رواية حطمت قلبي الفصل التاسع والعشرون 29 بقلم لولا

رواية حطمت قلبي الفصل التاسع والعشرون 29 بقلم لولا

رواية حطمت قلبي البارت التاسع والعشرون

رواية حطمت قلبي الجزء التاسع والعشرون

رواية حطمت قلبي الحلقة التاسعة والعشرون

عشق بصدمه ووجع دموعها نزلت واكملت اييييه
هشام بدموع انا اسف يا عشق بجد انا اسف بس دي الحقيقه سامحيني ارجوكي ورحمه ابويا وابوكي سامحيني
عشق بضحك انت بتهزر صح لا يمكن تكون اخوياااا انت فاهم ولفت لمراد واكملت بدموع مراد وحياتي وغلاوه ابنك اللي جاي قولي انه كداب الحيوان ده لايمكن انه يكون اخويااا لا بجد
مراد بدموع باس راسها واكمل حقك عليا بس دي بلذات مش بايدي اني اغيرها يا عشق انا اتاكدت من كلامه بنفسي
عشق بعصبيه وبدموع انت بتقووول ايه الكلب ده اخويا اللي فضلت ادور عليه يحميني وهو اكتر حد اذاني ودمر حياتي وبصت لهشام قولتلك وهقولهالك مش هسامحك يا هشام انا لو اعرف انك اخويا كنت مدورتش اصلاا انت انسان زباله
حسام بحزن عشق مينفعش كده ده اخوكي الكبير
عشق بعياط انهي اخ يا حسام قولي اللي اتجوز اخته وكده باطل ولا اللي ساومها علي شرفها وكان هيبقي اغتصاب واللي بسببه انتحرت وكنت هموت كافره ولا اللي جوزي شك فيا بسببه وخرب بيتي وحياتي وبعدني انا وابني عن جوزي انهييي ااااخ هو طلما من لحمي ودمي يبقي اخويا طب ده ادهم عمل معايا مواقف وسندني ووقفني علي رجلي وصدقني وكان بيقف قصاد اخوه علشاني وهو مش اخويا لا من اب ولا من ام بس عرف يعمل معني الكلمه دي فعز منتا يا هشام عملت معني كلام تاني بتصرفاتك انك حيوان وحقود وزباله ومش بيهمك غير مصالحك الشخصيه
هشام بدموع انا مش هتكلم لان انتي حقك تقولي كل حاجه نفسك فيها ناحيني لاني فعلا حيوان وزباله وكل اللي قولتيه بس ورحمه ابويا وامي اتغيرت علشانك ومستعد اعوضك عن كل اللي فاتك يا حبيبتي ورايح يقرب منها
عشق بدموع وصراخ متلمسنيش ايااااك تفكر تقربلي وعايزني اسامحك صح بما انك اخويا بقي
هشام بدموع اه هعمل اي حاجه بس تسامحيني

 

 

عشق بعياط تخليني انتقم من هشام ااشريف اللي اذي اختك ودمر حياتها وخلاها تتمني الموت
هشام بدموع لو ده هيريحك ماشي يا عشق وراح جاب سكينه وادهالها واكمل هاتي حقك. يللااا ولو عايزه مسدس معايا موتيني يا عشق يلاااا اهون عليا صدقيني من اني اعيش ومش عارف اقرب لاختي واكون معاها وصدقيني انا هتصل اعترف وانا بموت اني انتحرت ومش هتتحبسي ساعه يلاااا ساكته ليه يابنت ابويا
عشق بدموع انت عارف اني معرفش أذي روح انا عزه برغم كل حاجه ساعدتها ورمت السكينه فمش هعرف للاسف اقتلك بس كفايه عليك اسيبك لعذاب ضميرك وانا بعيده عنك يا هشام. واكملت بانهيار كان نفسي اترمي في حضنك واقولك بص مراد ضايقني ازاي هاتلي حقي منه كان نفسي اجي اقولك في واحد ضمر حياتي اه فعلا حسام ومازن وادهم كتر الف خيرهم اخواتي كلهم حقيقي مش مازن بس
بس فعلا كنت بتمني وجودك جمبي ومازن كمان كان محتجالك ويوم ماتظهر تقلب حياتي كلها وتدمرها عايزني اعمل ايه لما اعرف ان اكتر حد كرهته في حياتي هو اخويا اللي فضلت سنين ادور عليه ونفسي اشوفه يارتني كنت موت قبل ماشوف اليوم ده يااارب وقعدت علي الارض واكملت بعياط اللهم لا اعتراض بس ياارب انا قولتلك هقبل اي حاجه وراضيه بس االا دي يارب اقبلها ازاااااي اقبلها ازاايي مش قادره اصدق وقلبي واجعني اوووي هو انا هفضل حياتي كلها في تعب كده هو انا مش هرتاح ابدااا
عايده بدموع لو بتحبيني يا بنتي سامحيه اخوكي مهما كان ومكنش يعرف وكلنا بنغلط المهم هو بقي ايه دلوقتي
مراد قومها من علي الارض واكمل بدموع عارف انك تعبتي في حياتك وانه صعب بس خالتي عايده صح
عشق بوجع ودموع بس مش هقدر يا مراد حقيقي مش هقدر
هشام بدموع ووجع خلاص يا عشق خلاص يابنت ابويا انا هختفي من حياتك خالص اانا مش عايز غير راحتك وطلما راحتك في بعدي مش هتردد ثانيه هتواحشيني وراح حضن مازن واكمل بدموع خلي بالك من نفسك ومن اختك ومن اسراء وهبقي اشوفك كده كده انت هتمسك كل حاجه تخصني فمش هنبعد كتير
مازن بدموع هتسبنا تاني

