رواية لقاء مصلحة الفصل الثاني عشر 12 بقلم نوران جمال

رواية لقاء مصلحة الفصل الثاني عشر 12 بقلم نوران جمال

رواية لقاء مصلحة البارت الثاني عشر

رواية لقاء مصلحة الجزء الثاني عشر

رواية لقاء مصلحة الحلقة الثانية عشر

كانت ميرال عائدة بسيارتها وهي تفكر فيما ستفعل لتجد ان ذلك الشارع مزدحم لتقود سيارتها في شارع مختلف لتبتعد عن الزحام لتمر من امام احد الفلل لتمر من امامها ولكن فجأه اوقفت السيارة لتعود بها الي الخلف نعم ما رأته صحيح انها سيارة ادهم ولكن الفيلا حتي لا يوجد بها ضوء ويبدو عليها القِدم .
ميرال بتساؤل : ادهم هيعمل ايه هنا ..لتخرج المسدس من جيبها فهي تخشفي ان يكون احد في الداخل غير ادهم او انه فخ لتدخل بهدوء وهي تحاول ان تري اي شئ وسط الظلام ..

_حتي فجأه هجم عليها احد من الخلف ليقع المسدس من يدها ليضربها ذلك الرجل في بطنها لتصدر اه متألمه ليتوقف هو عن الضرب
ادهم بصدمة : ميرال ..ليبتعد عنها بينما هي وضعت يدها علي بطنها بألم
ادهم بقلق : انتي كويسه مكانش قصدي ..
ليختفي فجأه لتنظر هي حولها ولكنها لا تري شيئا من الظلام حتي شعرت به بجانبها بعد دقيقة
ادهم بهدوء : خدي اشربي ..
ميرال بضيق : مش شايفه حاجه ..

ليخرج ادهم هاتفه من جيبه ويشغل الكشاف ليكون الهاتف مصدر للضوء لتنظر ميرال الي كوب الماء تتأكد من انه ماء وليس شيئا اخر ليلاحظها ادهم ليضحك بسخرية
ادهم بسخرية : مش واثقة انها مياه..
ميرال بسخرية : الضلمه ديه مخلياني عندي شكانك ادهم اصلا ..
ادهم بهدوء: امسكي الموبيل ..لتأخذه منه ليقف هو ويشعل بعض الشموع ليضيئ المكان قليلا ..
لتنظر ميرال امامها فتجد لوحة كبيرة لفتاة في غاية الجمال ..
ميرال بإستغراب : مين ديه..
ادهم بهدوء دون ان ينظر : ماما ..
ميرال بصدمة : جميلة اوي ..
ادهم بإبتسامة : وكانت رقيقة جدا ..ثم بتساؤل : تشربي قهوة ..
ميرال بهدوء: ياريت بس ينفع تقيد النور افضل ..
ادهم بهدوء: مش هينفع لان مافيش كهرباء البيت قديم ..
ميرال بسخرية واستغراب : ازاي ده واضح انه بيتنضف كل يوم..
ادهم بهدوء : ايوه ده ملوش علاقه بالكهرباء ، بقولك ملقتش قهوة ينفع شاي ..
ميرال بهدوء : ينفع ..
وبعد دقائق كانا هما الاثنان يشربان الشاي
ادهم بهدوء: في حاجه عايزه تقوليها وعرفتي مكاني ازاي..
ميرال بهدوء: كنت راجعه بالعربية وشوفت عربيتك بره فدخلت ..
ادهم بتساؤل : كنتي فين ..
لتبتسم ميرال بهدوء
ادهم بتنهيده : مكانك الخاص السري صح..
ميرال بهدوء : صح ده بقي مكانك السري ..
ادهم بإبتسامه : مش سري اوي ده بيتي القديم ولما بتخنق باجي هنا ..
ميرال بإستغراب : بتقعد ازاي من غير اي نور..
ادهم بتنهدة: لأني حافظ المكان كويس بشوفه بقلبي ..
ميرال بإبتسامة: انت بتتنهد كتير ..
ادهم بهدوء وصوت مختنق: اممم..
ميرال بتساؤل : مالك..
ادهم بإختناق : مش عارف مخنوق شويه ..
ميرال بهدوء : تعالي نخرج افضل ..ليومئ لها ليخرجا هما الاثنان .
ليستند ادهم علي سيارته وهو ينظر الي البيت يتذكر صوت والده ووالدته يتذكر صوت ضحكاتهما قبل ذلك اليوم المشؤوم والذي ذكره مازن به .
نظرت ميرال له بشدة فوجدته شارد بالبيت فشعرت بأنه حقا يُعاني في هذا المكان
ميرال بهدوء : ادهم هتعرف تسوق ..
ليومئ لها بهدوء ويركب سيارته ثم يقوم بقيادتها بينما ميرال نظرت الي البيت ثم الي سيارة ادهم التي تشق طريقها بعيدا لتتنهد بهدوء فيبدو حقا ان جميعهم يُعاني ..لتدخل السيارة وتقودها الي الفيلا ..

