Uncategorized
رواية منقذي الفصل الرابع 4 بقلم مروة جلال
رواية منقذي الفصل الرابع 4 بقلم مروة جلال
 |
| رواية منقذي الفصل الرابع 4 بقلم مروة جلال |
رواية منقذي الفصل الرابع 4 بقلم مروة جلال
هايدي بصدمة : خطيبتك ؟!
آسر بهدوء: ماشي يا سحر خليها تدخل
سحر : اتفضلي يا هانم
مروة : السلام عليكم
هايدي بغضب شديد : رد عليا هنا يا استاذ مين المقرفة دي
آسر : لو سمحتي يا هايدي الزمي حدودك
هايدي بغضب شديد : وديني لاعرفك يا بنت *******
لتقترب هايدي من مروة ويقف آسر أمام مروة
مروة ببكاء : انا همشي
هايدي : استني هنا
آسر يسرع ويمسك يديها : استني يا مروة مش انتي المفروض اللي تمشي
هايدي : اومال مين اللي المفروض تمشي يا استاذ هاا مين وديني لافضحك يا آسر وديني لاوديك في داهية
آسر : مع السلامه
لتخرج هايدي
مروة ببكاء : انا السبب انا آسفة
آسر : اهدي يا مروة شوية انتي مش السبب ولا حاجة ده اللي المفروض كان يحصل من زمان
مروة باستغراب : هي مش دي حبيبتك ؟!
آسر بضحك شديد : حبيبتي بالسهولة دي احب
مروة باستغراب : اومال ايه
آسر : دي كانت مجرد صفقة وبس اها بالنسبة للشغل انتي هتشتغلي مع المهندس خالد
ليقوم آسر بألاتصال علي خالد
وبعد مرور بعض الوقت
خالد : هو ايه اللي حصل وهايدي مالها طالعة معيطة ليه
ومين دي ويشاور علي مروة
آسر : دي مروة اللي كنت حكيتلك عنها
خالد بتفهم : اهلا بيكي نورتي الشركة
مروة بابتسامة : ربنا يخليك
آسر : مروة هتشتغل معاك يا آسر
خالد : تمام تحبي تبداي من امتي
مروة : من دلوقتي عادي
خالد : بالسرعة دي
مروة : ده انا لهلوبة والله
خالد بضحك : شكلك دمك خفيف يا مروة والله
آسر بضيق : اجيب اتنين لمون
خالد باستفزاز : يا ريت والله
آسر وهو يكز علي أسنانه : طب روح يلا يا خالد علي مكتبك
خالد بابتسامة : اتشرفت بمعرفتك يا بشمهندسة
مروة بابتسامة : انا اكتر
ليخرج خالد
آسر : أن شاء الله هتبداي شغل من بكرة
مروة بابتسامة : أن شاء الله
في جامعة الطب بالقاهرة
= بس بس لو سمحتي
هدي : نعم
= الورقة دي وقعت منك
هدي باستغراب : مني انا
لتاخذها
هدي : لا مش بتاعتي يا استاذ ايه ده هو راح فين
هنا : بقيتي بتكلمي نفسك يا هدهد
هدي : والله مش عارفة يا هنا واحد اداني الورقة دي ومشي
هنا باستغراب : طب افتحيها كده
هدي : لمن يهدهد قلبي فور رؤيته، لمن يخفق قلبي فور سماع صوته، لمن يرقص قلبي فرحاً بعودته، لمن أعشقه وأذوب بين ذراعيه، أهدي لك كلماتي المتواضعة لكي تكون دليلاً لك على حبي.
هنا بضحك : ده البيه ولهان هو مين اللي اداكي الورقة دي
هدي : مش مهم انا انا كده هقطعها انسان مقرف
لتقوم هدي بتقطيع الورقة
هنا : يا بنتي حرام عليكي ده الولد شكله بيحبك
هدي : فكك بقولك ايه انا مش هعرف آجي الدار انهاردة
هنا : بس كده الاولاد هيزعلوا
هدي : والله يا هنا عندي مذاكرة متلتله قوليلهم اني هاجيلهم في وقت تاني وسلميلي عليهم
هنا : ماشي يا هدهد يلا اسيبك انا بقي علشان احضر اليوم من اوله في الدار
هدي : تمام يا حبيبتي سلام وما تنسيش تسلميلي علي الاولاد
أمير : قطعتي الورقة ليه
هدي بغضب : بقولك ايه انت تحل عن سمايا احسن
أمير : حاضر يا آنسة انا أسف ليكي
ليمشي ويتركها
هدي : انا شكلي زودتها معاه
لتذهب هدي له
هدي : يا استاذ
أمير : نعم
هدي : انا آسفة علي الطريقة بتاعتي بس انا ما بحبش الطريقة دي
أمير بابتسامة: انا كنت بعبر عن حاجة والحمدلله انها وصلتلك عن اذنك
هدي : مش زعلان مني
أمير بحزن : لا
هدي : طب الحمدلله
لتغادر هدي الجامعة وتعود الي منزلها
في الملجأ
هنا : صباح الخير يا قمامير هنا
يوسف : صباح النور
هنا باحراج : انت مين ؟؟!
