رواية ست الدار الفصل السابع 7 بقلم أميرة أسامة
رواية ست الدار الفصل السابع 7 بقلم أميرة أسامة
رواية ست الدار البارت السابع
رواية ست الدار الجزء السابع
رواية ست الدار الحلقة السابعة
أتقي شر الحليم إذا غضب.
مقوله مرت علي مسامعنا جميعآ ولكن كم منا ادرك هذه المقوله..والأهم كم منا مر في حياته بهذه المقوله؟!
غضب الحليم أشد قسوه وشر من غضب الشخص العصبي..لانه يتحمل كثير ولكن إذا زاد عليه الحمل فايتحول لجبروت وشره يقضي علي الأخضر و اليابس.✋👌
…….
أنتهت كل مراسم العزاء وخلص موسي كل حاجه تخص وداع چليله علي أكمل وجه…وبعد أنهيار وضياع ووجع رجع موسي لثباته من جديد ولكن ثباته المرادي كان يخوف سكوته كان يرعب هدوءه كان غير مطمئن بالمره..وكأنه الهدوء الذي يسبق العاصفه🌪️🌪️
أنتهي العزاء في وقت متأخر من كتر الناس اللي كانت موجوده بتشارك موسي وأخواته في حزنهم وكالعاده راح حمدان وهيبه ليطبقوا مثل يقتلوا القتيل ويمشوا في جنازته.
خلص العزاء بعد وقت طويل. مر اليوم علي عائله الشرفا يوم من أصعب أيام حياتهم..عكس ما مر علي عائله هواره.وكأنه يوم عيد.
…..
هيبه…أظن مبسوطه ياست الكل
بخيته…بشر مبسوطه بس اني طايره من الفرح طول عمري نفسي أشوف اليوم اللي چليله تكون ميته فيه جدامي علي كد ما كنت عايزه أحرج جلبها علي ولدها بس بردو فرحت فيها وشفيت غليلي منيها ياهيبه.
حمدان…بس جولي غيرت رأيك ليه ياهيبه مش اتفجنا نموت موسي الخسيس
هيبه….لاهو إكده مش ميت شوف يا حمدان اني رايح عالجصر واني ناوي أفرغ كل السلاح في جلبه بس بيني وبينك أول ما شوفت أمه غيرت رأيي هستفاد أيه من موته بجي هو يچي أمبارح يشمت في موت أبوي ويفور دمي واني أجتله إكده علي طول لاه اني أجتل حد غالي عنديه ويشوفه جدام عينه غرجان في دمه ويتجطع وملاجيتش أغلي من چليله عند موسي حبيت أشوفه ميت بالحياه وأشوف جلبه بيتجطع صوح ماهو لو مات علي طول عشان فور دمي ماهيحسش بحاچه لكن لما أجهره وأموت چليله جدام عينيه أبجي ردتهالوا ونبجي نجتله بعدين.
حمدان….بتشفي وحقد اني صوح كنت نفسي أشوفه متجطع وغرجان في دمه لكن بعد ما شوفت حرجت جلبه كيفتني يا هيبه وإكده لما أموته بيدي أجدر أجول اني موته مرتين مره لما چليله ماتت جدام عينه ومره لما هموته بيدي
هيبه….ولسه الدور علي سالم
بخيته…لاه خفوا شويه ماعيزينش حد يشك فينا
حمدان…لاهو انتي فاكره ان موسي مش شاكك فينا عاد موسي متأكد ان احنا اللي وراها كيف ما عرف اننا ورا موت ابوه
بخيته…ولما هو عرف كيف سكت وكيف ماخدش بتار أبوه لاه ميتهيأليش
حمدان…أسمعي مني عارف ومتوكد ولو علي سكوته موسي مش كدنا هو عامل فيها كبير لكن ساعت الچد اهو كيف ما انتي شايفه مايجدرش يجف جصادنا
هيبه…ماهيجدرش من الاساس يجف جصادنا عامل كيف أبوه ديما خايف من التار…الجصد سيبنا بجي من موسي وخلينا نفرحوا
سهير…أيوه صوح خلينا نفرحوا شويه
هيبه…بجول أيه يا اما اني عايز أجدم الفرح شويه مهستناش اني سبوعين اني عايز أكمل علي موسي وهو حزين إكده وأعمل فرحي
بخيته ..يامري ده أبوك لساته ميت أمبارح عايز الناس تاكل وشنا
هيبه…ياخي ملعون أبو الناس ناس مين دول اللي نعملوا حسابهم يفكر بس حد فيهم يتكلم مهيلاجيش غير البولغه
حمدان….هيبه عنديه حج لازما نضرب علي الحديد وهو سخن موسي لساته چرحه بينزف نعمل الفرح ونكمل عليه
بخيته ..أيوه يا ولدي بس الناس عاملين حسابهم أن الچواز بعد سبوعين هنسربعوهم ليه
هيبه…أبو اللي چاب أبوهم يعني هما كانوا هيچيبوا أيه ما الجصر كله كامل
بخيته…ياولدي مش البت عروسه وليها شوار هتدخل بيتك من غير شوار
هيبه…ماعيزش شوار ولا زفت وبعدين حاچت هنيه موچوده تاخدها
بخيته….اللي تشوفه يا ولدي عموما بكره هروحلهم عشان أعرفهم بس أجولهم ميته
هيبه…جوليلهم بعد بكره يوم الخميس واني بكره هچهز كل حاچه وهنصب صوان الفرح
بخيته…بعد بكره إكده علي طول طيب جول بعد سبوعين
هيبه…لاه ما هستناش اني سبوع هو بعد بكره يمكن بنت المركوب اللي أسمها هنيه تطمن اني أتچوزت وتظهر ساعتها هجتلها بيدي
بخيته…لاه تچيبهالي واني اللي هجتلها بيدي مش أنت
هيبه…تظهر هي بس وهچيبهالك اعملي فيها ما بدالك.يلا اني هجوم انام وأرتاح حاسس اني هنام ميت سنه
حمدان…خدنا معاك اني كمان عايز أنام مش جادر
سهير…تصبحي علي خير يا حماتي ماهتناميش
بخيته…بأبتسامه لاه نوم ايه اني من الفرحه النوم طار من عيني
سهير….ربنا يفرحك يا حماتي يلا تصبحي علي خير
بخيته…تلاجي الخير يامرت الغالي
……..
في قصر الشرفا الكل كان اعد حاطت ايده علي خده بحزن فرحه وفاطمه دموعهم ما نشفتش وفاطمه واخده فرحه في حضنها بتحاول تواسيها.
خلص موسي كل حاجه ودخل علي القصر بهيبته القي عليهم السلام في هدوء.
