رواية شط الغرام الفصل الرابع 4 بقلم سلمى تامر

في عربية عمر

ريان كان سايق بسرعة طيارة+

احمد بتفكير:طب هنوصل لمكانها ازاي ياريان؟؟

ريان بشرود:

Flash back

ريان بإبتسامه:طبعا انا ملحقتش اجيبلك شبكتك..بس جبتلك خاتم واتمنى ذوقي يعجبك

ندى بصت للخاتم بفرحه :الله ياريان ده جميل اوي

ريان بحنان وهو بيلبسهولها:ألبسيه على طول ياندى واوعي تقلعيه من إيدك..حتى لو علاقتنا انتهت

ندى هزتلو راسها وبصت للخاتم اللي فإيديها بفرحه

Back

ريان:وحطيت فالخاتم ده جهاز تعقب ..لأن عارف ان فاروق هيحاول يوصلها بأي طريقه

احمد بعدم فهم:فاروق مين؟

ريان حكلهم كل حاجه وهو سايق بسرعه شديدة جدا

عمر بصدمه:ده مش طبيعي ده سايكو

ريان بتأكيد:فعلا ..مريض نفسي ..عرفت انو قاتل تلت دكاترة قبل كده حاولو يعالجوه ..وكمل بخوف وهمس:ربنا يسترها عليكي ياندى

احمد سمعو وحس بيه..افتكر لما صافي صوبت السلاح على لمار وقد اي خاف عليها

**

بعد فترة التلاته نزله من العربية

ريان حضر الاسلحه اللي جابها من عربيته وعطى لكل واحد سلاحين وجهز نفسه

دخلو المكان بتخفي والسلاح كان كاتم للصوت

ريان ضرب كل الحراس اللي كانوا عالباب

ودخل بهدوء أوضه أوضه

عمر واحمد كانو بيضربو لكن مش بيقتلوا وأمنوا ضهر ريان

ريان سمع دوشة فأوضه فتحها بحذر

لقى تلت رجاله رابطين ندى

بص لندى بصدمه لقاها غايبة عن الوعي وبتنزف من كل حته فجسمها وواحد بيحاول…..

ريان بصلهم بغضب شديد وعيون :ياولاد الكلب وحياة امي لهقتلكم

الريان دخل عليهم بكل خفة ورشاقه وقدر يتغلب عالتلاته بمنتهى الحرافيه

جرى لندى وشالها برة الاوضه دي

ريان بخوف ولهفة:ندى..لا ياندى متروحيش مني مش هقدر اعيش من بعدك..وكمل بصراخ :ندى

عمر واحمد جروا عليه بعد مسمعوا صوت صريخه

احمد قرب من ندى بسرعه وقاس نبضها

احمد بتنهيدة:متقلقش يا ريان هي كويسه

عمر جاب ماية من العربية بتاعتهم وجيه بسرعه:امسك ياريان رشها عليها

ريان اخد الإزازة بسرعه وفتحها ورشها على ندى

ندى فاقت بتوهان وحست بألم شديد فجسمها

بصت لريان بلهفة وعدم تصديق:ر ريان ؟؟!انت عايش ولا انا اللي رحتلك؟؟

ريان بضحك وألم عليها:عايش ياندى ..متقلقيش ياحبيبتي انتي بخير

ندى حضنتو جامد وانهارت من العياط والصريخ:انا كنت خايفه اوي عليك ياريان

ريان ضمها جامد وحاول يهديها:اهدي ..اهدي ياحبيبتي انا كويس متقلقيش..

ندى بخوف ورعب وبكاء :ف فاروق فاروق هنا ياريان

ريان ملامحه اتبدلت وعنيه احمرت:قسما بالله مهسيبو موته هيبقى على ايدي..قلبت البيت عليه بس مش لاقيه

***

فاروق بعصبيه:انت مش قولتلي ياحمار انت ان المكان ده محدش يقدر يوصله وعلشان كده محطتش حراسه كتير؟؟

اارجل بخوف:والله ياباشا انا كنت مرتب كل حاجه ..معرفش ازاي الواد وصحابه قدروا يوصلولناا ..دول خلصوه عالرجاله كلهم

فاروق بشر وجنون:لأ منا مش هضيعها من ايدي تاني ..افتح الباب

الرجل برعب:ياباشا خليك فالأوضة السرية..لو طلعت هيخلصوا عليك

فاروق بصريخ :افتح الباب بقولك

الراجل نفذ اوامرو برعب..

**

في الجامعه

مازن راح لإياد وياسمين بإبتسامه خبيثه

مازن:بقولك اي يا إيدو..انت وصاحبتك معزومين على عيد ميلادي النهارة

إياد بصله بغيرة لما لاحظ بصاته لياسمين واللي فهمها كويس

اياد بغضب مستتر:لا معلش يامازن ياسمين مش هتقدر تيجي..انا هاجيلك ياصاحبي

مازن بمكر:لي بس دي انسه ياسمين تشرفنا

إياد بضيق:لأ قولت مش هتيجي

مازن :خلاص براحتكو وسابهم ومشى

ياسمين بصت لإياد بدموع:انت مش عايزني أروح معاك لي يا إياد؟؟انت بتستعر مني وسط صحابك علشان انا وحشه صح؟؟

إياد بصلها بصدمه:اي اللي انتي بتقوليه ده ياياسمين؟؟؟

ياسمين بغضب وألم:تعرف اني من ساعة مشوفتك فالجامعه وانا حبيتك؟؟تعرف ان كنت بموت لما بشوفك مع بنات غيري..ولما جيت وطلبت نبقى صحاب كنت هموت من الفرحه..وفالآخر بتستعر مني؟؟انا غلطانه اني وافقت اقرب منك عن اذنك

اياد بصلها بفرحة حقيقيه وصدمه:استني يابت المجنونه..انتي بتحبيني بجد؟؟

ياسمين بصتله بخجل ودموع

اياد بفرحه وحب:اقسم بالله لهتجوزك يا ياسمين..وبعدين مين اللي قال انك وحشه؟؟انتي احلى بنت فالدنيا بالنسبالي ..وهاخدك معايا عيد ميلاد باليل وهعترفلك بحبي قدام كل االلي فالجامعه لأن اكيد مازن عزمهم

***

احمد وعمر سبقوا ريان عالعربية

ريان شال ندى اللى ابتدى التعب يبان عليها وقام علشان يمشي

:استنى ياحبيب ماما رايح فين