رواية البنت غير الشرعية الفصل التاسع والتسعون 99 بقلم ياسمين

رواية البنت غير الشرعية الفصل التاسع والتسعون 99 بقلم ياسمين

رواية البنت غير الشرعية البارت التاسع والتسعون

رواية البنت غير الشرعية الجزء التاسع والتسعون

رواية البنت غير الشرعية الحلقة التاسعة والتسعون

قالي مالا يا لالة كنت نعرفها من لافاك انا فايتها بعام كنا مع بعض وحكيتلك حكايتي مع الخدمة كيفاه المهم كي خطبتها قبلت هيا اهلها غير أهلي لالا سيرتو بابا المهم جبتها ودرت عرس بشانو وحكات قاع الناس عليه من الاول لاباس ممبعد ولا ميعجبهاش الحال سيرتو كي قلتلها راني بادي من الزيرو مالغري من الأول خبرتها بصح هي داتها الطمعة نتاع باباه لاباس بيه ومحال يخلي عليه مالا تصدمت بالواقع ولاو بيناتا مشاكل بصح مكاش كامل لي سمع بيهم روح يالي تروح قتلك حكمت الحبس 3 أشهر قتلو يا مكاش منها قالي وي طولت مكملتش البروجي خلاصولي الدراهم المهم بالسيف باه خرجت منها ووقف معايا غير محمد ويما وخاوتها المهم هي والو ولا مرة زارتني قاتلي يما راحت لدارهم بعدما خرجت جبتها تمسكنتلي وخاوتي ومنا قلت معليش الطفلة مغلوب على أمرها كملنا شحال بدات غير ندخل تعمرني عليه اهي يماك قالت اهي مرت عمك راهو خوك شرلي الهدرة لاعلينا كل دار وفيها هذو المشاكل روح يالي تروح راه عامين الثالث كامل بداو يسقسو يوسف

كاش ما جاي مع الطريق لالا مكانش مزال مكتب ربي وهي جامي جبدت معاها الموضوع خايف بنت الناس تتوشى وحتى هي مجبدتش قاع المشاكل ولات غير تزيد هوما يقولو هيا وهي تقول هوما كل مرة كيفاه نحلها بيناتهم ولات ميعجبهاش الحال لازم تنوض تكسر وتعيط وتدابزهم على جالي ولات غير على سبة تروح تغضب في دارهم نروح نجيبها بسيدي وسيدي واش من تحلال ولازم نحاول قاع العايلة من يماها وخواتاتها وخاوتها تبغي الصح كثرت بزاف وليت مانحوسش عليها جيب سمانة حتى شهر كي تشوفني معبرتهاش تبعث لعمي يروح يجيبها وهنا بدات حكاية جديدة نتاع خلاص طلعت في خدمتك سمحت فيا وانا لي كنت معاك ووقفت معاك وووووو تخيلي 8 سنين زواج باه قاتلي نحوس على الاولاد وهيا نداوو درت خاطرها مكاش طبيب خليتو والكل يقول لاباس عليكم من وراها نسمع حكاية دور نتاع انا منجيبش ولاد دور دور لقيتها خرجت منها أهل الدار قاع امنوها ولحد الساعة مزالهم مأمنين قتلو بصح انا حملت معاك قالي هوما ماعلابالهمش ياك مقلنالهمش قتلو كون خبرت يماك طمنتها قالي علاه خلاونا قالي المهم خلينا روح يالي تروح نلقى عندها الحب واش هذا قاتلي لالا غير

نتاع لاطونسيون راني مريضة ومرضوني داركم وروح يالي تروح قالت داري وحدي قلت هذا هو الوقت دبرتها وشرين دار المهم نتهنى وليت ملي نجي نلقى خواتاتها ولا يماها دايرين الدالة كل يوم عندنا تحبي الصح تقلقت منهم قتلها منزيدش نلقاهم هنا دارت مندبة باغي تحرمني من دارنا وتنايفنا كثر من سمانة وهي في دارهم بالصدفة نتلاقى مع فهيمة سافا لاباس سقساتني يوسف كاش ما جديد قتلها والو وشفنا شحال من طبيب وقالو لاباس غير ربي منابش عليكم ممبعد منيش عارف كيفاه سقسيتها على الحب هذاك قتلها زعما موش دوا نتاع لاتونسيون مأثر قاتلي علاه راها مريضة قتلها ايه وراها عندها حب تاكلو فالليل قاتلي يوسف خويا انا نعرف دوا لاتونسيون يتشرب الصباح على الريق قتلها مالا هذا نتاع واش سكتت قاتلي روح اديه للفارماسي يقولك نتاع واش قتلها مكاش عندها راها في كثر من عام محبساتو قاتلي صايي بريت قاتلي يوسف منيش حابة نظلم بنت الناس بصح روح حوس على الدوا وشوف رحت طول للفارماسي خصني دوا هاكيفاه داير لي تمدهوليش موش هوا ممبعد قاتلي نتاع واش هذا قتلها معلاباليش لمرتي وتشربو فالليل علابالك واش عطاتني حب منع الحمل ايه الحمار هذا لي قدامك حشاتهالو الكلبة رحت للدار حلوف من زهري لقيت عمي رجعها ضربتها ضرب الهوايش ورحت وخليتها كي رجعت ملقيتهاش عيطولي خاوتها قتلهم منحتاجهاش راحت شتكات بيا ورفعت قضية طلاق في المحكمة

كي قلت كانت تشرب منع الحمل تعرفي واش قاتلي مكنتش مستعدة وأحوالنا المادية عيانة قتلها علاه كنتي جيعانة كنتي بلالبسة واش كان ناقص وهكا طلاقنا بعد 3اشهر بالضبط تزوجت شيخ نتاع جاميعة كان يقرينا فالزوج بمرتو وولادو وضوكا نورمالمو عندها طفلة وراها طلقت انا يا بسمة كنت نشرب زعاف كنت نسكر على الحشوة لي صراتلي وصلت حرقت الدار لي سكناها عرفتي علاه مبغيتيش نديك تما خاطر مهيش واجدة غير كيما سقمتها وبعتها صح حبيتها منكذبش بصح عملتها معايا كرهتني فيها لاقصى حد في حياتي منكرهش انسان قد هذي الانسانة خاطر صح دمرتني علابالك وينتا رجعتلي الروح نهار لي عرفنا بلي كنتي بالحمل صح طاح بصح على الأقل حسيت بالامل عنقتو متوقعتش تكون قصتو هكا قالي بسومتي نخرج شوية ونجي قتلو متطولش عليا رحت وجدتلو روحي كاي زوجة وقلت خلي اليوم نتهلى فيه مي دوماج جا سكران راح لبيروه رقد وانا خملت هذيك البيت ونحيت النويزات ودموعي ويدان..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)