وراح أعد جمب فرحه ومن غير اي كلام طبطب علي ضهرها بحزن
فرحه…خلاص يا موسي خلاص ما هنشوفش امي تاني
موسي…بصوت ثابت أدعيلها يافرحه
فرحه…اللي جتل امي يا موسي لازما ينجتل لازما جلبه ينحرج كيف ما حرج جلبنا علي امي اللي جتل امي هو اللي جتل أبوي هتسكت يا موسي وتهمله هتهمل جلبنا محروج علي امي وابوي إكده
سالم….فرحه مش وجت الحديت ده موسي تعبان وبعدين تار ايه اللي هتجولي عليه مخيفاش علي أخوكي ولا ايه
فرحه…لاه خايفه عليه طبعا بس انت موافج يا سالم ان حج امك وابوك نهمله إكده
نشوفهم غرجانين في دمهم ونسكتوا.طيب الخلج تجول علينا ايه والكبير ما هياخدش بتار امه وابوه هيطمنوله كيف وهو مش عارف يرچع حجه وياخد بتاره
مهران….فرحه مايصحش الحديت ده
موسي…سيبها يا مهران سيبها ياشيخ جلبها محروج علي امها وابوها سيبها تجول كل اللي يريحها ويلد عليها
فرحه…بدموع حجك عليا ياخوي اني مجصدش والله
بس جلبي جايده فيه النار ومعرفاش كيف أطفيها أبوي مات جدام عيني وامي كمان ماتت جدام عيني جولي ياموسي أبوك وأمك عملوا أيه في دنيتهم عشان يستاهلوا الموته دي طول عمرهم طيبين ومايحبوش الظلم ولا جلبهم عرف يعني أيه أذي يبجي ليه يموتوا وليه نبجي عارفين اللي عاملها ونهمله عايش يتمتع بحياته مش ربنا أمرنا بالجصاص يا موسي عايزه حج امي وابوي يا موسي برد ناري يا أخوي
سالم….بخوف لا موسي يسمع كلامها يافرحه جولتلك اسكتي عاد لو زي ما بتجولي احنا عارفين مين اللي عملها يبجي الصح أننا نبلغ عنيه وناخدوا حجنا بالجانون لكن تار لاه أشحال ان مكنتيش متعلمه سبتي ايه للچهله يافرحه هتفرحي لما أخوكي كمان يچراله حاچه هتفرحي لما ندخلوا في سلسال دم ملهوش أخرهيطول الكل الصغير جبل الكبير
فرحه…بدموع قامت وقفت لاه ماهفرحش ياسالم بس كمان عمري ماهشوف فرح في حياتي غير لما حج امي وابوي يرچع ومش بالجانون يا خوي بالجصاص العين بالعين والسن بالسن والنفس بالنفس والبادي أظلم..
سابتهم فرحه وطلعت جري علي أوضتها وهي منهاره.
مهران…روحي وراها يا فاطمه
فاطمه…بدموع حاضر يامهران.
طلعت فاطمه وراها.
وقام سالم اعد جمب موسي.
سالم…ماهتتكلمش ليه ياموسي ساكت ليه عاد أوعاك تكون بتفكر في الحديت اللي فرحه هتجوله انت طول عمرك يا أخوي ضد فكره التار من الاساس.
فاكر يا موسي لما كنا صغيرين وكنت تجعدني اني وبدر وياك وتجعد تجولنا أن التار ده حاچه عفشه طيب فاكر لما جولتلنا اننا ناخدوا عهد علي روحنا منجربش من سكه التار والموت.فاكر لما كنت بتجول ان اللي بيحط يده في الدم ويموت حد يبجي ربنا غضبان عليه
طيب فاكر يا موسي لما كنت بتجولنا مهما يحصول نفضلوا علي العهد صحاب واخوات وعمرنا ما نجف في وش بعضنا كبرت واتربيت وحديتك بيرن في وداني وعمري ما كنت مع فكره التار ديه عشان اللي اتربيت عليه واللي سمعته منيك ومن ابوي ومن امي عشان العهد اللي خدناه علي روحنا يا أخوي عايز تخون العهد يا موسي عايز تحط يدك فالدم وربنا يغضب عليك
بصله موسي بثبات رغم الحزن اللي جوه عينه والوجع اللي طالع في صوته.
موسي..كنت غلطان يا أخوي
لما جولتلك الحديت ده انت وبدر كنا لسه صغار وموعيناش عاللي حوصل زمان أتحكالنا كيف ما أتحكي للكل عرفنا اللي حوصل بين الهواره والاشراف كيف ما اللي في چيلنا عرف لكن ما عشناهوش عشان مكناش چينا الدنيا من الاساس لما عرفت وسمعت الحكايه خوفت بدر يعمل كيفهم عشان كان صاحبي وبحبه كنت خايف أخسره في يوم من الايام او تحصل حاچه تخلينا نجفوا جصاد بعض
خدت عليه العهد عشان يفضل طول حياته ملتزم بيه لما كنت بشوف نظرات الكره والحجد في عيون هيبه ليك عشان انت احسن واشطر منيه كنت بسمعك انت كمان نفس الحديت عشان تبعد عنيه كنت خايف عليك تتربي عالكره كيف ماهو بيكرهك..لكن فالحجيجه يا سالم كل ده كان حديت لاننا بأختصار معشناهوش ولا أنكوينا بيه…بس دلوك الوضع أختلف ابوي أنجتل أمي أنجتلت عطر موتت حالها بسببهم عشنا الوچع اللي چدودنا عاشوه أنكوينا بنار التار ياسالم..وبعد كل ده تجولي أوعاك تكون خونت العهد اي عهد بتتكلم عنيه ودم ابوك وامك لساته علي يدي روحهم وهي بتطلع معيزاش تروح من بالي كيف عايزيني انام وارتاح واني خابر مين اللي عمل إكده فيهم
سالم…خلاص نبلغ عنيهم ويتعدموا وبكده نبجي خدنا بتارنا
موسي….نبلغ عنيهم بتهمه ايه ياسالم..
سالم…بتهمه الجتل يا أخوي هي دي مش تهمه كافيه تلف علي رجبتهم حبل المشنجه
موسي….لاه ياسالم مش تهمه كافيه فين الدليل علي انهم جتلوا فين الشهود ولو التنين متوفرين تفتكر يا سالم هيتعدموا لاه التهمه هتتجسم عليهم وبكتيرهم يتحبسوا يبجي فين التار اللي خدناه حبستهم هتريح جلبنا اللي أنكوي كيف. ماتجوله يا مهران ساكت ليه عاد مش ده برده اللي انت درسته في كليه الحجوج.
فضل مهران ساكت بحزن.
