رواية وتين الحلقة الخامسة 5 بقلم لولو
رواية وتين الحلقة الخامسة 5 بقلم لولو
 |
| رواية وتين الحلقة الخامسة 5 بقلم لولو |
رواية وتين الحلقة الخامسة 5 بقلم لولو
حور لسنها اتربط. الصوت ده مش غريب عليا.مين
*مش عارفه صوتي يا حوري
حور.انت مين
*مش معقول تكوني نسياني مفيش غيري بيقولك يا حوري
حور.ااا
*ادهم ادهم يا حور نستيني
حور بعياط.ادهم بجد
ادهم.ايوه يا حور انا رجعت رجعت عشانك.. حور انا عايز اشوفك
حور.تشوفني طب متيجي انت وحشتني
ادهم.اكيد هاجي بس انا عايز اشوفك بره
حور.ماشي يا ادهم
ادهم.ماشي هنتقابل في……
حور.ماشي
حور مش مصدقه نفسها مش مصدقه ان ادهم رجع
حور.الو
وتين.عامله ايه ياحور
حور بفرحه.كويسه كويسه جدا
وتين.شكلك فرحانه فرحيني معاكي
حور.ادهم رجع يا حور انا مش مصدقه
وتين بفرحه.بجد
حور.ايوه وهقابله بكره
وتين.ربنا يسعدك يا حبيبتي
حور.مالك انتي متضايقة
وتين.كنت متضايقة لحد ما سمعت الخبر الحلو ده
حور.انتي بجد اختي مش صحبتي
وتين.بحبك يا رورو
حور.وانا ياقلبي سلام بقى عشان هنام
وتين.اوبا هو من اولها كده ادهم ياخدك مني
حور.محدش يقدر ياخدني منك
وتين.ربنا يخليكوا لبعض يا حبيبتي
حور.يارب
وتين.باي روحي نامي بقى
حور.باي
………….
في بيت تميم قاعدين ع السفره بيتغدوا
طارق.الشغل عامل ايه يا تميم
تميم.الشغل ماشي زي الفل كانك موجود
طارق.انا واثق فيك يا بني
تميم.ربنا يخليك ليا
طارق.هنا جابت سكيرتيره بدلها ولا لا
تميم.اه وهي جايه بكره
ليلي.هتفضلو تتكلمو في الشغل كده كتير عايزاك يا تميم في كلام مهم
تميم.اتفضلي
ليلي.بقولك يا تميم مش هنفرح بيك بقى
تميم.اااه هو ده الكلام المهم
ليلي.هو في أهم من كده نفسي اشيل عيالك قبل ما اموت
تميم.بعد الشر عليكي يا حبيبتي
ليلي.طب ناوي تفرحني امتى
تميم.قريب أن شاءالله
ليلي.يعني عينك على حد قول متكسفش
تميم.ههههه لا طبعا
ليلي.طب هنقيلك عروسه
تميم.تمام يا ماما
…………
تاني يوم
حور جهزت عشان تقابل ادهم ولبست اشيك طقم عندها كانت لابسه دريس نبيتي عليه طرحه اوف وايت وكانت متشيكه جدا ونزلت تقابله
…………
في الكافيه
ادهم وحور اتقابلو واتقابل عنيهم في عيون بعض كل واحد بيقول اللي جواه في نظره..ادهم كان عايز ياخدها في حضنه بس مينفعش
ادهم.وحشتيني اوي يا حور
حور.وانت كمان لي بعدت يا ادهم وانت عارف اني بحبك
ادهم.كان غصب عني بس انا رجعت ومش هسيبك تاني
حور.بجد يا ادهم
ادهم.بجد يا حوري.حور انا طلبت نتقابل بره عشان عايزك في موضوع مهم
حور.في ايه يا ادهم
ادهم.تتجوزيني يا حور انا بحبك جاي اطلب ايدك من باباكي بس مستني موافقتك
حور.بس
ادهم.بس اي يا حور انا سافرت عشانك سافرت عشان اكون نفسي عشان اجي اتقدملك يا حور حرمت نفسي منك عشان تبقي بتاعتي في الحلال ايه يا حور مبقتيش تحبيني انا كل ما كنت اتعب اقول معلش كلو عشان حور رجعتي في كلامك
حور بعياط.انا مكنتش عايزه كل ده انا بحبك مكنتش عايزاك تبعد
ادهم.متعيطيش يا حور طول ماانا موجود مش هقبل اشوف دمعه نزله من عينك
حور.انا موافقه يا ادهم
ادهم.بجد انا هروح اكلم عمي
حور.ماشي
………….
