رواية احببتك بصدفه الفصل العاشر 10 بقلم سمر بسطاوي

رواية احببتك بصدفه الفصل العاشر 10 بقلم سمر بسطاوي

رواية احببتك بصدفه البارت العاشر

رواية احببتك بصدفه الجزء العاشر

رواية احببتك بصدفه الحلقة العاشرة

ادم: فعلا هما دلوقتي في مكان احسن
جميلة: تعالا ندخل الحفلة شذى زمنها قلقانه عليك
ادم: يلا اه صح ممكن اقولك حاجه
جميله: طبعاً
(ادم بابتسامة وهو باصص لجميله)
ادم: حد قالك قبل كده انك طالعه زى القمر
(جميلة اتكسفت وخدودها احمروا ومتكلمتش وابتسمت في وشه وسابته ومشيت دخلت الحفلة)
سارة: ايه روحتي فين
جميله: كنت بشم شويه هوا
سارة: طب تعالي يختى محمد كان بيدور عليكي
جميله:بيدور عليا طب تعالي نروح بسرعة
(جميله وساره راحوا على الطربيزه الى قاعدين عليها)
محمد: كنتى فين يهانم
جميلة: كنت بشم شويه هوا في حاجه
محمد: ابدا مفيش بس انا كنا واقفين معاكى ومره واحده اختفيتى بس
جميلة: انا اسفه
محمد: خلاص
سارة: انا فونى بيرن هطلع بره عشان فى دوشه هنا
جميلة: ماشى
شذى: محدش فيكم شاف ادم رجع اختفى تانى
ادم: نااا جيت معلشى يشذى بس كنت بتكلم في الفون
شذى: ممكن تخليك جمبى ومتمشيش تانى عشان انا مش قادره ادور عليك
ادم: حاضر
………………………………………..
سارة: الو الو الوه
مجهول:………………..
سارة: اتلقيه واحد بيستظرف
(سارة بتلف خبطت فى حد وكانت هتقع)
احمد: حاسبى
(احمد مسك ساره قبل ما تقع وتنح لما شافها لانها كانت جميلة جدا)
سارة: اه
احمد: اده هو انتى
سارة: مين
احمد: انتى مش فكرانى
سارة: لا اه مش انت اللي العربية كانت هتخبطك
احمد: اه انتى بتعملى اية هنا
ساره: انا جايه مع احضر حفله شراكه اخويا
احمد: انتى اخت محمد
سارة: اه حاجه زى كده
احمد: بلمناسبه انا اسمى احمد
سارة: اتشرف بمعرفتك
…………………………………………..
محمد: ايه مش هنمضى العقود الاساسية
ادم: معلش ممكن نستنى احمد ونوقعهم
احمد: انا جيت اهو
ادم: شوفت اهو جيه
محمد: ازيك يا احمد
احمد: الحمدلله تمام وانت عامل
محمد: بخير طول مانت بخير يصحبى
احمد: صح يادم انا ومحمد صحاب من زمان
ادم: اده بجد
احمد: اه والله
ادم: مدام كده اتمنى نبقى انا وانت صحاب
(ادم مد ايده لمحمد)
محمد: طبعاً وده شئ يسعدنى
ادم: نمضى العقود بقى
محمد: يلا
(ادم ومحمد واحمد مضوا العقود )
ادم: كده يبقي كله تمام الف مبروك يمحمد
محمد: الله يبارك فيك وانشاء الله نعمل احسن شغل مع بعض
ادم: انشاء الله
احمد: الف مبروك يمحمد
محمد: الله يبارك فيك
……………………………………..
مجهول: هما دلوقتي مش فى البيت
مجهول اتنين: طب ومستنى ايه روح وحاول تقتلها
مجهول: مش هعرف ادخل بسهوله البيت عليه حراس كتير ده غير الممرضه الى قاعد جمب ملاك
مجهول اتنين: اتصرف وادخل اقتلها ملاك لو صحيت هنروح فى داهيه عارف يعني ايه
مجهول: هحاول
مجهول اتنين: انجز بسرعة قبل مايرجعوا ومتسبش ادله وراك
……………………………………..
لبنى: ازيك ياحمد
احمد: الحمدلله
لبنى: تعالا نرقص سوى
احمد: لا انا مش عاوز ارقص
