رواية ممرضي الفصل الثاني 2 بقلم أميرة رمضان
رواية ممرضي الفصل الثاني 2 بقلم أميرة رمضان
رواية ممرضي البارت الثاني
رواية ممرضي الجزء الثاني
رواية ممرضي الحلقة الثانية
قال بغضب : مش دي تحااااليلك برضو
بصيت لتحاليل بصدمه وبصيت لاسلام
لسه هرد عليه سمعت صوت صراخ ريناد
ريناد بصراخ هستيري :ي مامااااااا الحقوووني
طلعنا انا وهو بسرعه عندها وانا قلبي هيقف من الخوف فتحت الباب ودخلت بسرعه كانت واقفه علي السرير بخوف #بقلمي_اميره_رمضان
صرخت ريناد اكتر وقالت: اااااالحقي التعبان جنب رجلك (صرخت بخوف من قبل مشوفو و اسلام شدني بسرعه بعيد عن التعبان وقتها شفته وهو بيجري ودخل ورا الدولاب)
وطبعا البيت كله اتجمع علي صوتنا وريناد جرت واستخبت في حضني
اسلام : اطلعو من هنا بسرعه كله يطلع برا
قولت بخوف :انت هتعمل اي لاء ممكن ياذيك
اسلام : متخافيش اطلعي انتي بس
عمتي اخدتني وطلعنا كلنا وسبنا اسلام وياسر ولاد عمي وشريف ابن عمتي
***استوووب (اعرفكم بنفسي وجدان امين العزايزي 22سنه خريجه كليه تجاره
وابن عمي ‘اسلام منصور العزايزي 26سنه مخلص كليه تمريض وشغال ممرض
ريناد اختي وتغريد اخت اسلام الاتنين 20سنه وفي كليه حقوق مع بعض
شريف ابن عمتي صفاء 21 سنه تالته كليه حاسبات ومعلومات
وياسر محمود العزايزي اخو اسلام الصغير 23سنه في كليه الشرطه والباقي هنتعرف عليهم بعدين )
قعدت وانا هموت من القلق والخوف وخلاص حسيت اني هيغمى عليا تغريد اخدت بالها ان وشي ابتدا يصفر قامت بسرعه جابتلي مايه وحاولت تهديني
بعد شويه طلع شريف وقال بصوت عالي : قت*لتووووووو ي بلد
تغريد بضحك : انت هتظيييييط انت تعرف تق*تل نمله هو اسلام حبيب قلبي وهو اللي قت*له اكيد
ياسر بمشاكسه : وانا يعني ي بت كنت واقف اتفرج
تغريد : ي باشا دانت البطل بتاعنا اصلا وحش المخابرات المصريه
شريف : طول عمرك بت*موتي في التطبيل لاخواتك
بصيت لجدي وقولت : احنا مش عايزين نقعد هنا عايزين نروح شقتنا المرادي ربنا ستر المره الجايه ياعالم هيجرا اي
(اسلام اتضايق اني فتحت الموضوع ده تاني وساب المكان وطلع)
جدي : عايزه تمشي من بيت جدك ي وجدان في حد زعلك
_ انا مش مرتاحه هنا
عمتي صفاء : انتي مصدقتي ان حاجه زي دي حصلت عشان تخديها حجه وتمشو من هنا
بصيت ليها وقولت بانفعال : كل وحد فيكم لما بيعوز يروح يقعد في شقته بيروح في الوقت اللي هو عايزو اشمعنا احنا قاعدين هنا اجباري بقلمي اميره رمضان
عمي منصور: عشان شغل ابوكي هو بينزل يوم وباقي الاسبوع في الشغل مينفعش نسيبكم لوحدكم انتي واختك في البيت
_ طب ماهو الاول كنا بنقعد لوحدنا عادي لما اخونا كان معانا
جدي : كان في البيت راجل يراعيكم انما دلوقتي اخوكي مشي ورا كلام مراته وخلته ساب اهله وناسه وعاش بعيد عننا
مرات عمي بسخريه: ماهو بسبب دلعكم ليه هو اللي بوظو
جدي بعصبيه: خلصنا يلا كلكم روحو نامو وانتي ي وجدان هتفضلي هنا معانا وسط اهلك والموقف اللي حصل ده مش بايد حد كان ممكن يحصلكم في شقتكم عادي بس الفرق ان هنا كان فيه ولاد عمك يحموكم وعيلتك حوليك لو كنتو لوحدكم كان ياعالم اي اللي حصل
تغريد لتهدي الوضع : يلا ي شاب كل واحد يرجع مكانو وتعالي ي وجدان انا هنام معاكم متخافوش معاكم اسد
ريناد : اسد اي دانتي بتخافي من خيالك
طلعت معاهم وانا بدور بعيني علي اسلام خايفه ليحكي لحد عن التحاليل بس ملقتوش
____
عند اسلام
اسلام: انا حاسس ان التعبان ده بفعل فاعل
شريف : ازاي يعني ده تعبان وارد جدا انه ياجي من اي حته متنساش حولينا جنينه واحنا ساكنين في الارياف حاجه زي دي متوقعه
_ اشمعنا جه في اوضه وجدان وريناد
ياسر : عادي هي التعابين هتستاذن وبعدين اي اللي مطلع الموضوع في دماغك كده