وتين عند حور
هند.ازيك يا وتين عامله ايه
وتين.الحمد الله يا طنط هي حور موجوده
هند.اه اتفضلي هي في اوضتها
……….
حور.توتو انتي جيتي
وتين.طبعا ها يا قلبي احكيلي كل حاجه
حور.طبعا هقولك(……….)
وتين.بجد فرحتلك اوي يا حور انتي تستاهلي كل حاجه حلوه
وقعدو مع بعض شويه
وتين.يالهوي اتاخرت
حور.انتي وراكي حاجه
وتين.اه هروح اشتغل
حور.طيب يا حبيبتي ابقي طمنيني عليكي
وتين.ماشي باي
………..
تميم في المكتب مع هنا
تميم.فين البنت اللي هتيجي بدالك يا هنا مش المفروض تيجي دلوقتي
هنا.ايوه يافندم هي قالتلي أنها جايه
تميم.من اولها كده تأخير
هنا.اكيد حصل حاجه مهمه تخليها تتأخر
تميم.خلال نص ساعة لو مجتش تبقى مرفوضه اتفضلي وبعدين دخل عليه مروان
تميم.رورو اي اللي جابك
مروان.رورو؟تصدق يلا انا غلطان اني جاي اسلم عليك
تميم????. خلاص ياعم متبقاش افوش كده
مروان.ده انت رخم
………….
وتين ماشيه مستعجله وهي ماشيه مش واخده بالها وبتكلم حور
وتين.لا لسه موصلتش
حور.انا قلقانه عليكي ما بلاش الشغل ده
وتين.خلاص يا ماما مش هتأخر
حور.يا وتين متهزريش انا قلقانه بجد
وتين.خلاص يا حور متقلقيش انا وصلت خلاص وهعدي الشارع
حور.طب سلام ربنا معاكي
وتين.ااااه
حور.وتين انتي كويسه وتين وتين
وتين مردتش
………….
مروان.مالك يسطا قفلت فجأه كده
تميم.معرفش قلبي اتقبض فجأة كده
مروان.ربنا يستر
…………..
حور حاولت تتصل ب وتين كتير بس الرقم غير متاح وكانت قلقانه جدا وجالها تلفون وقالولها أن وتين عملت حادثه وراحتلها
………….
في الشركه
الباب بيخبط
تميم.ادخل
هنا دخلت.في واحد عايز حضرتك يا فندم
تميم.مين ده
*انا…نسيتني
تميم.اتفضلي انتي يا هنا
مروان.ادهم..انت رجعت امتى
ادهم.ليه راجع من يومين
تميم وراح يحضن صحبه اللي غايب بقاله كتير.وحشتني يا ادهم
ادهم.وانت كمان ياصحبي.ايه يا مروان مش هتسلم
مروان وراح يحضنه.واحشني يا صحبي
ادهم.وانتو الاتنين وحشتوني جدا
تميم بغمزه.احنا بس
ادهم بحب.وهي كمان
مروان.شكلك واقع
تميم.اه شكله كده????
ادهم.اتريقو اتريقو بكره تقعوا وقعتي
تميم.لا يا عم بلاش
مروان.خلينالك انت الحب يا برنس
ادهم.ماشي
………….
في المستشفى
حور قاعده قلقانه على وتين وبتحاول تكلم خالد مبيردش كلمته كتير لحد ما رد
خالد.الو
حور.الو انا حور
خالد.بتكلميني من تلفون وتين ليه
حور.وتين عملت حادثه واحنا في المستشفى
خالد.طب هي كويسه
حور.الدكتور لسه مخرجش وهي عايزه تعمل عمليه ممكن تيجي
خالد.معلش انا مش فاضي دلوقتي
حور.مش فاضي؟بقولك بنتك بين الحياة والموت تقولي مش فاضي
خالد.خلاص لما افضى هجيلها حاجه تاني سلام
حور قفلت معاه وكانت مخنوقة ومتضايقه على صاحبتها تليفونها رن
ردت بعياط.الو
ادهم.مالك يا حور انتي كويسه
حور.لا مش كويسه وتين عملت حادثه
ادهم.طيب اهدي انتي فين
حور.انا في مستشفى….
ادهم.طيب انا جاي.سلام
………….
الدكتور خرج
حور.طمني يا دكتور هي كويسه
الدكتور.للاسف
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية اختار القدر ان يجمعنا للكاتبة فاطمة علي مختار.