Uncategorized
رواية كانسر الفصل الخامس عشر 15 بقلم آية السيد
رواية كانسر الفصل الخامس عشر 15 بقلم آية السيد
 |
| رواية كانسر الفصل الخامس عشر 15 بقلم آية السيد |
رواية كانسر الفصل الخامس عشر 15 بقلم آية السيد
في منزل عائله الصواف
حور قررت انها ترن علي مالك
وفضلت ترن واخيرا رد
حور /الو ايوة يا مالك انت فين بتصل عليك مش بترد
الشخص /الو يا مدام الاستاذ دا كان عامل حادثه علي الطريق وهو دلوقتي في المستشفى
حور بصراخ /مالككككككككككك
التليفون وقع من حور وقعدت علي السرير بتعيط وبتصرخ باسم مالك بس
ايمان واحمد جم من برا علي صوت حور
ايمان /فيه ايه يا بنتي مالك
حور بعياط /م.. مالك
أحمد بقلق /ماله يا بنتي فيه ايه يا حور
حور بعياط /مالك هو.. عمل حادثه
ايمان حضنت بنتها وبتحاول تهديها وسمعوا صوت الباب واحمد راح يفتح لقاه أسر
أحمد /مالك ماله يا بني
أسر /مش وقته يا بابا يلا بسرعه لازم نروح ليه
حور جرت علي أسر
حور بعياط /م… م.. مالك يا أسر وديني ليه الله ي… يخليك
أسر /هششش اهدي بس البسي وهنروح ليه
حور بعياط./ح…حاضر
حور جرت علي اوضتها عشان تلبس وطول الوقت دموعها نازله ومش بتقف
___________________
في الصاله
أسر /وانت يا بابا انت وماما البسوا بسرعه
أحمد /حاضر يا بني وان شاء الله خير
ايمان بعياط /انا خايفه اوي يا بني
أسر بأس دماغها وحضنها /اطمني يا أمي بس يلا عشان نمشي
ايمان /حاضر يا بني
_____________________
حور لبست وكلهم لبسوا وأسر اخدهم كلهم وراحوا لمكان ما
طول الطريق حور بتعيط وإيمان حضناها
وصلوا مكان علي البحر وكلهم استغربوا وخصوصا حور
حور نزلت من العربيه وفضلت مستغربه المكان اللي هي فيه وكمان كانت عربيه والد مالك موجوده وأهله كانوا جم هما كمان
حور باستفسار وعياط/م… مالك فين يا أسر وانت جايبني هنا ليه انا عاوزه مالك
أسر /هشششش اهدي بس وبصي وراكي
حور بصت وراها ولقت مالك واقف وراها ولابس بدله وواقف قدام فندق
حور عيطت اكتر وجرت عليه وحضنته وفضلت تعيط في حضنه وهو ضمها ليه وحاول يهديها
واحمد وإيمان كانوا مستغربين انهم شايفين مالك قدامهم ومحدش فيهم فاهم حاجه
أحمد باستفسار /احنا بنعمل ايه هنا يا أسر وكمان مالك هو… هو مش عمل حادثه
أسر /تعالوا بس معايا وهتعرفوا كل حاجه
مالك وهو بيطبطب علي ضهر حور /هششششش اهدي يا حوري والله دموعك دي غاليه عليا اوي
حور بعدت عنه ولسه بتعيط وهي بتلمس وشه
حور /انت.. انت كو… كويس صح وايه اللزقه دي
مالك بايماءه وهو يمسح دموعها بابهامه /هشششش اهدي انا كويس
حور /ازاي هو قالي انك ع… عملت حادثه… يعني انت كنت بتضحك عليا
مالك /هشششش اهدي بس وانا هشرحلك كل حاجه ممكن
حور هزت راسها بأه
انجي جت من ورا مالك
انجي /يلا يا مالك
حور بعدم فهم /يلا ايه؟؟
مالك/هشرحلك كل حاجه بس الاول انا عاوزك تروحي مع انجي وتلبسي الفستان اللي في الاوضه فوق
حور /بس
مالك /يلا بس لان الناس مستنيه وهنتاخر عليهم
حور /حاضر
حور طلعت مع انجي ومعاها ايمان وريهام
أحمد بعدم فهم /مالك انت ازاي واقف كده حور قالت لنا انك عملت حادثه وكمان أسر
مالك بابتسامه جذابه /تعالوا بس ادخلوا وانا هشرحلكوا كل حاجه
أحمد /بس
ابراهيم /تعالي بس يا احمد انا زيي زيك بردوا ومالك قال انه هيشرحلنا كل حاجه
أحمد /ماشي.
