رواية ملاك الرحمة الفصل الخامس والعشرون 25 بقلم ناريمان سيد

رواية ملاك الرحمة الفصل الخامس والعشرون 25 بقلم ناريمان سيد

رواية ملاك الرحمة البارت الخامس والعشرون

رواية ملاك الرحمة الجزء الخامس والعشرون

رواية ملاك الرحمة الحلقة الخامسة والعشرون

الام : انت غلطي يا سحر غلطي يا بنتي علشان تجبيلي الدوى تدمري حياه شخصين اكيد مرات إياد بيه سابته دلوقتي بسبب العمله دي
سحر : عندك حق يا ماما انا لازم أصلح اللى عملته
( ماذا ستفعل يا ترى ؟؟! )
،،،،،،،،
وعلى الطرف الآخر
علي يضرب الباب بقوه وقلبه يتقطع لسماع صراخ ملك
كسر علي الباب بقوه ودخل إلى الشقه ليجد باسل يحاول كسر باب الغرفه التي بها ملك
باسل : انت يا استاذ انت بتعمل ايه هنا وازاى تدخل البيت بالطريقه دي
علي بغضب مسكه من ملابس وجذبه بقوه وأخذ يضربه في كل مكان بغضب شديد حتى نزف باسل من كل مكان وفقد وعيه
ألقاه علي على الأرض واتجه الي ملك
علي برفق : افتحي يا ملك متخفيش انا علي
ملك فتحت الباب وهي منهاره في البكاء وبدون أن تشعر ارتمت في أحضان علي وهي تبكي بشده
علي : متخفيش يا ملك انا معاكي محدش هيقدر يأذيكي
و………ملك !! ملك
فقدت ملك الوعي وحملها علي ونزل بها الي سيارته وانطلق الي المستشفي
……………
وفي المستشفى
استيقظت ملك لتجد علي أمامها ويبدو عليه نظرات الخوف
علي بقلق : عامله ايه دلوقتى يا ملك

ملك تذكرت ما حدث وبدأت في البكاء
علي بتهدئه : متخفيش يا ملك محدش يقدر يقرب منك طول ما انا موجود والك*لب ده انا بلغت عنه علشان يتربى واتضح انو دمر حياه بنات كتير واكيد هايخد جزائه
ملك بدموع وهي تمسك يد علي : انا اسفه يا علي اني مسمعتش كلامك مكنش لازم اطلع لوحدي
انا اللى غلطانه لأن كنت ملاحظه من الاول أن هو شخص سيء وكان لازم اسيب الشغل من اول يوم بس للاسف
……..لم تكمل حديثها وبدأت في البكاء بشده
علي : خلاص يا ملك كفايه عياط بقى وعلشان خاطر عيونك انا قررت ان الفرح بتاعنا يكون بعد اسبوع
ها ايه رايك
ملك : انا مش عايزه اجبرك على الجواز من وحده متجوزه قبل كده وكمان اتعرضت النهارده للتحر *ش
علي : ايه اللى بتقوليه دا يا ملك انا لما حبيتك حبيت ملك الشخصيه الطيبه الجميله من جوه مش مهم عندي ماضيك وجوازك قبل كده ولا حتى موضوع النهارده المهم عندي انك تكوني ليا ديما وانا أن شاء الله اقدر اسعدك واحميكي من العالم كله …ها قولتي ايه موافقه !؟
ملك بفرحه : موافقه طبعا
علي بسعاده أيضا : أن شاء الله تكوني معايا اسعد وحده في الدنيا وانا اكون ليكي كل عيلتك وسندك في الحياه
ملك : وانا متاكده وواثقة منك يا علي
…………
وبعد مرور أسبوع
جاء يوم زفاف علي وملك وتم كتب كتابهم وعند الميكب ارتست ارتدت ملك فستانها الأبيض الجميل الذى كان يبدو عليها اجمل وحجابها الذي زادها جمالا بعيونها الزرقاء وبشرتها البيضاء الصافيه
وصل علي بعد قليل وينبهر بجمال تلك الحسناء
علي وهو ينظر لها بحب : انت حلوه اوي

