رواية الصفقة الفصل السابع 7 بقلم مريم خالد

رواية الصفقة الفصل السابع 7 بقلم مريم خالد

رواية الصفقة البارت السابع

رواية الصفقة الجزء السابع

رواية الصفقة الحلقة السابعة

يونس:نتجوز اخر الشهر ازاي يعني؟!
صالح:انتوا مش بتحبوا بعض.. ومفيش حاجة تمنعكوا دلوقتي ترتبطوا رسمي… خلاص.. يبقا ليه نستنى؟!
شادو:ايوا يا جدو.. بس اصل احنا لسه مش مرتبين امورنا يعني… والشغل وكدا
صالح:انتوا مش قولتوا ان شغلكوا استقر وقررتوا تتخطبوا عشان مفيش مانع… يبقا نستنى ليه؟!… عايزين تتعرفوا على بعض مثلا!!!
خديجة :الله …تخيلوا يبقا في فرح اخر الشهر وانتوا الاتنين تعيشوا معانا هنا
شادو:لا يا جدو.. انا مش مستعدة للخطوة دي دلوقتي
صالح:بلاش دلع بنات بقا… انا اصلا مصدقت انكوا اتخطبتوا وعايز افرح بيكوا قبل ما اموت
يونس:بعد الشر عليك يا حبيبي… احنا بس محتاجين شوية وقت نهدي اعصابنا.. ونفكر بهدوء
خديجة:حلو اوي يبقا نطلع اسكندرية.. هنقعد فالڤيلا هناك وكلنا نستجم.. ها ايه رايكوا؟!
صالح:والله فكرة حلوة..
فاروق:انا شخصيا معنديش مانع
فؤاد:ولا انا
يونس:انا عندي شغل

شادو:وانا كمان عندي deal بخلصه
صالح:الشغل مش هيبوظ من اسبوع.. انتي عندك داليا ومراد ويونس عنده صاحبه دا اللي معرفش اسمه
يونس:عمر يا جدو.. اسمه عمر
صالح:ايوا ايوا… يعني عندك حد يتصرف لحد ما ترجع…
شادو:بس انا..
يونس:خلاص يا شادو… مش هنخسر حاجة
-بتبص شادو ليونس بتعجب-
شادو:عن اذنكوا..
-بتطلع شادو اوضتها-
نيڤين:ممكن ادخل؟!
شادو:اتفضلي يا حبيبتي
نيڤين:في ايه.. ليه مش موافقة؟!
شادو:شغلي ممكن يبوظ وانتي عارفة ان ابن اختك دا ميعتمدش عليه ولا هو ولا داليا
نيڤين:هو ال deal دا مع شركة مصرية؟!
شادو:لا
نيڤين:يعني كل حاجة هتبقا online ؟!
شادو:ايوا
نيڤين:يبقا فين المشكلة؟!… انتي ممكن تباشري كل حاجة من هناك.. ولو عايزة مساعدة كلمي مراد يجي معانا.. وانا اعتقد انه ما هيصدق… طول الخطوبة مشالش عينه من على ديما
شادو:ايوا لاحظت برضو… يعني اكلمه يجي؟!
نيڤين :ايوا وهاتي داليا كمان لو تحبي
شادو وهي بتحضن مامتها:مش عارفة من غيرك كنت هعمل ايه.. ازاي بتعرفي تطمنيني كدا؟!
نيڤين:لانك بنتي الوحيدة ومليش غيرك
فاروق:طبعا طبعا.. الحنان كله لمامتك وانا لا
شادو:ازاي بس.. دا انت حبيبي