 

 

هشام بدموع غصب عني بس اكيد هيجي وقت كل ده هينتهي ورايح يمشي وفتح الباب
عشق بدموع ووجع بصت لمراد فقالها اه براسه
فاكملت بدموع استني يا هشام
هشام لفلها واكمل نعم يا نورعيني
عشق بدموع مش عايز تحضن اختك بعد كل ده غياب
هشام ضحك بفرحه وعيونه دمعت واكمل اكيد عايز وفتح ايديه
وعشق فضلت تجري لحد ماوصلتله وحضنته جامد وانهارت في حضنه عياط واكملت. اااه يا هشام كنت واثقه ان جواك شخص كويس انا الوحيده اللي فهمتك صح يا حبيبي واحشتني اووي اووي دورت عليك كتير كنت محتجاك كتير تعبت في حياتي اوي يا هشام
هشام وهو بيشدها لحضنه اكتر اكمل بعياط عمري ماكنت اتخيل اننا نوصل لكل ده انا كنت بس عايز اوجعك علشان اوجع مراد لانك بنسبالي كنتي حبيبت عدوي عمري ماحسيت بانحيتك باي شهوه خالص ولا قلبي كان مطاوعني اني اذيكي وكنت هموت من خوفي عليكي لما انتحرتي وسهرت جمبك كل ده وانا مش عارف ايه بيشدني ليكي اتاريكي اختي ومن لحمي ودمي يا نورعيني حتي عزه فكرتني بحبك بسبب احساسي ناحيتك بس انا فعلا قرفت من نفسي يوم ماعرفت وصليت واتغيرت وبقيت واحد تاني بسببك يا عشق انتي غيرتيني
عشق وهي في حضنه خلاص بلاش نتكلم في اللي فات خلينا في اللي جاي وبس يا حبيبي
هشام مسح دموعها وباس راسها قلب حبيبك والله
مراد بغيره داس علي رجله واكمل يعني قدر يا خفيف انها مراتي اللي عمال تبوس وتحضن فيها دي وانا مخدتش علي الجو لسه ان عدوي هو ااخوها فاتلم
هشام بضحك وهو بيضمها اكتر ياباشا دي اختي يعني المفروض انا كنت احضنها قبل حضنك اساسا
مراد طب كفياك هات مراتي وبيشدها وهشام ماسك فيها اكتر
عشق بضحك بس هتتخانقوا

 

 

