رواية عشق الروح الحلقة الثامنة 8 بقلم بنت الصعيد
رواية عشق الروح الحلقة الثامنة 8 بقلم بنت الصعيد
 |
| رواية عشق الروح الحلقة الثامنة 8 بقلم بنت الصعيد |
رواية عشق الروح الحلقة الثامنة 8 بقلم بنت الصعيد
فتحت روح ورقة الجريدة فاتسعت عينيها مما رأت كان عبارة عن خبر مكتوب بخط عريض وواضح ومرفق بصور تجمع أسر ووالده هادي وتاريخ الجريدة حديث ١٢فبراير
كان نص الخبر((افتتحت شركات النجار جروب اضخم مشروع معماري في مصر.والشرق الأوسط يضم اكثر من مليون ونصف عامل وحرفي )) وتابعت روح قرأة باقي الخبر
((وحضر المؤتمر نخبة كبيرة من أهم رجال الأعمال من مصر وخارجها ولفت أسر النجار انتباه الجميع بحضوره المميز ومظهره الفريد من نوعه ……..الخ))
روح …. لااااااااااااااا…مش ممكن …مش ممكن يكون خدعني لا ..بدأت دموعها تسقط كالسيول وهبطت من شدة الصدمة شعورها مختلط تماما هل تفرح لان أسر عايش ام تحزن لانه جعلها تعيش في وهم كبير …
دادا فاطمة ….مالك يا بنتي مالك انتي كنتي كويسة وزي الفل
ايه اللي حصلك
روح……..????????
تذكرت روح أن دادا فاطمة دخلت غرفتها ذات يوم وكان أسر بجوارها وفاطمة أكدت أنها لم ترا شيئا
روح وقفت وامسكت فاطمة من عبأتها ..
روح….بصوت عالي ….انتي يا ست انتي….احكيلي احكيلي تعرفي ايه عن أسر …انتي بتشتغلي معاه صح
فاطمة …انا ماعرفش حاجة يا بنتي سدقيني
روح…انتي كدابة انتي شوفتيه قبل كده جمبي ع السرير وعملتي نفسك مش شيفاه …صح ما تقدريش تنكري
فاطمة تلعثمت في الكلام …أنا …..أنا مش فاكرة
روح برجاء وهي تبكي …..ارجوكي يا دادا ارجوكي احكيلي أنا هتجنن…بتهديد لو ما قلتيش ايه علاقتك بأسر أنا هقول لفريدة أنها تطردك من الشغل عندهم ..
فاطمة وصعبت عليها روح ….أنا هحكيلك كل حاجة يا بنتي مش عشان خايفة منك لا.. عشان انتي صعبتي عليا وانتي قلبك طيب قوي وانا حبيتك …
روح …قولي يا دادا
______________________________________
فلااااااااش باااااااك
من حوالي أقل من شهر في فيلا والد فريدة
فريدة …دادا
فاطمة…نعم يا حبيبتي
فريدة …عايزاكي في مهمة سرية جدا
فاطمة وهي تضرب علي صدرها …يا لهوووي عايزاني اشتغل جاسوسة لإسرائيل ولا ايه
فريدة ….يوووه يا دادا يادي ال تي ڤي اللي واكل عقلك
بطلي تسمعي بقا افلام ومسلسلات مخك يا حبيبتي اتبرمج
فاطمة …اومال مهمة ايه دي
أنا هقولك وهعرفك علي الطرف التالت في المهمة روحي البسي انتي وهنروح لصاحب المهمة يحكيلك علي كل حاجة….
_____________________________________
باااااااااااااك
روح وقد ظهرت عليها اثار صدمتها في صديقة عمرها
روح هبطت جالسة علي الارض …حتي انتي يا فريدة …أنا ايه اللي بيحصلي دا ليه كل الناس بتبعني كده ليه فريدة دي كانت اكتر إنسانة بثق فيها بعد ماما أنا حاسة اني فقدت الثقة في كل الناس …..وأسر أسر انا حبيته بجد تبقي مصيبة لو كل اللي عشناه كان كدب كان وهم …أنا مش عارفة افكر مش عارفة …
_______________________________________
في القاهرة
في فيلا أسر النجار
وصل أسر لتوه من الساحل ودخل فلته ليجد سيدة في انتظاره وتبدو عليها ملامح القلق
اقبل أسر عليها وقبل يدها
أسر …صباح الخير يا ماما
أميرة (والدة روح)…صباح الخير ياحبيبي أنا قلقت عليك جدا مش متعود تبات عند روح في الساحل حصل حاجة ولا ايه
أسر …لا يا ماما أنا مش قلتلك اني عامل حفلة لعيد ميلاد روح عشان كده قضيت الليل معاها
أميرة ….ايه اخبار روح واحشتني اوي امتي بقا يا أسر تعترف لروح وترجعها علي بيتكم وتعيشوا زي اي اتنين متجوزين….
