رواية بنت الجيران الفصل الخامس 5 بقلم ايما محمد

طلعت سمر من اوضتها وكانت نازلة بس اتفاجات بحسن خطيبها واقف قدامها بيبصلها بحب

سمر بكسوف: حسن؟ انت جيت امتي؟

حسن: من شوية.. جيت اشوفك قبل ما ارجع البيت

سمر وشها احمر ومامتها طالعة تنادي عليها تشوفها واقفة ليه بس اتفاجئت هيا كمان بحسن اللي بقاله اكتر من خمس شهور في السعودية

نادية: حسن؟ رجعت امتي يا عين امك؟

حسن بضحك: من شوية 

نادية: طب تعالي احطلك تتغدي

حسن: لا انا هروح

نادية بتشده: والله ما تحصل.. خش يا واد متكسفنيش

شدته زي اي ام مصرية من ايده ودخلته علي السفرة علي طول قعده وشدت وراه سمر بعد ما قالتها تغيب النهاردة وتفضل مع خطيبها وطبعا الاخت سمر ما صدقت????

********

فريدة وصلت الكلية متاخرة شوية وعلي طول راحت ع السيكشن بتاعهم دخلت وشاورت لجميلة وهدي اللي كانوا قاعدين في اخر السيكشن كانت رايحلهم بس مرة واحدة صراخت لما كعب جزمتها اتكسر كانت هتقع بس سندها شاب كان معدي من جنبها ، جميلة وهدي علي طول وصلوا عندها ومسكوها من الشاب اللي فضل واقف يطمن عليها

الشاب: انتي كويسة يا انسة؟

جميلة: كويسة امشي بقي

الشاب بصلها بقرف ورجع بص لفريدة تاني

الشاب: محتاج مساعدة يا انسة؟

هدي شمرت وقربت منه: ماقلنا كويسة يا اخينا عايز ايه بقي؟

سابهم الشاب علي طول ومشي وهدي رجعت تاني تسند فريدة

فريدة: اووف بقي ع الكعب دا.. اعمل ايه انا دلوقتي؟

جميلة: تعالي بس اقعدي بعدين نتصرف

فريدة سندت عليهم ووصلوا مكانهم وقعدوا

جميلة: خليكي هنا وانا ممكن اروح الكافيه بسرعة اتصرف في حاجة تتلبس من هناك

فريدة هزت راسها وفضلت تفرك رجليها اللي وجعتها

جميلة سابتهم وطلعت علي طول ع الكافيه اللي بياخد خمس دقايق مشي من الكلية واول ما دخلت راحت علي اوضة الاستراحة بتاعتهم خدت كوتشي بتسيبه هناك عشان الشغل وتحسبا لاي ظرف طارئ وعرفت زميلتها انها خدته عشان متفكرهوش اتسرق ومشت علي طول ع الجامعة

0000000

في نفس الوقت اسلام ونورسين داخلين نفس الكافيه لان نورسين قريبة صاحب الكافيه ، وقف اسلام بذهول وهو شايف جميلة طالعة من الباب اللي ورا وماسكة في ايدها حاجة في شنطة وبتجري رايحة الجامعة نادي عليها بس مسمعتهوش وكملت جري وهو دخل مع نورسين لما لاقاها نادت عليه ، دخلوا وقعدوا في مكان هي متعودة دايما تقعد فيه

اسلام: في ايه يا نورسين قلقتيني

نورسين: بص.. انا.. انا عايزة اقولك علي حاجة

اسلام: قولي

نورسين: انا.. اسلام هو انا..

اسلام: في ايه يا بنتي اعصابي باظت

نورسين بضيق: مفيش يا اسلام خلاص

اسلام: اللي هوا ايه دا يعني؟ انتي جايباني من العيادة لهنا عشان تقوليلي مفيش

نورسين ودموعها بدات تلمع في عينيها: انا اسفة انا..

اسلام مسك ايديها اللي حطاها ع الترابيزة بلطف وبنبرة هادية قالها: خلاص يا نورسين ولا يهمك.. اهو بالمرة نفطر ولا ايه؟

ابتسمت ومسحت دموعها وهزت راسها وبدات تطلب الفطار معاه

*******

جميلة دخلت السيكشن بتاعها متاخرة شوية كانت هتروح مكانها بس اتفاجات بالمعيد بيقوفها وهو بيزعق

المعيد: انتي رايحة فين يا بت انتي؟

جميلة: اسفة بس انا..