يوسف : انا كنت عامل زيارة للاولاد
هنا : تمام اتشرفت بمعرفتك
يوسف بابتسامة: الشرف ليا
نور : هنا يا هنا يلا نلعب القطة العامية
هنا بخجل : ما بلاش انهاردة يا نور
يوسف : لا خليها انهاردة وبالمرة العب معاكم انا كمان وابقي صديق ليكم
هنا : طب يلا بس مفيش زغزغة ياولاد
الاولاد : يلا مفيش
لتربط هنا القماشة حول عينيها
هنا : انتوا فين يا ولاد
الاولاد بضحك : احنا هنا
هنا بضحك: واخيرا مسكت حد
لتخلع هنا القماشة وتتفاجأ بأنها أمسكت بيوسف
هنا بخجل : انا آسفة اوي والله
يوسف بضحك : ايه يا بنتي انتي بقيتي زي الطماطماية
هنا بضحك : بس برضو مسكت حد يلا انت اللي فيها
وظل الاولاد يلعبون ومعهم هنا ويوسف
هنا : انا لازم امشي يا ولاد الوقت اتاخر
لتردف مرة أخرى بخجل : أتشرفت بمعرفتك يا يوسف
يوسف : وانا كمان يلا اوصلك
هنا : لا مالوش لزوم
يوسف : يا ستي انتي في طريقي وبعدين مش هسيبك تمشي لوحدك يعني بالليل
هنا : ماشي يلا
ليوصلها يوسف الي المنزل
في قصر الأسر
فريدة بغضب: بقولك يا محسن انت لازم تخلصني من البت دي وبأي طريقة
محسن : هخلصك منها يا فريدة بس الصبر احنا بنلعب مع آسر يعني ممكن يبلعنا كلنا في لحظه
فريدة : انا بقولك اهو اتصرف
محسن : حاضر يا فريدة هشوف واكلمك سلام
فريدة : سلام
فريدة في نفسها ” والله لاوريكي يا مروة ”
في غرفة هدي
هدي : بس يا ستي وبعدين اعتذرتله
مروة : جدعه ايوة كده اللي انتي عملتيه صح
هدي : والله يا مروة انا حاسه انك في عالم تاني وانتي عمالة تتفرجي علي كرتون
مروة : يا بنتي ده اسبونج بوب وبعدين انا مركزة معاكي
هدي : بقولك ايه يا مروة
مروة : نعم اهو خلص ارتاحتي كده
هدي : احسن اقفلي بقي التليفزيون ده
مروة : قفلته اهو فيه ايه
هدي : قوليلي بقي يا ميرو انتي اتعرفتي علي آسر ازاي وحبك امتي
مروة بتوتر : اتعرفت عليه في حادثة عربية
هدي باستغراب : حادثة عربية
مروة : اصلوا كان خبط واحدة وانا روحت معاهم المستشفي واعجب بيا و خلاص
هدي : خلاص ايه فين القصة
مروة بتتويه للموضوع: بس ايه الحلاوة دي يا هدهد
هدي بابتسامة : والله انتي اللي قمر
مروة بابتسامة : حبيبتي
هدي : هو انتي بتلبسي طرحة قدامي ليه
مروة بضحك : لا بنسي اخلعها
هدي بفضول : وريني شعرك
لتقوم مروة بخلع الطرحة
هدي : ما شاء الله انتي بتربيه من امتي يا روبانزل
مروة بضحك: خمسة في عينك يا بنتي
هدي بضحك : بس والله شعرك حلو اوي ماشاء الله
مروة : ده انا بقعد اسرح فيه ساعة
هدي : عنده حق بس عايزه اروح اعملك تسريحة كاجوال
مروة : لا انا عاوزاه كده
مروة : يلا تصبحي علي خير
هدي : وانتي من أهله
لتمشي مروة وتذهب الي غرفتها
آسر بدهشة : انتي مين
مروة باستغراب: انا مروة
لتكتشف انها لا ترتدي حجابها
مروة باحراج : عن اذنك
آسر يضحك علي منظرها ويذهب الي غرفته
آسر وهو يفكر فيها : البنت دي عملالي عمل باين دي ما بتروحش عن تفكيري لحظه
آسر بخوف : أيعقل اكون حبتها ؟!
في الديسكو
هايدي : يخوني انا الحيوان ده ومع مين مع المبقعة دي وقال خطيبته قال
= هاتيلي صورتها يا قمر وبكرة يجيلك خبرها
هايدي باستغراب: انت مين ؟!
= انا اللي هخلصك من مشكلتك دي خالص
هايدي بابتسامة خبيثة : وانا موافقة
يتبع..
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية سجينة القاسم للكاتبة مروة جلال