Uncategorized
رواية امتلكتني مجنونة الفصل الثاني 2 بقلم حبيبة محمد
رواية امتلكتني مجنونة الفصل الثاني 2 بقلم حبيبة محمد
 |
| رواية امتلكتني مجنونة الفصل الثاني 2 بقلم حبيبة محمد |
رواية امتلكتني مجنونة الفصل الثاني 2 بقلم حبيبة محمد
ريحان: عشان انا حبيتك من اول ما شوفتك وبابا عمال يقولي
اتقلي وانا مبعرفش اتقل ????
بدر بصلها بأستغراب وقال في سره: باين عليكم عيله مجانين
بص في الارض وقالها لحقتي تحبيني يا ريحان ده انا لسه
متقدملك امبارح
ريحان: يعني اعجبت بيك وبطريقتك
بدر: طب ما انتي بتعرفي تتكلمي حلو اهو اومال كنتي غبيه
كدا ليه امبارح
ريحان: مكنتش غبيه بابا كان بيقولي اتقلي واتكسفي وانا
عملت كدا اعمل اي تاني
بدر: انتي عارفه انتي كدا بينتيلي غبائك اكتر ????
ريحان: يالهوووي انت ماسك ايدي اوعي انت مجنون….
بدر: انا خطيبك!
ريحان: اوعا يا بدر وبعدين….. اتنهدت بخوف وقالت بابا مستنيني اجيب الفول وانا اتأخرت…سلام طلعت تجري
بدر مجنونه دي ولا اي! يارب يوم ما اتقدم لواحده اتقدم لواحده هبله طب دي انا هتكلم معاها ازاي وبأنهي طريقه وبعدين هي مش صغيره اوي للدرجه ١٨ سنه يعني المفروض تبقي مفتحه شويه مش هبله للدرجه دي
راح وراهاعشان هو كدا كدا كان رايح لباباها اصلا
طلعت ريحان بتجري لباباها خبطت علي الباب وهي بتتنفس بسرعه وبتنهج من كتر الجري: خد يا بابا الفول
بابا: مالك بتنهجي كدا ليه يا بت
ريحان: هو انت مكنتش قلقان عليا؟
بابا: لا يختي دا انا كنت مرتاح كنتي خليكي تحت شويه كمان
ريحان: ماااااشي يا باابا دخلت اوضتها وهي بترزع الباب
بابا: براحه يا بت لحسن الباب يتكسر وتفضلي قاعده في اوضه من غير باب كدا
ريحان: بقولك اي يا بابا انا مش عايزه اتجوز بدر دا انا عايزه اقعد في اوضتي وافتح التلفون بس كدا
بابا: اه وتفضلي قاعده في ارابيزي مش كفايا اختك التانيه القربت تشلني
ريحان: الاه يا بابا طب ولما تخلص مننا هتعمل اي
بابا بتنهيده مضحكه: هتجوز …..
ريحان بتريقه: تتجوز….. تتجوز اي يا بابا صلي علي النبي دا انت بقا عندك ٥٠ سنه
بابا: ماشي يا ام اربعه واربعين والله لوريكي.
خبط الباب
بابا: اتنيلي ادخلي اوضتك تلاقي بدر البيخبط
فتح الباب
بابا: اهلا اهلا يا بدر يا بني نورتنا
بدر: اهلا يا عمي
بابا في سره: شكله ما يبشرش بالخير هو جاي يلغي الجوازه ولا اي؟
بابا: اتفضل يا بني اي الموضوع العايز تتكلم فيه
بدر: انت عارف ان فاضل علي كتب الكتاب ٥ ايام؟
بابا: اه عارف
بدر: بنتك متجهزه…. يعني معاها جهازها وكدا
بابا: اه يبني الجهاز بتاعها كلها مرمي في الاوضه اقصد يعني من كتر ما هو كتير محطوط في الاوضه
بدر: انا كنت عايز اخد ريحان ونخرج شويه
بابا في سره: يلا اهو هتريحني منها…..: هتروحوا فين يا بدر
بدر: هنتمشي شويه
بابا: يا ريحان البسي عشان هتخرجي مع خطيبك
ريحان بصوت واطي: يووووه كل اللبس العندي مش بتاع محجبات يوووه ليه يا بابا خلتني اتحجب امبارح بالذات يعني
مش مهم بقا هلبس الفستان بتاعي وهسيب شعري وهخرج
دخلت ريحان جابت فستان لونه اسود وسيبت شعرها الفستان قصير من عند الركبه
لينا: نهارك ابيض… اي يا بت الانتي لبساه دا…. ده انتي ابوكي هيقطعك خشي البسي حاجه محترمه…..
