيه
الشرطه جايه في الطريق علي فكره والباشا اللي فدامك. ده لفقلك حتة قضيه هتخليكي تشرفيلك سنه او سنتين في الحجز..
جيدا ببكاء
يا محمد انا كنت باخد حقي، دي مدت ايدها هليا واخدتك مني..
محمد بحده
هو انا كيس شيبسي وانا اصلا ما كنتش بتاعك ولا ليكي، انا كنت لمراتي وحبيبتي وبس…
_ وفعلا جات الشرطه واخدت جيدا، ومحمد وخالد طلعو ومحمد. كان مبسوط جدا وقال بخالد..
محمد
عارف انت جيبتلي حقي انا بعد كده لما اجي اتخانق بدل ما اجري اكلمك..
خالد
با ابني انت ازاي متجوز سما بس، علي العموم انت لازم تسيبك من امك وشغلك ده واي حاجه هتبوظ حياتك ورجع مراتك..
محمد بضيق
لازم اعمل كده لاني ما اقدرش اعيش من غير سما…
ــــــــــ #بقلم_الكانبه_رحاب_القاضي ــــــــــ
_ في بيت عزت الشندويلي كانت جيلان قاعده في اوضة جني وبتكلم انس وجني قاعده مدايقه..
جيلان
طيب مدام انت كويس ما كملتش ليه الماتش بقي…
انس بضيق
لان الدكتور قال خطر اكمل الماتش عشان ما تحصلش انتكاسه اكبر..
جيلان
طيب تمام المهم اني اطمنت عليك وانت كويس..
انس بسرعه قال
جني اللي قالتلك تكلميني مش كده؟..
_شاورت جني لجيلان تقوله لا، وجيلان ادايقت من طريقتهم هما الاتنين وردت علي انس وقالت..
جيلان
لا يا انس جني اصلا مش عندي، وعلي فكرن هي كمان كام يوم وهتسافر البلد..
انس بصوت حزين
طيب يا جيلان بااي…
قفل انس وجيلان قالت بعصبيه
انتي ليه بتعملى كده مدام لسه بتحبيه، خلتيني انا اللي اكلمه برغم اني بجد مش عايزه اتكلم معاه، وكمان عايزه تمشي ليه كل ده يا جني، احنا مش ملايكه والغلط وارد..
جني بدموع
مع الوقت هتفهمي ان المواقف الحلوت كانت مخلياكي مش شايفه اخطاء اللي قدامك وانس كده، انا سوفت كل حاجه فيه واتجاهلت عيوبه، انس متسرع وهمجي في تصرفاته وانا مش مستعده اكمل مع حد بالعقليه دي…
جيلان بجديه
يبقي خلاص انسيه مش لسل نهار بتقلبي في صفحاته علي السوشيال ميديا، وماسكه الهدايه بتاعته وبتعيطي وهتسيبي البلد كلها وتمشي ده اسمه هروب وده مش حل..
جني بحزن
خلاص يا جيلان انا مرتاحه كده بوضعي ده…
جيلان
لو انس عنده عيوب فا انتي كمان عندك عيوب انتي مش كامله، انتي جباانه ومش قد انك تدخلي علاقه وتحافظي عليها انتي اصلا خايفه من مكالمه مع انس عشان ممكن تضعفي وتسامحي بس انتي مش عايزه تباني كده قدامه عايزه تثبتيله انك قويه بس مش بالعافيه، انا رايحه اخد شاور وانام تصبحي علي خير…
_ مشيت جيلان وجني فضلت قاعده تفكر في كلامخا، وفجأه لقيت في رساله علي الفون بتاعها من انس ولما فتحتها لقيته بعتلها رساله صوتيه وقال فيها..
انس بصوت حزين
محتاجلك اووي حتي لو انا غلطان وهكون اناني في طلبي ده بس بجد محتاجلك اووي الوقت ده يا جني…
_ شافت الرساله بتاعته وما ردتش وافتكرت اهانته ليها قدام الناس وقفلت الفون بتاعها وفضلت تعيط…
ـــــــــــــــــــــ
_ عند انس كان قاعد في اوضته جنبيه اياد وقال ليه وهو بيضحك..