سالم….يعني ايه عايز تدخل بيدك سلسال الدم اللي مهيخلصش يا موسي.
موسي….مش بيدي ياسالم بس هما اللي بدأوا لما كانوا طول الوجت بيحاولوا يوجعوني كنت بسكت لما كانوا بيحاولوا ياخدوا مني اي ارض كنت بسكت لما حمدان في سنه من السنين حطلي حشيش في جلب الارض عشان يوديني في داهيه وعرفت من بدر كنت بسكت لكن المرادي مينفعش اسكت يا سالم دم ابوك مش رخيص عشان أهمله وچليله خط أحمر ياسالم اللي يعديه يبجي فتح علي نفسه طاجه من چهنم..وهما عدوا الخط ياسالم وفتحوا بيدهم طاجه چهنهم اللي هتحرجهم كلهم
قام موسي طلع وسابهم.
وحس سالم باليأس في أقناع موسي وشاف في عينه نظره عمره ماشافها في حياته.💔
……….
طلع موسي علي اوضته وبمجرد ما دخل مقدرش يحبس دموعه اكتر من كده الثبات اللي كان بيحاول يتحلي بيه راح بمجرد ما قفل علي نفسه.
موسي….إكده يا چليله هونت عليكي تهمليني لحالي جولتيلي ان جلبك واچعك عليا وان الحزن ماراضيش يفارجني طيب جدرتي تفارجيني كيف يا چليله
إكده ياست الدار موسي هان عليكي طول عمري شايفك جويه وشايله فوج كتافك مجدراش تتحملي وتصلبي. طولك عشاني..مش لاحج أفوج من موت أبوي لموت عطر چيتي أنتي وجضيتي عليا مصعبش عليكي جلبي ياچليله…مسح دموعه بكف ايده زي الاطفال ورجع تاني بقوه وجبروت…بس واللي خلجني وخلجك لاهچيب حجك تالت ومتلت وروحك هتبجي جصادها أرواح.
وفضل موسي طول الليل يعمل مكالمات كتير ملهاش عدد وكأنه بيجمع جيش عشان يخوض أكبر حرب في التاريخ..🙆♀️
في صباح يوم جديد..
محمل بالكثير
راحت بخيته علي بيت عروسه هيبه وبلغتهم بتقديم الفرح ولانهم ناس غلابه وافقوا وخافوا يرفضوا
بسرعه أنتشر في البلد خبر جواز هيبه..الناس في البلد كانت بتضرب كف علي كف أزاي هيعمل فرح طيب لو مش زعلانين علي چليله أم كبيرهم أزاي مش زعلانين علي أبوهم اللي معداش عليه 3 أيام ومعداش علي عطر اخته أسبوعين أزاي يكونوا بالقسوه والجحود ده علي أد ما أتصدموا وأستغربوا لكن كانوا ممكن يتوقعوا اي حاجه منهم فا هما معروفين بقساوه القلب وجهلهم بالأصول.
أبتدا الصوان يتنصب وعرف موسي الخبر وزاد غضبه اضعاف لكن اتبسط وحس ان دي هتبقي فرصه كبيره لخطته اللي هينفذها..وطول اليوم كان خارج القصر من بدري بيلف علي رجالت أهل البلد لسبب غير معلوم🙄
وبعد وقت طويل رجع كان ميت من التعب وابتدا الليل يدخل ومشيوا ستات البلد اللي جم لتاني يوم عالتوالي يقدموا واجب العزاء.
دخل موسي بتعب سلام عليكم
الجميع عليكم السلام.
مهران…كنت فين كل ده والمحمول بتاعك مجفول جلجتنا عليك يا موسي
موسي….متخافش يا مهران اني زين بس كنت عايز اتمشي لحالي شوي
سالم…خارچ من صباحيه ربنا كل ده بتتمشي
موسي…متخافش ياسالم لو هعمل حاچه هعرفكم جبلها أطمن.
مهران….طيب يلا عشان تاكل من الصبح مكلتش حاچه.
موسي…فين فرحه
مهران….فاطمه خدتها معاها عالمطبخ يچهزوا الوكل عشان تلهيها في اي حاچه مش مبطله بكي.
اعد موسي بأرهاق
وفضل ساكت لكن دماغه شغاله مش فاصله وكأنه بيرتب خطته وبيظبطها عدي وقت بسيط علي الصمت الرهيب اللي كان بينهم هما التلاته وخرجت فاطمه وفرحه بعد ما جهزوا الاكل اعد الكل علي السفره
الصمت كان مصاحب الجميع
فرحه بتاكل من غير نفس والكل ساكت بحزن لكن كانوا مستغربين موسي اللي ساكت خالص وبياكل بطبيعته وكأن مفيش حاجه
حاصله
بعد وقت بسيط خلصوا أكل
وشالوا السفره وبعد شويه رجعت فاطمه بالشاي.
وفجاه أفتكر موسي هنيه
موسي….فاطمه هنيه عامله ايه؟؟ بتطلي عليها؟؟
وكأن سؤاله نزل علي فاطمه مثل الصاعقه ضربت فاطمه علي صدرها بعنف وصدمه يامري😳😳
موسي….في ايه عاد؟
هنيه…اني مدخلتلهاش من يوم موت حماتي
موسي…بصدمه كيف يعني سيباها أديلها يومين لحالها
فاطمه…كنت عندها العصر ادتها الغدا وبعد إكده مدخلتلهاش ولما حماتي راحت عشان تنادم عليك عشان العشا..حوصول اللي حوصل وأتلهيت ومن وجتها مدخلتلهاش.
قام موسي بفزع طلع جري علي الاوضه اللي مخبين فيها هنيه ووراه اخواته وفاطمه وفرحه
شد موسي ومهران وسالم الدولاب بسرعه وفتح الباب
موسي…ادخلي يا فاطمه انتي وفرحه الاول عشان لو مش ساتره حالها
فاطمه…حاضر يا اخوي
دخلت بسرعه فاطمه وفرحه
لقوا هنيه مغم عليها
فاطمه…يامري هنيه بت يا هنيه فوجي
فرحه…تعال يا اخوي هي ساتره حالها
دخل بسرعه موسي لقاها مغم عليها أچري يا فرحه جوام هاتي مايه ولا كولونيا
جريت بسرعه فرحه جابت مايه وبرفان ورجعت فضلوا يرشوا عليها مايه ويشمموها البرفان لحد ما ابتدت ترمش بعينها.
فاطمه…جومي يا خيتي حجك عليا اني اللي غلطانه سامحيني.
هنيه…حوصول ايه
موسي…انتي زينه
هنيه….الحمد لله
فرحه…أشربي يا هنيه دي ميه بسكر.
