رواية تحت بير السلم الفصل الأول 1 بقلم مليكة

رواية تحت بير السلم الفصل الأول 1 بقلم مليكة

رواية تحت بير السلم البارت الأول

رواية تحت بير السلم الجزء الأول

رواية تحت بير السلم الحلقة الأولى

افتحي يافرح بدال مافتح نفوخك نصين جرا إيه يابت هو انتي محدش قدرك
بصوت عالي من وري الباب “وربي ياكرب لو مامشيت لراقعه بالصوت والم عليك الحاره كلها يابن زنوبه ”
بغضب رد عليها ” ملها زنوبه يابت بياع الكبد والقوامص افتحي يابت بقولك ”
رددت بنفس الصوت العالي ” معرفتش تربي يادلعدي يالااا يابتاع النسوان يفلاتي ياعواطلي ”
“يافرح انتي فاهمه غلط وربنا دا الواد سلامة هو اللي شدني للرذيلة”
فتحت الباب بعصبية ” ياكداب ياخاين دا أنا شيفاك بعيني للي هيكلهم الدود دول وأنت معبط في البت ”
اقترب منها بحذر ” روح ربنا يجحمك ياسلامة مكان مأنت قاعد يابعيد، وربنا كانت مصلحه وأنتي بوظتيها وفي الأخر تيجي تصوتيلي هنا ”
“مصلحه هو أنت بيجي من وراك مصالح يابن زنوبه ياعواطلي الحق مش عليك الحق علي اللي ربتك تربية زبالة”
“تربية مين اللي زبالة يابت حماصه النتن ”
اتلفتت بخضه وهي شايفه زنوبه أم كرب واقفه علي السلم وماسكه في إيدها كياس الخضار وعيش الفرن
حاولت تستجمع شجعتها وقالت وهي بتقرب من كرب وبتضربه بكف إيديها علي كتفه “معرفتيش تربي ياخالتي مخلفه خامورجي وبتاع نسوان”

شهقت زنوبه وهي بتطلع السلم ” مين دي اللي معرفتش تربي يابت بياع كبد الكلاب انتي أنا ربيت ياحلوه بس الفقر هو اللي راكبه ياحببتي ”
قال كرب بغضب “جرا إيه ياما وليه الكلام دا بس”
دخلت زنوبه الشقه وحطت الحاجات في المطبخ وخرجت وهي بتقلع الطرحة بتاعتها وبتقول ” اسم الله عليك ياروح أمك قولت حاجة غلط ”
قربت منها فرح ورمت نفسها في حضنها وهي بتعيط “بيخوني ياخالتي ومش كدا وبس دا بيبجح البجح”
مصمصت زنوبه بشفايفها وهي بتطبطب علي فرح ” معلش ياحبيبة خالتك هو ابني كدا طول عمره ولا نافع في شغل ولا حتي يتنيل علي عينه يحب دا حتي الخيانة معرفش يستر علي نفسه فيها موكوس طول عمره ”
اتملكها الغضب مره واحده وكأي أم مصريه قلعت فردة الشبشب ولزقتها في وش كرب وبعدين رفعت إيديها مره واحده وهي بتدعي عليه “روح ياكرب يابن بطني ربنا يسخطك قرد زي ما انت ساخطني وواجع قلبي كدهون ”
طلع كرب من وري الكرسي وهو بيقول ” ماهو مفيش حاجة جيباني لوري غير دعواتك دي والمصحف ياما ”
ردت بغضب ” ياريته بيعمل فيك ياموكوس يابن الموكوسه ”
ردت فرح وهي بتأكد علي كلامها ” ياعواطلي ياصايع يانسوانجي ”
قرب منها بغضب وهو بيحاول يجبها من شعرها “تعالي بقا هنا يابت بياع القوامص أنتي أنا ساكتلك من الصبح بقا أنا أبات في التخشيبة بسببك يابت حماصه كبداكي الحمييير “

جريت فرح استخبت وري زنوبه وهي بتقول بغضب “تستاهل ايكش كانوا عدموك يابصباص ياصايع”
شهقت زنوبه مره واحده وهي بتخبط علي صدرها بصدمة “رد سجون بقيت رد سجون ياكرب ”
بص كرب لفرح بغضب وبعدين بص لأمه “ماهو كله بسببها هي اللي ضربت البت لحد ماكسرتلها ضلوعها والأخر اتهمتني أني كنت بتحرش بيها بت بياع القوامص دي ”
جريت زنوبه علي البلكونة وهي بتصوت في مشهد اعتاده جميع سكان الحاره وبل ولكن أصبح روتين يومي لهم “ياالههههههههوي الحقوني ياناااس تعالوا شوفوا خبتي في ابني الوحيد مش مكفيه أنه فاشل وعواطلي لاء وكمان بقا رد سجون يالهههوي ”
ست بتاعت الخضار اللي قدام البيت “قلبي عندك ياأم كرب ياختي هما كلهم كدا جتهم القرف”
سكتت أم كرب عن الصويت وبعدين بصت للست “أنتي مال أهلك ياوليه أنا أندب خلفتي براحتي ايش حشرك أنتي”
الست” وأنا مالي ياختي مانشالله تولعوا في بعض عيله عبيطه صحيح ”
كانت أم كرب هترد بس قطعها صوت جاي من بعيد جري …
“واد ياكرب يااااااكرب ابسط ياض جبتلك مصلحه إنما إيه فله”
قلعت أم كرب فردة الشبشب التانية من رجليها وحدفيتها في وش سلامة ” تعالي ياابن نوجه هو أنت بيجي من خلقتك مصالح ياخايب الرجا ”
وقف سلامة تحت البلكونه بعد ماتفادي الشبشب “جرا إيه ياخالتي أم كرب هو سلامة عمره جاب حاجة وحشه”
“هييهي وهو من أمته الحمار شاف البردعه ياحيلتها”

“يووووووه بقا ياخالتي” قال سلامة بزهق وبعدين رفع إيده مره تانيه علي بؤه عشان صوته يوصل لكرب “ياااكرب أنت ياااض”
خرج كرب وهو بياكل خياره وعلي كتفه الفوطه ” عاوز إيه ياض أنت مكفكش اللي حصل امبارح ”
قال سلامة بسعادة “مصلحه ياض إنما إيه آخر ألاطه وفيها فلوس حلوه كمان”
مصمصت أم كرب بشفيفها “شوفوا من بيتكلم، كان القرد نفع نفسه ياخويا”
تجهلها سلامة وكمل بنفس السعادة ” متنشفش دماغك أمال المصلحه تستاهل وكل واحد هيقفش خمسميايه ”
رمي كرب الفوطه من علب كتفه وبص لسلامه بنتباه “أنت بتتكلم جد يالااا ولا زي كل مره هنتخزوق ”
رد سلامة يؤكد كلامه “وربنا زي مبقولك كدهوه الراجل لسه مكلمني عنده محل فيه شوية كراكيب وكتب قديمة وعاوز حد يشيلهم وهيقفش الواحد مننا خمسمية جنية وكمان هنطلع بمصلحة الكتب كمان نبيعها وناخد فلوسها ونبقا استفدنا ”
بص كرب لسلامة بفرحة وهو بيقوله “استني ياض أنا نازلك ”
لف كرب عشان ينزل سمع صويت أمه من جوه ..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية تحت بير السلم)