رواية تخطي حدود العشق الفصل الخامس عشر 15 بقلم يارا عبدالعزيز

رواية تخطي حدود العشق الفصل الخامس عشر 15 بقلم يارا عبدالعزيز

رواية تخطي حدود العشق البارت الخامس عشر

رواية تخطي حدود العشق الجزء الخامس عشر

رواية تخطي حدود العشق الحلقة الخامسة عشر

عمر بغضب و هو بيحط المسـ..دس في رأسه
:- ارمي عليها يمين الطلاق يلا
ملك :- يا ابيه اسمعني
عمر بعصبية:- قولتلك اسكتي انتي يلا يالا انا صبرت عليك كتير احتراما لجدك و ابوك لكن خلاص انا طفح كيلي منك انجز يلا
أسر بخوف شديد :- و انت يعني مفكر اني لو طلقتها دلوقتي هيبقى صح ايه مسمعتش ان الطلاق تحت التهـ..ديد لا يجوز و باطل و لا قعدتك برا خلاتك واحد مش عارف اصول دينيه و نزعت تربيتك
عمر وقتها نزل المـ..سدس على الارض و ز..ق اسر و خبـ..طه جامد في الحيطة قوس ايده و حاطها على رقـ..بته و هو بيضغط عليها جامد لدرجة ان اسر اتخـ..نق وقتها
ملك بخوف شديد راحت وقفت جانبه:- يا ابيه سيبه هيمـ..وت في ايدك يا رب يا عمي يا مرات عمي انتوا فين حد يجي هنا
عمر بعصبية:- بقى بتمـ..د ايدك عليها و كمان تهنـ..ها لو مفكر ان ملهاش اهل تبقى غلطان و انا هعرف كويس اوي ازاي هطلقها منك استحالة اسيبها مع واحد زيك
أسر بصله بخوف و هو بيحط ايده على رقبته و بيحاول ياخد نفسه
أسر :- قولتلك مش هطلقها ملك مراتي و محدش هيقدر يبعدني عنها لا انت و لا ابوها
عمر سابه ببرود عكس ما يوجد بداخله من بركان
:- تمام ما بينا المحاكم بقى و هنشوف مين فينا هيضحك في الاخر
اسر بتفكير:- تمام
لا حول ولا قوة الا بالله العلي العظيم 🤎

راح عند ملك و مسك ايديها:- يلا معايا على البيت
عمر راح وقف قدامه و بعد ايديه عنها و اتكلم بغضب
:- مين دي يشاطر اللي ترجع معاك البيت انت اتجننت شكلك كدا
أسر:- انا عايز مراتي هو فيه ايه هتيجي بيت جوزها
عمر:- قولتلي جوزها ااه لا دا عندكوا الكلام دا انما عندي شايف الباب اللي هناك دا توريني عرض اكتافك يلا
اسر بغضب :- يلا يا ملك مش عايز شغل عيال
عمر :- هو انت مبتفهمش دا انت حتى مهندس و عقلك كبير قولتلك اخرج من هنا يلا ملك هتفضل هنا في بيت عمها
أسر :- انت عايزني اسيب مراتي مع واحد غريب عنها في بيت لوحدهم
عمر :- ااه و يلا بقى عشان انا ماسك نفسي عليك بالعافيه فقدامك اختيارين ياا ترحم نفسك مني و تخرج يااا هوريك اللي عمرك ما شوفته و في الحالتين مش هتاخد ملك
اسر بصله بخوف و بعدها بص لملك ، راح عندها و حضنها بعمق و هو بيوضح لعمر ان ملك دي بتاعته و ملك كانت بتحاول تبعد لانها بمعنى الكلمة مكنتش حتى طايقة انفاسه
ملك :- ابعد
أسر ببرود و هو بيبص لعمر اللي كان شايط من الغيرة و الغضب
اسر:- تعرف تعمل الحركة دي او حتى تكشف وشها و تشوفه ملك دي ليا انا مرات أسر زايد انا لو عايز اخدها دلوقتي في اوضتك و اخاد منها كل حقوقي هعمل كدا
عمر وقتها مشفش قدامه راح عند أسر بغضب مفرط و كان لسه هيضـ..ربه بس ملك وقفت قصاده
ملك ببكاء:- كفاية بقى حرام عليكوا

