رواية تجاهلني فأحببته الفصل الأول 1 بقلم ميادة محمود

رواية تجاهلني فأحببته الفصل الأول 1 بقلم ميادة محمود

رواية تجاهلني فأحببته البارت الأول

رواية تجاهلني فأحببته الجزء الأول

رواية تجاهلني فأحببته الحلقة الأولى

_حنييييييين
=نعم ي قلب حنين
_بصي نزل صوره جديده يخربيت جمال امه بس مين اللي عملاله لاڤ دي هي ازاي تعمله لاڤ ولما هي تعمله لاڤ اعمله انا اي شاي بلبن؟
=يارب صبرني يارب… روسيل هو يعرفك اصلا؟
_لاء
=يعرف اسمك حتا
_لاء
=يعرف انك عايشه وبتتنفسي ع الكوكب زينا كدا ؟
_ما كفايه بقا ي لوجي الله ما قولنا لاء ميعرفنيش
=ولما هو ميعرفكيش قارفاني معاكي ليه
ومقضياها نكد ولا كأنكو مرتبطين اصلا
_ااااه اي يبت ايدك ولا مرزبه ابو شكلك
=احسن عشان انتي فقعتيلي مرارتي انتي وتوم كروز بتاعك ده
_اسكوزمي متغلطيش ف ابو عيالي حبيب امه ده ..
“ده كراشي هشام معايا ف الكليه بس اي
واد كاريزما كدا وعميق بكراش عليه من اول يوم
دخلت هنا بس ثانك جوود ميعرفش اني موجوده اصلا
ولا فكر يتعامل معايا قبل كدا.”….

=طب تعالي شوفي ابو عيالك اللي ميعرفش انك عايشه ع الكوكب اصلا منزل اي
_وريني بسرعه….
“جريت ابص ع الاكونت بتاعه لقيته كاتب بوست
* اتمني اللي تدخل حياتي تكون عاقله وتعرف تتعامل معايا انا مش ناقص جنان وشغل اطفال انا عايز بنت واعيه وان شاء الله الاقيها.*..
_حلو دبور وزن ع خراب عشه
انا هروح اتخانق معاه وانكد عليه ازاي
ينزل الكلام ده هو مش عارف اني مجنونه ولا اي؟
=لاء بصراحه ميعرفش
_ميعرفش اني اصلا طفله ف نفسي ازاي يجرحني بالكلام ده ؟
=للاسف برضو ميعرفش
_ميعرفش اني بحبه واهيم به عشقا ؟
=تهيمي بمين عشقا روسيل فوقي ي حبيبتي
هو ميعرفش انك موجوده ع كوكب الارض اصلا
_ايتااا بيجااااد اومال محدش قالي ليه
=يارب انا مش قصدي حاجه يارب بس ليه بنت خالتي تبقي بالتخلف ده
_طب امشي بقا يبت من هنا يلا امشي ولما نتجوز مش هدخلك من باب القاعه تبصي حتا هكتب ممنوع دخول الكلاب وحنين ..

=بقا كدا ماشي ابقي شوفي مين يكتبلك شييت الاحصاء
_انا طول عمري اقول ان حنون دي حبيبه قلب مامي من جوا والله وهعشيكي مرتين ف فرحي
=ايوا كدا ناس تخاف متختشيش
_يلا يبت امشي
“فتحت الاك بتاعه وجبت صورته طب والله ليقين ع بعض اوي انا وهو هنعمل ماتشيينج جامد جموده”….
اممممم طب ما اعمل اك فيييك واختبر ولاءه كدا
“عملت الاك اهو اما ندخل نشوف هياخد ويدي مع اي حد كدا ولا هيطلع متربي وابن ناس ….
_لاء بس جامده صوره البروفايل دي
يارب ميعمليش بلوك اي اللي انا بقوله ده…
=هما البنات اللي بقو يشقطو دلوقتي!!
_اي يشقطو دي ي استاذ ارتقي شويه
=ارتقي!! هرتقي حاضر
مين انتي بقا؟
_انا واحده بتكراش عليك وبصراحه نفسي نرتبط
=انتي اندر ايدج صح شكلك اندر ايدج يلا ي ماما روحي اعملي الواجب ونامي
_واجب اي اللي اعملو انت بتكلمني كدا ليه ي كاريزما فاكر نفسك كانات ولا اي
=كانات مين؟