اسلام : قبليها بشويه شوفت وجدان نازله من فوق خايفه وكانت بتقول انها شافت خيال حد قدام اوضتها وبعديها ريناد صرخت
شريف : انت عايز تقول ان حد عايز يأذيهم
اسلام : مش حكايه اذيه دي قرصه ودن التعبان صغير وكمان اسنانه حد خالعها فمش خطر خالص اللي عمل كده عايز يخوفهم وبس
______
بعت لاسلام رساله قولت فيها : شكرا انك مقولتش لحد علي التحاليل وبتمني انك تعتبر نفسك مشفتهاش فضلا مش عايزه حد يعرف
اسلام شافها ومردش
حاولت انام معرفتش حسيت ان ريقي ناشف ونفسي بيتخطف قومت صليت وقرات ورد من القرأن
#بقلمي_اميره_رمضان
ريناد بنوم : انتي لسه منمتيش (وبصت لتغريد ) وانتي ي بت هتفضلي تقراي في الروايه دي لحد ايمتا
تغريد : لحد ما اخلصها وانتي ي وجدان لسه خايفه من التعبان قولتلكك متخافيش انا موجوده
اتنهدت بتعب وقولت : اسلام عرف اني مريضه سكر
ريناد : عرف منين اوعي تكوني ي بت ي تغريد قولتيلو
تغريد: والله ابدا هو انا مستغنيه عن روحي ده كان ولع فيه عشان مخبيه عليه من زمان
بصيت لتغريد بغيظ وقولتلها: لما اخوكي اتنقل من المستشفى مقولتليش لييييه
تغريد : اقسم بالله هو لسه منقول من يومين ولسه مستقرش اصلا ونسيت اقول عادي قولي بقي عرف منين
_ماهو اتنقل المركز الطبي اللي انا متابعه فيه وشاف التحاليل وعرف كل حاجه
ريناد : انا مش عارفه انتي مكبره الموضوع ليه
كده كده كلهم هيعرفو دي حاجه مش هتستخبي معرفش انتي مخبياها ليه
قولت بانفعال : مش عايزه حد يعرف هيعملو اي لما يعرفو هيحسو بوجعي حد فيكم هياجي يتألم مكااااني
(وبعدها محستش باي حاجه )
ريناد بخوف: وجدااان ي بت فووووقي (حاولو كتير يفوقوني بس مفيش فايده)
تغريد جرت بسرعه عند اسلام
اسلام : عايزه اي ي بت
تغريد بتوتر قالت بصوت واطي: الحق وجدان اغمي عليها ومش بتفوق
اسلام راح بسرعه عندها وكانت ريناد حاطه طرحه علي شعرها بشكل عشوائي
اسلام بلهفا: فين العلاج بتاعها
بعد شويه
فوقت لقيت اسلام قدامي
قال بقلق: انتي كويسه
ريناد بارتياح وبكاء: خوفتيني عليكي مكنتيش بتفوقي خالص (وحضنتني)
_ اهدي انا كويسه مين اللي قالو اني تعبانه
تغريد : هو ده وقته انتي كنتي قاطعه النفس خالص ومفوقتيش بسهوله زي الاول
اسلام بص لتغريد : انتي كمان كنتي عارفه
وبصلي وقال بسخريه : وعايزه تقعدو في شقتكم لوحدكم دانتو عايزين منقذ لوحدكم يقف جنب الاوضه
_ بتتريق
اسلام بغضب : دانا حسابي معاكي بعدين بس لما تفوقي من الانتي فيه
بكرا الصبح تصحي بدري عشان هتاجي معايا المستشفي
_ لاء مش هروح
اسلام : مش بمزاجك 8بظبط تكوني جاهزه
______
تاني يوم الصبح صحيت بدري غصب عني ونزلت عملت قهوه اشربها قبل منمشي
لقيت اسلام قعد جنبي وحط طبق فاكهه متقطعه وخد مني فنجان القهوه
بصتلو باستغراب: اي ده
اسلام : ده المفروض يكون اكلك من هنا ورايح والقهوه الكتير دي تقلليها
قولت بسخريه: لاء امنعها عني بالمره
اسلام ببرود : هيحصل
قولت بعصبيه : انت هتعمل عليا دكتور ولا اي
اسلام باستفزاز : هو في الواقع انا ممرض لكن مش مشكله اعمل عليكي انتي دكتور
قولت بعند :مش هاكل
اسلام بصلي بحد وقال : كلي برضاك احسن ما اتعامل معاكي بطريقتي
تغريد من بعيد : بت ي ريناد هو اللي انا شيفاه ده حقيقي
ريناد بعدم اهتمام: شايفه اي
اسلام اخوووويا دخل المطبخ وقطع فاكهه وقدمها لوجدان وفوق ده كلو وجدان بتاكلها عااادي اي بس اللي هيحصل في الدنيا
ريناد : تصدقي فعلا انا خايفه ليكون ده هدوء ما قبل العاصفه (تلفونها رن برساله)
فتحتها وكان فيها(يارب يكون التعبان عجبك وياريت تلزمي حدودك معايا بعد كده
المره الجايه لو اتدخلتي في اي حاجه تخصني متلوميش الا نفسك)
ريناد بغضب : انت..!
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية ممرضي)