جاء اليوم التالي
استيقظت ليان اولا
خرجت ليان من غرفتها فلم تجد احد فعدلت الجاكت ياقة القميص الذي ترتديه فهي دائما ترتدي ملابس عملية وكلاسيكية لتخرج نظارتها وتنظر في المرأه لتبتسم برضا ثم تخرج من الفيلا بثقتها المعهوده لتجد جاك يفتح لها باب السيارة لتجلس ليان بداخلها ليغلق جاك الباب ويجلس عند كرسي القيادة
جاك بتساؤل : هتروحي فين الاول…
ليان بهدوء : هنطلع علي الشركة الاول وبعد كده هنروح الفرع اللي فيه العرض الجديد ..
لتشق السيارة طريقها الي الشركة
جاك بتساؤل: عرفتي ان ماجد صبري عايز يكسب العرض من الفرع الجديد في مصر لشركات روما ..
ليان بهدوء وتفكير : طبعا عارفه ..
جاك بهدوء : ناويه علي ايه..
ليان بإبتسامة ومكر : ناويه علي كل خير …
ليتنهد جاك بهدوء وقلق ..بينما ليان نظرت من الشباك وهي تفكر فيما ستفعله ..

بينما في الفيلا
استيقظ جاسر وارتدي قميص ابيض وابعد اكمام القميص الي منتصف زراعه وارتدي بنطال اسود اللون واعاد شعره الي الخلف ونزل الي الاسفل فوجد ياسين يُعد القهوة
ياسين عندما رأي جاسر : صباح الخير يا بروف..
جاسر بهدوء : صباح الفل ..ثم نظر الي الاريكه فوجد يارا تجلس وهي غاضبه يظهر علي وجهها الصغير الضيق ليعطيها شكل طفولي وتضع علي كتفها منشفه فيبدو انها مُبتلة
جاسر بهمس وضحك في المطبخ : هي عامله كده ليه..
ياسين وهو يسكب القهوة : كبر دماغك ديه عيله كئيبة ..
جاسر بإستغراب: ايه اللي حصل ..
ياسين بضحك : بنزل السلم بسرعه كالعاده ومن غير قصدي مشوفتهاش وهي كانت بتشرب فإزازة المياه ففي مياه جات علي التيشيرت بتاعي..
جاسر بتوجس : وانت عملت ايه..
ياسين بضحك : دلقت الازازة كلها عليها ومش عارف مالها اتعصبت ليه ..
جاسر بصدمة : كلها يخربيتك انت جاي علي الغلبانه ..
ياسين بإبتسامه وهو يعطيه القهوة : اشرب اشرب ادينا بنتفرج ..
اما يارا كانت تستمع اليهم فصوتهم كان مرتفع وهم لا يعلمون لتنفخ بضيق وفجأه تقف
يارا بحدة : علي فكره بقي انا مش هسكت علي كده ..واخذت زجاجة مياه من الثلاجه واقتربت من ياسين
ياسين ببرود : هتعملي ايه..
يارا بتوتر : هشرب عطشت ..لتشرب من الزجاجه وتعيدها مكانها ثم تخرج ليضع ياسين يده علي وجهه يكتم ضحكته
جاسر بضحك : بيت المجانين..لينظر الي الساعة
ثم بجدية : انا هروح الشركة ادرس العرض اللي فرع شركات روما عملاه وبعد كده هروح الفرع يارا ابعتيلي كل الملفات تاني علي الايميل بتاعي..
يارا بصوت مرتفع قليلا ليسمعها : بعته لحضرتك من يومين قبل ما امشي من الشركه ..
جاسر بهدوء :كويس
ليدخل سيف لهم
