رواية ورقتي الرابحة الفصل الرابع 4 بقلم نشوة عادل

رواية ورقتي الرابحة الفصل الرابع 4 بقلم نشوة عادل

رواية ورقتي الرابحة البارت الرابع

رواية ورقتي الرابحة الجزء الرابع

رواية ورقتي الرابحة الحلقة الرابعة

-نزلت صفا ع النفق السرى وانبهرت بجمال المكان واناقته لكن لقت الحيطة عليها صور لناس منهم معمول عليهم علامة اكس وخرائط وارقام مصرية وغير مصرية صورت كل حاجة وطلعت بسرعة وهى خارجة من الاوضة خبطت فى شخص
خالد بحدة: انتى كنتى بتعملى ايه ؟
صفا وهى بتحاول تمسك نفسها: ابدا ده انا كنت بنضف حضرتك
خالد : اومال مالك طالعة كده ليه وفين دادة فاتن ؟!
صفا: اصل ………….. وقالت فاتن مقاطعة: الجردل اهو يا صفا معليش يا بنتى اتأخرت عليكى
خالد بحدة: وانتى ازاى تسبيها لوحدها فى الاوضة يا دادة انا مش منبه الف مرة متسبيش الاوضة لحد وتكونى معاهم زى ضلهم
وبسبب الصوت العالى خرج الكل من غرفهم بما فيهم الجد محمد الضو اللى قال: ايه الصوت العالى ده فيه ايه يا خالد؟!
خالد: اسف يا جدى بس دادة فاتن كانت سايبة البت دى لوحدها بالاوضة وانا منبه عليها متخرجش وتسيب حد فيها
محمد: خلاص اهدى واتمالك اعصابك واكيد فاتن مش هتسيب البنت دى لوحدها الا اذا كانت واثقة فيها
فاتن: دى حقيقة والله يا باشا دى بنت امينة وكويسة
كاد خالد انه يرد لكن قاطعه والده احمد: خلاص يا خالد ولو سمحتى يا فاتن الغرفة متتسبش تانى
فاتن: حاضر يا بيه

صفا وفاتن دخلوا المطبخ ونطقوا الشهادة بعدها دخل عمر وضياء ليهم وقال : انا اسف يا دادة ع اسلوب خالد وانه على صوته عليكى
فاتن: مفيش حاجة يا دكتور
ضياء: وانتى يا صفا متزعليش من خالد اصل الاوضة دى كانت بتاعت امى وفيها الحاجات الخاصة بيها عشان كده خالد مبيحبش حد هو ميعرفوش كويس يدخلها
صفا: والله يا ضياء بيه احب اقولك انى بسبب اخوك انا مش هتجوز
ضياء: ليه يعنى ؟!
صفا: عشان قطعت الخلف لقيته واقف قصادى زى عفريت العلبة معرفش خرج منين
انفجر ضياء وعمر بالضحك …عمر: ما هى لماضتك دى هتوديكى فى داهية معاه ركزى فى شغلك وبس
عدى اليوم ورجعت صفا ع البيت ومعاها فاتن وكان حسام بانتظارها
حسام بلهفة: ها عرفتى تدخلى الاوضة السرية!
صفا: طبعا يا باشا ده انا صفا والاجر ع الله
طلعت الصور اللى ع فونها ووريتها ليه وكانت فاتن مركزة فاخدت الفون من ايد حسام وكبرت الصورة وفجأة عيونها دمعت وبدأت تعيط. …. صفا : مالك يا دادة فى ايه ؟!

فاتن ببكاء: دى صورة مراد ابنى اللى قتلوه
صفا ركزت بالصورة واترحمت عليه اما حسام قال : ومعظم الصور اللى عليهم اكس دول ناس كانوا شغالين معانا واتكشفوا عشان كده الصقر اتخلص منهم
صفا: طب والناس اللى صورهم مش عليهم علامة
حسام: انا عارف اثنين منهم لانهم شغالين معانا اما الاربعة التانيين دول رجال اعمال ودكاترة تقال واكيد الدور عليهم ف القتل
صفا بخوف: يعنى لو هما عرفوا انى تبعك هيخلصوا عليا؟!
حسام: ده اكيد بس فى حالة واحدة وهى انك تكشفى هوية الصقر الحقيقى
صفا: بس انا مش عايزة اموت يا حسام باشا
حسام: خليكى ذكية وانتى مش هتتكشفى المهم دلوقتى هما بيدخلوا الاوضة امتى؟
فاتن: محدش بيدخلها نهائى
حسام: ازاى اومال بيدخلوا النفق ده ازاى؟!
صفا: ما يمكن فيه باب تانى بيدخل منه عشان ميتعرفش
حسام: فعلا ده احتمال قوى برضه عشان كده لازم تعرفى الباب ده فين المرة الجاية وخدى دى اجهزة تصنت عايزك تحطيها فى النفق
صفا: حاضر بس هى ايه الخرائط والارقام دى ؟!

حسام: دى خرائط بتوضح دخول الشحنات بتاعتهم مصر وخط سيرها من امريكا لاوروبا لحد ما بتدخل مصر عن طريق البحر المتوسط اما الارقام دى ف ع الاغلب دول عملائهم فى مصر وبرة مصر
صفا: ده الصقر ده طلع داهية
حسام: ليه مش كان مستحيل يكون حد من العيلة دى وانى غلط
صفا: قلبك ابيض يا باشا
غادر حسام وفاتن اما صفا فكانت بتفكر ازاى تكشف الصقر من غير ما تخسر حياتها وطبعا صدعت من كتر التفكير ونامت …… عدى اسبوع وجه يوم الجمعة الموعود ودخلت صفا ع النفق واتفاجئت ان مفيش فيه اى حاجة من اللى شافتها المرة اللى فاتت وكان فيه طفاية مليانة سجاير وفجأة النور قطع جات تجرى عشان تخرج خبطت فى حد وفجأة ولع كشاف وكانت صدمتها لما لقت انه …………….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ورقتي الرابحة)