ريحان: معنديش يا لينا اديني لبس محجبات من عندك طيب
لينا: لا لبسي لا
خرجت ريحان بالفستان ده ومسيبه شعرها وللحظه فضل بدر مصدوم مش من حلاوتها لا من الهي لبساه
بابا وهو بضهره: يلا يا ريحان… لقاني مردتش لف بابا وقالي: يلا يا ري….. نهار ابوكي ابيض اي… دا يبت اي الانتي لبساه دا ده انا هشرب من دمك وارميه للكلاب
ريحان: ازاي هتشرب دمي وبعد كدا تديه للكلاب؟
بابا: تعالي هوريكي ازاي يا بنت ال….
بدر لسه مصدوم ومش واخد باله من كل الحصل ومفاقش غير لما شاف ابوها ماسك الشبشب وهي واقفه علي السفره عماله تيجي يمين وشمال عشان ابوها ميضربهاش بالشبشب
ريحان: خلاص بقا يا بابا هنزل اغيره من لبس لينا
دخلت ريحان اوضه لينا وهي بتعيط: شوفتي بابا كسفني قدامه ازاي ياليي تتحرقي في ايدك العماله طول النهار تكتب علي التلفون دي
لينا: احسن قولتلك البسي حاجه عدله
ريحان: ما انا قولتلك هاتي من عندك قولتيلي لا لبسي لا
لينا: خدي بالسم الهاري
ريحان: علي فكره دا مش اكل عشان تقوليلي بالسم الهاري
غيرت ريحان لبسها ولبست بنطلون وتيشرت اسود ولابسه الطرحه
خرجت ريحان ونزلت هي وبدر
بابا: يلا في داهيه انتو الاتنين ودخل المطبخ يعمل الفطار وندهه بعد كدا علي لينا: انتي يا بت
لينا: نعم يا بابا
بابا: تعالي اعملي الفطار
لينا: طب ما تعمله انت زي كل مره يعني
لطشها بالأفا: ليه هو انا الخدامه الجبتهالك امك….
لينا: يوووه كل شويه ضرب بالأفا كدا
꧁꧁꧁꧂꧂꧂
ريحان وبدر وهما في العربيه
بدر: ليه خرجتي كدا؟ انتي عجباني من غير ما تطلعي كدا علي فكره
ريحان: ومين قالك اني خرجت كدا عشان اعجبك انا خرجت كدا عشان مكنش عندي هدوم محجبات اصلي لسه متحجبه امبارح………………
بدر وقف العربيه
بدر: مش هتبطلي عبط؟
ريحان: انا مش عبيطه
بدر: لا عبيطه وردودك سخييفه
ريحان وعنيها مليانه دموع: ليه انا عملتلك اي
بدر: انتي عندك ١٨ سنه علي فكرا يعني كبيره متبقيش طفله اوي كدا
ريحان: مين قالك اني طفله
بدر: تصرفاتك
ريحان: انا تصرفاتي مش طفوليه خالص
بدر: نعم نعم نعم مين دي ال تصرفاتها….مش طفوليه انتي طفله يا بنتي
ريحان: انت رخم علي فكره
بدر في سره: برضه لازم اتجوزك…..