هشام بضحك مش جوزك اللي غيور اوي
مراد هشااام هات مراتي
هشام ماهي اختي يا مارو في ايه يعني مثلا لو بوستها تاني وباس خدها اكمل بضحك مش هيحصل حاجه يعني
مراد بعصبيه دااس علي رجله اكترر فهشام قعد يتنطط من الوجع ومراد شد عشق لحضنه وكلهم فضلوا يضحكوا علي هشام
هشام بوجع ماشي يا ابو نسب هسكتلك بس علشان مش عايز ارمل حبيبت قلبي لسه صغيره
عشق بضحك بس يا واد بعد الشر عليه
مراد بثقه لا خليه يعملها
هشام وهو بيحضنه خلاص يا مراد مقدرش اعملها ربنا يعلم انت. بقيت اخويا خلاص واكمل لعشق بفرح ولد ولا بنت يا حبيبتي
عشق بحب ولد
هشام بضحك هاتيه زيك وزي اخوكي عيونه رمادي اوعي تجيبي شبه مراد مش ناقصين
عشق بحب وماله مراد ما زي القمر اهو بعيونه القمر دي ده انا في اول كام شهر كنت ببص في صوره مراد اكتر من شكلي في المرايه
فكلهم ضحكوا
ايمان بضحك ربنا يخليكم لبعض يا حبيبتي
مراد باس راسها. واكمل ربنا مايحرمني منك يا غاليه
عشق بحب طب اقعدوا يلا هعملكم العشا وجايه وفعلا كلهم قعدوا وعشق دخلت تعمل العشا وشويه وساعدها مراد وادهم وندي وحطوا الاكل علي السفره وبدائو ياكلوا

 

 

عايده بحب زي ااسكر تسلم ايديكي
عشق بحب الف هنا يا حبيبتي
مراد بحب ياه الواحد كان وحشه الجمال ده
عشق بحب الف هنا علي قلبك يا حبيبي
وفعلا كلهم شكروا في اكل عشق وقعدوا شويه سهزانين بيتكلموا بعدين كل واحد راح اوضته
في اوضه عشق ومراد
عشق بفرح ياااه اوضتي واحشتني
مراد بحب وهو بيقرب منها وانتي واحشتيها اكترررر
عشق اممم مش مرتحالك ورايحه تمشي
مراد مسكها واكمل وهو باصص في عنيها منتي طلعتي بتفهمي اهو
عشق وهي باصه في عنيه باحراج اممم عايز ايه
مراد بحب وهيام واحشتيني
عشق بضحك وكلكم والله كنتوا واحشني
مراد بضحك وهو بيقرب اكتر منها بقولك واحشتيني مالي بيهم انا احنا هنستعبط بعد كل الغياب ده تقوليلي كلمكم بذمه ده كلام وباسها واكمل بحبك
عشق بحب وهي قريبه منه جدا وانا بموت فيك
ونسيبهم بقي
——————————-

 

 

في بيت هشام بيكلم عزه في التليفون
هشام بحب هقول لمراد خلاص يومين ونتجوز بقي
عزه ايه يومين ايه هو هلحق اعمل حاجه
هشام هو حلو يومين يا زوزا خلاص عشق رجعت كان اللي ماخرني هو عشق
عزه بحب خلاص اللي تشوفه يا حبيبي
هشام بحب قلب حبيبك وربي
——————————–
بعد شويه في اوضه عشق ومراد
مراد نايم عاري الصدر وعشق في حضنه
عشق مراد
مراد ايه يا حبيبي
عشق الا صحيح عملت ايه في موضوع ورثك
مراد بتنهيده عشق انا كنت بستفزك ساعتها علشان مكنش عاجبني ضعفي وحبي قدامك.ساعتها اسالي ادهم انا اول ماعرفت مكنتش لسه بحبك وقولت طوز مش فارقلي حقك عليا بجد واصلا طلع ضغط يعني بابا بيعمل كده علشان يجبرني بس
عشق لا مش كده يا مراد انا اللي كلمت استاذ مجدي وعرفته اني حامل وبعتله الي يثبت
وفتحت عشق الفون و ورت مراد الشات
مراد بصدمه نعم يعني فعلا دي كانت واصيه ابويا ومجدي كدب عليا وسجلها علشان انتي حكتيله انك حملتي ???
عشق اممم بس هو مالوش ذمب انا اللي خليته يحلف علي اامصحف انه ميقولش
مراد ده ليلته سودا معايا
عشق مراااد خلاص بجد بقولك انا حلفته مكنش ينفع
مراد بحزن ليه يا عشق

 

 

