رواية ليلة زواج زوجي الفصل الثامن 8 بقلم منصور سيد

رواية ليلة زواج زوجي الفصل الثامن 8 بقلم منصور سيد

رواية ليلة زواج زوجي البارت الثامن

رواية ليلة زواج زوجي الجزء الثامن

رواية ليلة زواج زوجي الحلقة الثامنة

نزل الكلام عليا كالصاعقه وحسيت ان الدنيا بتلف بيا ولسه بقول السا*فل الحيو*ان
ماحستش بنفسي وسقطت على الأرض مغمى عليا
عشان افوق بعدها والقى امامى قاسم واقف وفى ايده بوكيه ورد و بيقول لي حمدلله على سلامتك ياقمرى
ماحستش بنفسي الا ودموعى نزلت منى لا اراديا ولفيت وشي الناحيه التانيه وقولت له بصوت ضعيف ومريض انت ايه اللى جابك انت ليك ايه هنا ياريت تمشي مش طايقه اشوفك أمامى
فقال انا غلطت وكنت غبي واعمى القلب والنظر
بس الغشاوه زالت من على عيني وجي أصلح غلتطى والم شمل اسرتي واطلب من قلبك الكبير اللى تحمل وقحتى كتير
فقولت له غور من امامى بصوت عالى ملىء بالوجع والجرح والألم

فصاحبتى قالت له طب معلش امشي انت دلوقتى عشان هى تعبانه والدكتور محرج علينا ان عرضها لأي ضغط او عصابيه وقال لان ده غلط عليها وعلى الجنين وانا هتكلم معاها وابقى اكلمك
فقولت انا مش هتكلم مع حد ومش عاوزه اسمع سيرة الموضوع ده تانى
انا هحرق قلبك على ابنك ده ومش هتشوفه أبدا
مش ده مش ابنك انا هشوف مين ابوه مين قال ليك ان ده ابنك اصلا
فقال انا متأكد انه ابنى
وانك اشرف وانبل انسانه فى الدنيا
انا سمعت المكالمات اللى كنتى مسجلها واللى كانت بينك وبين الك*لب ده وعرفت انى كنت ح*مار ان اشك فيكى لحظه واحده ارجوكى سامحينى وانا ال*لب ده هجيبه من تحت الارض وهجيب حقك وحقي منه وهخليه عبره لمن يعتبر بس ارجعى انتى معايا لبيتك سامحينى ان ما كنش عشانى فعشان ابننا اللى لسه ماشافش الدنيا حرام يطلع محروم من لمتنا حواليه
فقولت دلوقتى بقى قلبك على ابنك روح روح لحبيبة القلب اللى كلت عقلك
خليها تنفعك روح وسبنى فى حالى سبونى فى حالى كلكم انا تعبت ومش قادره لا اشوف ولا اتكلم مع حد
وفضلت أبكى والتعب زاد عليا
صاحبتي لما شافت حالتى شدته من ايده وخرجته بره وقالت له
روح انت بس وانا لما تهدى هحاول الين دماغها
قاسم :طب بقولك انتى تعرفى عنوان المكتب اللى كانت شغاله فيه او عنوان الراجل ده
فقالت له عاوزه ليه
فقال عشان اروح اطربقه عليه ابن الك*لب ده

فقالت حسام جوزى خلاص هيتصرف هو عارف ظابط صاحبه هيخلص الموضوع ده
فقال ليه وانا روحت فين ادينى العنوان لو تعرفى
فقالت له على العنوان واسم المكتب واسم الراجل
ونزل
وشويه ودخلت عليا صاحبتي وقالت لي يابت ياعبيضه الراجل جي لحد عندك وندمان وناقص يبوس جزمتك
انتى خليكى ناصحه دا اخذ الحق حرفه وانتى دلوقتى فى موقف قوه خلاص خدى حقك وفى نفس الوقت انتى حامل ومش هتقدرى تنزلى تشتغلي وتصرفى على نفسك وعلى الولاده وهو طلقك طلاق شفهى وردك يعنى مش هتعرفى تطلبيه بأي حقوق او مصاريف وفين وفين لحد ما تولدى وترضعى وتقدري تشتغلي
وتصرفى عليكى وعلى ابنك انا طبعا مش بقول الكلام ده عشان انى مش هصرف عليكى وعلى ابنك بس برضو انا لازم اكون صريحه معاكى انا مش هينفع اقول لجوزى يصرف عليكى وعلى متابعة الحمل وعلى الولاده وانتى فاهمه بقى الحاله يدوب اللى جى على قد اللى رايح
فقولت ليها انا اسفه انا عارف انى تقلت عليكى وحملتك هم ملكيش فيه بس انا هعمل ايه غصب عني قاعدتى عندك
فقالت والله ما قصدى انا بس كان لازم ارجع عقلك ليكى وما اخليش العند والغيظ يعمى عنيكى وعوزاكى تفكري بالعقل والحكمه

