رواية عروس متمردة الفصل السابع 7 بقلم سولييه نصار

رواية عروس متمردة الفصل السابع 7 بقلم سولييه نصار

رواية عروس متمردة البارت السابع

رواية عروس متمردة الجزء السابع

رواية عروس متمردة الحلقة السابعة

-افندم ..
قولتها بدهشة فقال ادهم:
-انا عايز ارجعلك يا آية أنا هنسى اللي عملتيه وانتي انسى اللي عملته وخلينا نتجوز …
-انت بتقول ايه يا مجنو ن أنت اطلع برا …
زعق فيه ابويا فقال ادهم وهو بيبعد ابويا بعنف شوية :
-انت مالك متتدخلش أنا عايز…
بس أنا قربت منه وضر بته قلم مخلتهوش يكمل وبعدين قولت :
-انت قبل كده اها نتني أنا وابويا وسكت لاني كنت غلطانة لكن لو فكرت تقلل من احترام ابويا تاني هقتـ لك يا أدهم ..واحب اقولت يا بيه طلبك مرفوض انا مبقتش عايزاك.. مبقتش احبك …
وبعدين.قربت من منذر اللي كان وافق بيراقب اللي بيحصل وهو مذهول وقولت :
-دلوقتي انا لقيت حبي الحقيقي …الانسان اللي هيقبلني زي ما أنا ..منذر اللي انا بحبه ومش هحب غيره
بصلي منذر بدهشة فابتسمتله ..دي مكانتش كد بة مني دي كانت حقيقة يمكن اجمل حقيقة في حياتي ووقتها كل ذكرياتي مع منذر احتلت عقلي ومبقتش افكر اللي فيه …
رفع ادهم حواجبه وقال:
-ده انتي اتخطتيني بسرعة اووي …ايه نسيتي حبنا…
-الحب انت اللي قتـ لته يا ادهم مش أنا ..كنت قادر تبعد ومتسامحش لكن متغد رش …انت اختارت الغد ر وانا اختارت ان ابعد عنك وامسحك من حياتي ….روح يا أدهم أنا مبقتش عايزاك !!!
-ده آخر كلام عندك …
قالها ادهم فهزيت راسي وقولت :
-ايوة يا ادهم ده قراري النهائي يالا امشي من هنا مش عايزة اشوفك تاني …
بصلي ادهم ببرود ومشي عرفت ان ادهم عمره ما حبني ولا حتى دلوقتي هو حب يرجعلي عشان يمكن مش هيلاقي زيي ..بس أنا مكنتش مهتمة ..اهتمامي كان على واحد بس واللي قرب مني دلوقتي …كنت متوترة ليرفضني بعد الدراما اللي حصلت بس لقيته بيقول :
-موافقة تتجوزيني يا آنسة آية رغم ان مناخيري شبه الطاسة اللي بنقلي فيها البيض …
ضحكت وقولت :
-وانت موافق تتجوزني رغم اني مش حلوة …
-هضحي واتجوزك ماشي …
ضحكت العيلة كلها علينا …وبعدها عملنا خطوبة بسيطة وبعد تلات شهور كان ابويا قدر ينقل كل حياتنا هنا حتى فتح ورشة في البلد جمب العيلة بتاعتنا وبعدها بشهرين منذر عملي فرح كبير …
كنت لابسة الفستان الابيض اللي حلمت بيه طول حياتي وبرقص مع فارس أحلامي الحقيقي …
كنت مبتسمة وانا برقص معاه وفجأة ضحكت فقال:
-بتضحكي على ايه ؟!
-افتكرت دلوقتي ذكرياتنا واحنا صغيرين …
ابتسم منذر فكملت أنا :
-فاكر لما كان عندي ست سنين وحر قت شعري بالنار …
ضحك منذر وقال :
-ايوة ووقتها اخدت علقة بعمري…
حطيت راسي على كتفه وقولت:
-ما أنت طول عمرك بتضر بني مفيهاش حاجة لما تتضرب شوية …
-خلاص من النهاردة مش هضر بك تاني هحبك وبس ..أنا بحبك ♡
-وأنا كمان ♡
تمت

لقراءة باقي حلقات الرواية اضغط على : (رواية عروس متمردة)