اياد
بس والراجل لما قولتله اني بحب واحده تانيه مش بحب غاده وانها لو سابت المستشفي في القريه هتحصلها حاجه فضل يعيط وقالي ده انا ما صدقت حد. هيتجوزها ويرضي بدماغها دي..
انس ضحك وقل
هههه طيب والله غاده زي العسل وطيبه اووي، لولا القلب اللي انشغل كان زماني اا..
انس
والنبي ما انت مكمل هو انت مش متحمل امك هتتحمل غاده اللي اجن منها…
ودخل معتز وقال لانس بحده
انت عمرك ما هتتغير صح، ايه قلة الادب والوقاحه دي..
اياد بقلق
في ايه يا بابا ما الواد من لما رجع من المستشفي نايم ما طلعش من البيت..
معتز بحده
مين عصام صلصا ده اللي مخلي عمك حوزم يسمعه انا تعبت وصدعت من الاغاني دي..
انس بهدوء
اسمه عصام صاصا، واقسم بالله انا ما وريتوش حاجه…
دخل حازه وقال وهو بيرقص باكتافه
اللي راح بمزاجه وسابنا مش هيرجع غير بمزاجنا هو طول عمره بيحتاجنا بس احنا عادي مش محتاجينه..
ضحك انس واياد ومعتز قال
شايفين البيه عيب علي سنك يا بأف…
حازم وهو بيحرك حواجبه
حقك تدايق اصل العبدلله سايق انت فين وانا فين يا رايق اهو ده اللي مجننك…
معتز بغيظ
انا مااشي لما الحيوان ده يمشي من هنا كلموني وهاجي..
حازم ببرود
سيبك من اللي خلع كان فقري ومش وش دلع..
معتز بحده
بقي اما فقري يا ابن الجعانه، والله اصلا ما حد خرب العيال غيرك..
حازم
عيالك بايظين لوحدهم يا حبيبي، المهم انت عايز عزت الشندويلي في ايه؟…
معتز بص لانس وقال
موضوع خاص بيني وبينه هروح اشوفه واجيلك ولا اقولك انت روح بيتكم احسن…
مشي معتز وانس قال
حازم بابا عايز اونكل عزت في ايه عشان خاطري قولي..
حازم
والله مش عارف بس هو وامك بيخططو لحاجه كده مش ساهله…
_ وبعد شويه في بيت علا راح اياد. هناك ولقي منه طالعه من البيت..
اياد
اهلا بالناس الندله اللي مش بتسأل، خالتو فين؟..
منه بجمود
ماما بتجهز الشنط جوه بكره مسافره عند خالد…
اياد بقلق
مالك يا منه في ايه من امتي بتكلميني كده؟..
منه بدموع
امم سزري انت متعود علي منه اللي بتتلزق غيك مش كده، بس انا تعبت الكل حتي انت كنت عارف اني بحبك وبرضو كنت بتروح تحب وتخطب وانا ومشاعري مش مهم دي منه..
اياد بضيق
الموضوع مش كده يا منه وبعدين لين الكلام الكبير ده..
منه دموعها نزلت وقالت
عارف اما طول عمري شيفااك كبير اووي عليا ايااد بنفسه هيبصلي انا هيتجوزني انا كنت حلم كبير اووي عندي، واتحملت عشانك اهانت مرات باباك ليا تجاهلك لمشاعري وانك ديما لما ابعد. تقرب عشان انت متعود. علي الاهتمام مني ولما انكلم تقولي لا احنا اخوات يا بنتي، بس انت مين عشان تعنل فيا كده هااا انت عادي اووي واقل انك تلعب بمشاعري شويه تهتم اهتمام غريب وشويه تقولي انتي يا بنتي اختي انا مش اختك، وانت ولا حاجه انا اللي كبرتك في نظري علي الفاضي، انا منه فتحي مذيعه جميله ومشهوره والناس بتحبني ليه موقفه نفسي عليك كده ليه عشت دور الشريره مع الكل لما انت اختارت غيري، انا كنت هعيش شخصيه مش بتاعتي بسببك بس لحقت نفسي واسفه لو دايقتك بكلامي ماما جوه تقدر تدخلها…
_ قالت كلامها ومشيت واخدت عربيتها وراحت شغلها واياد بصلها بصدمه وحزن، وانه من غير ما يقصد علقها بيه من غير ما يحبها، وهو كمان مشي من غير ما يزور خالته ورجع القريه اللي شغال فيها…
ــــــــــ #بقلم_الكاتبه_رحاب_القاضي ــــــــــ
_وتاني يوم في شغل ناني كانت واقفه مع الاعداد بتوعها وفؤاد بيكلم بهاء في الموبيل وقاله..