ريحان: انا سمعتك…
بدر: سمعتي اي
ريحان حطت ايدها علي قلبه: حاسه انك عايز تتجوزني لسه
بدر في سره: علي اساس اني هموت واتجوزك ما هو المشكله
اني لازم اتجوزك
ريحان مسكت ايده:
بدر: مش كنتي الصبح بتقولي متمسكش ايدي
ريحان بكسوف…. وبعدت عنه
بدر: طب خلاص خدودك احمرت كفايه
ريحان: طب سوق بقا هنفضل واقفين كتير
بدر: عايز اقولك حاجات كتير بس في حاجات كتير اوي بتمنعني اقولك
ريحان: واي هي بقا الحاجات دي
بدر: عايزك تتكلمي معايا بشكل متفتح شويه ومتبقيش طفله ممكن؟
ريحان: انا مش طفله
بدر: يادي النيله ماشي انتي مش طفله بس ينفع تسمعيني
ريحان اتفضل
بدر: انتي علي حسب كلامك بتقولي انك. معجبه بيا صح
ريحان: اهدي بس علي نفسك بدل ما انت واخد مقلب في نفسك. كدا
بدر: مش انتي قولتي انك معجبه بيا
ريحان: اه قولت
بدر: بس انا مش معجب بيكي و لا حتي حبيتك مبقولش كدا اجرح شعورك بس
ريحان: الناس كلها فاكره ان عشان تصرفاتي تافهه يبقي انا معنديش مشاعر وبعدي المواضيع بس انا عندي مشاعر وبحس انا بس عفويه شويه في كلامي وعلي فكره انا مش معجبه بيك انت عايز تتجوزني ليه اما انت مش بتحبني
بدر كل ده كان بيحلم لو قالها كدا هي هترد تقوله اي لاكن هو معترفلهاش بأي حاجه لسه
رجع للواقع وبص. لقي ريحان واقفه عماله تقوله: والله همشي لو مقولتش كنت عايز تقول اي
بدر ابتسم ابتسامه زائفه علي تفاهتها: كنت بهزر معاكي مش عايز اقولك اي حاجه يلا نمشي
بعد وقت
بدر: هنزل اشتري حاجه من السوبر ماركت استني في العربيه عقبال ما اجي ومتلمسيش حاجه فيها
نزل بدر
ريحان: اوففف….الو يا اسماء
اسماء: مالك متعصبه ليه علي الصبح
ريحان: عشان بدر خدني القاهره وهو قال لبابا اننا هنتمشي شويه انتي عارفه يعني اي نسافر من الارياف لحد القاهره يعني ده سفرانا خايفه منه يا اسماء
اسماء: ليه سيبتيه ياخدك القاهره
ريحان: ما انا معرفش الطريق هو قعد يسوق وانا طول الطريق عماله ارغي لغايه ما لقيت يافطه مكتوب عليها القاهره ترحب بكم……….
اسماء: طب هو فين دلوقتي؟
ريحان: بيشتري حاجه
اسماء: وانتي بتعملي اي؟
ريحان: راكبه العربيه بتاعته
اسماء: مفاتيح العربيه موجوده
ريحان: يوووه كل دي اسأله
اسماء: انجزي وردي علي سؤالي
ريحان: ايوه المفاتيح موجوده
اسماء: بتعرفي تسوقي؟
ريحان: اوففف لا مبعرفش اسوق
اسماء: طب امسكي الدركسيون واعملي الهقولك عليه وخدي بعضك وامشي وسيبيه
ريحان: فكره مجنونه برضه
ريحان اتبعت الحاجات الاسماء بتقولها عليها وفعلا دورت العربيه وساقت…….
ريحان: يس الخطه نجحت
خرج بدر ملاقاش ولا ريحان ولا العربيه: هي راحت فين دي…
جري يدور في كل حتي ملاقهاش في اي حته…….
ريحان: والله فكره جامده يا اسماء
ريحان: اسماء انتي روحتي فين كلميني عشان.مش هعرف اسوق من غيرك الو اسماء الحقيني في مقطوره جايه الو اسماء اسمااااااااااااااااء الحقيني اسماااااااااااااااااااء
يتبع……
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً سكريبت اللطيف والخطير للكاتبة ياسمينا محمد