رواية طفلة الفهد الفصل الخامس والستون 65 بقلم دعاء حجاج

رواية طفلة الفهد الفصل الخامس والستون 65 بقلم دعاء حجاج

رواية طفلة الفهد البارت الخامس والستون

رواية طفلة الفهد الجزء الخامس والستون

رواية طفلة الفهد الحلقة الخامسة والستون

زينه فتحت الباب وقالت: صباح العسل
التفت إليها وفجاه الفرحه اتحولت إلى غضب
_اطلعى برااا
زينه باستغراب:ليه
فهد بصوت جهوري: بقولك اطلعى برااا
_هو انا عملت حاجه غلط
فهد بص ليها وقال: لا لسمح الله ثم كمل بغضب: ازاى تطلعى كده
زينه بصت على نفسها ثم بصت لفهد وقالت: انا مش عريا”نه وطالعه بهدوم على فكره
_واللى حضرتك لابسه ده هدوم
زينه بجراه: اه طبعا هدوم
فهد مسك الفنجان اللى كان موجود على المكتب ورمى على الأرض
زينه اتخضت وفهد قال: اطلعى برااا مش عايز اتعصب عليكى
زينه راحت عند فهد وقالت: اي العيب في الهدوم طيب
_لا مفيش عيب انا واحد مجنون متخديش في بالك

_كنت هلبس فستان بس مالقتش ولا فستان حلو
_ما انتى عارفه المول كنت طلبتى من جاسر يوصلك واشتري اللى عايزه
زينه حضنت فهد وقالت: خلاص انا اسفه مش هلبس كده تانى
فهد بعد عن زينه ومسك التليفون وزينه قالت باستغراب: بتعمل اي
_جاسر انت لسه واقف تحت
_انا على الطريق يا بيه
_طب ارجع
جاسر باستغراب: ارجع
_في ثانيه تكون هنا
فهد قفل التليفون وزينه قالت بحزن: طب بترن عليا ليه طالما عايزنى ارجع
فهد قعد على الكرسي ومردش عليها
_طب هغير هدومى بس والنبي متكسرش بخاطري
فهد بص ليها وقال: محدش قالك أن اللبس ده ممنوع
زينه بصت لتحت وفهد بعصبية: مش قولتلك متبصيش لتحت ارفعي راسك وانتى بتكلمينى
زينه رفعت رأسها فعلاا وقالت بخوف: انا اسفه
فهد قام وحط ايدو على خدها وقال بحب: نظرات الناس ليكى بتقت”لنى يا زينه
_حبيت اغير مش اكتر
فهد بص ليها وقال: وشايفه نفسك كده حلوه
_طالما انت شايفنى وحشه اكيدا مش هشوف نفسي حلوه
_طالما بيهمك رايي اوى لبستى كده ليه
_خلاص انا اسفه
فهد بص ليها بابتسامه: زينه اي الحلو في كده
زينه باستغراب: مش فاهمه
فهد شد زينه من خصرها وقال بهمس: اي الحلو في البنطلون عايزه تلفتى الناس ليكى وخلاص
_والله بداا وبعدين هعمل كده ليه ما انا متجوزه احسن واجمل شاب في العالم
_اممم طب لبستى كده ليه
_حبيت اغير