سالم….فرحه معلهش روحي چيبيلي بسرعه چهاز الضغط من أوضتي
فرحه…حاضر يا أخوي
هنيه…لاه أطمنوا اني بخير ملهوش لزوم التعب
موسي…بثبات تعب ايه وأيه اللي ملهوشي لزوم بجالك يومين من غير وكل ولا شرب
هنيه….صدجني يا موسي بيه اني بخير
سالم…حتي لو بخير يا هنيه مفيهاش حاچه لما نطمنوا عليكي
هنيه…اللي تشوفوه.
فاطمه…بدموع حجك عليا اني يا خيتي والله مكنتش أجصد أهملك لحالك بس اللي حصل لحماتي لهاني وخلاني مش دريانه بالدنيا..
هنيه…حوصل أيه؟ مالها ست چليله كفي الله الشر
بصت فاطمه لموسي
بصتلهم هنيه لقتهم كلهم بيبصوا لبعض إلا موسي واقف ثابت ومش بيرمش.
موسي…الله يرحمها.
برقت هنيه وحطت أيدها علي قلبها.
بتجول ايه ست چليله ماتت كيف وميته
فاطمه….اول أمبارح بليل وامبارح اندفنت وكان عزاها واللي فكرني بيكي سي موسي.
هنيه..نزلت دموعها بسرعه كيف ماتت ست چليله كانت عندي اول أمبارح بتطمن عليا وجعدت معايا شويه كانت زينه مفيهاش حاچه.
فاطمه….أنجتلت يا هنيه
هنيه…يامري انجتلت مين اللي عملها حمدان وهيبه اكيد اللي وراها صوح
موسي….بنبره صارمه أيآ كان مين اللي عملها ما هيفلتش منيها.
بصتله هنيه بخوف وسكتت
جت فرحه بسرعه.بجهاز الضغط.
فرحه…معلهش اتأخرت مكنتش لجياه.
خده منها سالم وقرب من هنيه حط جهاز الضغط في أيدها وابتدا يقيس الضغط.
موسي…فاطمه أنزلي چهزيلها وكل وانتي يافرحه أعمليلها عصير.
فاطمه…حاضر من عنيا يلا يا فرحه تعالي.
فرحه…حاضر.
مهران….بالأذن أني كمان سلامتك يا خيتي
هنيه…الله يسلمك يا سي مهران.
خرج مهران وفضل معاها موسي ودكتور سالم.
فضل موسي عينه عليها وعلي سالم لكن شارد في ملكوت تاني لوحده وتقريبا مش معاهم.
سالم…وانتي يا هنيه لما اتأخرنا عليكي متصلتيش علينا ليه مش موسي كان چايبلك محمول.
هنيه…بطيبه معلهش مرضتش أزعچهم جولت أكيد مشغولين وهياچوا يطلوا عليا أنكسفت أتصل عليهم وأشغلهم بيا كفايه تعبهم معايا من يوم ماچيت
سالم…تعب ايه بس متجوليش إكده يعني كان هيبجي زين لو چرالك حاچه.
ضغطك واطي جوي وأكيد كمان سكرك واطي وشك أصفر وباين من اللون ان السكر مهواش مظبوط.
هنيه…الحمد لله علي كل حال
سالم…اني هروح أچيبلك علاچ وڤيتامين يعوض النجص اللي حصلك اليومين دول
هنيه…ملهوش لزوم والله يا دكتور اني هبجي زينه
سالم…أسمعي الحديت عاد
هنيه…حاضر
سالم…هروح يا أخوي وهرچع طوالي
هزله موسي راسه بثبات من غير ما يتكلم.
خرج سالم وفضل موسي معاها.
هنيه كانت متوتره من وجوده ومحرجه من نظراته اللي بتخترقها لكن مكانتش عارفه انه من الأساس مش معاها وفي دنيا تانيه
هنيه…حبت تخلص من الأرتباك ده…البجيه في حياتك ياموسي بيه.
أنتبه موسي…حياتك الباجيه.
هنيه…ممكن أسألك سؤال
هز موسي راسه
هنيه…ناوي علي ايه مع حمدان وهيبه.
موسي…هصفيهم مش هخلي حته في چتتهم باينه من الرصاص.هاخد حج كل واحد أتأذي بسببهم هاخد حج أبوي وحج عطر وحج امي
هاخد حج كل واحد غلبان چم عليه وظلموه حج كل واحد أفتروا عليه وهانوه وسط الخلج حج كل واحد خد منهم ارضهم برخص التراب وحج كل واحد جفلوله دكانه.
هنيه….بس انت عارف انهم ماهيسكتوش
موسي..واني مهديهمش فرصه يتحدتوا من الأساس بكره هتكون نهايتهم هتكون نهايه ظلمهم وشرهم هخلص الخلج منيهم. هطفي ناري اللي مش راضيه تنطفي.
هنيه….بس اني خايفه عليك
بصلها موسي وسكت.
هنيه…جصدي يعني انت مأمن حالك
موسي…متخافيش يا هنيه اني خابر هعمل أيه وصحيح نسيت أجولك علي خبر معرفش إذا كان هيفرحك ولا يزعلك.
بصتله هنيه بترقب وبأستفهام؟
موسي…هيبه دخلته بكره علي بت أسمها حسنه وعامل فرح كبير
بسرعه نزلت دموع هنيه وهي مبتسمه وكأنها دموع الفرح.
موسي…هتبكي ليه الوجت عاد مش كنتي عايزه تخلصي منيه
موسي….لاه دي مش دموع حزن دي دموع فرح أخيرا هخلص منيه اني خابره ان هيبه عمره ما حبني ولا اني عمري حبيته بس مكنتش أتخيل انه يتچوز هيبه مايجدرش يستغني عن النسوان لكن مايتچوزش يتسرمح اه عشان إكده اني فرحانه في حد هيلهيه عني شوي.
موسي…أطمني اني هلهيه عنك خالص وهاخد روحه بيدي بكره ومهخليهوش يتهني لحظه بفرحه.وبعدها أجدر أجولك أنك هتبجي حره وكمان حجك في ورثه هيكون متصان لو كنتي خلعتيه مكنتيش هتنولي اي حاچه.
هنيه…بس اني مش عايزه أي حاچه منيه المهم أخلص وبس
موسي…بلاش حديت خايب ده حجك وحج تعبك معاه طول السنين دي..بس جوليلي ناويه علي ايه بعد إكده.
هنيه….معرفش بس أني معيزاش أرچع لأهلي هما سبب كل اللي اني فيه ده
اني بفكر أسافر أروح اي موطرح تاني
موسي….لاه سفر لاه انتي متعرفيش حد ولا عمرك خرچتي بره البلد من الأساس ولا تعرفي تكوني لحالك هتلاجي الخلج بيرموا بلاهم عليكي وبعدين ميصحش تبجي لحالك
هنيه…طيب أعمل أيه
موسي…نخلص بس من هيبه وحمدان وخدي ورثك منيهم وبعدين تشوفيلك أي دار تجعدي فيها..