كملت و هي بتبص لأسر:- انا عملتلك ايه عشان تأذ..يني الاذ..ى دا كله حرام عليك ليه يا أسر طلقني يا اسر بقى و ارحمني
أسر:- انا عارف ان اللي في قلبك هو انا و عارف انك بتحبني يا ملك بس انتي دلوقتي مضايقة عشان اتجوزت تعالي روحي معايا و اقعدي عند جدي وانا اوعدك اني مش هقرب عليكي بس انك تفضلي مع البني ادم دا لوحدكوا انتي عارفة ربنا و عارفة ان دا هيكون غلط في حقي
ملك ببكاء:- مش عايزة ابقى معاك مش عايزة حتى اشوف وشك تاني انا بكرهك يا اسر بكرهك
قعدت على الأرض و هي حالتها صعبة جدا
:- ليه بيحصل معايا كل دا ليه حرام عليك يا اسر دا انت مشوفتش مني غير كل خير افتكر اي حاجه حلوة عملتهالك و ارحمني و طلقني بقى متخلنيش اكره حياتي اكتر من كدا
عمر بص لملك و كان خايف عليها جدا مسك اسر و خرجه برا البيت بغضب
عمر :- رعد انت يا ز..فت
:- ايوا يباشا
استغفر الله العظيم الذي لا اله الا هو الحي القيوم و اتوب اليه 🤎

عمر :- خرجه برا القصر و اياك المحه هنا تاني
خرجوا أسر برا القصر اللي كان متعصب و بيحاول يفك نفسه بس معرفش
في الداخل ملك كانت لسه قاعدة على الأرض ، عمر جري عليها و قعد قصدها
عمر :- اهدي يا ملك
جري بسرعة على التربيزة وجاب مياه ادهالها و هو خايفة بشدة عليها من كلام الدكتورة
عمر بحنية مفرطة:- امسكي اشربي يا ملك و اهدي عشان متتعبيش
ملك بشهقات:- مش مش عايز يطلقني
عمر :- متخافيش هطلقك منه و دا وعد مني ليكي مش هسيبك على ذمته كتير
بدأت ترتاح لكلامه و تهدي تدريجياً و كانت عاملة زي الطفلة اللي واقعـ..ة في ورطة و لاقيت و أخيراً طوق نجاتها
ملك :- هو عمي و مرات عمي فين
عمر :- في الصعيد خالي تعبان شوية و راحوا يشوفه
ملك :- يعني احنا هنا لوحدنا
عمر:- خايفة مني يا ملك دا انا عمر ابيه عمر اللي كنتي بتيجي تستخبي في حضنه من ابوكي مش فاكرة يا ملك
ملك :- فاكرة يا ابيه يا ريتك ما مشيت يا ريتك فضلت مكنش هيحصل معايا كل دا
عمر:- و دلوقتي انا موجود و هصلح كل حاجه ارمي كل حاجه عليا و متخافيش
بصتله بأرتياح و هي لاول مرة تحس بالامان ، حسيت انها عايزة تدخل جوا حضنه بس استغفرت ربنا في سرها اتمنت لو يكون من محارمها عشان تقدر تعمل دا أو يكون هو مكان اسر و حلالها الوحيد

ملك بصوت عالي نسبيا و غضب من نفسها
:- استغفر الله العظيم ايه دا فيه
عمر :- مالك فيه حاجه
ملك :- لا مفيش انا خايفة احسن جدو يزعل مني هو انت ممكن تروح و تفهمه اللي حصل و تجيبه هنا عشان هو وحشني ممكن
عمر :- بس كدا طلابتك اوامر يست ملك بس اوعديني انك مش هتعيطي تاني ماشي
ملك :- ماشي بس روح هات جدو عشان انا عايزاه يبات معايا انهاردة
عمر بدأ يحس ببعض الغيرة بس ما باليد حيلة دا طلب من طلبات ملك اللي هي بالنسباله روحه
عمر:- حاضر اطلعي ارتاحي بقى و هقولهم يطلعولك اكل عبال ما اروح لجدك و اجيبه
ملك :- تمام
أسر روح البيت و دخل الشقة عند عادل و كانوا كلهم متجمعين
عادل:- انت كنت فين برن عليك مش بترد و ملك فين