عشق ليه ايه
مراد ليه مسبتنيش اتعاقب بورثي انتي مكنتيش تعرفي اني هقابلك قبل المده ماتخلص ومع ذلك سجلتي الواصيه
عشق بحب علشان مقدرش اشوفك اقل من الاول بعد تعبك وشهرتك دي كلها انت مهما كان جوزي وحبيبي وابو ابني وانا كنت عارفه انه كلام من ورا قلبك بس واجعني وانا ارفعك واعليك بس يا مراد مش انزلك بايدي مقدرش
مراد بحب انتي عديتي العشق جواايا بجد حقيقي عملت ايه حلو في دنيتي علشان الاقيكي انتي في سكتي
عشق بحب حتي انا يابختي بيك احنا اتقابلنا نكمل بعض يا مراد
وتليفون مراد رن
عشق مين ده اللي بيرن 12 بليل
مراد قام اتعدل ومسك الفون واكمل ده اللي ربنا ابتلاكي بيه واكمل بضحك خييير يعني ده وقت حد يتصل فيه
هشام بضحك هتكون بتعمل ايه يعني منتا صاحي اهو
مراد بضحك يعني قدر اني ماصدقت اتجمعت مع مراتي وتخلي عندك دم شويه
هشام بضحك ولااا احترم نفسك كده ولو ضايقك يا حبيبت اخوكي قوليلي
مراد بضحك ردي علي اخوكي علشان مدخلش فيه السجن
عشق بضحك لا مش بيضايقني يا حبيبي متخافش
هشام ايوه جدعه اي حركه كده ولا كده اضربيه وتعاالي ببت اخوكي مفتوحلك
عشق بضحك بتحبه اويي يا اتش

 

 

مراد بضحك اوووي مقولكيش الحب عايز ايه يالاااا
هشام. يااالا مره واحده عموما يا ابو نسب متصل اقولك اني خلاص المجانين هيزيدوا واحد وبكره هتبقي حنتي علي عزه
عشق بفرح الف مبروك يا قلب اختك لو مكناش بليل كنت زغرطلك
مراد بحب الف مبروك يا اتش ومستنيك بكره نفطر سوا انت وعزه
هشام الله يبارك فيكوا ماشي يا غالي
مراد يلا باي
هشام باي
————————————
تاني يوم الصبح عشق بتحاول تصحي مراد وهو مش راضي يصحي
عشق مراد قوم بقي هدلق عليك ميااه
مراد بنوم وصوت واطي طب ابقي اعمليها
عشق وحياتك لو مقومتش هعملها
مراد ساكت
راحت عشق مسكت كوبايه المياه ودلقتها عليه
مراد قام مخضوض اييييه في ايييه
عشق بضحك ااه مش قادره امسك نفسي من الضحك بجدددد
مراد بعصبيه ليلتك سودا
عشق فتحت الباب وهي. لابسه دريس بس كانت من غير طرحه وطلعت تجري علي تحت
مراد بعصبيه وهو بيجري وراها انا هوريكي يا عشق

 

 

عشق بضحك وهي بتجري مش هتلحقني
مراد طب حاسبي تقعي يا بت انتي ياابت
هشااام كان قاعد تحت هو وعزه بس. مع ايمان والباقي كان لسه نايم
هشام بخضه ايه في ايه يخربيتكم
عشق استخبت وراه واكملت اتش اتش خبيني
مراد ده انتي ليله اهلك سودا
هشام بضحك ايه يا شبح لم عضلاتك اللي نازلنا بيها دي متلبس تيشرتك معايا خطيبتي واحترم نفسك قال اهلها قال البت واقفه في حمايتي
مراد علشان اختك دي مهزقه في واحده تصحي جوزها تدلق علي وشه كوبايه المياه
هشام ايه متجوز عيله في سته ابتدائي دي دكتوره احترم نفسك
عشق بهمس هشااام
هشام استني انتي بس ده بيهزر
مراد بهزر اه طب اساال اختك كده
هشام لف راسه واكمل انتي عملتي كده
عشق هزت راسها بمعني اه
هشام بصدمه اه ايه يخربيت اهلك وبص لمراد بص يا باشا هي فعلا اختي طلعت مهزقه وانت ليك حق واكمل بضحك ودي مراتك والداخل بينكم خارج

 

 