أحمد وإبراهيم دخلوا الفندق في القاعه الخاصه بالاحتفالات.
أسر بابتسامه /انا مبسوط اوي بجد
مالك بابتسامة /وانا جدا يا أسر حاسس اني شويه وهطير
أسر /اظن لغايه دلوقتي كل حاجه ماشيه تمام صح
مالك /ايوة الحمد لله يا رب تكمل علي خير
أسر /يا رب
مالك /يلا ندخل نشوف الناس لغايه ما حور تجهز
أسر /يلا
____________________________
في إحدي غرف الفندق
حور بعدم فهم /انا مش فاهمه حاجه
انجي /ممكن تهدي بس ويلا بقا عشان تلبسي الفستان دا لان الميكب ارتست ثواني وجايه عشان الميك اب
حور /انا مش فاهمه ليه فيه فستان هنا وكمان ميكب ارتست ايه؟؟
ايمان وريهام بصوا لعبض بعدم فهم
ريهام /ما تفهمينا يا انجي يا بنتي فيه ايه بالظبط
انجي /يا جماعه بس يلا بسرعه ومالك تحت هيفهمكوا كل حاجه
ايمان /يا رب يكون خير يا بنتي
انجي بابتسامه /خير ان شاء الله يا طنط متقلقيش… ووجهت كلامها لحور /يلا بقا يا حور قومي اجهزي
حور /حاضر.
بعد مده حور جهزت ولبست الفستان وحطت الميكب وكانت قمر جدا.
حور وقفت قدام المرايه وفضلت تبص لنفسها
حور /شكلي حلو؟؟؟
ايمان ببكاء ودموع فرح /ماشاء الله يا بنتي قمر ربنا يحميكي يا رب ويحفطك
ريهام بابتسامه /جميله اوي يا بنتي ماشاء الله
انجي حضنتها /ماشاء الله عليكي يا قلبي قمرين
حور /انا مبسوطه اوي وسكت ودموعها نزلت
انجي /ليه الدموع دي يا حور
حور ببكاء /خايفه من نتيجه التحليل لاني لغايه دلوقتي معرفش حاجه عنها
انجي /ه….
قطع كلامها صوت خبط علي الباب.
ايمان فتحت ولم يكن سوا مالك
مالك بابتسامه /يا ترا حوري جاهزة
ايمان بابتسامه /ايوة يا بني بس لو تفهمنا ناوي علي ايه
مالك بابتسامه /خلاص هانت يلا ننزل وهشرحلكم كل حاجه
ايمان /ماشي يا بني.