فاروق:عارفة يا شادو.. انا طول عمري اللي فات كنت بحب يونس اوي… كانه ابني بالظبط… واول امبارح لما جه يتقدملك.. حسيت اني عايز اقتله…
شادو:عندك حق والله… بس ليه؟!
فاروق:عشان هياخدك مني
شادو بابتسامة:محدش يقدر ياخدني منك يا فيري يا جميل
نيڤين:ربنا يخليكي لينا يا حبيبتي… ويوفقك مع اللي اختارتيه
-بيخرج الاتنين من اوضة شادو… فبتخرج للبكونة.. –
شادو:يا ربي عالورطة… هعمل ايه بس؟!…
يونس:ولا حاجة.. هنسافر
شادو:انت بتطلعلي منين عايزة اعرف.. وبعدين خليك gentleman.. لاقيتني بكلم نفسي.. متنطش فالكلام كدا
يونس:الحق عليا بريحك من التفكير.. عموما احنا هنسافر عشان ميشكوش فحاجة… وبعدين هتعملي ايه يعني؟! هتقوليلهم لا ليه
شادو:لا لاننا بعد ما نرجع جدو هيبدا في توضيبات الفرح… وانا مش هقدر اكمل لو الموضوع هيستمر بالوضع دا
يونس:ومين قالك اني هقدر.. انا منكرش اني بقيت اقبلك شوية عن الاول… بس دا مش لدرجة اتجوزك…
شادو:ومين سمعك… دانا مش طايقة الدبلة دي لمجرد اسمك اللي عليها دا … بس عارف انا جتلي فكرة .. وانت تقعد تضايق سارة وتفهمها انك كرهتها لحد ما تمشي وتسيبنا وبعدين نمثل اننا اتخانقنا وكل واحد يروح لحاله…
يونس:والله فكرة كويسة… بس لو سارة ممشيتش هتعملي ايه
شادو:لا يبقا مع نفسك بقا وبرضو كل واحد يروح لحاله.. انا مش هتجوزك… فهمت!!
يونس بمكر:فعلا عندك حق.. انا مش هضغط عليكي…
شادو:هو انا ليه حاساك بتهددني مثلا؟!… انت ناوي تغدر بيا يا يونس ولا ايه… لا احنا متفقين اننا نمثل اني اتخطبلك وبس.. مليش دعوة بسارة بقا تسيبك ولا لا… دي مشكلتك.. المهم انك هتنفذ وعدك وتديني المحصول
يونس:عندك حق.. خلاص يستي… انتي غلبتيني.. انتي فعلا ملكيش ذنب بمشاكلي مع سارة … انتي صحيح عملتي ايه فحكاية الضمان بتاعتك انتي واصحابك؟!
شادو باحراج:انت صدقت.. لا دا كان هزار بس… انا واثقة فيك طبعا يعني
يونس:وانا مش هخليكي تندمي على ثقتك دي
شادو:ماشي…انا هدخل انام بقا..الوقت اتاخر اوي….عايز حاجة ؟!
يونس:تصبحي على خير
شادو:وانت من اهله

يونس:اه على فكرة… شكلك كان حلو اوي فالاسود…. كان لايق عليكي اوي
شادو:حيلك حيلك… انت هتعاكسني ولا ايه ؟!
يونس:مش خطيبتي؟!
شادو:لا مش خطيبتك… احنا بنلعب واول ما نخلص اللعبة دي صدقني… انا هفكرك بمين هي شادو.. اللي كتير علمت عليك
يونس:والله انا اللي معلم عليكي فالاخر… يعني انا الكسبان
شادو:تصبح على خير يا يونس بدل ما اغير رايي وافض الحكاية دي دلوقتي حالا
يونس:وانتي من اهله يا.. خطيبتي..
شادو:اسكت بقااا
يونس:الحق عليا بجبر بخاطرك
شادو:اهاا يعني دي مجرد مجاملة!!!!
يونس:والله لا…. انتي شكلك كان حلو فعلا وابقا مبفهمش لو معاكستكيش
-بتدخل شادو وهي بتضحك…. –
شادو:ايه الهبل دا…. انا بضحك لييه… بس بصراحة مكنتش اعرف انه لذيذ كدا…. والله خسارة في سارة المعقدة دي
-في اوضة يونس.. الباب بيخبط-
يونس:مين؟!
سارة وهي بتفتح الباب : انا
يونس:انتي بتعملي ايه هنا… اطلعي برا
سارة:مش هطلع يا يونس… انت ليه مصمم تتجاهل مشاعري
يونس:انا مش مصمم اتجاهل مشاعرك انتي اللي مصممة تتجاهلي اني بحب واحدة تانية وخلاص خطبتها
سارة:انت كداب…. انت بتحبني
-بتعيط سارة –