_متحبيش تانى
زينه بابتسامه: حاضر
فتح الباب من غير ما يخبط ألتفت عالطول وقال: اي ده يا فهد مش تكح
فهد بعد عن زينه وراح عند حسام وقال: مين فين اللى يكح
حسام بلع ريقه وقال: احنا في شركه وعيب اوي كده يا أستاذ
_طب عايز اي يا محترم
حسام بص لزينه وقال: عامله اي يا زينه
فهد حط ايدو على وش حسام وقال: كلامك معايا انا
_براحه يا عم المهم باتريك رن وقال موافق
_طب كويس يلا يا زينه
حسام مسك فهد من دراعه وقال: عايز افهم الاول
_تفهم اي
_باتريك رن وقال انه موافق عايز اعرف موافق على اي
_الصفقه اتاجلت لبكره في حاجه تانى
_اخر طلب الله يخليك
فهد بنفاذ صبر: أنجز
_عايز اطلع انا كمان وبوعدك هاجى بكره بدري اوى
_ومين اللى هيكون في الشركه
_اتكلمى معا يا زينه
فهد بعصبية: طب وربنا ما انت طالع الا الساعه واحده بليل
حسام بصدمه: اي
فهد مسك ايد زينه وقال: عشان تتكلم مع مراتى تانى
فهد طلع وحسام بغضب: بلاش والنبي
اول ما فهد طلع الكل بص لتحت
نزلوا تحت وركبوا العربيه وزينه بفضول: هنروح فين
فهد بص ليها وقال: على القصر
_مصمم بردو
فهد بحده: اه مصمم
زينه اتعصبت اوى وقالت بضيق: طيب
———————–بقلمى دعآآء حجآآج—————————
عند مالك وسمر

_هاتى ايدك
مدت أيدها وشدها ليا وباسها من خدها وهي زقتوا
_اهدي يا بت
_هنروح فين
راكبين مركبه هنروح فين يعنى
قعدت وقالت: يعنى هنروح فين بردو
قعد جنبها وقال: انتى عقلك صغير اوى
دفنت وشها في رقبته وقالت: نوعاً ما
ابتسم وقال: هوديكى مكان حلو اوى
سمر بصت في عيون مالك وقالت: ولا مرعب
ابتسم للمره التانيه وقال: متخافيش ده مكان رومانسي اوى
_ازاى واحنا في مركبه
خدها في حضنه اكتر وقال: المكان ده عباره عن خيم هتعجبك اوى
ابتسمت وقالت: متحمسه أشوفها
_ربنا يستر
في قصر الكيلانى ( نور الدين المنصوري)
قاعد في اوضته ومنتظر مكالمه
واخيرااا حد رن مسك التليفون عالطول وقال: اي
_بكره أن شاء الله فهد هيكون معانا
_بكره ليه
_احنا جهزنا كل حاجه يا بيه والمخزن جاهز وانا بقول بكره احسن
جمال قام وقال بشر: المهم تعرفوا تخطفوا
_متخافش يا بيه ده حاجه سهله اوى
_اتمنى
وقفت عند الباب وقالت بصدمه: عايز تخطف مين يا جمال
جمال اتخض وقال: هكلمك بعدين
دخلت وقالت بعصبية: عايز تخطف فهد صح
جمال بهدوء: اهدي ده مكالمه مهمه اوى
_وممكن اعرف اي المهم فيها
جمال وقف على جنب وقال بكذب: حمزه عايز يقول كل حاجه
شيري راحت عند جمال وقالت بخوف: يقول اي
_راح لفهد الشركه عشان يقولوا انا وانتى اللى عملنا كده في زينه
شيري بصدمه: اي
_ولحسن الحظ فهد مكنش موجود
شيري خدت نفس عميق وقالت بابتسامه: وانت عايز تخطف حمزه قبل ما يروح لفهد
جمال بابتسامه تحمل التريقه: ايوه بحب ذكاءك ده

_وهتعمل فيا اي
_هعمل فيا اي ده هيشوف عذ”اب وربنا لاخلى يتمنى المو”ت
(جمال كان بيتكلم عند فهد وشيري مفكره انه بيتكلم عن حمزه )
دخلت الاوضه وقعدت على طرف السرير وبص ليها وقال: هتفضلى قاعده كده كتير
_امال هروح فين
_مش عايزه تطلعى
زينه قامت وقالت: يعنى موافق اطلع كده
_هو انا لو موافق انك تطلعى كده كنت جبتك القصر
زينه هزت راسها وفهد ضر”بها على رأسها وقال: غبيه أوى
_امممم هدخل اغير
_هنزل تحت متتاخريش
زينه هزت راسها وقالت بفرحه: ماشي
طلع فعلا وهي طلعت احسن فستان عندها ودخلت الحمام
فهد وقف مره واحده وقال: شيري وجمال مع بعض يا تري ناوين على اي
_طب يا جمال اعمل اللى تشوفوا اهم حاجه نفضل في أمان
_متخافيش يا شيري طول ما انا موجود على قيد الحياه محدش يقدر يقف في وشنا
فهد ابتسم وقال: وانا اللى هقف في وشك يا جمال
عند مالك وسمر
كانوا في مكان يوحى الى الهدوء والاستقرار
نزلوا من المركبه وقال بابتسامه: اي رايك
بصت ليا وقال: عرفت المكان ده منين
مالك حط ايدو على كتفها وقال: اي رايك الاول
_حلو اوى
_اممم طالما حلو اقدر اقولك عرفت المكان ده ازاى
سمر بتحذير: مالككك
_لا متخافيش مش من ناحيه البنات
ضمت حواجبها وقالت: امال من ناحيه اي
_كنت مره زهقان اوى قررت اركب المركب بالصدفه شوفتوا
سمر حضنت مالك وقالت: بس الصراحه المكان تحفه