_وكمان مش عارف كانات لاء احنا كدا مش هننفع مع بعض
=بصي انتي فعلا شكلك هبله وانا مش فاضي للعب العيال ده
نهارك ابيض ده عملي بلوك ماشي ي كاريزما انا هوريك روسيل هتعمل اي …..
صحيت تاني يوم الصبح عشان ننزل الكليه اللي بنروحلها ناكل ونرجع بس دي…
=الو اي يزفته خلصتي ولا لاء
_اه ي قلب الزفته بلبس الكوتش
=كوتش! يبقي لسه مقومتيش من ع السرير اصلا صح
_عيب عليكي انا بتاعه كدا برضو انا خلاص اهو بلف الطرحه ونازله
=طرحه؟!! ما كان كوتش من شويه
_لاء لاء خلاص اهو انا نزله يلا باي
نزلت طبعا بعد ما اتاخرت ساعه فوق تأخيرنا اصلا ولقيتها جايه عليا وهي متعصبه اوي….
_بصي استهدي بالله بس وهفهمك طبعا انا لو حلفتلك اني كنت بدور ع البندانه مش هتصدقي صح
=قوليلي بس اعمل فيكي اي تاني ابو شكلك كل يوم تاخرينا كدا انا مش همشي معاكي تاني وو
_هعزمك ع شاورما تعالي يلا
=لاء لو كدا اتأخري براحتك يلا بينا

_مصلحجيه حقيره
=ايوا ده انا عادتشي
_هو الدكتور ده عايز اي معلش ترجميلي عشان مش بعرف افكر وانا جعانه
=انتي ع طول مش بتعرفي تفكري اي الجديد يا روسيل يعني
_حبيبتي الله يكرمك ها بقا عايز اي
=الدكتور بيقول مطلوب مننا بحث ولازم كل مجموعه تقدمه
_ بمعني؟
=بمعني اننا كدا محتاجين اتنين كمان معانا
_طب استني اختار….
اممم مريم الصفرا دي لاء مبحبهاش …
ولاء دي لاء برضو عشان بت تنكه …..
سلمي برضو لاء عشان بتفضل ترغي وبتزهقني….
علا ابسلوتلي لاء برضو عشان بتكراش ع ابو عيالي ولو طولتها هجبها من شعرها
=خلصتي؟ انتي مش عاجبك حد خالص هنعمل اي يعني دلوقتي
_ اي ده استني الدكتور بينده ويختار اسامي اللي هيدخلو مجموعات سوا
_دكتور لو سمحت انا وحنين هنبقي مع بعض وكدا محتاجين اتنين كمان
“تمام علا هتبقا معاكم وشوفه اي زميل تاني لان البنات كلها خلاص دخلو المجاميع
_ياربي ملقيتش غير علا يعني

=هاي بنات
_استغفر الله العظيم يارب هاي ياختي
=بس يا روسيل ازيك ي علا
_ما هي زي القرده اهو بتسأليها ليه
=بتقولي حاجه ي رورو
_بصتلها بقرف كدا لاء ياختي مبقولش واي رورو دي بتكلمي بنت اختك
=خلاص يا روسيل المدرج كله عرف انك مش بطيقيها
_اعمل اي يعني عايزاني احب ضرتي!
=ضره مين يبنتي صباح الفل مش لما يعرفك ويتجوزك انتي الاول يبقا ليكي ضره
_الاحباط ف ابهي صوره والله…
=انا هبقا معاكو ف مجموعه البحث..
هشاااام!!!
…….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية تجاهلني فأحببته)