سارة:انا بحبك… وصدقني ندمانة اني سيبتك… انا حقيقي ندمانة وقلبي بيوجعني اوي يا يونس.. انت ازاي مش حاسس… ازاي قادر تتجاهل دموعي والمي وانا شايفاك معاها؟!!
-بتوقع سارة ويغمى عليها… بيتخض يونس وبيجري بيها عالعربية…. فنفس الوقت بتخرج شادو من اوضتها عالصوت –
شادو:في ايه يا يونس؟!…. مالها سارة؟!
يونس:وقعت من طولها… انا هروح عالمستشفى… قولي للكل يحصولنا
-في المستشفى-
الدكتور:متقلقوش.. هي معندهاش حاجة خطيرة.. هي بس نفسيتها تعبانة شوية.. الظاهر في حاجة زعلتها مؤخرا
فريال:ايوا يا دكتور فعلا… يا حبيبتي يا بنتي… انا مش هسامح اي حد اذاها ابدا
صالح:وهي هتفوق امتى يا دكتور؟!
الدكتور:كمان ساعة بالكتير.. بس اهم حاجة تبعدوا عنها اي مصدر للزعل
فريال:يا حبيبتي يا بنتي… حظك وقع فناس معندهاش رحمة
صالح:اسكتي يا فريال ملوش لزوم الكلام ده
يونس:عن اذنكوا… انا خارج برا شوية
شادو:استنى يا يونس.. هاجي معاك
فريال:ربنا ينتقم من اللي كان السبب
شادو:خلاص يا عمتو هو مش ناقص
فريال:ومالك بتتكلمي كانه هو لوحده السبب… ما انتي كمان اذيتيها لما اتخطبتي ليه… انتوا الاتنين ذنب بنتي فرقبتكوا
-في الجنينة-
شادو:يونس استنى… رايح فين؟!
يونس:مش عارف…. انا حاسس بالذنب اوي يا شادو…. انا حاسس اني كنت قاسي عليها اوي…
شادو:خلاص يا يونس.. صلح كل ده وارجعلها… هي اكيد هتسامحك… وانت كمان هتسامحها
يونس:بس انا مش حاسس اني بحبها يا شادو… منكرش اني كنت بحبها.. و بحبها اوي كمان… بس دلوقتي انا مش حاسس ناحيتها غير بالذنب اني وصلتها للحالة دي
شادو:خلاص يا يونس.. يبقا برضو تفهمها الحقيقة.. وتقولها اننا متخطبناش وان دي تمثيلية… واديها وادي نفسك فرصة يمكن تقدر تحبها تاني
يونس:يعني انتي شايفة كدا؟!
شادو:وانت كمان شايف كدا… يلا روح هات ورد واطلع صالحها
يونس:طب وانتي.. هتقولي ايه لعمو فاروق وطنط نيڤين؟!

شادو:مش عارفة… بس هقولهم اني حسيت انك بتحبها.. ف قررت اسيبك… سهلة اهي
يونس:.. انتي طيبة اوي يا شادو.. كلهم كان عندهم حق
شادو:وانت كمان طيب… ماهنش عليك سارة بعد كل اللي عملته فيك
يونس:انا هروح اجيب الورد واطلع زي ما قولتيلي
شادو:.. عارف انا بقول تستنى لبكرة واحنا فاسكندرية… قدام البحر تقوم معترفلها.. صدقني هتخف و هتبقا زي الحصان
يونس :ماشي… وكمان النهاردة بالليل ندب خناقة مع بعض عشان تعرف اني سيبتك.. وعشان ميبقاش شكلك وحش برضو قدام الكل
شادو:ماشي…. بس برضو روح هات ورد
يونس:حاضر
-قدام اوضة سارة-
فريال:هايل يا عصام…. قولتلهم الكلام مظبوط… كدا يونس اكيد هيحن ويرجعلها ويسيب شادو
عصام:اهاا بس انا كدا بقا عمولتي هتزيد… انا دكتور ليا اسمي برضو… وبغامر بسمعتي… تخيلي حد عرف انها معندهاش حاجة… دا هيخسرني كتير اوي
فريال :متقلقش.. اول ما ناخد الفلوس من يونس… هديلك اللي انت عايزه
شادو:…ايه اللي بتقوليه دا… انا لازم اقول ليونس …

يتبع …..

لقراءة الفصل التالي : اضغط هنا

لقراءة جميع فصول الرواية اضغط على (رواية الصفقة)