ملك : هو انا مكنتش حلوه ولا ايه
علي بضحك.: مجنونه ههههههههه انت احلى ميت مره من المكياج بس ايه الفستان دا كله باين كده هسيبلك القاعه واروح انا والمعاذيم في قاعه تانيه 😂
ملك بضحك : ههههههههه والله !!!
علي : بحبك يا مجنونه يلا علشان منتأخرش
وضع علي زراعه بزراع ملك وخرجوا من المكان تحت أجواء الاحتفال بهم والزغاريد والفرحه
وفي القاعه وصل علي وملك الي القاعه وبدأ احتفالهم في هذا اليوم وفرح لهم الجميع ومن ضمنهم الحجه منى التى حضرت العرس وهي جالسه على كرسي متحرك
الحجه منى : ربنا يسعدكم يارب ويحفظكم من كل سوء
وهكذا تكون انتهمت قصه علي وملك حيث عاشوا سويا حياه مليئه بالسعادة والحب والعشق بينهم كانت تزداد يوما بعد يوم
……………..
كان أدهم ذاهب الي عمله وبدون قصد يصتدم بهاجر
أدهم : انا اسف جدااا و….. مش انت هاجر صاحبة ريم
هاجر : أن وانت أدهم صح
أدهم : اه انا
هاجر : حمدالله على سلامتك يا استاذ أدهم
أدهم : الله يسلمك واسف على معاملتي ليكي اخر مره
هاجر : لا مفيش داعي للإعتذار انا مقدره موقف حضرتك
ادهم : شكرا جدا بعد اذنكم
هاجر : اتفضل
ذهب أدهم الي عمله وصعدت هاجر للاطمئنان على ام ريم
دقت هاجر الباب وفتحت لها ريم
هاجر بصدمه : رييييييم !! ثم ارتمت في احضانها بشوق
ريم بدموع : وحشاني أوي يا هاجر
هاجر بدموع أيضا : انت اكتر يا ريم

دخلت ريم وهاجر الي الدخل وجلسوا سويا في غرفه ريم
هاجر : طمنيني يا ريم ايه اخبارك واخبار جوازك ايه
ريم : انا الحمد لله بخير
هاجر : ليه مش مطمنه لكلامك يا ريم حاسه انك مخبيه حاجه و………..ويقطع حديثهم دخول الام واخبرت ريم أن هناك فتاه تريد مقابلتها
ريم : حاضر جيه
خرجت ريم وخرجت هاجر أيضا معها
ريم : خير حضرتك عايزاني انا ريم
سحر : انا سحر خدامه علا
ريم : علا مين انا مش فاهمه حاجه ؟؟!
سحر : انا تعبت اوي لما عرفت عنوانك علشان اقولك الحقيقه
ريم : طيب اتفضلي ادخلي
دخلت سحر واخبرتهم بكل شيء وخطه علا للإيقاع بإياد
ريم بصدمه : معقول !!
هاجر : في ايه يا ريم انا مش فاهمه حاجه
ريم : ….. أخبرتهم بكل شيء حدث بينها وبين إياد
ريم : انا اسفه يا ماما أن خبيت عليكي بس مقدرتش اقولك في الحاله دي
الام : ومين قالك اني مكنتش عارفه انت مفكره أن انا سيباكي قاعده الوقت دا كله ومعرفس انت مخبيه ايه
ريم : عرفتي !! عرفتي ازاي
الام : إياد هو اللى قالي كل حاجه وبصراحه انا مصدقاه لأن هو جه واعترف بنفسه ومصدقه كلام الانسه سحر إياد شخص كويس يا بنتي ومش بتاع الحركات دي وهو دلوقتي بيحبك انت وبس
ريم : صعب عليا اني اسامحه يا ماما اللى عمله معايا مش قليل علشان انساه في يوم وليله
هاجر : عندك حق يا ريم بس على الاقل ادي لنفسك فرصه وحاولي تسامحيه
سحر : المهم دلوقتي اننا نقدر نثبت دا في اسرع وقت قبل متضحك على الأستاذ إياد
ريم : عندك حق بس ازاي ؟؟!