اسر:- ملك عند عمر الشافعي ابن عمها
عادل:- ايه ازاي عند عمها انت اتجننت ازاي تسمحلها تروح هناك
فردوس بخوف شديد:- اسر ايه الضـ..رب اللي في وشك دا مالك في ايه
اسر:- الحـ..قير اللي اسمه عمر دا ضـ..ربني عشان اطلقها وطردني برا القصر بتاعه و مخلنيش اخدها معايا
عادل بخوف:- ازاي هو فوضى دا انت جوزها و انا الواصي عليها دا انا اروح اقدم فيه بلاغ و اخدها منه بالقانون
وقتها عمر دخل لان الباب كان مفتوح
عمر بثقة :- اهدى بس شوية يا عادل بيه و اسمع الموضوع من اوله
اللهم صل وسلم وبارك على سيدنا محمد وعلى اله وصحبه اجمعين 🤎
مجدي بغضب :- مجبتش ملك معاك ليه
بدأ عمر يحكيلهم اللي حصل من اسر سواء انه مـ..د ايده على ملك لحد جوزاه من شروق السكرتاريه كانوا بيسمعوه بصدمة و خصوصاً عادل
عادل بغضب مفرط و هو بيقف قدام أسر:- اللي بيقوله دا صح ما تنطق
أسر:- يا جدي انا
عادل قاطعه و هو بيصفـ..عه بقوة على وشه
عادل بغضب:- هي دي الأمانة اللي امنتهالك بقيت نسخه من ابوها يخسارة يخسارة يا اسر انت لازم تطلقها
اسر ببرود : مش مطلقها و لا حتى هطلق شروق الاتنين هيفضلوا معايا
مجدي :- اسر اتكلم كويس مع جدك من امتى و انت كدا

اسر :- من دلوقتي يا بابا انا محدش هيبعدني عن مراتي مهما كان مين
قال كلامه و سابهم و مشي
عمر :- ملك عايزة تشوف حضرتك ممكن تتفضل معايا
عادل راح مع عمر ، وصلوا القصر بعد حوالي نص ساعة
ملك كانت خلصت اكل و قاعدة شاردة في كل اللى بيحصل معاها لحد اما الباب خبط
ملك :- مين
عادل:- دا انا يا ملك
ملك بلهفة و فرحه:- ادخل يا جدو
دخل عادل راح قعد جانبها على السرير و حضنها
ملك مسكت فيه بقوة و بدأت تفرغ كل الوجع اللي جواها في حضنه
عادل : متخافيش يحبيبتى انا معاكي انا اسف يا ملك اسف عشان انا اللي وديتك ليه اسف يبنتي مكنتش اعرف انه كدا
ملك : مش عايز يطلقني يا جدو و انا مش طايقة اشوف وشه
عادل:- متخافيش انا و عمر هنرفع عليه قضية طلاق و هنخليه يطلق متخافيش يحبيبتى احنا معاكي و ربنا الاكبر من الكل معاكي
ملك :- و نعمة بالله
بدأت تهدا و تسكن في حضن جدها لحد اما ذهبت في نوم عميق
في الصباح كانوا قاعدين كلهم على تربيزة السفرة و عمر خلى عادل يعقد على راس التربيزة في حركة خليت ملك و عادل يحترموه اكتر

عمر :- انا ممكن اقوم لو مش عارفه تاخدي راحتك مني
ملك:- لا عادي يا ابيه بعرف اكل و انا لابسة النقاب الحمد لله
عمر ابتسملها بحب تحت نظرات عادل اللي بدأ يفهم ان فيه مشاعر لملك في قلب عمر ، فجاة جت الخدامة
:- عمر بيه فيه واحد برا عايز ملك هانم
عمر :- مين
:- باين عليه محضر
ملك بصيت بخوف و راحت و معاها عادل و عمر
:- حضرتك المدام ملك عبدالله الشافعي
ملك :- ايوا انا
:- الظرف دا عشان حضرتك ممكن تمضيلي بالاستلام
ملك خديت منه الظرف بخوف شديد و مضيت بالاستلام ، عمر خد منها الظرف و فتحه
عمر بصدمة شديدة:- طلابها في بيت الطاعة

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية تخطي حدود العشق)