ايمان ندهت علي حور اللي اول لما مالك شافها فضل متنح وحور اتكسفت من نظراته وبصت في الارض
انجي خبطت مالك في كتفه وغمزتله /ايه يا عم المتنح هنفضل واقفين كده كتير
مالك /ها لا
مالك قرب من حور وباس جبينها وحضنها
مالك بحب /يلا يا حور
حور نزلت معاه واول لما نزلوا الكل اتفاجئ من منظر القاعه واد ايه شكلها كان جميل
حور بانبهار /واوا يا مالك شكلها جميل اوي
مالك /انتي اجمل يا حوري
مالك وقف حور في نص القاعة ومسك المايك وبدأ يتكلم
مالك بحب وهو بيبص لحور /البنت دي بنتي وحبيبتي ومراتي وكل حاجه حلوه في حياتي وجودها في حياتي كان اجمل والطف حاجه حصلتلي… كتبنا الكتاب من فتره وبقت مراتي بس معملناش فرح بس ضيف زارنا في الفتره اللي فاتت فاضطرينا ناجل و الضيف دا كان رخم شويه بس الحمد لله… مالك قرب علي حور وبص في عيونها/بس خلاص مشي
والوقت قررت أن الفرح يتعمل وتبقا معايا دايما واخطفها لبيتي
حور بصتله بعدم فهم
مالك شاور ليها علي شاشه كانت موجوده في القاعه
واشتغل فيديو للدكتوره نورهان والكل كان متابع باهتمام
نورهان /الحمد لله يا حور بعد مده من العلاج عارفه انك استحملتي كتير وعديتي بحاجات كتير بس انا حابه اقولك حاجه الحمد لله المعاناه خلصت وتحاليلك بتاكد انك خفيتي خلاص وتقدري تستمري في حياتك بشكل طبيعي جدا….. حمد لله علي سلامتك يا مدام حور والف مبروك علي شفاكي
كل اللي كان واقف دموعه نزلت من الفرحه
مالك كان بيراقب تعابير حور ودموعها
حور بصتله /ي.. يعني انا خ.. خفيت
مالك بابتسامه هز راسه بايوة
حور حضنته جامد وفضلت تعيط اكتر بس المره دي دموع فرح
احمد حضن ايمان اللي عماله تعيط وهما الاتنين دموعهم نزلت من الفرحه وان ربنا استجاب دعوتهم وبنتهم بقت كويسه
فايزة ل أسر /انا مبسوطه اوي يا أسر وحاسه بسعاده كبيره
أسر بحب /ربنا يفرح قلبك كمان وكمان يا قمري
حور بعدت عن مالك وهو مسح دموعها وباس جبينها
مالك بحب /من النهارده مفيش دموع تاني فيه فرح وبس ماشي يا حوري
حور هزت راسها وحضنته تاني
بعد مده حور بعدت عنه وحضنت الكل والكل بارك ليها
مالك ل أحمد وإبراهيم /انا عارف انكم اتفاجاتوا بخصوص الفرح دا وان المفروض تكونوا عارفين بس من فرحتي بالخبر قررت اعمل الموضوع مره واحده فأنا اسف جدا
أحمد وإبراهيم بصوا لبعض واحمد اتكلم
أحمد /انا مش زعلان منك يا بني بالعكس انت استحملت كتير وعديت بكتير ومن حقك انك تفرح الف مبروك يا بني
مالك حضنه /الله يبارك فيك يا عمي
ابراهيم ل مالك /مبروك يا بني
مالك حضنه هو كمان /الله يبارك فيك يا بابا
أحمد /بس ايه حكايه الحادثه دي.
مالك /انا فعلا كنت هعمل حادثه بس ربنا سترها وبعدت في آخر لحظه
حور /بس فيه حد رد علي تليفونك وقال انك عملت حادثه
مالك /بصراحه دا واحد من اللي بيشتغلوا معايا وانا اللي طلبت منه يعمل كده عشان اعرف اجيبكم واعمل المفاجاه دي
حور بدموع /يعني تخضني عليك عشان مفاجأه او غيره انت عارف حالتي كانت عامله ازاي وفي الاخر تطلع بتهزر
مالك شدها ليه ومسح دموعها /والله الموضوع جه صدفه وانا استغليته مش اكتر
سامحيني يا حوري عشان خاطري
حور/بس انت…
مالك بمقاطعه /يعني مالكك ملوش خاطر عندك انك تسامحيه.
حور /انت بالذات مهما حصل مقدرشي ازعل منك اصلا.
مالك حضنها /بحبك يا حوري
حور /بحبك يا مالكي
بعد ما الكل بارك مالك اخد حور علي مكان الرقص واشتغلت اغاني هاديه وفضلوا يرقصوا سوا.
مالك كان بيبصلها بحب وهي كانت مكسوفه من نظراته
حور بكسوف /ممكن تبطل تبصلي كده
مالك بحب /مش مصدق ان احنا اخيرا عملنا الفرح وانك بقيتي كويسه وهتبقى معايا.