(وسابها ومشى وراح عند سارة كانت واقفه بعيد)
احمد: تيجي نرقص
(سارة كانت لسه هترض لقت احمد شدها وخدها يرقصوا وهما بيرقصوا)
احمد: انا اسف انى شديتك كده من غير ماستاذنك
سارة: وانت اساسا بتشدنى ليه عشان ترقص معايا ها انت تعرفني اصلا احمد ربنا انى مدتكش قلم محترم سيبنى اووعى
احمد: اهدى اهدى هتفضحينا طب اسمعينى طيب عاوز اقول ايه.
سارة: عاوز تقول ايه يعني
احمد: شايفه البنت اللي هناك دى
سارة: ايوه شايفاها مالها يعني
احمد: البنت دي كنت بحبها قوى بس هى مادرتش حبى ليها خالص وجيت على نفسى كتير علشانها وهى برضو مادرتش ده ونا خلاص مش هاجي على نفسي تانى
سارة: وعاوز ايه دلوقتي
احمد: هيا جتلى وكانت عاوزانى ارقص معاها ونا قولتلها لا انا مش عاوز ارقص وجيت راقصت معاكى عشان اغظها يمكن ده يفرق معاها
سارة: وانت عاوز طغزها دلوقتي صح
احمد: اممم
سارة: طب اضحك
احمد: ليه
سارة: يعم مش انت قولت انك عاوز طغظها اعمل نفسك مش مهتم بيها واضحك واعمل نفسك مبسوط ايه مش بتعرف تضحك
احمد: يعني معرهاش اهتمام وهلقيها هى اللى بتجرى ورايا
سارة: اه انت وانت معاها كده علطول مش هتفرق عندها لانك معاها اما لما تبعد عنها وتحسسها انها مبقتش فارقه معاك هتجرى وراك وبعدين احنا البنات بنحب الشاب التقيل ده
احمد: بصى انتوا البنات فاهمين بعض عشان كده هسمع كلامك
(واحمد قعد يرقص مع ساره وكان بيبين انه مبسوط وان هو مش عايرها اى انتباه)
……………………………………………..
(لبنى كانت قاعده مع صحبتها مى وكانت متغاظه من احمد اووى)
لبنى: شايفة بيغظنى ازاى يمى
مى: وانتى مالك بى مش ده اللي انتى كنتى بتقولى عليه ملزق ومكنتيش طيقاه
لبنى: انتى شايفه هو بيتجاهلنى ازاى وانتى عارفه انى مبحبش حد يتجاهلنى هو اساسا مش فارق معايا
مى: واضح اووى انه مش فارق معاكي
لبنى: طبعاً مش هيفرق معايا انا قايمه ماشيه لانى اتخنقت
(لبنى مشيت وكانت متغاظه جدا)
مى: ربنا يهديكى يا لبنى
………………………………………….
سارة: شوفت اديها اضايقت ومشيت ابقى ادعيلى بقى لما تجيلك بكره فى الشركه وتحاول تكلمك
احمد: يعني انا استفدت ايه لما هى مشيت وكمان اضايقت منى
سارة: واثق فيا
احمد: اه
(احمد مش عارف ليه قالها اه معنه ميعرفهاش)
سارة: صدقني هتيجي تكلمك بكره وسبنى بقى عشان تعبت من الرقص
احمد: ايه اه طبعاً
……………………………………………..
محمد: ممكن لست الحسن والجمال تيجي ترقصى مع اخوكى حبيبك
جميلة: امممممم هفكر
محمد: تصدقي انا غلطان
جميلة: لا خلاص تعالا
محمد: يلا
شذى: شايف الاخ الفرفوش رزق
ادم: عاوزه ايه يعني
شذى: لا خالص مش عاوزه حاجه
ادم: طب ممكن للأميرة الجميله تيجي ترقص معايا
شذى: اممم طبعاً يحبيب الأميرة
(وخدها وراحوا يرقصوا)
شذى: الله الاغنيه دى حلوه اووى
(ادم بص لجميله)
ادم: اه فعلا جميله اوى
شذى: هى مين الاغنيه ولا جميلة
ادم: جميلة اقصد الاغنيه جميلة
شذى: فعلا جميلة جداً
…………………………………………….
محمد: انا لاحظت إن انك واخت ادم صحاب جدا انتى تعرفيها قبل كده
