رواية انتقامي مختلف الفصل العاشر 10 بقلم عادل عبدالله

رواية انتقامي مختلف الفصل العاشر 10 بقلم عادل عبدالله

رواية انتقامي مختلف البارت العاشر

رواية انتقامي مختلف الجزء العاشر

رواية انتقامي مختلف الحلقة العاشرة

: تحبي تشوفي جناني ؟
: مش هتقدر تعمل حاجة .
علاء مشي وبعد دقتين رجع و لقيته بيفتح الباب بمفتاح تاني لباب الاوضة كان معاه بره !!وفجأة بقي علاء معايا في الاوضة لوحدنا والبنتين نايمين ومش عارفة ههرب منه ازاااي !!!
في الوقت ده رن تليفوني كان مدحت اللي بيتصل !!!
رديت عليه : ايوه يا مدحت .
: ايوه يا حبيبتي كنت عاوز اطمن عليكي انتي والبنات .
: احنا كويسين تمام .
: جوز اختك رجع البيت ؟
: لأ ، ما انا قولتلك انه مسافر .
: طيب كويس ، هترجعي الصبح لوحدك ولا ابقي اعدي اخدك بعد خروجي من الشغل ؟
: ماشي يا حبيبي ابقي عدي خدني وانت راجع من الشغل .
: خلاص ماشي ، عاوزة حاجة ؟
: لا يا حبيبي .
: تصبحي علي خير .
: وانت من اهله .
مدحت اول لما خلص المكالمة بعت رسالة لعشيقته هبة انها وحشاه اوي وان مراته مش في البيت وانه مش هيروح الشغل تاني يوم وهيستناها يتقابلوا في شقته !!!
علاء بعد المكالمة كان بيحاول معايا وانا بحاول اهرب منه وفي نفس الوقت اشوقه علشان اجبره انه ييجي معايا بيتي واصوره هناك !!!
لكن هروبي منه مش استمر كتير وقدر يسيطر عليا لغاية ما حصلت علاقة !!!
بعدها علاء كان عايز يكرر العلاقة تاني لكنه قولتله : لأ ، انا خايفة هند تصحي وتبقي مصيبة .
: لأ مش هتصحي دلوقتي خالص المنوم ينيمها لحد الصبح .
: لأ بلاش انا خايفة .
: بس انا لسه مش لحقت اشبع منك !!
: طيب انا هروح البيت الصبح وانت حاول تسيب الشغل وتيجيلي هناك .
: مش خايفة مدحت يطب علينا ؟
: لأ متخافش هو هيروح الشغل ومش هيروح البيت الا لما يعدي عندكم علشان ياخدني .
: طيب خلاص انا مش هروح الشغل بكرة وهجيلك بعد ما تروحي .
تاني يوم الصبح هند صحتني وقعدنا نفطر كلنا وسألتني واحنا بناكل : انتوا نمتوا امتي ؟
: انتي نمتي واحنا قاعدين وبعدها دخلت نمت علطول .
: انا مش عارفة انا نمت ازاي ، حسيت بصداع جامد وبعدها مش دريت بنفسي ، حتي لما صحيت كانت رأسي لسه مصدعة .
: عادي يا هند يمكن تكوني كنتي تعبانه او مش نمتي كويس الليلة اللي قبلها .
: مش عارفة بس اول مرة تحصلي !!
: حصل خير ، انا هاخد البنات وماشية بقي .
اخدت البنتين و نزلت وبعدها بدقايق علاء اتصل بيا واتقابلنا وروحنا مع بعض البيت .
انا طلعت البيت الاول وقولت لمدحت يطلع بعدي بخمس دقايق .
اخيرا هقدر اعمل اللي في نفسي واصور علاء معايا علشان احرق قلب مدحت الخاين .
طلعت البيت وفتحت الشقة ودخلت وبعدها بدقيقتين علاء طلع وفتحتله ودخل .
علاء حضني و بعدها حط ايده علي كتفي و فتحنا باب اوضة النوم ودخلنا واتفاجئت بجوزي وعشيقته علي سريري !!!
مدحت اول لما شافنا اتعدل واتفاجئ بيا واتفاجئ اكتر لما شاف علاء وقالي : ده جاي هنا بيعمل ايه يا بنت ال ……؟