هزت هنيه راسها لموسي.
ودخلت فاطمه وفرحه بالأكل والعصير.
فاطمه…يلا يا خيتي عيزاكي تخلصي كل الوكل ده وتشربي العصير
هنيه…أيه كل ده بس تعبتي حالك ليه يافاطمه انتي وفرحه
فاطمه…تعب ايه عاد متجوليش إكده اني مهما عملت ما هجدرش انسي اني
كنت السبب في تعبك
هنيه…لاه يا خيتي متجوليش إكده ربنا يعينكم علي الظروف اللي كنتوا فيها
موسي…طيب يلا بلاش حديت كل الوكل ده يخلوص ومن إهنه ورايح أي وجت يعوجوا عليكي تتصلي مفهوم
هنيه…حاضر.
موسي…يلا اني هروح أرتاح شويه ولو أحتاچتوني نادمو عليا ولما ياچي سالم ويچيب العلاچ تاخديه
هنيه…بفرحه داخليه حاضر.
موسي…بالأذن
خرج موسي وفضلت فاطمه وفرحه معاها
……..
عدي اليوم بسرعه وجه يوم الفرح اليوم اللي هيشهد عليه البلد كلها او ما يسمي بالكارثة الكبري.
هيبه كان مشغول بالتحضير طول اليوم وعامل فيها عريس وحمدان واقف معاه أما بدر فا كان رافض اللي بيحصل كله زعلان علي أبوه وزعلان علي صاحبه وعارف انه اكيد هيتجنن لكن كان قلبه حاسس ان في حاجه هتحصل وشايل هم اليوم من اول ما صحي وكأنه عارف ان اللي بيحصل ده موسي مش هيعديه ولا هيمر مرور الكرام..
أبتدا الليل يليل.ومظاهر الفرح تظهر.الناس أبتدت تتجمع واللي أستغربه حمدان وهيبه هو حضور كبير لرجاله أهل البلد مكانوش متوقعين ان كل الناس دي تحضر ورغم ان رجالتهم أجبرت ناس كتير علي حضور الفرح بالقوه إلا أنهم متخيلوش ان كل العدد ده يجي وعلي أد أستغرابهم لكن كابروا وفرحوا وفكروا ان الناس دي جايه برضاها تهني وتبارك مكانوش يعرفوا ان ده كمين نفذه موسي عشان يقدر ياخد حقه 🙈🙄
دخلوا رجالت البلد وكل مجموعه كانت حريصه أنها تأعد جمب رجالت حمدان وهيبه ومجموعه تانيه كانت واقفه بالقرب من مطاريد الجبل اللي بيساعدوهم وكأن رجال البلد حاوطوا رجالت حمدان وهيبه عشان يقدروا يسيطروا عليهم وقت دخول موسي🙆♀️🌪️🌪️
أبتدا ضرب النار يسمع البلد كا مظهر من مظاهر ألاحتفال
دخل هيبه علي حصان وهو لابس جلبابه الأبيض في ساحه القصر وابتدا يرقص بالحصان علي أنغام المزمار.
اما في القصر من الداخل كان ستات البلد متجمعين مع بخيته وسهير. اللي كانوا لابسين من الدهب كميه مبالغ فيها وكأن الحزن لا يعرف لقلبهم طريق.
اما هاچر فكانت مجبره علي مساعدتهم رغم حزنها كان حالها لا يقل عن حال بدر وكانت حاسه بنفس أحساسه ان اليوم مش هيمر مرور الكرام.
عدي وقت بسيط الكل بره بيرقص وفرحان وكأن الفرح ده هو يوم عيد عندهم للتخلص من الشر والظلم.
فالوقت ده دخل موسي بكل هيبه وسط الجموع الغفيره
بجلبابه الأسود وعمامته السوداء وماسك في أيده عصايه ووراه أخواته مهران وسالم وهريدي كان ماشي وسط الناس وعينه من بعيد علي هدفه حمدان وهيبه…وهما نازلين رقص بالعصيان غير منتبهين لدخول موسي..
لكن أنتبه بدر أول ما شافهم وقلبه وقع في رجله وأتأكد من شكوكه وقبضه قلبه اللي ملازماه من أول ماصحي وبسرعه جري عليه.
بدر….موسي ايه اللي چابك أهنه
موسي…وهو مبتسم وباصص ناحيه حمدان وهيبه أيه ياصاحبي مكنتش عايزني أچي ولا أيه ولا اني مش معزوم دي حتي تبجي عيبه في حجكم لما متعزموش الكبير يا ولد هواره.
أتصدم بدر من اللقب اللي قاله موسي لكن مرضيش يعلق عارف اللي جوه قلب صاحبه..
بدر….لاه يا موسي أنت مش معزوم واني وانت خابرين زين أنك مش چاي تهني وتبارك
بصله موسي…بنظره غضب
أيوه يا بدر مش چاي أهني ولا أبارك چاي أجلبها چهنم ولو خايف علي روحك أطلع منيها ولو خايف علي أخواتك حجك وبصلهم وشاور عليهم براسه أهم جدامك مبسوطين وبيحطبوا روح بلغهم وجولهم موسي حضر ومعاه عذرائيل.
نزلت دمعه سريعه علي وش بدر بحزن…اني خايف عليك يا صاحبي وغصب عني زعلان عشانهم لانهم أخواتي
الموجف اللي اني فيه متحسدش عليه يا صاحبي
جلبي تعب من كتر الحزن يا موسي
بعد موسي عينه عن بدر لما حس ان قلبه هيضعف بسببه.
موسي….بتظاهر بالقوه واني اللي عندي جولته.
بدر…مسح دموعه ورجع خطوه لورا وفتحله الطريق
بدر….بوجع أهلا بيك في دار عتمان الهواري يا ولد الشرفا الدار دارك
بصله موسي في نظره سريعه حزينه وهو واثق ان حقيقي الموقف اللي بدر فيه لا يحسد عليه…وبسرعه رفع سلاحه للجو وفضل يضرب طلقات ناريه هو واخواته أنتبه الكل علي وجود موسي..
وبسرعه بص حمدان وهيبه علي صوت أطلاق النار وأتصدموا لما لقوا موسي متوقعوش انه يجي سكت الجميع ووقف صوت المزمار وأبتدت الناس تتهامس
وقف حمدان بثبات رغم الرعب اللي حس بيه هو وهيبه
قرب موسي بخطوات ثابته لحد ما وصل أدامهم.