عشق مسكت فيه اكتر لا يا هشام يا بياع
هشام بضحك هو مراد بيخوف اوي كده بص يا ابو نسب البت ماسكه فيا اللي هو هحميها فمتحرجنيش قدام الناس واسكت امسحها فيا المره دي
مراد علشان خاطرك بس واكمل بحده انتي ايه نزلك من غير حجابك انتي اتجننتي
هشام بصلها واكمل لا بقي يا عشق ادافع عن ايه تاني وبص لمراد وضحك منتا نازل من غير تيشرتك اشطا يعني
مراد هشام انا مبهزرش مينفعش تنزل من غير حجابها هي مش عايشه لوحدها. اتنيلي اطلعي
هشام حقك عليا هو صح غلط بس انا بس اللي قاعد مخربتش يعني وبص لعشق بس هي مش هتعمل كده تاني صح
عشق اه واالله توبه بعدين انا دلقت عليه المياه علشاان بحبه مرضيتش يصحي قولتله وحياتك لو مصحتش هدلقها اامفروض يزعل لو مدلقتش علشان قولت. وحياته
ايمان بضحك يخرب عقلك بت
هشام بضحك والله عسل ميتزعلش منك قصدك شريف يا قلب اخوكي
مراد مسكها واكمل بضحك ملناش الا بعد في الاخر شوفتي مهما تستخبي يلا يا حبيبتي علي فوق ووطي وشالها
عشق بضحك طب سبني اتشاهد طب
مراد هو بيضحك مجنونه والله ودخلوا الاوضه ونزلها
عشق اقسم بالله كان حب فيك بلاش ظلم
مراد بضحك مش هكلمك يلا البسي علشان تحضيرات حنه اخوكي
وفعلا ابتدو يلبسوا بس مراد خلص الاول ونزل وفطروا بعدين عشق طلعت و كانت بتلبس لسه وبعدين لبست فستان احمر حلو جدا وطرحه حمرا وميكاب هادي وجميل
الباب خبط
عشق ادخل

 

 

هشام ايه رايك في البدله دي
عشق بحب وهي بتقرب عليه بتعدل اللياقه زي القمر يا حبيبي
هشام باس راسها واكمل مفيش احلي منك يا حبيبتي فين مراد
عشق نزل يشوفك المفروض
ووقفت تظبط مكياجها
هشام اهو بيرن الو يا ابو نسب
مراد فينك يا ابني قلبت عليك الدنيا
هشام في الاوضه عند مراتك
مراد يعني يا ابني يا حبيبي انا مقدر والله ان هي اختك بس راعي مشاعر اهلي وحسن الفاظك بتتقال بشكل احسن من كده
هشام بضحك انا مال امي انت اللي دماغك شمال ومش سالكه
مراد طب هطلع اوريك انا اللي مش سالكه
وطلع مراد وفتح الباب
هشام بضحك خلاص خلاص وربي بهزر
عشق بضحك في ايه
مراد في بيقولي عند مراتك في الاوضه ينفع
عشق بعد فهم طب ماهو هنا صح فيها ايه يعني ما اخويا
مراد بضحك حبيبتي احنا شباب زي بعض ومش سالكين انتي هتدخلي الجنه
عشق تصدق انك رخم غوروا انا نازله ونزلت
هشام بضحك روق كده انا عريس يعني قدر ده يا ابو نسب
مراد بضحك هسامحك بس علشان عزه ملهاش زمب يعيني تاجل جوازها
هشام بضحك تسلم حبيبي يا ابو نسب
————————————

 

 

في الحنه
عشق بحب قمر يا مرات اخويا وحضنتها
عزه مفيش احلي منك يا شوش
ياسمين بضحك مرتات اخوها كتير
عشق اه والله كلكم مرتات اخواتي حتي ادهم اكتر من اخ وحسام اخويا في الرضاعه ومازن وهشام اخواتي
ندي بضحك علي راي مراد مصر كلها اخواتك
عشق بضحك شوفتي يابنتي الهنا اللي انا فيه
وقضوا اليوم في فرح واغاني وخلصت الحنه
في اوضه مراد وعشق
عشق نايمه علي السرير تعبانه
مراد قام بقلق مالك فيكي ايه
عشق بتعب تعبانه شويه
مراد بقلق مالك يا حبيبتي
عشق بطني بتتقطع مش قادره
مراد طب اهدي اهدي تعالي اشوفك مالك
وكشف مراد عليها وادالها الدوا وجبلها حاجه سخنه تشربها
مراد ها كده احسن

 

 