فكر الجميع في خطه وفجأة
سحر : انا جاتلي فكره
ريم : اي هى ؟؟ بسرعه
سحر : احنا مش هنقدر نثبت دا غير بالكاميرات اللى في بيت علا هانم
ريم : كاميرات ؟؟! ازي وحده زارعه كاميرات في بيتها
سحر : اصل الاستاذ إياد مش اول واحد تعمل معاه كده عملت مع قبله كتير نفس الموقف والكاميرات دي علشان تصور وتهددت الناس دي وتاخد منهم اللى هي عاوزاه علشان متفضحهمش
ريم : مش معقول في واحده بالقذا*ره دي !!!!دي اكيد مش طبعيه ليه ترخص نفسها بالطريقه دي ؟؟!
هاجر : اكيد الطمع اللى عماها
ريم : المهم دلوقتي هانجيب الكاميرات دي ازاي ؟؟!
سحر : سيبوا الموضوع دا عليا انا هعرف اجيبها
ريم : تمام شكرا جدا يا سحر على بتعمليه معانا
سحر : انا اللى اسفه على الغلطه اللي عملتها للاسف الحوجه هي اللى خلتني اعمل كده عموما انا اول ما اوصل لجديد هاكلمكم علطول . بعد اذنكم
ريم : ربنا معاكي وتقدري تجبيهم من غير ما تحس
سحر : يارب
خرجت سحر من المنزل واقترحت هاجر علي ريم أن تخبر إياد بما حدث
ريم : مش دلوقتي يا هاجر لما أمسك الدليل لان اكيد الحيه اللى اسمها علا بتهدده وبتلف حاوليه علشان تاخد اللى هي عايزاه بس انا مش هاسيبها تعمل اللى في دماغها
( ماذا ستفعل ريم لتمنع علا ؟؟! )
………………..

في مكتب إياد
إياد : انا مبسوط منك جدا يا أدهم شغلك ممتاز وقدرت تثبت نفسك في وقت قصير بجد برافو عليك
أدهم : شكرا جدا يا استاذ إياد حضرتك اللى رجعتلي ثقتي بنفسي تاني
إياد : اولا أن قولت تناديني إياد بس من غير استاذ ثانيا انت كفائه وتستاهل كل خير واكيد ربنا بيعوضك عن كل حاجه خسرتها
أدهم : ونعم بالله
يقطع حديثهم دخول علا كاعادتها بثياب غير محتشمه ونظراتها اللئيمه
أدهم : بعد اذنك يا إياد
إياد : اتفضل
وبعد خروج أدهم
إياد بجدية : خير يا علا عايزه ايه
علا : انا هجبلك من الاخر انا عايزه نص الشركه دي تكون باسمي
إياد بصدمه : ايييه !!!!!؟. انت اكيد اتجننتي
علا : ايوا اتجننت يا إياد عملت كل حاجه علشان تكون ليا وبردو لسه بتجري ورا اللي اسمها ريم دي مش عارفه عجباك في ايه
إياد بغضب : اخرصي ومتجببش سيرتها على لسانك انت ازاي تقارني نفسك بيها
علا : عموما ياريت تعمل اللى طلبته في اسرع وقت
إياد : وايه اللى خلاكي واثقه من نفسك ومتاكده من اني هنفذلك طلبك
علا بسخريه : هتنفذه يا إياد عارف ليه ؟؟! علشان لو رفضت الصور دي هتبقى ترند على كل مواقع التواصل واكيد سمعتك هتتدمر مش بس السمعه لا والشركه كمان واسمك وكل حياتك
إياد بغضب : انت واحده رخي*صه علشان تفضحي نفسك مقابل شويه فلوس طلعتي حيه يا علا
علا : سيبك من الكلام دا بكرا تكون جاهز علشان تمضي عقد التنازل عن نص الشركه والا صدقني الشركه كلها هاتتدمر …. بعد اذنك يا …… دودي
خرجت علا تاركه إياد يزداد غضبا مره بعد مره من تلك اللئيمه ( ترى ماذا سايفعل وهل ساتنقذه ريم في الوقت المناسب ؟؟! )

