رواية المنبوذة الفصل الأول 1 بقلم جيجي

رواية المنبوذة الفصل الأول 1 بقلم جيجي

رواية المنبوذة الجزء الأول

رواية المنبوذة البارت الأول

رواية المنبوذة الحلقة الأولى

هناك وفي واحدة من اعلى ابراج المدينة تقف مريم في شرفة منزلها حزينة مكتئبة * فقلة جمالها وظهور البثور في وجهها جعلت القاص والدان ممن حولها يتهكم عليها وكأنما لها دور في خلقتها
جلست حزينة تسترجع ما يظهر في شريط ذكرياتها من افعال الجيران والاقرباء ما جعلها تنطوى بعيدا عن اقرانها من الفتيات التى طالما حلمت بممارسة حياتها الطبيعية معهن دون تنمر منهن بل العكس فقد تخيلت بمساندتهن لاجتياز واحدة من اصعب المراحل العمرية التى تمر بها
اضفت عليها كل تلك الافعال طبائع الانطوائية والخجل بالرغم مما تحمله شخصيتها الرائعة من كل معانى الطيبة والحب للاخرين والتفائل لما هو آت
“مريم… فتاة جميله الروح.. طيبه القلب بريئه.. ذات كبرياء وكرامه… لا تعلم لماذا تغير شكلها فهى فى طفولتها كانت جميله الملامح.. ولكن تغير وجهها فأصبح مليئ بالبثور وحبوب الوجه بفعل هرمونات الجسم لدرجه انه اخفى ملامحها الحقيقيه… فلم تسلم من تنمُر اصدقائها وعائلتها… فأصبحت انطوائيه هادئه خجوله…. عديمه الشخصيه… تشعر بالخوف والقلق بشكل دائم…. وذلك عكس شخصيه اختها الصغيره ماهيتاب… التى تتمتع بالجمال وقوة الشخصيه فلديها الثقه بالنفس بالشكل الزائد عن الحد….
ويرجع ذلك الى امها فهى تغمرها بالدلال الزائد على عكس اختها مريم التى تسببت امها فى انعدام ثقتها بنفسها…
سوسن: يا مرييييم… قومى انشرى الغسيل.. انتى يا زفته..
مريم: حاااضر يا ماما… ثوانى بس بمشط شعرى…
سوسن: شعرك… دا الحاجه الوحيده اللِ حلوه فيكى غير كدا شكلك يقطع الخميره من البيت… ااه وقبل ما انسي ابقى انزلى لام فاروق بتاعت الخضار اشترى منها طماطم وفلفل ومتتأخريش

مريم: يا ماما ما تنزلى ماهيتاب اختى تشترى الخضار اشمعنا انا اللِ هعمل كل حاجه لوحدى….
سوسن: ماهيتاب ممكن حد يعاكسها علشان جمالها انما انتى مين هيبصلك وانتى شبه الشويش عطيه هههههههه
مريم بحزن: ليييه كدا يا ماما… ربنا يسامحك….
سوسن: بطلى بلطمه… ويلااا انشرى..
يا ماهيتاب يا ماهيتاب..
ماهيتاب: صباح الخير يا مامتى….
سوسن: صباح الفل والعسل على عيونك..فطرتى يا حبيبتى ولا اخلى مريم تعملك فطار….
ماهيتاب: مش دلوقتى يا مامتى انا ورايا كليه كمان ساعتين… عقبال ما اخد شور واجهز نفسي..
سوسن: ابوكم فين يا ولاد…..
مريم: اخيرا خلصت نشر الغسيل… بابا عند عمى عمر….
سوسن: حتى يوم راحته بيقضيه مع عمر بدل ما يقضيه معانا فى البيت…
ماهيتاب: ما انتى عارفه يا ماما ابنه زياد من ساعت ما سافر امريكا وهو بقى وحيد فبابا بيونسه وبيلعبوا شطرنج مع بعض…
مريم: ماما اما نازله اجيب الخضار عاوزه حاجه تانيه اشتريها…
سوسن: لا بس ما تتأخريش…
مريم: اخذت شنطه التسوق… وعند نزولها من المِصعد صدمت بشاب جميل الوجه ذو رائحه عطره طويل القامه ابيض البشره ذو عينين زرقاء بلون موج البحر… فشعرت بقشعريره عند ملامست يديه اثناء امساكه بها لمنع وقوعها عند الاصطدام به…
الشاب: انا اسف يا انسه… كنت مستعجل وما اخدتش بالى منك فخبط فيكى غصب عنى سامحينى… حصلك حاجه…
مريم بتوهان: هاه لا ولا حاجه عن اذنك… وجريت من امامه بأقصى سرعه عندها فقلبها كان يدق كالطبول….
الشاب بأستغراب: مالها دى.. هى شافت بعبع بتجرى ليه…
احدى الجارات: ازيك يا مريم ماما عامله ايه هو انتى فى السوق لوحدك…
مريم: انا كويسه يا طنط وماما كمان.. ااه لوحدى بشترى شويه خضار..
احدى الجارات: هو مفيش اخبار حلوه ولا ايه… ماتخطبتيش لغايه دلوقتى…
مريم: كل شئ نصيب.. وانا لسه مخلصه كليه ملحقتش يعنى اتعين بشهادتى علشان اتجوز….
احدى الجارات: امممم طيب ربنا يكرمك بأبن الحلال اللِ يسعدك ويهنيكى…. اسيبك انا تتسوقى براحتك ابقى سلميلى على مامتك…
مريم: هو فى ايه هو النهارده يوم المقابلات العالمى… ازيك يا تسنيم عامله ايه…