فقولت ليها اوعدك افكر واوعدك انى مش هطول فى حملى عليكى
فقالت ياحبيبتى براحتك وانا اسفه على الكلام اللى قولته بس انتى عارفه ان مشكلتى انى صريحه بس بجد انا ماقصدش اجرحك
وخرجت وسابتني وحسيت ان ماليش حد اتسند عليه وان اللى هيتحملنى يوم مش هيتحملنى التانى بس هى معذوره برضو هى مش ذنبها حاجه وعملت اللى قدرت عليه معايا انا لازم اكون قويه وارجع حقي بنفسي انا كنت غلطانه لما كنت ضعيفه واسيب الكل يلعب بيا
وفى نفس الوقت
فارس نزل لواحد عارف انه له فى الشمال وكان بينهم شغل واتفق معاه يجيب له نفرين بلطجيه مقابل شغل كان بيهم وراح على المكتب ودخل عليه كسر المكتب كله ومسكوا الراجل ضربوه علقه واخدوا منه الورقه اللى كانت ماضيه عليها
وكمان مضوه على وصل امانه بمبلغ كبير عشان لو بلغ عنهم ولا حاجه
واخد الورقه اللى ماضيه عليها ورجع تانى ودخل عليا وقال الورقه اللى كنتى خايفه منها اهي ودى ورقه هو ماضي عليها لو حابه انك انتى اللى تسجنيه هو ده اللى كان المفروض اعمله من الاول انى اسمعك واجيب حقك
ارجوكى سامحينى بقى

وارجعي على بيتك
فقومت سندت ظهري ومسحت دموعى واخدت نفس طويل وقولت عاوزني اسامحك وارجع لبيتى وابننا يتربى ما بينا
فجلس جانبي ومسك ايدي وباسها ياريت اامرى هعمل اللى هتأمرى بيه
فقولت طلق القرشانه اللى اتجوزتها دى
وارجع انا ست البيت وتكتب الشقه بأسمى عشان لو فكرت فى يوم تغدر بيا تانى يبقى ليا شقه اعيش فيها انا وابني
فقال هكتب الشقه باسمك لانى عمرى ما هزعلك تانى بس ذنبها ايه اللى اتجوزتها دى عشان أطلقها واخرب بيتها
فقالت ذنبها انها دخلت على واحد متجوز وخربت بيت انسانه برضو ما كنش ليها ذنب ما الرجاله اللى مش متجوزين زي الأرز
ولا هو مابيحلاش غير اللى فى ايد الغير
دي شروطى
لو موافق تروح تطلقها وتجيب ورقة طلاقها وعقد الشقه
فى ايدك وتيجى ارجع معاك واعيش انا وابنك فى حضنك طول العمر مش عاوز وخايف منها يبقى تنساني وتنسى ان ليك ابن هختفى من دنيتك تماما واحرمك من ابنك اللى اتمنيته طول عمرك
سكت شويه
فقولت له انت لسه بتفكر روح ليها اشبعوا ببعض وإياك توريني وشك تانى

فقال لى لا انا خلاص فكرت واخترتك انتى وابني
ونزل من عندى على انه هينفذ طلباتى بس للاسف
رجع وكنت فاكره انه جايب معاه ورقة طلاقها وعقد الشقه اتريه جى ومعاه.

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ليلة زواج زوجي)