فؤاد
ايوه يا دكتور بهاء اهي البنت اللي انت معجب بيها قدامي..
بهاء بحده
معجب بمين انا انت هتلبسني مصيبه، انت يا حبيبي اللي معجب بيها…
فؤاد
ايوه انا اللي معجب بيها، اصل انا بشوفها اتوتر با دكتور المهم اعمل ايه؟..
بهاء بحماس
قولي هي بتحب القهوه ولا الشاي؟…
فؤاد
لا هي علي طول بتبقي ماسكه قه.. شاي ايوه شاي..
بهاء
يبقي في وسط انشغالها تاخد كوباية شاي وتقولها شايفك مشغوله ومش فاكره في نفسك بس انا مش ناسيها…
فؤاد
علي فكره انا ابن ناس ومتربي هلي جو الشقط ده، وبعدين اعتبرهة بنتك اللي بحبها دي..
بهاء بحده
هي لو بنتي كنت هسمحلك تكلمني عليها اصلا، المهم انت مش بتحبها انا دلوقتي صاحبك مش الدكتور روح يلا اعمل اللي قولتلك عليه ومن غير لت كتير ولا هئ ومئ…
فؤاد
حاضر يا دكتور مع السلامه..
_ وراح فؤاد وجاب قهوه وقرب من ناني اللي كانت واقفه لوحدهو بتقلب في التابلت بتاعها وقال..
فؤاد بهدوء
لقيتك مشغوله مش فاكره في نفسك بس انا مش ناسيه، بتشربي القهوه مظبوط مش كده..
ابتسمت ناني وقالتله
ابه القمر ده، انت عارف اللي بيديني قهوه انا بموت فيه بجد ميرسي يا فؤش، بعد اذنك بقي عشان عندي هوا كمان ربع ساعه وميرسي مره تانيه علي القهوه..
مشيت ناني وفؤاد كتن مبسوط وقال
قالتلي قمر وبموت فيك بركاتك يا دكتور بهااء…
ــــــــــ #بقلم_الكاتبه_رحاب_القاضي ــــــــــ
_بالليل في بيت خالد كان قاعد بيتعشي هو وملك بتتكلم معاه وبتقوله..
ملك
وهنا بقي انتهت مرحلة الثانويه بتاعتي، ندخى بقي علي الجامعه…
خالد بنفاد صبر
سؤال بس انا ماالي بتاريخك الدراسي…
ملك
بشاركك حساتي يا خالد، وبعدين بابا قالي اني عشان ابقي ست شاطري اسلي جوزي واديني بسليك..
خالد بغيظ
هي النصايح حلوه بس انتي بتطبقيها غلط، انا صدعت يو ملك بجد، انا عمري ما صدعت كده..
ملك ببكاء
قصدك اني انا صدااع بقي دي اخرتها يا خالد؟..