حور بسعاده /وانا كمان مبسوطه اوي.. بس فيه حاجه مش فهماها
مالك /ها
حور /انت لحقت تظبط دا كله أمته
مالك بغرور مصطنع /هو انا اي حد ولا ايه
حور /ايه التواضع دا كله
مالك /اقل حاجه عندي وعلفكرة انا عاملك مفجاه تانيه
حور بسعاده /بجد
مالك بابتسامه /ايوة
حور/طيب ايه هي
مالك /مفاجأه يا حوري
وفضلوا يرقصوا هما الاتنين
______________________
علي تربيزة
أحمد /انا مبسوط اوي ربنا يفرحهم يا رب
ايمان /انا بجد مش مصدقه اللي بيحصل دا بس فرحانه اوي
ريهام /بجد كل اللي حصل ولا كأنه حلم
ابراهيم /الحمد لله ربنا استجاب دعواتنا وحور خفت واهو عاملين الفرح
أسر /الحمد لله….. واكمل بمرح /ما تجوزوني انا كمان ينوبكم ثواب
فايزة اتكسفت وبصت في الارض والكل ضحك علي أسر
أحمد بضحك /هههههههههه ماشي يا استاذ أسر شوف معاد ونعمل زيارة ونحدد معاد الفرح
أسر بفرحه /بجد… اخيرا
الكل ضحك علي طريقته وفايزة خدودها احمرت اوي
انجي بغمزة /مبروك يا كبير
فايزة بخفوت /بس بقا يا انجي
____________________________
أمام منزل نورهان
ياسين /خديلي معاد من والدك عشان اجيلكم يا نوري
نورهان بابتسامه /نورك!!.
ياسين بضحك /ههههههه خدتي بالك من دي وسيبني اللي قبلها
نورهان اتكسفت وهو ضحك عليها.
ياسين بضحك /هههههه خلاص يا فراوله وبعدين ايوة يا ستي نوري عندك مانع ولا تحبي اغيرة
نورهان بسرعه /لا
ياسين بابتسامه /بجد انا كنت غبي اوي اني مشوفش حبك ليا
نورهان /كل حاجه ليها وقتها
ياسين /معاكي حق يلا بقا انزلي لان لو فضلتي شويه كمان مش هضمنلك انا ممكن اعمل ايه… لاني بجد حاسس اني عاوز اكلك
نورهان خبطته في كتفه /انت قليل الادب وفتحت الباب عشان تمشي
ياسين بضحك /هههههههههه متنسيش المعاد
نورهان بابتسامه /ماشي سلام
ياسين /سلام
_____________________&_____
في القاعه
الفرح خلص
مالك /انا هاخد حور ونسافر
أحمد /علي فين يابني وايه لازمه السفر
مالك /هنعمل عمره يا عمي
حور سمعت كلام مالك وانبسطت اوي لأنها من زمان نفسها تزور الكعبه
ابراهيم /ربنا معاكم يا بني ويسعدكم يا رب
ايمان حضنت حور /هتوحشيني اوي يا بنتي خلي بالك من نفسك
حور / وانتي يا ماما
ريهام وانجي بردوا حضنوها وودعوها
وفايزة حضنتها /مبارك يا روحي
حور /الله يبارك فيكي يا قلبي
أسر حضنها /هتوحشيني يا قلبي
حور /وانت كمان يا حبيبي
مالك شدها لحضنه بغيره /ونا بقول كفايه كده بقا
أسر /يا عم بحضن اختي الله
مالك بغيره /لا معتش تحضنها
الكل ضحك عليه وعلي غيرته
حور ومالك راحوا علي المطار عشان يلحقوا الطياره بعد ما ودعوا الكل
_________________________
في المستشفى
محمود /يا ترا الواد ياسين دا عمل ايه طاب ارن عليه دا ولا ايه
محمود لنفسه /طاب افرض كانوا لسه بيتكلموا
عقله /لا لا زمانهم اتكلموا وخلصوا الكلام كمان
محمود /ايوة ارن عليهم واعرف ياسين عمل ايه
عقله /ايوة دا احسن قرار
محمود /بس افرض كان الوقت مش مناسب
عقله /بسيطه رن وشوف عمل ايه وبعدين اقفل.
محمود لنفسه بغرور /صح هو دا اللي هعمله والله انا خساره في البلد دي
محمود مسك موبايله ورن عليه
محمود رن ولسه هيتكلم فاجاه الباب اتفتح جامد
محمود بصدمه /انت؟؟؟؟؟؟؟؟؟؟
يتبع…..
لقراءة الفصل السادس عشر والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد