رواية ولكن لما الفصل الرابع 4 بقلم زهرة محمد

رواية ولكن لما الفصل الرابع 4 بقلم زهرة محمد

رواية ولكن لما البارت الرابع

رواية ولكن لما الجزء الرابع

رواية ولكن لما الحلقة الرابعة

الحلقة الرابعة

/عدت أيام وانشغلت ف الكلية كالعادة وامتحاناتها ال مابتخلصش بس كنت كل لما اعدي من قدام حقوق افتكر طارق والاقيني ابتسمت كانوا يومين مليانين جنان مانكرش إن كان بيبقي ف حاجة جوا مني بتتمني إنه يظهر فجأة قصادي وتتقابل عنينا من تاني بقيت اخد بالي من تفاصيل ماكنتش اخده بالي منها زي صوتي دايما باخد بالي إنه مايعلاش ولساني الطويل حسيت إني رجعت شمس بتاعة زمان الهادية الرقيقة كلمة طارق عشان إنتي بنت ماينفعش حد يفهمك غلط بتتردد جوايا باستمرار عرف يأثر فيا عيل كريتيف بصحيح ع رأي مريم وإسماعيل

-***-

مريم:مش يلا ناكل بقي انا جوعت
/وانا كمان يلا بينا ع سمعة
ملك:لا استنو شوية باسل جاي
/ب اي باسل مين
ملك:باسل تالتة حقوق اي مش فاكراه
/اه فاكراه بس دا اي علاقته بيكي
مريم:ايوة فعلا اي علاقته بيكي
ملك:مهو اصلي يعني احنا اتقابلنا صدفة وطلع ساكن قريب مننا وا..
/والجو لطيف وبقينا صحاب صح
ملك:شمس ماتفهمنيش غلط هو حد كويس وساعدنا قبل كده واحنا صحاب بس
مريم:ايوة مانا وسمعة حبيبي كنا صحاب بس ف الأول برضه
ملك:لا انتو دماغكم راحت بعيد اوي
/ولا بعيد ولا حاجة ملوكة حبيبي وقعت خلاص ياخلاثي ياناس
ملك:بس بقي ياشمس ماتكسفنيش بعدين دا مجرد إعجاب بس
/ماشي ياستي مبارك برضه..
ملك:اهو باسل جيه اهو يلا بقي ع سمعة

-***-

عدا اليوم كان لطيف مش اوي شبه كنت قاعده لوحدي مريم مع إسماعيل وملك مع باسل وانا البائسة الوحيدة اول مرة احس بالملل دا بالرغم إني كنت مبسوطة إن ملك أخيراً حبت مبسوطة اوي بجد
سالي اختي:شمس فيلمك المفضل جاي كمان شوية ع ام بي سي تو
عمر اخويا:هاا هتيجي تتفرجي ولا اي
/لا معلش تعبانة عايزة انام اتفرجو انتم
ماما: إنتي كويسة
/اه يا ماما ماتقلقيش شوية إرهاق
ماما:طيب ياحبيبتي نامي يمكن تفوقي وهقفلك الباب عشان الدوشة
/تسلمي يا حبيبي…انا لا مرهقة ولا حاجة انا زهقانة مش اكتر فتحت فوني وجبت رقم طارق فضلت اتأمل وافتكرت اول مره اتصل وكلمته وانا نايمة وسرحت فجأة لقيتني اتصلت بالغلط يالهوي يالهوي اقفل ياخربيتك مين قالك تتصل يادي الفضايح اقفل بقي الحمد لله الحمد لله ماردش ياكسفتي لما يشوف الرنة انا واحدة مهزقة اصلا
…بعد 5دقايق لقيت طارق بيتصل فضلت اطنتطط مكاني مش عارفه اعمل طيب اقوله اي انا ال جبته لنفسي رديت عليه

-***-

_السلام عليكم
/احم وعليكم السلام
_خير ياانسة شمس في حاجة لقيتك متصلة
/ايوة فعلا اتصلت بس كان بالغلط انا اسفة
_ولا يهمك عن إذنك
/اتفضل ..وقفلت ببص لقيته بيتصل تاني ولقيت ابتسامة اترسمت ع وشي من الودن للودن رديت …
ايوة يااستاذ طارق في حاجة
_ممكن نتكلم شوية معلش مش هطول عليكي
/اتنهدت طيب ماشي شوية بس
_طمنيني عنك إنتي كويسة
/اه الحمد لله
_شمس انا اسف لو كنت ضايقتك او تطفلت عليكي انا مش كده خالص ع فكرة
/انت ضايقتني فعلا بس خلاص انا برضه طولت لساني حبتين والموقف ماكانش يستاهل انا بعتزر
_لا ماتعتزريش انا مش زعلان ولا يهمك مواقف زي دي بتحصل ف احسن الجامعات
/مش كانت ف احسن العائلات ولا غيروها ..كلامي ماكنش يضحك بس هو ضحك ضحكة خلتني نسيت نفسي..عجبتك الكلمة
_اه
/طيب مش كفاية كده الشوية طولو حبتين
_ممكن نبقي صحاب صحاب بس
/صحااب بس انا ماا مش عارفه
_مش هضغط عليكي فكري براحتك مستني ردك
/طيب هفكر يلا بقي باي
_باي

-***-

بعد 10دقايق
/لقيته بيتصل تاني دا مجنون ولا اي بس كنت فرحانة اوي كأني بنت ف ثانوي لسه ف مرحلة المراهقة ..الو
_فكرتي انا سبتك كتير اهو عشان تفكري
/ضحكت انت مجنون ع فكرة
_طيب حلو اهي فرصة بقي ماتتعوضش انتي هتقابلي حد مجنون كل يوم
/طيب موافقة بس صحاب بس
_انا قولت غير كده يلا اسيبك تنامي بقي باي
/باي ..صراحة كنتش حاباه يقفل كنت عايزة اكمل الليل كله رغي معاه مبسوطة اوي كلامه لطيف وحنين ومجنون بس لا احنا اتفقنا إننا صحاب بس اوعي تنسي انه بتاع بنات اوعي تقعي ياشمس
_حلو كده بداية الخطة نجحت انا كنت حاسس إنها من النوع دا عايزة شوية معافرة بس هتقع ف الآخر ماكنتش حابب اءذيكي بس حظك بقي جي كده

-***-

يتبع….

لقراءة الفصل التالي : اضغط هنا

لقراءة جميع حلقات الرواية اضغط على ( رواية ولكن لما )