أسر بأمل …قريب قوي يا ماما ..بس انتي ادعيلنا …أنا خايف ..خايف لو روح عرفت اني كدبت عليها ترجع تكرهني تاني
أميرة ….لا يا أسر ماتخافش …..روح لو بتحبك بجد هتسامحك وهي طيبة اوي وقلبها مش بيعرف كره ولا غل
وبعدين انت طيب اوي وجميل جدا من جواك وشخصيتك القديمة دي ظروفك هي اللي صنعتها بس انت مش كده خالص …وبعدين روح هتفرح جدا لما تعرف انك خلصتني من شوقي وخليته يطلقني … رغم انك مش رضيت تقولي انت ازاي اقنعته ..بس بجد شكرا يا حبيبي وانا هاقف جمبك ومش هسيبك
أسر احتضنها وقبل رأسها …. تسلميلي يا ماما …أنا بقي طالع اصلي علشان اخدتني نومة ما صليتش الفجر وبعدين هنااااام لأني بجد جعان نووووووم
أميرة …اوك يا قلبي ربنا يهديك ويثبتك في طريق الخير..ثم قالت في سرها (ازاي روح ما تحبكش بعد ما بقيت تصلي علشانها وبتدعي كل صلاة انه ربنا يجمعكم …انت اتغيرت الحمدلله للاحسن وبعدت عن الخمرة والبنات وبقيت تصلي ربنا هيقف معاك أن شاء الله)
_______________________________________
في كوفي شوب في القاهرة أيضا
يجلس شريف ومعه زوجته يارا بنت خالت روح علي طاولة
وتجلس فريدة ومعها شريك والدها في الشركة خالد وهو شاب في العقد الثلاثون وسيم ومحترم جدا …علي طاولة اخري فريدة غير ملاحظة لوجود شريف
شريف…يارا امسكي ايدك بقي شوية علشان خلاص ياحبي المليون جنيه اتبخرت خلااااص
يارا….مش مشكلة الفلوس خلصت تروح لأسر وتسحب منه اللي انت عايزه مش سبتله مراتك…دا شكله واحد غبي في حد يدفع مليون جنيه عشان روح الغبية
شريف ….انتي فاكرة الحوار دا سهل كده ….يا بنتي هو اه اداني مليون …بس مضاني علي ورقة عدم تعرض لروح ابدا ولو اتعرضتلها حبس علي طول
يارا ….وانت مجنون تمضي علي ورقة زي كده
شريف ….سيبي البنت في حالها مش كفاية أنا دمرتها الاول عايزة ايه تاني منها
يارا ….روح دي طول عمرها محظوظة …مع اني احلي منها بس الشباب في الجامعة كانوا بيعجبوا بيها هي ..ودخلت كلية احسن من المعهد بتاعي …ويوم ما اعرفك عليها عشان تكسر قلبها تروح تكتب كتابك عليها … واخيرا اهو اتجوزت واحد بنات مصر كلهم يتمنوا إشارة منه ..غني ووسيم ومشهور مش زيي
في الجهة الأخري
خالد….فريدة ما ردتيش عليا …أنا مستني ردك ..قلتي ايه
فريدة بخجل ونظرت لاسفل ….أنا كمان حاسة احساس جميل اوي ناحيتك
خالد بفرحة شديدة ….دا بجد يعني موافقة أننا نتخطب
فريدة هزت رأسها بالموافقة وكانت مبتسمة
خالد نسيا نفسه من الفرحة ..وصوته بدأ يعلوا… دا بجد أخيرا انا اسعد انسان في العالم
فريدة باحراج …خالد الناس كلها بتبص علينا????????????
خالد ….مش مهم المهم اني بحبكككككككك
انتبه شريف فأقبل علي فريدة
شريف …فريدة ازيك …مبروك علي اعلان الخطوبة الرومانسي دا
فريدة بغضب ….شريف اهلا …عايز ايه
شريف….كنت عايز أسألك عن روح عاملة ايه
فريدة …..بتلف العالم مع جوزها أسر النجار لسة مارجعوش من شهر العسل
شريف …روح طيبة وتستاهل كل خير …ربنا يسعدها
فريدة…فعلا عشان كده ربنا كرمها بواحد زي أسر النجار محترم وبيحبها بجنون
وإذا ب يارا تسحب شريف من يده …يلا احنا اتأخرنا علي شغلنا البريك خلص
فريدة نظرت إليها باحتقار .وغادر شريف ومعه شر أعماله يارا
_______________________________________
في الساحل
بعد ساعات من الصدمة وتشوش الأفكار أخيرا فكرت روح في خطة لتعاقب بها زوجها الذي أحبته بكل مافيها وصديقتها التي تثق بها ثقة عمياء …
روح اتصلت ب فريدة …فريدة ممكن تفضي نفسك بكرة وتيجي ضروري عشان عايزة اقولك حاجة مهمة جدا
فريدة بفرحة لا تستطيع إخفائها ….اكيد يا حبيبتي هجيلك انا كمان في مفاجأة هقولهالك …خالد اعترفلي أنه بيحبني وانا وافقت أننا نرتبط
روح بحزن ….مبروك يا فيري انتي تستاهلي كل خير
هتيجي بكرة إن شاء الله
فريدة ….أن شاء الله يا حبيبتي جاية …يلا سلام
روح …سلام
في نفسها((اول مهمة خلصت باقي بقا المهمة التانية أسر ……..))….
يتبع..
لقراءة الحلقة التاسعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية أحببتك صدفة للكاتبة فاطمة أحمد.