رواية التضحية الفصل الثالث عشر 13 بقلم آية حسن

رواية التضحية الفصل الثالث عشر 13 بقلم آية حسن

رواية التضحية البارت الثالث عشر

رواية التضحية الجزء الثالث عشر

رواية التضحية الحلقة الثالثة عشر

علي: شاب سوس قرايا 🤓يقرا في الهندسة وهو راس ولد عند عيلته والمدلل طبعا، طيب وقلبه ابيض، مؤدب هلبا وخلوق وعنده مستقبل 💕
نوري: ولد عاقل وعقله راكز يخدم علي راسه ومش متع كلام فارغ مايحبش كترة البنات واخد منهم كف مقوم سابقا، ظهوره مش هلبا لكن اثره حلو 💕
ليال: بنت ملامحها جذابة بكل معنى الكلمة وجهها وشكلها حلو، اصغر وحدة في عيلتها شاطرة في قرايتها لكن تعبانة منها، ماعندهاش هدف معين في التخصص لكن كلية الهندسة محطة تفكيرها 💕
الحلقة التالتة عشر 🔥
ردت شهد: المفروض قلت مرتبط، ربي يدومكم لبعض 😉
الولد: لا مرتبط لاهم يحزنون، اصلا اني معجب بيك انتي هي خودي بلا مجهول اني كله معلوم، بجديات شهد اني معجب بيك وبكلامك🤤❤
شهد لما شافت الكلام في قلبها: تشجعي مرات ربي يكتبلك وتحبي مرة تانية بعد المرحوم 💔
خشت شهد هدرزت عليه وتعرفو علي بعض (علي) اسمه وزاد شجعها علي حلمها الهندسة، استمرت علاقتهم اسبوعين كاصدقاء لان شهد معش، عندها جهد للحب وفي حاجة تحس فيها غلط او ان الموضوع مش سليم لكن فاتت الشعور هدا واستمرت معاه لكن بحذر 👌🏻
بعد شهر من التعارف …🔥
ندى: شهودتي، استاحشتك اني اليوم مروحة لليبيا زيارة وراجعة تاني تعاليلي غدوة 🥀
ناضت شهد من النوم لقت الرسالة هادي من ندى عيونها ضحكوا من غير سبب 😍😍ندى مروحة واخيراا بنشوفها
قعدت متحمسة اليوم كله وتاني يوم مع العشية مشت لحوش ندى، وكالعادة نورية وندى بالاحضان لشهد ❤️‍🩹
نورية: عندك علم ان عندك امانة عندنا ماعرفناش بوجودها الا امس! لما جينا وضمينا وفتحت دار عبدو امس 💔
شهد: شن هي؟ من عبدو قصدك! ترا نشوفها بعد اذنك🥺
نورية: مدامها ليك اكيد بنعطيهالك اهيا بري شوفيها 💕
مشت شهد للدار شافت بوكس صغير فتحاته لقاته تيشيرت مكتوب عليه (شهودتي) ومعاه كرت مكتوب فيه (عيد ميلادك قرب واني اول من بيهديك لو ربي عطاني عمر) 💔
شهد: موتك ليه 7 شهور وعيدميلادي ليه 5 شهور الله غالب مشيت وخليتني قبل ماتعطيهولي 💔
خدتها شهد وطلعت. حبست دموعها وحزنها قدام نورية لدرجة انها لما روحت تعبت من قلبها تاني وضطرت تمشي للمستشفى طول دخلوهاا للاسعااف الفائق💔
الدكتور للممرضة: تخطيط قلب بسرعة، شهد تعباانة💔
الممرضة: هلبا قلبها تعبان معش تعيش الا بالادوية وكترتها تسبب مضاعفات يعني اقصى مدة اسبوعين يادكتور 😢
الدكتور: نعرف الكلام هدا، بنعطيها كورس كامل لمدة اسبوعين لو تحسنت تكون تغلبت علي القلب ولو ما تحسنتش يكون العوض عند الله لعيلتها 💔😓
شهد تسمع في الكلام اللي صاير، خطرت عليها فترة بعدها علي عبدو، معقولة بتعيشها ل علي لو ماتت؟ 😔
شهد: احسن حل نديرله بلوك، يكرهني احسن ما ينكسر علي خاطري 💔
وفعلا شهد دارت بلوك ل علي وقررت تجبد روحها