_طب تعالى معايا
سمر بفضول: فين
مسك أيدها وقال: مش عارف موجوده ولا لا
_هي اي
_تعالى بس
راحت معا فعلاا وقال بفرحه: ياااا من سنتين ولسه موجوده
_تقصد اي
_الخيمه ده كنت عملها
_اممم وكنت قاعد فيها لوحدك
_مع الشباب طبعاا
سمر بغيره: ويا تري الشباب دول بنات ولا ولاد
_يخربيتك وانتى غيوره اوى
سمر دخلت الخيمه وقالت: ده صغيره اوى ما تيجى نوسعها
_امممم موافق
بالفعل بدأوا يوسعوا في الخيمه
_مالككك
_اممم
_تعالى هناا
مالك راح عندها وقال: في أي
_مين دول
مالك بابتسامه: اتاخرتوا اوى
سمر مكنتش فاهمه حاجه ومالك بصلها وقال: قولت بدل ما نكون لوحدنا قولت اكلم الشباب يجوا اي رأيك
سمر بصت لمالك باحتقار
_مش يلا يا شباب نعمل خيم
_يلااا
راحوا فعلا وهي فضلت واقفه وقالت باحتقار: ازاى يجيب شباب وانا موجوده معاااا
مالك لاحظ غضب سمر
_ثانيه يا شباب
مالك راح عند سمر وقال: مالك
سمر بغيظ: ماليش
مالك ضم حواجبه وقال: متاكده
سمر بعصبية: ايوه متاكده
مالك انخض من عصبيتها المفاجئه وقال: انا قولت حاجه غلط من غير ما اخد بالى
سمر بصت ليا بقرف وقالت: كلك على بعضك غلط مش هتكبر خالص
_في اي يا سمر

_في انى عايزه أمشي
_تمشي
_اه عايزه أمشي
_حد كلمك من الشباب
سمر بصت ليا بعصبية: انت مش مكسوف من نفسك لما تجيب شباب ومراتك معاك
_واي المشكله
_ده في حد ذاتها مشكله
_اي ده الشباب وصلوا
سمر التفت ولقت اكتر من عشر بنات وبعدها بصت لمالك وقالت: مين دول
_وانتى مفكره انى هوافق اجيب صحابي وانتى معايا
_مالك اخبارك اي وانتى يا سمر اخبارك اي
سمر ابتسمت ومالك قال: اتاخرتوا كده ليه
_اسكت الباص اتعطل كتير اوى على الطريق المهم انا جعانه اوى
مالك ضر”بها على رأسها وقال: مش هتتغيري هتفضلى طول عمرك كده
البت قربت من مالك وقالت: انا مش بتغير يا مالك انت اللى اتغيرت
مالك خد سمر في حضنه وقال: واتغير مليون مره عشان القمر ده
البت بصت لسمر وقالت: اممم ربنا يخليكم لبعض عن اذنكم
سمر زقت مالك وكانت ماشيه ولكن مالك مسك أيدها وقال: في اي مالك
_بكل وقاحه عملت كده امال لو كنت لوحدك كنت عملت اي
_ازاى
سمر دخلت الخيمه ومالك حط ايدو في جيبوا وقال: انا عملت اي عشان تزعل كده
في قصر الكيلانى (نور الدين المنصوري)
نزلت اخيرااا وقالت: فهد فهودتى
زينه باستغراب: راح فين بس
دخلت المطبخ وقالت: مشوفتيش فهد يا سناء
_برااا يا خانم
زينه طلعت وفهد كان واقف وبيتكلم في التليفون
زينه جرت وحضنت فهد من ضهروا وقالت: فكرتك مشيت
_طب تمام هكلمك بعدين
التفت اليها وقال: كل ده عشان تطلعى
زينه لفت وقالت: اي رايك
فهد بتفكير:امممم