فضل باصصلهم بأبتسامه طويله من غير ولا كلمه أبتسامه دبت الرعب في قلب كل من هيبه وحمدان وأخيرا قطع موسي الصمت موسي…مبروك يا عريس
وبص للناس..اني انهارده چاي عشان أبارك وأهني
مع اني متعزمتش بس معلهش يمكن أتحرچوا عشان الكبيره لسه ميته لكن ماجدرتش ما چيش وأعمل الأصول أبوي كان ديما يجولي يا موسي الواچب ما يستناش حتي لو حزن الدنيا كله في جلبك أعمل الاصول ودي عاده ورثتها منيه مهما كان جلبي حزين ماهينفعش ما أجفش مع أهل بلدي وهيبه غالي عليا هو وحمدان وكان لازم أچي بنفسي أبارك وأهني وأنجط كمان صحيح الحزن في الجلب بس كمان الحي أبجي من الميت وادام احنا لساتنا عايشين يبجي لازم الحياه تمشي مش إكده يا هيبه.
بلع هيبه ريقه وابتسم أبتسامه بسيطه وهز راسه لموسي.
موسي….يلا دجوا المزمار خلينا نفرح يلا ياعريس عصايتك نحطبوا سوا
بص هيبه لحمدان برعب هز حمدان راسه لهيبه
مسك هيبه عصايته وأبتدا يحطب وسط الناس كلها
كان هيبه رغم قوته إلا ان كان جواه خوف ورجفه اول مره يحسها وده خلاه مش مركز وبسرعه موسي وقع عصايته منه صاحت الناس وهللت لموسي.
أبتسم موسي برضي عن الخوف اللي جوه هيبه.
موسي….معلهش ياعريس شكلك بتفكر في عروستك
هيبه..بأبتسامه خوف لاه بس انت طول عمرك انت وحمدان شاطرين فالتحطيب
اني ملياش فيه جوي
موسي…بسيطه نحطبوا مع حمدان
مسك حمدان عصايته ورغم خوفه إلا انه كان مش طايق موسي وحالف يكسر العصابه علي راسه.
أبتدا حمدان وموسي يحطبوا وبسرعه راح هيبه يبلغ رجالته انهم يستعدوا لو موسي غدر بيهم لكن مكانش يعرف ان رجالت موسي محاوطين رجالته في كل مكان وسامعينه…🌪️🙆♀️
أشتد التحطيب بين موسي وحمدان وكل واحد فيهم بيضرب بعصاه بكل غضب
وفجأه وبكل غضب طير موسي العصايه من حمدان وكسر حرفها.
ابتسم موسي وبصله بأستفزاز…عصايه ابوي تكسب يا حمدان
حمدان…بابتسامه انت اللي تكسب يا موسي براوه عليك
موسي…بعلو صوته مبروك ياهيبه ومعلهش مش هجدر أجعد أكتر من إكده يادوب أديك نجطتك وأمشي طوالي.
هيبه…ملهوش لزوم يا كبير نجطتك وصلت كفايه انك چيت
موسي…لاه وده أسمه كلام دي اصول حط موسي أيده جوه جيبه وبسرعه حطوا رجالت حمدان وهيبه أيدهم علي الأسلحه مترقبين لموسي يغدر بيهم.
وقف موسي تاني لحظه جبل ما اديك نجطتك صوح حابب أجولك حاچه اللول.
بصله هيبه بخوف..
موسي….النجطه دي مش مني اني وبس لاه دي كمان من أبوي ياحمدان ومن امي ياهيبه
بصوا لبعض وكأنه بيلمح لحاجه عن قتلهم.
موسي…ومش بس أبوي وأمي لاه دي نجطه من كل نفر في البلد دي
وبسرعه ادي اشاره لاخواته واخواته ادوا أشاره لرجالتهم اللي وقفوا كلهم مره واحده وكأن الفرح كله معاهم ومسكوا رجاله حمدان وهيبه وخدوا منهم الأسلحه.
رجع بسرعه حمدان وهيبه خطوه لورا وقبل ما يطلعوا أسلحتهم خدوها منهم رجالت موسي.
ووقف موسي في وسط القصر وهما ادامه والرجاله محوطاهم في كل مكان.
موسي…بعلو صوته وبغضب هز البلد مش القصر بس.
بص لحمدان….نجطتي ليك يا حمدان صوب عليه السلاح
ده حج كل واحد ظلمته وأفتريت عليه فالبلد وداس عالزناد وضرب اول طلقه.
خد حمدان الطلقه في صدره وبص عليها بصدمه وبسرعه وجه موسي السلاح علي هيبه وده حج كل واحد كلت حجه وشحطت عياله ورميت بلاك علي بناتهم
صاح وهلل الناس كأنهم بيشجعوا موسي اللي بيعمله.
صوب موسي عليهم السلاح من تاني هما الاتنين.
وده حج عطر أختكم اللي ماتت بسببكم
الدم كان مغرقهم وماسكين نفسهم رافضين يقعوا وبيكابروا حتي فالموت.
وده حج ابوي يا حمدان اللي غدرت بيه وفضل يضرب فيه فاللحظه دي وقع حمدان عالارض وهو بيلفظ انفاسه الأخيره بص موسي لهيبه بحمدان بكل غضب وقسوه وكأن الدم عمي عينه وأفقده عقله ودي بجي ياهيبه أكبر نجطه ممكن تاخدها في حياتك حج امي يا ههيبه حج ست الدااااار😡 وفضل يضرب فيه بسلاحه بدون وعي لحد ما وقع هيبه ميت فالحال نزل موسي سلاحه وهو بيتنفس بسرعه وصدره بيعلي وبيهبط وكأن الغل اللي كان جواه اخيرا طلع اما بدر فكان واقف بعيد دموعه بتنزل بسرعه مش عارف بيعيط علي أخواته ولا علي الحاله اللي اول مره في حياته يشوف موسي عليها..مش عارف يحزن علي اخواته وعلي الموته اللي ماتوها ولا يتعاطف مع موسي ويقول حق وجعه علي امه وأبوه…
الساحه بسرعه أتحولت لدماء بتجري وكأن المكان أتحول لليله في العيد الكبير وحمدان وهيبه هما دبايحها…
ساب رجالت موسي باب القصر وأفسحوا المكان للستات يخرجوا بعد ما كانوا واقفين مانعين بخيته تخرج
خرجت بخيته بسرعه هي وسهير زي المجانين يصرخوا
أعدت بخيته فالأرض وسط ولادها تصرخ بكل قوتها وكأن الحزن لأول مره يعرف طريقها وهي شايفه ولادها غرقانين في دمهم ومفارقين الحياه فضلت تصرخ بقلب مدبوح علي عيالها ونسيت ان هي كانت السبب الأكبر في المدبحه دي
وفجأه أتحول صراخها وعياطها ونواحها لضحك هستيري .
