رواية حكاية نور الفصل الأول 1 بقلم روكا محمود
رواية حكاية نور الفصل الأول 1 بقلم روكا محمود
رواية حكاية نور البارت الأول
رواية حكاية نور الجزء الأول
رواية حكاية نور الحلقة الأولى
_سبتوا بعض ليه ؟؟
بدأت اتكلم وانا بحاول امنع نفسى من أنى اعيط
_ قول سابنى ليه انا صحيت لاقيته عاملى بلوك من كل حاجه ومش سايب وسيله اقدر اوصله بيها مع إن قبلها بيوم كنا بنتكلم ومكانش فى اى حاجه حصلت طب .. طب حتى كان المفروض يقولى السبب مش يسيبنى لأفكارى ودماغى تودى وتجيب
_ احكيلى فى بدايه علاقتكم كان بيتعامل ازاى معاكى
بدأت احكيله وكل ذكرى ما بينا بتمر قدام عنيا وبتوجع قلبى بزياده
_ كان بيهتم اوى وبيحب يعرف التفاصيل الصغيره قبل الكبيره وكان يكلمنى اغلبيه الوقت ولو مش فاضى بيفضى نفسه حتى كان ساعات كتير يكلمنى وهو شغال ، وكان بيغير عليا وبيخاف عليا ويقلق لو غيبت عنه يوم كل تصرفاته كانت تدل على أنه بيحبنى
_ وفى الفتره الأخيرة دى كان بيتعامل معاكى ازاى
_ كان بيغيب عنى كتير بحجه إنه مش فاضى وكنت ابعتله ويكون اونلاين ويفضل معلق المسدچ بالساعات واوقات بتوصل لأيام وأهملنى جامد ومكانش بيحب يسمعنى زى الأول و ردوده كانت بتكون مختصره يعنى ” ماشى ، تمم ” كده يعنى اللى هو بيقفل فى الكلام ولما اعاتب كان بيقلب عليا الترابيزه أنى مش مقدره أنه مضغوط فى الشغل وطالع عينه .. كنت بأجى على نفسى واسكت علشان خاطر بحبه ووقفت جمبه كتير وادعمه واشجعه وفى النهايه لأقيت اى سابنى ‘بعد وعود كتير إنه عمره ما هيتخلى عنى وميقدرش يعيش من غيرى’
قام وسابنى دفع الحساب ورجع وبإبتسامة هاديه قالى
_ دلوقتى هاخدك مكان هيعجبك
_ امسكى الورقه والقلم واكتبى كل اللى جواكى وبعدين ولعى فيها وارميها فى البحر
اخدت الورقه والقلم وانا مستغربه انى هستفاد اى لما أعمل كده وكتبت فعلًا كل اللى جوايا
_ ولعى فيها وارميها بقى فى البحر وارمى معاها الشخص دا بكل ذكرياته هو صعب بس هتقدرى
بعد شهرين .. كنت قاعده فى اوضتى بعيط كالعاده مبقتش اخرج زى الأول ولا بقيت عاوزه اكلم حد ولا اشوف حد حاسه الحياه باهته ومالهاش اى لازمه من غيره … كل يوم فى صراع جوايا طب انا عملتله ايه ؟ طب سابنى ليه بالطريقه البش*عه دى ؟ يمكن زهق منى طب حتى لو زهق كان يقول لكن هو بعد كده من غير اسباب .
فتحت الواتساب وبعت لأميره صحبتى
_ ازيك يا اميره
بعد دقايق ردت
_ الحمدلله وانتى
_ مش تمام خالص يا اميره مخنوقه اوى مش قادره استوعب لغايه دلوقتى إنه سابنى
اميره بملل
_ ما خلاص يا نور دا انتى اتنشن اوى واوڤر
” اتنشن ” قريت الكلمه اكتر من خمس مرات وبستوعب إنها بتقولى كده يعنى اى بتقلل من زعلى وأنى كده بالنسبالها اوڤر دا هى صاحبت عمرى يعنى المفروض تكون فهمانى وحاسه بيا وبالوجع اللى بينهش فى قلبى كل ليله
فضلت فاتحه الشات حوالى نص ساعه لغايه ما قررت أنى هعملها ” بلوك ” ايوه هعملها بلوك علشان مبحبش حد يستهون بزعلى دا هى المفروض تحتوينى لحظتها اكتشفت إنها فعلًا وجودها غلط فى حياتى وأنى دايمًا الطرف الكويس فى العلاقه دى انا اللى دايمًا اقدر ، واسمع ، واحتوى .. طب وهى فين دورها ويوم ما اجى اتكلم علشان هى تسمع قللت من زعلى وقد اى انا اتنشن واوڤر … احنا بالفعل بقينا عايشين فى مجتمع مخيف يعنى لو واحده نزلت مشكلتها فى جروب يقولوا عليها أوڤر واتنشن او إن مشكلتها فيك وممكن كمان يتقال كلام سلبى يأذى النفسيه !
