رواية البنت غير الشرعية الفصل المائة وواحد 101 بقلم ياسمين

رواية البنت غير الشرعية الفصل المائة وواحد 101 بقلم ياسمين

رواية البنت غير الشرعية البارت المائة وواحد

رواية البنت غير الشرعية الجزء المائة وواحد

رواية البنت غير الشرعية الحلقة المائة وواحد

هدرت مع أميمة مزال معلابالهاش بحكايتي مخبرهاش محمد يوسف حلف فيه بلي يفض كلش بيناتهم إذا خبرها حكينا بزاف ممبعد قاتلي بسمة صح موش جايين لعرس مروى قتلها علاه راح تتزوج قاتلي ايه هذي السمانة عرسها هي صح محمد ويوسف راهم منايفينها بصح محمد قالي نحضرو قدام الناس بصح يوسف معند ومحبش يحضر وراكي عارفة الناس قاع تعرفنا واش نقولولهم كي ميلقاوش سيرتو علابالهم بلي رجع قتلها معلاباليش أصلا بلي راهم متنايفين قاتلي بعد لي صرا وكي بانت الحكاية يوسف ضربهم للزوج ونحى لمروى الطونوبيل خاطر هو شراهالها وراه منايفها في خطبتها محضرش وحتى للعرس مهوش حاب يحضر قتلها معلاباليش نشوف معاه بالاك يسمعلي قاتلي ان شاء الله وبسمة بغيت نقولك على حاجة قتلها واش قاتلي كاين وحد الطبيب سمعت عليه هايل قتلها نتاعش قاتلي يدير تلقيح اصطناعي قتلها وعلاه حتى نديرو

تلقيح اصطناعي قاتلي متفهمينيش غالط بصح علابالي يوسف خاطرو في طفل قتلها أميمة بصح مزال الحال ورانا غير كيما رجعنا قاتلي بصح بسمة من قبل تاني مبان والو والله كنا متأملين انا ومحمد بعد زواجكم ربي يعمر حجركم قتلها أميمة مكتبش ربي وطاحلي البيبي بصح ان شاء الله ربي يعوضنا قاتلي واش تهدري كيفاه طاح البيبي قتلها ايه ياك حملت وراحلي قاتلي ياه خسارة بصح بسمة تعيشي متقوليلش كيما ضربك يوسف قتلها لالا قبلها كيما توفات ماما قاتلي وحنا علاه معلابالناش قتلها منيش عارفة قاتلي يوسف علابالو قتلها حاجة باينة هو لي داني للكلينيك وتهلى فيا هذوك اليامات المهم زدنا حكينا مزية درات هكا باه توصلهالهم كي جا فالليل بقيت نهدر معاه ممبعد قتلو على عرس ختو محبش قالي خليني منهم قتلو هيا في خاطر يماك وباباك بقيت نسمط عليه حتى قالي نحضر إذا تروحي معايا برك قتلو يوسف محال ندخل هذيك الدار قالي هيا راح يديروه في الوتال موش فالدار قتلو واهلك قالي راح يكون الغاشي متلهاي بيهم ميلهاو بيك بقى معايا حتى قنعني تقريبا قتلو نزيد نخمم ونقولك قالي صحا كي قرب العرس قالي هيا بسمة قتلو ماعنديش باه نحضر قالي صاي شراتلك

أميمة قتلو يوسف نقولك ومتزعغش قالي قولي قتلو نكره أهلك سيرتو ضوكا قالي والله يا بسمة راح تكوني معايا محال يلحقو ليك وزيد مع الغاشي وناس وتاني هاذي احسن فرصة باه كامل يعرفو مرتي هيا قتلو صحا امري لله وينتا نروحو قالي غدوة عشية قتلو صحا بتنا هذيك الليلة وباقية نخمم واش ردت فعلي وفعلهم كي نتلاقاهم الصباح نضنا تقهوينا قتلو يوسف اديني معاك للصالون دوبوتي قالي هيا وصلني كنت ديجا هدرت مع أسماء دارتلي ايبيلاسيون ولازاغ هذي ثالث سيونس قاتلي نورمالمو سيبون خاطر انا مفياش الشعر بزاف وخفيف دارتلي نتواياج دو بو وخدمتلي ضفاري شعري قتلها خليه حتى غدوة كملت مع 12 سواسوة عيطت ليوسف قالي حنونتي غير ارجعي للدار نكمل خدمتي ونجي نروحو قتلو صحا ديت بيتزا ورحت للدار تغديت وخملت شوية حوايج ليا وليه نتاع الدار والخرجة تكسلت شوية نستنى فيه حتى جا كانت 3 ونص غسل قتلو شوف واش خملتلك قالي ربي يحفظك حنونتي بدل حوايجو وانا لبست ورحنا وصلنا مع 8 نتاع الليل تعشينا قالي نباتو في لوتال متخميش راني شايفك حالك ميعجبش قتلو كنت راح نقولك خليني نبات عند محمد المهم منروحش ليهم قالي لالا نروحو للوتال رحنا للي رحنا ليه هذيك المرة مين كنت مريضة ونفس السويت ممبعد عرفت بلي هذاك السويت خاص بيهم ،

المهم لحقنا هو راح طول دوش وجا قالي راح نرقد عيان وتعبان قتلو صحا حنا نهدرو وصونا تليفوني لقيتها أميمة رحت نهدر معاها قاتلي واش مجيتوش قتلها رانا هنا رانا في لوتال قاتلي اه صحا المهم راني شديت رونديفو ليا وليك عند الحفافة هوما راح يجيبوها هنا تخدملهم وانا وياك نروحو لهاذي ولاغوب تاني خيرتلك واحدة فالحق جبتها لروحي وجاتنيش كي وريتها ليوسف عجباتو قالي خليها لبسمة قتلها اوكي مالا صباح نتلاقاو مع 10 داني يوسف وهي جابها محمد بقات غير تعنق وتبوس فيا غلبوني دموعي ختي تحبني بلاما عارفة اني ختها عند دقيقة خممت نقوللها ممبعد قلت خلي حتى نفوتو العرس .

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)