زينه بغضب: يعنى اي مش حلو صح
فهد قرب من زينه وقال: لما تلبسي فساتين بتبقي زي اميرات ديزني واحلى منهم كمان
زينه مسكت دراع فهد وقالت: غلط ومش هيتكرر
_اتمنى
_مش يلاااا بقااا
فهد فتح الباب وقال: اتفضلى يا سمو الاميره
زينه ركبت فعلاا وكل ده وجمال واقف في البلكونه وماسك سيجاره وبيضحك بخبث
_مو”تك بكره يا فهد واول ما تمو”ت هاخد زينه في حضنى
في الطريق
زينه بفضول: هنروح فين؟
_مفاجاه
زينه مسكت دراع فهد وقالت: بليزز
فهد بعصبية: هنعمل حادثه يا هبله
زينه بعدت عن فهد وقالت: طب اي هي المفاجاه
_ما انا لو قولت مش هتبقا مفاجاه
_عشان خاطري يا فهد
فهد بص لزينه وقال بابتسامه: فضوليه اوى
_قول بقااا
_عند الين وتيم مش كنت وعدتك اننا نروح
زينه بفرحه: بتهزر صح؟
_ممكن
زينه حضنت فهد وفهد مكنش شايف حاجه وقال بعصبية: أوعى يا بت هنعمل حادثه
زينه بعدت عنه وكانت فرحانه اوى
———————–بقلمى دعآآء حجآآج————————
قعدوا كلهم وبدأوا يلعبوا لعبه الصراحه
_الدور عليك يا مالك
_انا مش بقول الحقيقه على فكره
_مالك ده اسمها لعبه الصراحه ولازم تقول الصراحه
_خلاص موافق
بصت لسمر واتعمدت تسأل السوال ده
_كام مره سهرت مع بنات يا مالك
مالك بص لسمر اللى بصتلوا أيضا

_اي يا مالك مش عارف تعد ولا اي للدرجه ده كتير
مالك بص ليها وقال بابتسامه: طب ممكن أسألك سوال وبوعدك هرد على سوالك
_امممم موافقه
_كام مره عرضتي عليااا نسهر سوا في مكان خاص وانا رفضت
البنت انحرجت اوى وقالت بارتباك: ولا مره
_هي مش ده لعبه الصراحه بردو
البت بصت لتحت ومالك قالها: فين الاجابه
_انا زهقت عن اذنك
قامت ومالك ابتسم وقال: طب تعالى اجوبك على سوالك
_في اي يا مالك احنا هنا عشان نتسلى
مالك قام وقال بعصبية: بالطريقه ده معتقدش عن اذنكم
_مكنش ينفع تقول كده
سمر دخلت لمالك وقالت:
_مالك زعلان كده ليه ولا خفت من الاجابه
مالك بص ليها وقال: لا مخفتش وكنت مستعد اجوبها
_طب انا عايزه اعرف الاجابه الصراحه عندي فضول
_يعنى اي
_هو اي اللى يعنى اي عايزه اعرف اجابه السؤال
مالك قام وقال: يعنى مصدقه كلام الزبا”له ده
_مش قصدي بس سكوتك بيدل على أن كلامها حقيقي
_عايزه تعرفي
_اتمنى
_سهرت مع بنات كتير اوى ومش عايز ادخل في التفاصيل
الدموع نزلت من عين سمر وقالت: بجد
_مش عايزه تسمعى كده وانا قولتلك اللى انتى عايزه تسمعى عن اذنك
سمر ضر”بت بايدها على رأسها وقالت: اما هبله بشكل
قعد على جنب وكان متعصب اوى
_مالك
بص لتحت وقال: عايزه اي تانى ما قولتلك اللى عايزه تسمعى
سمر قعدت جنبه وقالت: انا اسفه
_مش اول مره لحد دلوقتى بتشكى فيا
حطت راسها على كتفه وقالت: مش عارفه ازاى قولت كده والله
مالك بعد عنها وقال:بس انا عارف
سمر بصت في عيونه وقالت بفضول: عارف اي
_مش بتوثقي فيا ولو حد جي وقالك حاجه عليا هتصدقي
_لا مش صح
_والدليل ؟
_انى سايبه حياتى ملكك