رنيت على مروان تقريبًا هو الوحيد اللى بيسمعنى من غير زهق وبيعرف يخرجنى من المود بخفه دمه … والفتره الاخيره قربنا من بعض شويه احنا اه صحاب من الجامعه بس عمرنا ما كنا قريبين اوى لبعض
_ ازيك يا مروان
= الحمدلله يا نور انتى ايه اخبارك
رديت عليه بصوت مكتوم من العياط
_ مش كويسه محتاجه اتكلم معاك شويه لو انت فاضى ومش هعطلك
= طبعًا فاضى ولو مش فاضى افضالك مخصوص
ابتسمت على كلامه وإهتمامه بيا وبزعلى حقيقى إحساس حلو لما تحس إنك مهم عند حد وإنك تلاقى شخص يزعل على زعلك ويفرح لفرحتك
_ اوقات بحس أنى وحشه بسبب إن الكل بيبعد عنى او هما بيزهقوا منى طب ليه يحسسونى أنى شخص غير مرغوب فيه ليه يوصلونى لمرحله انى بقيت اخاف ارجع اتعلق بحد تانى … فى الاول عمر وبعدين لاقيت صاحبه عمرى بتستهون بزعلى وأنى قد اى اوڤر واتنشن .. واهلى بعاد عنى كل العلاقه بينا مشاكل وأنى ماليش اى تلاتين لازمه ولما اقعد احكى معاهم عن حلم نفسى احققه يفضلوا يقللوا منى ومش نافعه فى حاجه وتبدأ المقارنه بينى وبين بنات خالاتى .. انا جبت اخرى من كل حاجه ومش عارفه الجأ لمين حاسه أنى تايهه
= لربنا .. الجأى لربنا جربى تقربى من ربنا مش إنك تصلى وتحسى إنه دا واجب عليكى تعمليه او انه فرض مش اكتر لا حطى فى قلبك حبك كله لربنا وبعد كده اهلك صحابك اى شخص بعد كده .. وعلشان تحبى صلاتك
1- اول ما تقفى على سجاده الصلاه وترفعى ايدك ابتسمى ابتسامه متلهفه إنك بتقابلى حد بتحبيه وقولى الله اكبر وجواكى صوت ” جتلك ياحبيبى خمس دقايق اصلك واحشنى ” متفكريش إن دا جنان دا مش جنان إنك تكلمى ربنا اللى خلقك واقرب ليكى من ابوكى ومامتك
2- “مالك يوم الدين ” ربنا بيتباهى بيكِ قدام الملايكه يقولهم ” عبدى شهد أنى مالك يوم الدين – خففوا عنه فى يوم الحساب حسابه ” … “إياك نعبد وإياك نستعين ” يرد ربنا ” صدق عبدى .. عبدى صادق هو بيعبدنى خد ياعبدى حسنات.. وبيستعين بيا ”
3- “إهدانا الصراط المستقيم ” فحبيبك يرد ” بس كده ياعبدى ؟ عبدى طلب منى طلب وله ما طلب .. الصراط المستقيم ده اللى هتمشى عليه يوم القيامه كلما كان مستقيم كان وصولك للجنه أسهل فتخيلى ربنا بعزته وجلاله يرد يقولك حاضر ياعبدى لك ما طلبت “
4- ” الحمدلله رب العالمين ” فحبيبك اللى خلقك يرد عليكِ يقولك ” حمدنى عبدى – عبدى شكرنى وعرف إن النعمه اللى معاه من عندى ، خد يا عبدى نعم كمان ” ….. ” الرحمن الرحيم ” حبيبك يرد يقول ” شهد لى عبدى أنى رحمن رحيم خد ياعبدى من رحمتي كمان ”
5- وقت سجود لله لما تهمسى فى بطن الارض فيسمعك من فى السماء … ” ابدائي خرجى اللى جواكى كله فضفضى لربنا وكمان اتكلمى زى ما انتى عايزه يعنى مثلًا احكى قولى صحبتى عملت كذا ”
متمشيش بمبدأ إن الصلاه روتين وإنك مغصوبه تعملى كده لا خديه بمبدأ إنك راحه تقعدى مع ربنا شويه حتى لو خمس دقايق .. كتير على اللى خلقك ؟ اللى إداكِ نعم لا تعد … لما تلجأى لربنا هتلاقى كل حاجه بقت حلوه ومشاكلك بتتحل يعنى انتى بتكونى شايله هم حاجه ومش عارفه تعملى ايه وربنا بيدبرها من عنده من غير ما تعملى حاجه … والجأى لربنا قبل اى مخلوق البشر احيانًا كلامهم مؤذى لكن ربنا احن عليكى من اى حد حتى من امك وابوكى … قومى اتوضى وصلى هتلاقى قلبك ارتاح
قفلت معاه وانا حاسه براحه نفسيه من كلامه عن ربنا… قومت اتوضيت وفرشت سجاده الصلاه وأول ما قولت ” الله اكبر” دموعى نزلت وصوت شهقاتى عليت .. خلصت صلاه وانا حاسه إن حزنى اتبدل لسعادة ونفسيتى اتغيرت 180 درجه ، قومت مسكت الفون اشوف روايه بس لاقيت مسدچ على ” الواتساب ” من عمر .. حسيت إن مفيش هواء ومش قادره اتنفس ولا امسك اعصابي
فتحتها وانا بترعش وكان محتواها كلمه واحده بس
_ ازيك
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حكاية نور)