الليلة هاديكا كان في مريضة كبيرة في السن معاها مرافق (ولدها)، طلعت شهد من الدار لقاته يبكي علي امه وبعدين قام راسه فيها، هدرزت عليه ووساته وحكتله انها نريضة قلب وهكي واسمها شهد🦋
الولد: اسمي نوري، عندك علم اسم شهد نحبه، عاشت الاسامي
المهم قعدو للصبح يهدرزو لان شهد ممنوع عليها النوم لازم تكون تحت المراقبة ، اذن الفجر صلت وخدو ايميلات بعض وارقامهم وبعد ساعات الكل رجع لحوشه والامور لوز🥀
نوري قعد اعز صديق لشهد وزي الخو فعلاا حنين عليها ويسمعلها طول الوقت ونيته صافية من ناحيتها💘
بعد اسبوع …🔥
ندى: شهودتي عندي ليك خبر، اني ارتبطت واخيراا😍😍
شهد: تبصري! من وين مصر ولا ليبيا؟ 🤤💕
ندى: لالا من ليبيا، وعلى فكرة متشوق يعرفك من كتر الكلام عليك، والله كويس اني مزال نختبر فيه قلت نقولك اول شي 🥺❤️‍🩹
شهد: فوتيلي هاليومين وبعدين عادي مرحبتين بيه خلي يتعرف، عادي معاك اني ياعمري لاخر العمر 🥺🦋
بعدها شهد رقدت طووول كانت تعبانة نوري يتصل وهي ماتردش، بعد ماناضت وصحصحت كلماته وكان يستنى فيها احر من الجمر🔥
نوري: وينك انشغلت عليك اليوم؟ اسمعي عندي ليك موضوع نبيك تكوني معاي فيه لان ماعندي حد 🦋
شهد: وخيي اللي جاباته ليا الدنيا، تعرفني معاك للموت 🔥
نوري،: نوارة وخيتي، ربي مايغيبك عليا، حقا سكري تو يتم رصيدك نعاودلك اني هي 😅
شهد في قلبها: زعما خيره نوري؟ انشالله خير اول مرة يتكلم بالطريقة هادي
شهد: ايواه، اهاا معاك، شن موضوعك؟ مضايق علي حاجة؟
نوري: لالا الحمد لله مافيا شي، الموضوع اني تعرفت علي بنت وقلتلها عندي اخت وحدة واللي هي انتي وحكيتلها ان انتي صديقة يعني مش اخت من الدم، نبيك تتعرفي عليها هي رحبت بالموضوع، البنت كويسة وطيوبة بندير قروب واتس لينا كلنا ونخشو مكالمة تمام؟ 🤔
شهد: اسمع قول لحبيبتك ان حماتها واعرة راهو😂 كل شي منك حلو وعلي عيني وراسي، احلى حبيبت خو في الدنيا، فوتلي هاليومين وبعدين ساهل🦋
نوري: تمام به هي بعدين نهدرزو 🥀
بعد اليومين …🔥
زينب: سمعتي بالكلبة ندى ارتبطت منغير ما تقول الا ليك انتي، تعرف من تبشر فااالحة صاحبتك 🥴🥴
شهد: اي قالتلي اليوم تبيني نتعرف عليه قالت مشعارفة منحبش الجو هدا لكن ندى منقدرش نرفضلها طلب 🤤
زينب: معليشي تعرفي عليه وبعدين ماتكتريش معاه دوة علي خاطر ندى عادي ☺️هي نستادنك اني 💕
ندى باعتة رسالة: اليوم بندير القروب وفري النت عندك تمام
شهد: تمام ي عمري ربي يسخر الحال💕
اذن المغرب ناضت شهد صلت وقعمزت تستنى في ندى ولا نوري من يكلمها الاول
ندى: عندك علم حتى هو عنده اخته يبيني نتعرف عليها قال بيكلمها توا، هدا علاش عطل ☺️
شهد: به عادي، اصبري عندي مكالمة، …ايوا نوري وينك؟
نوري: اهو حطيتك فيه قروب الواتس، دقيقة بس 🤔
وهنا كااانت الصدمة 🔥🔥
طلعت شهد طرف مشترك …تعالو نوضحلكم كيف😂
ندى ونوري هما اللي يحبو بعض وشهد هي اخت نوري وفي نفس الوقت صديقة ندى ههههه طلعو ما اللي بيتعرفو علي بعض مش شهد 😂❤
شهد: انشالله انتو تعرفو بعض، من امتا يا حلويين 😂
نوري وندى مصدومين: فهمينا ي أختنا الحبيبة من تكوني؟
شهد قعدت تشرحلهم ان هي شخص واحد وان صدفة والدنيا صغيرة جمعت اغلى الناس عندها ببعض 🦋🥺