مالك:________
سمر حضنت مالك وقالت: انا مش هطلع معاك تانى
مالك بضيق: ليه
سمر بصت لمالك وقالت: كل ما نطلع مع بعض نفترق
مالك أبتسم وقال: فعلا
سمر ابتسمت على ابتسامته وقالت: ما تيجى ناخد جوله عندي فضول اوى اتجاه المكان ده
مالك قام وقال: طب يلاا
مسكت ايدو وقامت فعلاا
في شقه الين وتيم
كانت بتخبط على الباب جامد اوى
فهد مسكها من شعرها وقال: عيب كده يا هبله
فتحت الباب وكانت في حاله صدمه وفرحه في نفس الوقت وقالت: زينه
_مفاجاه صح
الين حضنت زينه وقالت: واحلى مفاجاه كمان
_امال فين تيم مش شايفوا
_قال أنه رايح مشوار هتفضلوا واقفين كده كتير اتفضلوا
دخلوا فعلاا
_على فكره يا فهد تيم زعلان منك اوى
زينه بصت لفهد وقالت: قوليلوا يا الين كسر بخاطري والله
قاطع حديثهم رنت تليفون فهد
_ثانيه واحده
_كل مره يهرب من الاجابه
الين قعدت جنب زينه وقالت: المهم اخبارك اي
_انا تماام
_مش ناويه تجيبي عيل بقااا
زينه بصت ليها وقالت: وانا اجيب عيل واربي
_واي المانع
_مش لما اتربي انااا الاول
الين قعدت تضحك وقالت: زي ما انتى متغيرتيش
_طب تصدقي ايام الامارات كانت احلى أيام
_كانت هتبقا احلى لو حسن معملش اللى عملوا
_يلا خاد جزءاته
_زينه
زينه قامت وراحت عند فهد وقالت بابتسامه: نعم
فهد حط ايدو على خدها وقال: لازم نمشي
الابتسامه اتحولت إلى غضب وقالت: ليه احنا لسه واصلين

_حسام رن عليا وحصل شويه مشاكل في الشركه
زينه بحزن: طيب
الين قامت وقالت: في اي
_معلش يا الين لازم نمشي
قالتها وهى زعلانه اوى
الين بحزن: ليه انتوا لسه واصلين
_معلش يا الين عندي شغل مستعجل
_طب ممكن اطلب منك طلب يا فهد
فهد هز رأسه وقال: طبعاا
_خلى زينه معايا ووقت ما تخلص شغلك عدي عليها وخدها
_يا ريت
فهد بص لزينه وقال: خلاص ماشي
زينه فرحت اوى وقالت: حبيبي يا فهودتى
فهد باسها على رأسها وقال بتحذير: اوعك تطلعى
زينه هزت رأسها وفهد طلع والين قالت: بقينا لوحدنا تيجى نلعب
زينه ضمت حواجبها وقالت: نلعب
_في المطبخ
زينه بابتسامه: قصدك نبدع
الين هزت راسها وقالت: حاجه شبه كده
_اشطا
الين وزينه دخلوا المطبخ والين قالت: بتعرفي تعملى اي يا زينه
_بصي ماليش في المطبخ اوى اقل حاجه اعملها اسلق بيض
الين قعدت تضحك وقالت: طب اقعدى واوعك تعملى حاجه الا ننحر”ق
_طب والله حصلت حر”قت المطبخ قبل كده
الين قعدت تضحك وقالت بتريقه: اكيدا فهد بجبروته قال اي اللى عملتى ده
_بالعكس خاف عليا اوى
_وقتها كنتى بتحبي فهد يا زينه
_والله ما فاكره المهم هتعملى اي
_تحبي تاكلي اي
_بصي انا من عشاق المكرونه بكل أنواعها
_بشاميل ؟