: ده انت اللي ابن ستين …… ، رجعت تخوني تاني يا …… !!!
علاء حاول يجري في الوقت ده لكن مدحت جري وراه ومسك فيه وفضل يضربوا بعض لما وصلوا قدام المطبخ .
مدحت جري اخد سكينة وجري يضرب علاء بها لكن علاء مسك السكينة منه وضربه بها في صدره .
في الوقت ده كنت انا مسكت هبة عشيقة مدحت من شعرها وبضربها بكل قوة وهي بتحاول تضربني او تهرب مني مش عارفة لغاية ما سمعنا صوت مدحت وهو بيصرخ بعد ضربة علاء له بالسكينة !!!
علاء خاف من مدحت خصوصا لما حاول يمسكه تاني فطعنه اربع طعنات في صدره وقلبه لحد ما وقع ميت علي الارض !!!!!
هبة حاولت تهرب لكن انا قولت لعلاء : موتتها ، دي شافت كل حاجة وهتبلغ علينا لازم تخلص عليها .
علاء قالي : خدي انتي موتيها بايدك علشان لو انكشفنا نبقي سوا مع بعض و مش اشيل الشيلة لوحدي !!
علاء اداني السكينة وانا من غير ما افكر ضربتها في قلبها !! ونزلت عليها ضرب بالسكينة من الغل اللي جوايا اكتر من عشر ضربات .
وقفت انا وعلاء وايدينا غرقانة دم في ذهول مش عارفين هنعمل ايه في المصيبة دي !!
ضحكت في هيستيريا وقولت لعلاء : هنعمل ايه في المصيبة دي ؟؟
: مش عارف !!! يا ريتني ما سمعت كلامك . انا قولتلك بلاش في البيت عندك !!! انتي السبب في اللي احنا فيه ده دلوقتي .
: انا بردو السبب !!!!! مش انت اللي جربت ورايا وبقيت تطاردني برسايلك ومكالماتك حتي وانا عند اختي بردو بتطاردني واقولك خليك في حلالك وابعد عني وانت مفيش فايدة فيك مصمم تعمل معايا علاقة !!! نفعك بايه بقي اللي كنت بتجري وراه ؟ ما كان قدامك حلالك لازم تجري ورايا ؟!!! اشرب بقي .
: ايوه عاوزة تطلعي نفسك ان انتي البريئة الشريفة وان انا المجرم !!
: مش فارقة دلوقتي !! احنا الاتنين روحنا في داهية .
: لأ انا مش اعرفك ولا اعرف حاجة !! انا هنزل دلوقتي و السكينة اللي عليها بصماتي معايا ومفيش دليل ان انا جيت هنا النهاردة !! سلام .
: استني عندك هنا !! انت هتسيبلي الجثتين دول هنا وتمشي ؟؟
: وعايزاني اعملك ايه ؟
: تشوف معايا هنتخلص ازاي من الجثث دي .
: بصي يا ولاء انا وجودي هنا ملوش صفة ولا سبب ، انما انتي لو اتمسكتي هتقولي انك رجعتي بيتك لقيتي جوزك مع ست علي فراش الزوجية ومش دريتي بنفسك الا والجثتين علي الارض ، وساعتها هتطلعي براءة .
: انت عبيط ولا بتستعبط ؟؟ ! !
: ليه ؟
: اولا القانون اللي بتحكي عنه ده للرجل مش للست ، يعني بردو انا هدخل السجن ، ثانيا هقتل اتنين لوحدي ازاي ؟؟ وهما الاتنين جسمهم اقوي مني بكتير ، لازم يكون معايا شريك اللي هو حضرتك !!
: معرفش بقي اتصرفي ، انا ماشي .
: خلاص امشي براحتك وانا لما اتمسك هحكيلهم علي كل حاجة بالظبط .
: يعني ايه ؟
: يعني تساعدني نتخلص من الجثتين مع بعض .
: ازاي ؟؟
: نقعد ونفكر نتخلص منهم ازاي ونرجع بعدها نمحي كل اثار الجريمة ونعيش حياتنا بصورة طبيعية .
: طيب عندك فكرة نتخلص بيها من الجثتين ؟

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقامي مختلف)