بخيته…بضحك موت يا حمدان موت ياهيبه طيب جولولي الموت زين وكملت ضحك وفضلت تقول كلام كتير غريب راح عليها بدر وهو دموعه نازله يحاول يقومها من الارض
بدر…جومي يا أما
بخيته…امشي ياولا امشي سيبني انت مين اني معرفكش
بدر…بدموع ابوس يدك يا اما جومي
بخيته…لاه ما هجومش اني هغني لأخواتك عشان عايزين ينامو..وأبتدت تغني وسط الناس اللي عينهم عليها بشماته وموسي واقف متشفي فيها .
هريدي…بضحك الوليه أتچننت
بخيته واحد أتنين سرچي مرچي أنت حكيم ولا تمرچي اني حكيم الصحيه العيان أديله حجنه والمسكين أديله لجمه بدي ازورك يانبي ياللي بلادك بعيده فيها أحمد وحميده .
بدر….جومي يا اماااا
سهير…بصريخ حمداااااااان جوم ياراچلي جوم يا خوي هجتلك يا موسييييي هجتلك وأشرب من دمك ماهسيبكش يا موسي
أبتسم موسي ولف ضهره هو واخواته وابتدت رجالته تمشي وراه ورجالت البلد يخرجوا حتي رجالت حمدان وهيبه المطاريد مشيوا وابتدا القصر يفضي عليهم
فجأه قامت سهير ومسكت مسدس حمدان ونادت علي موسي.
سهير…موسييييييي لف موسي وبصلها وقبل ما تضرب وقبل ما يلحقها بدر وياخد منها المسدس كانت داست عالزناد وفجأه وقف هريدي أدام موسي يفديه بروحه وقع هريدي بين ايد موسي.
وخد بدر من سهير المسدس.
موسي…هريدي هريدييييي
أعمل حاچه يا سالم
هريدي…بأبتسامه اول مره أعرف ان روحي غاليه جوي إكده كنت طول عمري شايف ان روحي متسواش وشايف حالي مسواش أول مره أحس ان روحي غاليه عشان فديتك ياموسي.
موسي…بدموع جوم ياهريدي جوم ياواد عايز تشوف غلاوتك عندي ياولد المركوب.
هريدي…لاه اني عارف اني غالي عنديك بس انت كمان أغلي عندي من روحي
موسي…بدموع طيب جوم الله يخليك جوم ياواد متوچعش جلبي خلاص ماباجيش فيا حيل للوچع.
هريدي….كنت عايز أجولك علي سر جبل ما أموت. طول عمري مخبيه عنيك كيف ما انت يا صاحبي كنت مخبيه علي بدر..
موسي…بدموع عارفه وخابره يا هريدي من جبل ما تجوله انت صاحبي واني بحس بيك ياواد
هريدي…بأبتسامه سامحني ياموسي بس انت ديما كنت تجول الجلب ماعلهوش سلطان واني جلب أختارها عارف اني ولاحاچه بس حبيت وعشجت.
موسي…طيب جوم واني هچوزهالك بس متفارجنيش ياواد.
هريدي…بأبتسامه جولتلك الجلب ماعلهوش سلطان وهي جلبها ماريدنيش ياموسي سامحني يا أخوي.
موسي…مسامحك من جلبي بس جوم ماتعملش فيها مهم عاد.
هريدي…لاه اني مهم غصب عنيك ده اني لسه حتي فاديك بروحي مفيش شكر ولا تجدير.
ضحك موسي من وسط دموعه علي طوله لسانه حتي وهو بيموت.
موسي…لسانك عايز جطعه
هريدي…اهو هحرمك منيه خالص يمكن ترتاح
موسي…بدموع لاه ياواد ماهرتاحش اني مجدرش أستغني عنيك جوم ياهريدي الله يخليك هاخدك عالمستشفي وهتبجي زين يلا بسرعه امسك روحك بس
هريدي..وهو بياخد نفسه بصعوبه لاه مافيش وجت .
ومسك في ايد موسي بقوه وكأن الروح بتطلع خلاص أتشاهد وثواني وفارق هريدي الحياه.
موسي..حضنه وفضل يعيط ليه ياهريدي ليه ياصاحبي اني ناجص وچع جلب جلبي فضي خلاص كل الحبابيب هچروه.
قام موسي وشاله ومشي بيه واخواته والرجاله كلهم وراه.
……..
أحداث كتير في ليله طويله كلها دم وعنف مات الظالم وانتهي شره بخيته أتجننت
……
عدي الوقت بسرعه وأتقبض علي موسي بعد ما سهير قدمت فيه بلاغ بقتل جوزها حمدان وأخوه هيبه
تحقيقات كتير وأسئله وأجوبه وموسي مستسلم مكانش في اي حاجه في باله إلا غير انه أخيرا انتقم وجاب حق أمه وابوه وعطر واتمني لو كانوا لسه فيهم نفس عشان يجيب حق هريدي اللي ملحقش يدفنه بايده ووصي أخواته يسيبوه ويروحوا يكرموا هريدي وبعدين يبقوا يرجعوله.
كل حاجه خلصت بسرعه وادفن هريدي…ساعات بتجري ويوم ورا يوم بيعدي ولسه موسي محبوس علي زمه التحقيق..
خرجت هنيه من الاوضه بعد ما عرفت خبر موت هيبه وحمدان الفرحه مكانتش سيعاها لكن قلبها كان واجعها علي موسي ومش مبطله دعا عشان ربنا يفك حبسه..
ولكن الغريب ان اهل البلد أتجمعوا ادام المركز وكانوا عاملين شبه مظاهره عشان موسي يطلع..اتحقق معاه كتير وأستجوبوا كتير من اهل البلد وخدوا شهادتهم وكله أنكر ان موسي عملها حتي رجالت حمدان وهيبه أشتراهم سالم ومهران بالفلوس والكل قال ان موسي معملهاش…واللي موسي أستغربه اكتر ان بدر كمان وقف معاه وانكر انه عملها كان مصدوم من شهادته توقع انه يقول هو اللي عملها ومكانش هيزعل منه لكن أتصدم لما شهد معاه…وعلي اد فرحته ببدر لكن كان حزين علي موقفه اللي حطه فيه.
مكانش في اي حد شاهد ضد موسي غير سهير حتي بخيته الظابط معرفش ياخد منها جمله مفيده عقلها راح ومقدرتش تشهد.
عدت ايام او مايقارب من الخمس أيام وموسي محبوس علي ذمه التحقيق.والناس بره المركز شبه ما بتمشيش.