زينه هزت راسها وقالت: ماشي
———————-بقلمى دعآآء حجآآج———————–
بعد مرور ربع ساعه وخصوصاً في شركه نور الدين المنصوري
وصل الشركه وقال: في اي
الكل قام وحسام راح عند فهد وقال: الشركاء بتوع الامارات هنا
_امال رنيت عليا وقولت في مشكله حصلت ليه
_كان لازم اقولك كده عشان تيجى
فهد زق حسام وراح غرفه الاجتماع وقال: اي المفاجاه ده
قاموا وقال أحدهم: رنيت عليك كتير يا فهد لكن مردتش
فهد بص في التليفون وقال: انا اسف اوى التليفون وقتها كان صامت
_ولا يهمك المهم عايزين نكملوا الصفقه
حسام فتح الباب وقال: الورق كلوا اهو يا فهد
قعد على الكرسي وقال: اتفضلوا
قعدوا فعلاا واتكلموا في كل التفاصيل والشركه على موعد اعلان اكبر صفقه في تاريخ شركه الكيلانى
(نور الدين المنصوري )
حسام بص لفهد وقال: مش هتوقع يا فهد
فهد وقع فعلا وتمت الصفقه
قام وقال: الف مبروك
بصوا لبعض وكانوا في قمه السعاده اخيرا تمت الصفقه بنجاح وده اكبر صفقه في تاريخ شركه نور الدين المنصوري
_بما أن الصفقه تمت بنجاح حابين نعمل إحتفال
_اي رايك يا فهد
فهد بتكفير: طبعااا
_ممكن نحتفل في فندق المساء
_اي رايكم عندي في القصر
بصوا لبعض وقالوا: خلاص موافقين
_بس رجااء بلاش الاعلام يدخل
_طبعا يا بيه
طلعوا وحسام كان فرحان اوى وقال: وربنا ما فرحت كده يوم فرحى
فهد بص ليا بقرف وقال: وانت بتفرح اصلا
_في اي يا فهد والله عايز اعيط
_ليه
_نفسي اتحن عليا شويه
فهد بتريقه: حاضر هاخدك في حضنى المره الجايه
_طب وزينه تروح فين
فهد زقوا وقال: مش قولتلك بلاش تجيب اسم زينه على لسانك
_هطلع بقاا

_امممم موافق
حسام باس فهد من خدوا وقال: صاحب عمري يا ناس
_في اي يا حيو”ان
_ده مكنتش بوسه يااض
_طب امشي من قدامى
حسام طلع عالطول الا فهد يغير رأيه
عند مالك وسمر
كان حاطط ايدو على كتفها
_هنفضل ماشين كده كتير
مالك وقف وقال: عايزه اي
سمر بصت حواليها وقالت: اي رايك نلعب
مالك بتريقه: نلعب
سمر هزت راسها وقالت:اه والنبي
_نلعب اي؟
_انا هستخبا وحضرتك هدور عليا
_موافق
طب غمض عينيك
_حتى في ده اغمض عينى
_يلاا يا مالك
_حاضر يا قلب مالك
غمض عينه وفي ثانيه سمر اختفت
بعد مرور عشر ثوانى مالك فتح عينه وحط ايدو على شعروا وقال: يا تري راحت فين
_سمر سمر
بعد شويه مالك مالقاش سمر وبدأ يقلق عليها وقال: سمر انا بدأت اخاف اطلعى بقااا
قعد يدور لحد ما استسلم وقال: انتى يا بت اطلعى بقاا والله قلبي هيقف
وفجاه سمع صوت صريخ: مالككك
مالك بصدمه: سمر

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية طفلة الفهد)