تسنيم صديقه مريم: مريييم عاش من شافك من ساعه ما خلصنا الكليه وانتى اختفيتى اخيرا شوفت وشك…
مريم: مش بخرج والله… زى ما انتى شايفه اخرى السوق وبعدين اروح بيتنا لغايه لما هخلل من قاعده البيت….
تسنيم: بقولك ايه المدرسه اللِ بشتغل فيها طالبين مدرسه موسيقى تانى ماتقدمى هى بنظام الحصه اصلها مدرسه انترناشونال.. وانتى شاطره من يومك وصوتك تحفه… هاه ايه رأيك…
مريم: يااااريت انا هقول لبابا واتصل بيكى…
تسنيم: اوكيه وانا مستنيه تليفونك… سلام يا مريوووم
مريم: يااارب ماما وبابا يوافقوا انا زهقت بقااا من البيت
سوسن: اخيرا ست الحسن والجمال جت من السوق كل دا تأخيييير
مريم: السوق كان زحمه…
سوسن: ليييه ام فاروق راحت فين.. كنتى اشتريتى منها…
مريم: مالقتهاش وسألت عليها قالولى ابنها عيان وما نزلتش تبيع فى السوق النهارده.. علشان كدا اتأخرت…
منصور: اقعدى ارتاحى يا مريم شكلك مجهد من مشوار السوق دا النهارده حر اوى….
سوسن: ترتاح ايييه روحى رصى الحاجات اللِ جبتيها فى التلاجه… كنت بتقول ايه يامنصور من شويه قبل ما تدخل مريم…
منصور: كنت بقولك زياد ابن اخويا عمر رجع من امريكا من شويه… سلمت عليهم وسبتهم يشبعوا من بعض وعزمتهم على الغدا بكرا….
سوسن بخبث: بجد هو خلص الدكتوراه بسرعه كدا…
منصور: بسرعه ايه مش هو اكبر من مريم بخمس سنين… ومريم مخلصه كليتها تقريبا من سنتين….
سوسن: مريم ايه دلوقتى خلينا فى ماهيتاب انت عاوزه يطفش مننا…
منصور: قصدك ايه!!!! مش فاهم
سوسن: يعنى البت اولى بابن عمها… وطبعا مش هيلاقى فى جمال ماهيتاب
منصور: بس انا واخويا من زمان متفقين ان زياد لمريم ومريم لزياد…
سوسن: دا كان زمان لكن دلوقتى الوضع اتغير انت مش شايف شكل بنتك بقى ازاى احنا هنضحك على بعض…. اسمع كلامى هو لما يشوف ماهيتاب هيتجنن عليها لوحده وابقااااا قول سوسن قالت…
مريم: طبعا سمعت كلامهم وقلبى كان بيتقطع للدرجادى انا دميمه ووحشه.. وافتكرت ابن عمى زياد واحنا صغيرين كان دايما بيلعب معايا ومش بيسمح لاى ولد يلعب معايا وكان دايما بيقول مريم دى بتاعتى انا وبس انا اللِ اللعب معاها
ولما كبرنا شويه كنا بنحب نسمع سوى اغنيه تملى معاك لعمرو دياب..
تملي معاك
ولو حتى بعيد عني في قلبي هواك
تملي معاك
تملي في بالي وفي قلبي ولا بنساك
تملي واحشني لو حتى بكون وياك

تملي معاك
ولو حتى بعيد عني في قلبي هواك
تملي معاك
تملي في بالي وفي قلبي ولا بنساك
تملي واحشني لو حتى بكون وياك
تملي حبيبي بشتاقلك
تملي عنيا تندهلك
ولو حواليا كل الكون
بكون يا حبيبي محتاجلك
تملي حبيبي بشتاقلك
تملي عنيا تندهلك
ولو حواليا كل الكون
بكون يا حبيبي محتاجلك إيه
تملي معاك
معاك قلبي معاك روحي يا أغلى حبيب
يا أغلى حبيب
ومهما تكون بعيد عني لقلبي قريب
يا عمري الجاي والحاضر يا أحلى نصيب
(تملي معاك (معاك
معاك قلبي معاك عمري يا أغلى حبيب
يا أغلى حبيب
ومهما تكون بعيد عني لقلبي قريب
آه يا عمري الجاي والحاضر يا أحلى نصيب
تملي حبيبي بشتاقلك
تملي عنيا تندهلك
ولو حواليا كل الكون

بكون يا حبيبي محتاجلك
تملي حبيبي بشتاقلك
تملي عنيا تندهلك
ولو حواليا كل الكون
بكون يا حبيبي محتاجلك إيه
إيه إيه إيه إيه
تملي حبيبي بشتاقلك
تملي عنيا تندهلك
ولو حواليا كل الكون
بكون يا حبيبي محتاجلك
تملي حبيبي بشتاقلك
تملي عنيا تندهلك
ولو حواليا كل الكون
بكون يا حبيبي محتاجلك
تملي حبيبي بشتاقلك
تملي عنيا تندهلك
ولو حواليا كل الكون
بكون يا حبيبي محتاجلك

تملي حبيبي بشتاقلك
تملي عنيا تندهلك
ولو حواليا كل الكون
بكون يا حبيبي محتاجلك

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية المنبوذة)