رواية صغيرتي الفصل الأول 1 بقلم غادة صلاح

الساعه 3 الفجر، جرس الباب بيضرب بطريقه متواصله من غير اي انقطاع

فهد بنعاس:حاضر جاي جاي

حور بضيق:مين بيرن الجرس في الوقت دا

فهد:معرفش هشوف مين

حور:ربنا يستر

فتحت الباب بسرعه ملقتش حد بصيت يمين شمال مفيش حد الشارع كله فاضي شفت خيال حد بعيد بيجري، اتحركت عشان انادي عليه رجلي خبطت في حاجه علي الارض، وطيت اشوف اي لقيتها سله ومتغطيه، فتحت الغطا لقيت طفله وكانت تقريبا نايمه،  اتصدمت وشلتها ودخلت بيها بسرعه كان الجو اقل ما يقال عنه برد.

فهد:حور تعالي بسرعه

حور:في اي، واي دا؟

فتحت السله لقيتها طفل صغير اتخضيت:اي دا ي فهد؟

فهد:حد سابها ومشي

حور:لا اله الا الله، طب دور كد في السله يمكن في حاجه توصلنا ل اهلها

دور فهد في السله لقا رساله، “انا اسفه جدا عشان حطيتكوا في الموقف دا، بس غصب عني والله دي بنتي وجيباها في الحلال مش نزوه بس ظروفي اقوي مني لو فضلت معايا اهل ابوها هيقتلوها زي ما قتلوا ابوها، لا انتو تعرفوني ولا انا اعرفكوا، بس بنتي امانه معاكوا بالله عليكوا حافظوا عليها كأنها بنتكوا، ولو عشت ومش قتلوني هرجع واخدها، استوصوا بها خيرا”

حور وفهد بصوا لبعض

حور:قلبي وجعني عليها

فهد:وانا كمان جدا

صوت عياط شديد،اتخضت حور وشالتها تسكتها

حور:طب بتعيط ليه دلوقتي

فهد: يمكن جعانه

حور:في لبن في التلاجه سخنه عما اسكتها شويه

قهد غليي اللبن وجابه في كبايه:خدي

حور:هنشربها في الكبايه ازاي

فهد:مفيش حاجه للاطفال هنا نشربها

حور:ناولني معلقه صغيره كدا نحاول نشربها

خدت حور المعلقه وحاولت تأكلها بس هي رفضت وكانت بتزقها بعيد وتعيط اكتر 

حور:مبتاكليش ليه بس

فهد:هاتي كدا اسكتها انا

فضل يلف بيها في الاوضه وصوتها بيذيد عياط، عدي ربع ساعه ومبطلتش عياط

فهد وحاطط ايده علي ودانه:سكتيهاا راسي هتنفجر

حور بزعيق: اعملها ازاي دي م انت شايف مش راضيه تسكت ولا بتاكل ارقص لها يعني

فهد بضيق:الصبح هيطلع وعندي شغل ودي مش راضيه تسكت وعايز اناااااام

حور:م انا متنيله علي عيني عندي شغل انا كمان

فهد بصلها بضيق :استغفر الله يارب صبرني، بزعيق جامد:اسكتي بقاااااا صداااع انا مالي انا وماب تربيه العيال

بصتله الطفله ولوت شفايفها وراحت مصوته وعياطها زاد

فهد بخضه:طب اهدي اهدي، هي اي الريحه دي؟

حور: دي شكلها عملتها

فهد:غيريلها

حور:نعم ي اخويا اغير ل مين دا انا بقرف من نفسي،غيرلها انت

فهد:نعم يمااا اغير لمين مستحيل لا

الريحه ذادت اكتر وعياطها زاد

فهد:ام القرف دا بس، تعالي نغيرلها سوا

حور:طب مفيش بامبز،هات من الصيدليه اللي جنبنا

فهد:هي ليله سوده اصلا

خرج فهد وراح الصيدليه

فهد:لو سمحت عايز بامبز اطفال

الدكتور;مقاس كام

فهد بحيره :مش عارف بس بص هي طفله بالحجم دا كدا وشاور علي شكل ايده

الدكنور;يعني تقريبا عمر شهرين صح

فهد:اه تقريبا

الدكتور:اتفضل

بعد 10دقايق كان جاب البامبز ورجع

حور:بيتغير ليها ازاي بقا 

فهد:لا دي بتعتك انتي بقا

حور:فعد هعيط والله الريحه معفنه اووي هنغيرلها ازاي

فهد:طب نوميها علي الكنبه كدا

حور حطتها علي الكنبه ووقفوا يتفرجوا عليها

حور:ها وبعدين

فهد:تعالي نحاول نخلعها الهدوم ونحطلها البامبز

وطلت حور وشالت هدومها كلها وفضلت بالبمبز والطفله بتبصلهم وساكته، حطت حور ايدها علي بقها ومنخيرها بسرعه ورجعت ل ورا

حور:لالا مستحيل هموت من الريحه

فهد:طب افتحي البامبز بس

حور:مستحيل افتح انت

فهد:اخلصي بقا ي حور

حور بقرف: حاضر حاضر

قربت منها حور وفتحت البامبز وهي قرفانه جامد ومسكته ب طرف صوابعها وبعيد عنها

فهد حط ايده علي بقه ومنخيره:ارميه بعيد ارميه

حور غمضت عنيها ومشيت عشان ترميها اتكعبلت في السله ووقعت والبامبز وقع علي تيشرت فهد،فهد بص ل حور وبص للبامبز والتيشرت وبص للطفله، صرخت الطفله بمرح وضحك، راح فهد واقع من الخضه وشكل التيشرت، فضلت الطفله تضحك بمرح، بصتلها حور ب ابتسامه وفهد ابتسم علي ضحكتها.

الساعه 7 الصبح

حور:اخيرا نامت

فهد:مش قادر هموت من التعب فرهدتني

حور ;بتعب هموت وانام ،بس شكلها ملاك وهي نايمه هنسميها اي

فهد ب ابتسامه:شكلها شبه الكريز كدا بخدودها الحمرا دي

حور:روز نسميها روز

فهد:اسم حلو اوي

حور:هي الساعه كام، ينهار ازرق الساعه 7 ،الشغل عندي اجتماع مهم

فهد بخضه:يالههههوي عندي اجتماع الساعه 9 اتأخرت

نطت حور وفهد وكله بيجري ورا بعضه ويلبسوا هدوم والبيت في حاله فوضي خلصوا وجريوا علي الباب،قبل م يفتحوه سمعوا صوت عياط بصوا وراهم ب قله حيله ….

الاتنين بصوت واحد:لا لا مش وقته

يتبع…..