رواية تزوجني ولكن الفصل التاسع عشر 19 بقلم الكاتبة الصغيرة
رواية تزوجني ولكن الفصل التاسع عشر 19 بقلم الكاتبة الصغيرة
رواية تزوجني ولكن البارت التاسع عشر
رواية تزوجني ولكن الجزء التاسع عشر
رواية تزوجني ولكن الحلقة التاسعة عشر
اسماء : انا موافقة انا مش هلاقي احسن من خالد
انصدم الكل من كلامها حتي خالد وفي باله هي من امتي بتحبه كدة
مروة قامت بسرعة وقالت : انتي ازاي توافقي علي كدة توافقي انك تتجوزي جوزي مش علي اساس انا اختك انطقي
مسكها خالد من ايدها وقال بغضب : اهدي ي مروة لو سمحتي
مروة : انت عاوزني اهدي ازاي وانت هتتجوز عليا
سحبها بسرعة وطلع هو وهي لاوضتهم اما محمود بص لاسماء بفرحة شديدة لان خطتهم قربت تنجح والا دا اللي كانو مفهمينوا لهم
محمود : انا هجهز لحفلة الخطوبة من دلوقتي اكيد حفلة خطوبة خالد محمود السويسي مش هيبقي اي حاجة
مشي وسابها وهي قعدت جمب جميلة وهنادي اللي كانوا منتظرين يسمعوا السبب اللي خلاها توافق
اسماء : عارفة انكم عاوزين تعرفوا انا وافقت ليه انا عملت كل دا عشان محمد احنا خلاص بقي في ايدنا الدليل اللي يثبت براءته بس فاضل الكل يعرف حقيقتهم ودا هيحصل في حفل الخطوبة اللي اكيد كبرات البلد كلهم هييجوا
هنادي : يعني انتي متاكدة من اللي بتعمليه
اسماء : انا هعمل اي حاجة بس المهم محمد يطلع من السجن واللي كانوا السبب في حبسه ياخدوا جزاءهم
جميلة : بس انا حاسة ان اللي هيحصل دا هيكون وراه مصيبة
اسماء : متقلقوش انا هتصرف ومسئولة عن اللي هيحصل
هنادي : طب ومروة
اسماء : مروة ذكية وهي اكيد عارفة انا عملت كدة ليه واللي حصل دلوقتي كانت خطة ما بينا اصلا
عند مروة وخالد كانوا فوق في اوضتهم ومروة بتمثل انها بتعيط وخالد جمبها حاضنها
خالد : اهدي ي مروة ي حبيبتي
مروة : حبيبتك وحبيبتك دي اللي هتتجوز عليها صح
خالد : مروة انتي عارفة اني بحبك انتي ومستحيل احب غيرك وجوازي من اسماء دا جواز مصلحة بس
مروة : يعني ايه
خالد : لحد ما ناخد ورثنا وبعدها هطلقها
مروة : وعد
خالد : وعد يلا بقي قومي كدة وبطلي عياط
تسريع الاحداث جينا ليوم الخطوبة وكل حاجة كانت جاهزة ومظبوطة في اليومين دول عرفت مروة خطة اسماء واسماء سلمت الدليل لسليم ومايا بردوا كانت بتوصل اللي بيحصل كله لمحمد
في اوضة اسماء كانت جاهزة وقاعدة مع جميلة وهنادي ومروة وهي متوترة
مروة : اهدي اسماء ي حبيبتي
اسماء : انا هادية بس بفكر في اللي احنا هنعمله
هنادي : احنا كلنا معاكي وجمبك
جميلة : متفكريش في حاجة ويلا عشان تنزلي كلهم مستنيين تحت
اسماء : يلا
نزلت اسماء والكل معاها ما عدا مروة اللي علي اساس مش موافقة اول ما وصلت اسماء مسك خالد ايدها وباسها وهي كانت بتبتسم غصب عنها واخدها وراحوا في المكان المخصص لهم
بعد فترة قامت اسماء من مكانها ومسكت المايك واتكلمت
اسماء : انا في المناسبة السعيدة دي احب اهدي الهدية دي لعمي محمود وابن عمي خالد واقولهم انا ميشرفنيش اني اكون من عيلتكم واستمتعوا بالعرض
في الوقت دا اشتغل فيديوا باتفاقهم علي قتل علي وكمان صفقات مشبوهة كتير انصدم خالد ومحمود قرب خالد من اسماء بهدف اذيتها لكن دخول سليم ومعاه فريقه مسكوه ومسكوا محمود اللي كان بيحاول يهرب
سليم : خلاص كل الادلة وصلت لنا وكنا مستنيين اللحظة المناسبة للقبض عليكم اقدر اقولك دلوقتي ي استاذ خالد game over
خالد : اوعوا تفتكروا انكم خلصتوا مني انا هرجع تاني ووقتها هتندموا علي كل دا هندمكم علي اللي انتوا عملتوه وانتي ي مروة وعد مني اني مش هسيبك ابدا لانك ملكي انا وهتفضلي ملكي لاخر يوم في عمرك وهخلص حسابي معاكم واستنوا وشوفوا
اخدوه معاهم اما سليم فاخدهم وراح علي قسم الشرطة عشان يطلع محمد بعد ما طلع براءة
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية تزوجني ولكن)