جميله: مين شذى
محمد: اه
جميلة: لا بس انت عارفنى باخد على الناس بسرعة
محمد: والله انا بقيت خايف لو قالك تعالى هديكى شوكولاته تروحي معاه
جميلة: هروح طبعاً ده هيجبلى شكولاته
محمد: صبرنى يارب بتعامل مع طفلة
(وبدلوا ادم خد جميلة ومحمد خد شذى)
محمد: انتى اخت ادم الصغيره صح
شذى: لا اخته الكبيره ميغركش انه مبهدلنى حبتين
( محمد ضحك على كلمها)
محمد: اممم وانتى خريجه ايه
شذى: خريجة هندسة زى ادم اخويا
محمد: طب وليه متشتغليش مع ادم اخوكى
شذى: عشان عاوزه ابنى شركة لنفسى شغلى الخاص
محمد: عجبني تفكيرك جدا ولو احتاجتى مساعدة انا موجود
شذى: شكرا
محمد: العفو
………………………………………..
ادم: اممممم ايه الصمت ده انا اعرف انك بتتكلمى كتير يعني
جميلة: قصدك انى رغايه
ادم: لا لا مقصدش كده
جميلة: اومال اصدقك ايه
ادم: انا اقصد انك بتتكلمى مع الكل عادى وتيجى عندى وتقفى معن احنا صحاب
جميله: لا عادي يعني اصل مفيش كلام نقولوا
ادم: مش بقولك الكلام بيقف عندى
جميله: لا والله ابدا
ادم: انتى غريبة جدا بجد
جميلة: غريبه ازاى يعنى
ادم: بعنى مثلا بحسك شخص اجتماعي بس انطوائى فرفوشه بس هادية فى نفس الوقت
جميلة: اااه لا انا شخصية غريبة جدا جدا جدا انا ذات نفسي مش عارفنى
(ادم قعد يضحك عليها)
جميله: تدوم الضحكه القمر دي
ادم: يبنتى انا اساسا كلى على بعضى قمر
جميلة: انت هتتغر ولا ايه مكنتش كلمه يعني 😂
ادم: انا اقدر وبعدين يبنتى من تواضع لله رفعه
جميله: وانت بسم لله ماشاء الله متواضع اووى يعني
(ادم قعد يضحك هو جميله وابتسامة جميلة خطفت قلبه بجد)
ادم: خليكي تضحكي دايما لان ابتسامتك دى بتنور حيات الى حواليكى
(جميلة ابتسمت ليه وكملوا رقص)
……………………………………….
(شذى وهى باصه على ادم)
شذى: تعرف انا أول مره اشوف ادم بيضحك من قلبه من ساعت ما بابا وماما ماتوا بجد جميله قعدت معانا وقت قليل بس غيرت ادم من كتر ادم الى مكنش بيصلى دلوقتي بقى بيصلى ودى حاجه كبيرة ادم الى الابتسامة انمحت من على وشه رجع يضحك تانى من قلبه
(محمد بصلهم ولقى جميله بتضحك وفرحانه اوى)
محمد: تصدقى ونا اول مره اشوف جميلة بتضحك من قلبها بجد وفرحانه انها بتكلم شخص كده
شذى: انا جاتلى فكره
محمد: ايه
شذى: انا عارفه انها غريبه حبتين تلاته كده بس ماشى كله لاجل ادم وجميلة
محمد: قصدك ايه
شذى: انا عارفه اني الى هقولهولك غريب بس ماشى احنا ليه مانحولش نجمع ادم وجميله مع بعض انا شايفه انهم بيبقوا فرحانين مع بعض وفى نظرات اعجاب مابنهم بس بيقاموا ده فا ايه رايك
محمد: وانتى ايه الى خلاكى تقطنعى انى ممكن اساعدك فى الى انتى بتقوليه ده
شذى: اولا عشان انت بتحب اختك جميلة ثانيا انك عارف ان كلامي صح ومش عارف بس انك متاكد كمان وحتى لو مش كدة ليه مانحاولش
(محمد بصلهم وشاف اد ايه هما مبسوطين مع بعض وبعدين بص لشذى)
محمد: هفكر
……………………………………………….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية احببتك بصدفه)