وطول الوقت هنيه واقفه معاه
واخيرا بعد تعب وارهاق أتقفلت القضيه وخرج موسي من حبسه الناس كلها كانت فرحانه بخروجه..
إلا سهير اللي حلفت ما تسيب تار جوزها.😡
اما عند بدر مبقاش فيه غيره بقي هو الكبير بتاعهم لم مراته وولاده حتي امه ضلل عليهم وفضلت معاهم سهير بولادها.
اما هنيه فا قررت ترجع لأهلها لحد ما يتعمل إعلان وراثه وتقدر تجيب مكان وتبعد عنهم.
كان نفسها تفضل مع موسي لكن كانت عارفه انه صعب او عالاقل الوقت ده صعب موسي ينسي عطر بسهوله صعب تخرج من قلبه وصعب بعد كل الوجع اللي اتعرضله انه يقدر يكون معاها.
وأفتكرت كلامه معاها اخر مره بعد ما طلع من السجن
فلاش باك..
هنيه…مبروك طلوعك بالسلامه
موسي…الله يبارك فيكي ياهنيه مبروك ليكي انتي ربنا ريحك من شر هيبه وبجيتي حره
هنيه…معرفاش أشكرك علي جعدتي إهنه ولا عارفه أشكرك علي حمايتك ليا ولا أشكرك عشان جدرت تخلصني من هيبه.
موسي…بأبتسامه متشكرنيش علي حاچه يا هنيه اني معملتش اي حاچه أنتي كيف فرحه أختي
أنكمشت ملامح هنيه وبسرعه اتجمعت دموعها في عنيها وابتسمت ابتسامه خفيفه…أختك.
حس موسي بحزنها..اشفق عليها لكن مش في ايده حاجه قلبه متعلق بعطر حتي بعد موتها ولان الحب مش زرار يدوس عليه يتخلص منه او يخليه يفضل الحب مشاعر بتتولد جوانا ملناش يد فيها.
موسي….سامحيني ياهنيه مجصدتش أضايجك بس كمان لازما تعذريني جلبنا مش ملكنا والجلب معلاهوش سلطان يا هنيه جلبي أختار عطر وحبها ومش بسهوله تطلع منيه عارف اني ممكن اكيد بضايجك بحديتي بس كمان مجدرش اظلمك وأوعدك بحاچه جلبي مش كدها ولو عملت إكده أنتي أكتر حد هيتظلم ويتعب وانتي تعبتي كتير يا هنيه مع هيبه چه الوجت اللي ترتاحي فيه انتي تستاهلي تتحبي لكن للاسف مهتلاجيش عندي حب جلبي مات مع موت الغاليين.
هنيه…بدموع واني مش عيزاك تحبني ياموسي بس خليك چمبي واني راضيه بأي حاچه منيك.
موسي…بأبتسامه قرب ايده ومسح دموعها سيبي الايام تطيب الچرح يا هنيه الايام كلها أسرار محدش فينا يعرفها كل يوم چديد بيچي ويكشف سر فيها…يمكن تكوني سر ينكشف ليا في يوم من الايام ياهنيه…بس دلوك ماهجدرش صدجيني بس اي وجت هتحتاچيني هتلاجيني ورجمي معاكي ورجمك معاي
أبتسمت هنيه من وسط دموعها وهزت راسها وبعد وقت بسيط سلمت علي الكل ومشيت
موسي كان حزين عشانها لكن مكانش قادر ينسي عطر .
……..
انتهي الشر والتار مع موت حمدان وهيبه…لكن فضلت سهير تعيد من تاني نفس الدايره اللي مبتخلصش وتسود في قلوب ولادها وتشجعهم عالتار وتورثهم ورث اسود يمرر حياتهم ويعيد تاني سلسال الدم اللي ما بيخلصش.
……………
في النهايه الثأر دايره كبيره وميراث اسود💔ضحاياه لا تعد ولا تحصي..الابرياء فيه أكتر من الظالمين.ارواح بتروح من غير اي ذنب اطفال بتتشرد وتتيتم واطفال بتحمل ورث علي اكتافهم ولكن أرث اسود ملعون
الثأر لعنه تصيب العائلات ولعنته تصيب الجميع..ولكن لا نريد ان نغفل بأن العنصر النسائي اللذين يحفذون ابنائهن علي الأخذ بالثأر
وبالاخص الامهات….تعلم الام جيدآ انها ستفقده ولكن لا يهمها إلا الاخذ بالثأر..هل تري ان حياه أبنها رخيصه الي هذا الحد.هل قلبها يصل الي هذا الحد من القسوه والجبروت..لتضحي به..💔
في النهايه عندي سؤال.
هل الثأر عاده أم غايه وهدف ؟
…….
واخيرا وليس اخرا..حابه الفت نظركم لحاجه مهمه.
لما اختارت موضوع الثأر عشان اتكلم فيه…كنت حابه أوضح واظهر وجع القلب اللي العائلات ديه بتشوفه وبتعانيه وابرز مدي الظلم اللي في قلوب البعض.كنت حابه اقول ان العنصر النسائي اللي بيتمثل فالامهات هو سبب الثأر
ولولا زنهم مكانش راح ارواح كتير بريئه..كنت ضد الثأر وحابه أخلي الناس كلها تكون ضده وان القانون هو الاساس بس الغريب اني أكتشفت حاجه مهمه اوي يمكن مكنتش انا شخصيا حاسه بيها..ان التار لاهو عاده ولا هو غايه..الثأر من وجهه نظري غريزه موجوده جوه كل واحد فينا.
واظن….كلكم أجتمعتوا علي موت حمدان وهيبه وبخيته وسهير…واتمنيتوا عذابهم…وكنتوا مع موسي انه ياخده تاره…🙂👌
الظلم بيولد جوانا غريزه التار…وده مش معناه اني مع فكره التار لكن حابه اقول ان التار جوه كل واحد فينا إلا من رحم ربي
الشر ما بيتخلقش جوه الشخص الطيب من فراغ لازم حاجه قويه تخلقه جوانا
ولازم نعرف ان كتر الالم بيموت الاحساس
وشر الحليم وغضبه عمره ما بيجي من فراغ…
في النهايه…أتمني من قلبي تكون الحكايه عجبتكم أتمني أكون قدرت اوصلها الي حد كبير زي ما اتمنيت اتمني أكون كنت ضيفه خفيفه علي قلوبكم..والاهم عارفه اني وجعت قلوبكم وان في ناس كتير ماتت بس حبيت أعيشكم معايا في الواقع شويه.
مبسوطه اني كنت معاكم
شكرا ليكم من كل قلبي❣️
تمت.
- لقراءة جميع فصول الرواية اضغط على (رواية ست الدار)