خالد لطم علي وشه وقال
يالهووووووي انا ما قولتش كده بس ابوكي لما قالك تسليني كان قصده الدلع الحاجات الحلوه اللي في بداية الجواز، وبعدين مش كفايه عملالي تدس علي العشا…
ملك بغيظ
ما لقيت الدنيا مغيمه شويه النهارده وشكلها هتمطر وده جو عدس…
خالد بص الناحيه التانيه وقال بصوت واطي
ابو الجواز علي اللي عايز يتجوز…
ملك بحده
بتبرطم تقول ايه انت؟…
خالد
شاي بقول عايز شاي ممكن ولا مش ممكن…
ملك ببرود
وانت ما اتشلتش وانا مش الفلبتيه بتاعت حد قوم اعمل لنفسك واعملي معاك…
الباب خبط وخالد قال
الباب خبط قومي افتحي وانا هعمل شاي…
ملك بحده
نعممد بقي انت عايزني افتح الباب بهدوم البيت..
خالد
بس والنبي عشان اللي يسمعك كده يقول لبسالي بجامه بشورت او حتي قميص نوم مش قعدتلي باسدال الصلاه والطرحه بتاعته، تخرجي بره البيت بشعرك وجوه البيت بطرحه كرهتيني في الجواز وسنينه يا شيخه…
ملك كتمت ضحكتها وقالت
انا مس هزعل منك عشان عارفه ان الكلام ده من ورا قلبك يا حبيبي، وبعدين انا قتيمه افتح اهو تلاقيه البزاب جايب الطلبات اللي طلبناهة من السوبر ماركت..
خالد دخل المطبخ وقال
عندك الفلوس علي الترابيزه خدي اللي عايزااه…
_ وبدأ يعمل في الشاي، بس وقف وهو مدايق لما سمع صوت مامته بره، وطلع بسرعه وقال…
خالد بضيق
خير في ايه اللي جابك..
ادايقت علا وملك قالت بسرعه
هو كده ابنك معاق مش بيحب المفجآت، يا غبي انا وطنط اتفقنا نعملك مفجأه وطنط ختقعد معانا كام يوم هنا…
_ ما ردش عليها خالد ودخل اوضته، وملك قالت لعلا بحزن…
ملك
معلش يا طنط احنا اتفقنا نتحمل اي حاجه لحد. ما تتصلح العلاقه بينكم…
علا مسحت. دموعها وقالت
اوكي يا حبيبتي انا هبات فين بقي؟..
ملك
مجهزالك اخلي اوضه هنا، اتفضلي يا طنط…
_ دخلت علا اوضتها، وملك راحت ازصتها هي كمان ولقيت خالد غير هدومه وبيلبس في الكوتشي بتاعه..
ملك بقلق
انت خارج ولا ايه؟…
خالد بضيق
ايوه..
ملك
طيب رايح فين دلوقتي؟..
خالد بحده
في ستين داهيه، اوعي…
مسكت ملك ايده وقالت بقلق
في ايه يا خالد ما حصلش حاجه لكل ده.؟…
خالد بعصبيه
لا حصل ايه اللي يخليكي تجبيها هنا…
ملك بضيق
ممكن توطي صوتك، وبعدين انا قاصده اجيبها والغلط كان منك عشان عرفت اللي بينكم منها هي..
خالد بحده
انتي مالك باللي بينا ما تخليكي في حالك…
ملك بدموع
لا مالي ونص كمان انت جوزي وهي حماتي وعلاقتكم كده مش مريحاني..
خالد مسكها من دراعها جامد وزعق فيها وقال
انتي مال اهلك بتدخلي في اللي مالكيش فيه ليه؟…
_نزلت دموع ملك بخوف وحزن وصدمه من عصبيته معاها اللي لاول مره تشوفها منه و؟؟؟….
ــــــــــ #بقلم_الكاتبه_رحاب_القاضي ــــــــــ
_ في بيت بهاء طلعت سما من اوضتها وهي بتتحىك بالعافيه عشان تفتح الباب وبهاء قال..
بهاء
سما مش مهم تفتحي انا هخلص الشاور بتاعي وفتح اهو…
سما بتعب
عادي يا بابا قادره اتحرك اهو…
_ راحت سما وفتحت الباب ولقيت قدامها ثريا وعي واقفه مدايقه جدا وبصت لسما من فوق لتحت وقالت؟؟؟
_ تفتكرو ايه اللي هيحصل؟…
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية خطيبتي واخواتها التوأم)