شهد: اسمعوني، من توا نقوللكم ردو بالكم تشكولي من بعض خلوني خارج علاقتكم لو تبوها تمشي كويسة، اهو قلت 🙂
شهد تتكلم: فرحت هلبا ليهم الزوز ان ربي عوض ندى من خوها بنوري الطيب، ونوري ربي عوضه علي علاقته الاولى🦋🦋
بعد اسبوع …🔥
اليوم المنتظر عند شهد وهو يوم نتيجة التخطيط الاخير، ناضت الصبح لقت (مريم /زينب/ندى/نوري) كلم باعتين رسايل يطمنو فيها مايبوهاش تتوتر واعطوها طاقة ايجابية 💕
محلاها لما تحصلي ناس زي هادو، وربي هما اكبر نعمة كانو لشهد 🦋🔥
وصلت للمستشفى وطبعا الدكتور كان يحب شهد وزيارتها عنده فيها الزايد، لكن ملامح وجهه بعد التخطيط تغيرت😔
شهد: خيرك دكتور في حاجة مش كويسة؟🥺
الدكتور: يا شهد اني نبهتك وقلتلك ما اتعبيش روحك صح؟
شهد بتبكي: اي صح، اني حاولت نكون هادية وماننفعلش😔
الدكتور: ماتبكيش، اسمعيني كويس توا، انتي سمعتي كلامي؟ نقولو اي سمعتي الكلام ونتائج التخطيط كانت…كويسة الحمد لله😍😍، شهد ودعي المرض خلاص عيشي حياتك الحمد لله علي سلامتك ❤
وفجأة يخش الكادر الطبي بالكامل (الدكتور المرافق، الممرضات، دكتورة التحاليل) وفي ايدهم هدية وكيكة🎂مكتوب عليها: ماتنسيناش لان حني مش ح ننسوك شهودة
فرحت شهد وشكرتهم وهدرزت معاهم شوية وبعدها طلعت روحت …🥀
كلمت زينب وندى ومريم قالتلهم وهي فرحاااانة 😍😍
زينب: خلاص بنرتاحو؟ واخيرا، الحمد لله علي سلامتك.
مريم: الحمد لله علي سلامتك ياقلبي💕
شهد: الله يسلمكم، ندوشتي قولي ل نور اكيد حتى هي مشغولة (علي نوري طبعا لان عيلتها في جنبها) 😉
شهد توا الحمد لله بالها مرتاح من جميع النواحي الا من ناحية علي المسكين اللي حظراته منغير سبب مقنع💔
خشت علي حسابه قعدت تشوف في مناشير لقت بنت اسمها (ليال) شهد استغربت لان علي من متع بنات 🤔
خشت علي ايميلها لقتها اخته خشت كلمتها وهدرزت عليها وحكتلها شن صار بينها وبين خوها، في الاول ليال زي اللي مش عاجبها الموضوع لكن بعدي ارتخت وعادي 🥀
شهد: شن تنصحيني ندير توا؟ زعما يسمعني ولا لا 🤔🥺
ليال: اني خوي ونعرفه، لو حكيتيله ح يتعاطف معاك ومش ح يردك ولايجرحك لان انتي عندك اسبابك 💕
شهد: باهي تمام توا بنخش نكلمه وانشالله خير، سلامات وشكرا انك سمعتيني ليال مشكورة 🦋
نحت شهد الحظر وبعتت ل علي: عليوة، شنجوك، انشالله بخير 🥺❤
علي فرح لما شهد بعتتله قعد مش مصدق عيونه: شهودة وينك ليك وحشة معقولة اديريلي بلوك بلا سبب، قعدت نراجع في روحي قلت مرات اني مداير لقطة مش حلوة معاك ولا حاجة غلط 🥺💔
شهد: كانت عندي ضروف اقوى مني خلتني ندير هكي
علي: يلا تفوت الضروف، الماضي فات خلينا في اللي حني فيه حاليا توا🤤❤
مر اسبوع وشهد وعلي جوهم حلو، يهدرزو ويبصرو ومزال يتعرفو علي بعض، ل يوم علي مسكر النت ومافتحش بكل، شهد تبعت في رسايل من وقت طويل وهو لا استجابة، لين خلاص تبي تسكر النت وفي اللحظة الاخيرة 😍😍
علي: اسف ع التاخير، كنت مشغول وكيف كملت وارتحت ❤
شهد: باهي اللي جيت، تصدق كيف بنسكر النت لان ماعندي ماندير بيه للنك انت مش فاتح كنت❤🥺
علي: ياروووحي، وربي كبدت فيك اني، شهد نحبك 🔥❤