المعيد: اتفضلي يا ماما برا مفيش حد بيدخل بعدي.. برااا

جميلة اتفزعت من زعيقه وطلعت جري بعتت رسالة لهدي قالتلها انها هتسيب الكوتشي اللي جابته لفريدة في كافيه الكلية عند صاحبتهم وانها هتروح الكافيه اللي بتشتغل فيه وبعدين مشت بعد ما ودت الكوتشي

****

دخلت جميلة  الكافيه وغيرت هدومها للزي بتاع الكافيه وبدات شغل طلعت تاخد طلب حد بس اتفاجات باسلام قاعد مع بنت في ركن بعيد وبيشربوا اسبرسو وهما بيضحكوا تنحت لثواني بس فاقت لما صحبتها زقتها بالراحة عشان تشوف شغلها راحت علي الطرابيزة اللي جنبهم وبدات تاخد طلبات الزبون خلصت بسرعة وهي بتحاول طول الوقت تداري نفسها من اسلام عشان ميشوفهاش ويعرف انها شغالة هنا خدت الطلب ودخلت ع المطبخ خدت كل حاجة وراحت لصحبتها 

جميلة: سارة ما تروحي انتي مكاني 

سارة: انا معايا طلب يا تحفة 

جميلة بصت للكابتشينو اللي بتعمله وراحت بغيظ علي صينيتها خدتها وخدت نفس عميق وطلعت حطت الطلبات للزبون وكانت ماشية بس شهقت اول ما الزبون مسك ايديها وبدا يعاكسها حاولت تبعد ايده

جميلة: عيب كدا حضرتك

الزبون: ما تهدي بس يا موزة

جميلة حاولت تشد ايدها بس هو ماسك فيها وفجاة رفعت ايديها ونزلت علي وشة بالقم الزبون برق والكل بص ناحيتهم بعد ما سمعوا صوت القلم اللي نزل علي وشه 

000000

اسلام قاعد مع نورسين بيتكلموا وفجاة سمعوا صوت قلم جامد جاي من جنبهم بصوا هما الاتنين وفي ثواني كان اسلام قايم ومن غير ما يتفاهم بدا يضرب الزبون ويديله بالبونيات لحد ما وشه جاب دم سابه لما الناس حاولت تفصل بينهم وراح لجميلة شدها وراه من ايدها وطلع بيها من الكافيه من غير تفاهم خدها ووقف تاكسي وركبها وركب قدام وطلب منه يروح بيهم حتة هيا مركزتش في اسمها من عياطها التاكسي وقف وهو حاسب ونزل وشدها وراه بصت حواليها لقت نفسهم قدام البحر والمكان فاضي بصتله واتفاجات بيه بيبصلها بغيظ

ثانية والتانية وانفجر فيها

اسلام بيزعق: انتي غبية؟.. انتي ازاي تشتغلي هناك هاا؟ ازاي تسمحي لنفسك انك تشتغلي اصلا؟ انتي بجد اتجننتي؟ قولتلك ميت مرة لو محتاجة حاجة تقوليلي عرضت عليكي تشتغلي معايا قولتلك هفتحلك ورشة رسم ليكي وانتي قلتي لا وفي الاخر تروحي تشتغلي في كافيه.. انتي اتجننتي؟

جميلة بزعيق وعياط: متزعقلييش

اسلام بزعيق: لا هزعق يا جميلة.. هزعق لانك مستهترة.. قولتلك تشتغلي قولتي لا عرضت عليكم فلوس رفضتي وقلتي معاش بابا مكفي يبقي بتشتغلي ليه وتسمحي للي يسوي وميسواش يلمسك هاا

هنا جميلة مستحملتش جملته ورفعت ايدها ضربته بالقلم

جميلة: ملكش دعوة بيا

كانت هتمشي وتسيبه بس وقفها ولفها ليه جامد

اسلام بنبرة باردة: انا جايلكم النهاردة وهتقدملك وابقي ارفضي عشان اردلك القلم قلمين يا جميلة

زقها وهي طلعت تجري ومش شايفة قدامها من دموعها وقفت اول ما حست انها بعدت عنه وبدات تحاول تهدي نفسها ، هدت بعد شوية وبدات تشوف هيا فين استريحت لما لقت نفسها في حتة هي عارفاها وقريبة شوية من الكلية والكافيه وعلي طول بدات تمشي راجعة تاني للكافيه عشان تاخد حجاتها وتودي لبسها

********

الساعة 7 في شقة حكمت جارة جميلة

حكمت واقفة قدام ابنها مبرقه علي اخرها وبتساله للمرة المليون

حكمت:…..