عشق بتعب بسيط الحمدلله احسن
مراد بحب خدها في حضنه واكمل متخافيش هو بس الحمل مقرف كده. ولسه الشهور الاخيره كوم لوحدها
عشق هو انا هولد طبيعي ولا قيصري
مراد هو لسه متعرفيش دلوقتي بس عموما لو كان اسر جدع وهينزل ناحيه الحوض فهيبقي طبيعي كان رخم
عشق بمقاطعه زي ابوه
مراد بضحك ماشي ياستي زي ابوه يبقي قيصري وممكن لو عايزه قيصري عادي
عشق بخوف هو مش انت دكتور شاطر
مراد بيقولوا
عشق طب متولدنيش وهاته انا خايفه
مراد بضحك ازاي يعني انا دكتور مش ساحر يا حبيبي بس متخافيش هتعدي انتي مش واثقه فيا بعد ربنا
عشق اكيد طبعا
مراد خلاص يبقي تسبيها علي ربنا وحضنها وباس راسها وهي نامت برتياح
تاني يوم صحيوا علشان الفرح ولبسوا وعشق واقفه بتحط ميكاب
مراد متكتريش
عشق وهي بتحط المسكره علي فكره ده فرح اخوياا ها
مراد ومين قال ان كل ماتحبيه اكتر تذودي يعني
عشق بضحك مش كده بس لازم اكون مميزه وحلوه
مراد حضنها من ضهرها وحط ايده علي بطنها. واكمل انتي حلوه من غير اي حاجه
عشق والنبي اسكت بلبلونه اللي فيا دي

 

 

مراد بضحك والله شكلك عسل وانتي كلك شبر ونص ومنفوخه كده
عشق بحزن مش من ابنك طب انا ذمبي ايه
مراد بضحك ايه هتعيطي ولا ايه انتي قمر اصلااا فكل حالاتك ومن غير حاجه
عشق بحب لفت باسته من خده واكملت دي عيونك يا غالي
مراد بحب وهو باصص في عنيها ماتسيبك من اخوكي وتخلينا هنا
عشق بضحك لاااا ده انا الحق امشي علشان متاخرنيش
مراد بضحك بقي كده ماشي
عشق بضحك وابو كده ده فرح اخويا
في الفرح بعد كتب الكتاب
عشق راحت حضنت هشام واكملت مبروك يا نورعيني
هشام بحب الله يبارك فيكي عقبال ماتقوملنا بالف سلامه ياااارب
عشق بحب مبروك يا زوزا ربنا يحميكي قمر
عزه بحب حبيبتي الله يبارك فيكي يارب
مراد بحب حضن هشام واكمل مبروك يا اتش
هشام بحب الله يبارك فيك يا ابو اسر عقبال ماتشوفه وتفرح بيه
مراد مبروك يا زوزاا
عزه الله يبارك فيك يارب
والفرح شغال وكانوا مبسوطين جداا

 

 

بعد الفرح
مراد تصدق يا هشام ان اختك تطردني وتقولي روح بات عند هشام انا مش عايزاك
هشام بضحك تنور الله بس ده لو هي اختي صح متعملش كده
مازن بضحك ليه يعني وغمز مش عايز مراد
هشام بضحك انا اقدر بس هي عشق بتحب اخوها قصدي جوزها وهتصالحوا
عشق بضحك علشان خاطرك بس قصدي وغمزت علشان جوزي ميصحش يبات برا. وضربته بكتفها ولا ايه يا مراد
مراد بضحك لا خلاص انا عندي كرامه هبات عند نسيبي
هشام بضحك لا مفيش غير اوضه واحده في الفيلا للاسف عارف لو في متغلاش عليك
مراد بضحك ماشي يا عم ماشي
وكلهم سلموا عليهم وباركولهم وروحوا فيلتهم
——————————

 

 

 

في عربيه مراد
عشق رايح فين ده مش طريق الفيلا
مراد بحب هخطفك لوحدنا
عشق بحب ليه بقي
مراد. لما نوصل الفندق هقولك
——————————–
في فندق
عشق بحب جبتنا هنا ليه
مراد بحب عادي قولت نبقي لوحدنا يوم بدل وش الفيلا ده غيري هدومك لحد ما انزل اشتريلك احلي عشا
عشق بحب ماشي يا حبيبي
ومراد نزل ودخلت عشق شغلت السخان وطلعت تجيب هدومها
السخان كان لسه جديد بس كان بايظ بينفذ غاز وهي متعرفش
بعد شويه عشق اختارت الهدوم. ورايحه تدخل اتخنقت
عشق ايه ده كح كح ايه ريحه الغاز الفظيعه دي وداخت ووقعت علي الارض
عشق بتعب بتحاول توصل لموبايلها ووصلتله وفتحته واتصلت بمراد
مراد الو يا حبيبي
عشق بنفس متقطع مرا مر اا د انا ب بمو ت. تعالي بسرعه
واغمي عليها
مراد بخوف عشق عشششق مالك في ايه ودور عربيته بخوف كبير وبسرعه راجع لعشق

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حطمت قلبي)