سيف بهدوء: انت كده هتقي ضد ليان ..
جاسر بهدوء: في الشغل انا وليان عمرنا ما هنبقي مع بعض لإلا انا لإلا هي ..ليترك فنجان القهوة ويرتظي نظارته الشمسيه ويخرج من الفيلا
سيف بتساؤل : ادهم جيه امبارح ..
ياسين بهدوء : وصل هو وميرال الفجر …
سيف بإستغراب: وميرال ..
ليومئ له ياسين وهو يشرب قهوته
سيف بتفكير : كل فترة احس بجد ان الايام الجايه هتبقي ولا الوان الطيف ..ثم بضيق : عمال تشرب وبس طب ما تعملي معاك ..
ياسين بضحك : هشتغل قهوجي في الفيلا ديه ولا ايه ..
ليضحك سيف ولكن يتوقف عندما يري دارين تنزل من الاعلي وهي ترتدي ردائها الاسود المعتاد
دارين بهدوء :صباح الخير..
الجميع : صباح النور ..
لتتركهم وتذهب بإتجاه الباب
سيف بتساؤل : راحه فين..
دارين بهدوء : وانت مالك..
سيف بضيق : بتكلم بجد..
دارين بسخرية : هتشمس واجي ..
سيف بسخرية : يا بارده..
دارين بحدة : انت اللي بارد..
ميرال وهي تنزل السلم : اليوم لسه في بدايته اخروا الخناقة لبليل ..
سيف بمرح : اهلا بالعقل المدبر ..
ميرال بمكر : اهدي وخلي اليوم يعدي..
سيف بسخرية : خبيثه انتي ..
ميرال بضحك : لا تخاف ولكن احذر ..
سيف بتساؤل ومكر : جيتي مع ادهم امبارح..
ميرال بهدوء : اه قابلته وانا راجعه..
سيف بمكر : اممم..
ميرال بهدوء : ياسين ابعد اخوك عني ..ثم بإبتسامه: فطرتي يا يارا ..
يارا بضيق : لا اصل المطبخ زحمة وخنيق..
ياسين بمكر وسخرية : مين هيترفد النهارده..
دارين بضحك : طب يالا نحضر الفطار كلها ساعتين وليان وجاسر يرجعوا …
ادهم بهدوء وهو ينزل السلم : صباح الخير ..
الجميع : صباح النور ..
جاء ادهم ليخرج فاوقفه سيف
سيف بهدوء : جاسر مش هيحتاجك النهارده اقعد ريح معانا..
ادهم بإبتسامه: تمام واضح انكم لسه مش فطرتوا ..
ليومئ له الجميع
ادهم بإبتسامه ومرح : يبقي وسعولي كده ودوقوا اكلي ..
ياسين بمرح :ايوه بقي مستنيين اهو ..ليضحك ادهم ثم يقوم بعمل الطعام فهو يحب الطبخ بينما ميرال تنظر له بشدة فهل يُعاني من الانفصام فهو حالته مختلفة تماما عن الامس
بينما ادهم كان يركز علي اعداد الطعام ولا يأخذ باله من نظر ميرال له ..

بينما في فرع شركة روما كان جميع رجال ونساء الاعمال جالسين يتفاوضون لكي يفوزوا بتلك الصفقة التي تعرضها الشركة .
لتجلس ليان في مكانها ويكون من الحظ ان يجلس جاسر في الكرسي بجانبها لان كل رجل اعمال يجلس علي الكرسي المخصص لشركته .
بينما ماجد يجلس علي الكرسي المقابل لجاسر
ليبدأ عرض الصفقة والاجتماع

يتبع..

• لقراءة الفصل التالي: اضغط هنا
• لقراءة باقي حلقات الرواية اضغط على (لقاء مصلحة)