…………..
وعلى الطرف الآخر
يارا : شكرا جدا يا احمد على مساعدتك ليا من غيرك مش عارفه كنت هاخلص من المجرمين دول ازاي جميلك دا مش هانساه ابدا
أحمد : ودلوقتي جه وقت ترديلي الجميل
يارا : قولي ازاي ؟؟!
أحمد يجلس على ركبتيه أمامها وبكل عشق : تتجوزيني يا يارا ؟؟!
يارا وجهها احمر بالكامل : انت بتقول ايه انت ا….
أحمد : عارف اني فاجئتك بالموضوع بس صدقيني مقدرتش استنى اكتر من كده
يارا : طيب وسيلين ؟؟!
أحمد : انا وسيلين كنا فعلا متفقين على الجواز بس انا اكتشفت ان كان احساسي اتجاها اعجاب وبس عمري ما حسيت معاها اللى حسيته معاكي
يارا : اومال ايه حكايه القصه الرومانسيه اللى كنت بشوفها بينكم دي ؟؟!
أحمد بضحك : دي كانت مجرد تمثليه علشان اتأكد انك انت كمان بتحبيني
يارا بتمثيل : بس انا مش بحبك
أحمد : لا يا يارا انت بتحبيني وبتحبيني اوي كمان كان واضح من غيرتك عليا
يارا : غيره !!! غيرة ايه انا مش بغير على حد
أحمد : بطلي بقى انكار كل حاجه واضحه حتى قدام إياد اخوكي
يارا بصدمه : إياد ؟؟!!
وهنا دخل إياد وهو يقول : ايوا يا يارا انا عارف كل حاجه وأحمد هو اللى قالي وبصراحه انت لو لفيتي العالم مش هتلاقي حد يحبك زي احمد وكمان انا هبقى مطمن عليكي معاه
يارا : بس ا……..
إياد : مفيش حد هايجبرك على حاجه يا يارا القرار قرارك
قولتي ايه
يارا بفرحه : موافقه طبعا
(مش عارفه ايه حكايه خطوبه المستشفيات دي 😂😂)
أحمد بفرحه : بجد يا يارا …انا مش مصدق نفسي
إياد : ربنا يفرحكم ويهنيكم
يارا : ويهانيك انت كمان بريم يا إياد

إياد بحزن : يا رب
إياد : صحيح يا يارا كنت عايز احييكي على اللى عملتيه في المستشفى لحد دلوقتي بجد تغيير واضح لاحظته
يارا : دا حلم بابا وان شاء الله هاحققه قريب
وبالفعل استطاعت يارا تحقيق هذا الحلم حيث ادخلت التكنولوجيا الحديثة في المستشفى وكل المعدات الحديثه والمتطورة في العلاج وتعاقدت مع أكبر الشركات للادويه وايضا جعلت الأطباء والممرضين على أعلى كفائه وأصبحت هذه المستشفى معروفه محليا وعالميا وبالفعل حققت نجاح باهر واستطاعت يارا تحقيق هدفها بالفعل
وبعد تحقيق هدفها الذي جعلته شرطا أساسيا قبل زواجها من أحمد جاء موعد زواجها وتزوجت بالفعل من أحمد دون أي مشاكل لأن سيلين لم تستطع فعل شىء لأنها عادت إلى بلادها اجباري عنها بعد تهديد والديها لها بعد معرفتهم بالموضوع
وعاش احمد ويارا سويا يتحدون الصعاب سويا ويساعدون بعضهم في تحقيق حلم كلا منهم وكانت وبمساعدة احمد كانت المستشفى تتطور مره بعد مره حتى أصبحت هي الافضل محليا وعالميا وذلك في مده قصيره
( وأحب اقول هنا أن مهما كان الحلم كبير فهو مش مستحيل وتقدر عليه بمجهودك وتعبك وايمانك بربنا وبذاتك مهما اخد وقت ومهما فشلت بس اكيد في النهاية هتوصل للي انت عاوزه ………)
ودي كانت نهاية قصه احمد ويارا
وطبعا ملهاش علاقه بباقي ابطال الروايه
…………..
في منزل علا دق الباب وفتحت علا وهي تتوقع أنه إياد
ولكنها فتحت لتجد سحر أمامها
علا بسخريه : ايه جابك هنا ؟؟!
سحر : …………..

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية ملاك الرحمة)