رواية دلالي الفصل الخامس 5 بقلم بيلا علي

رواية دلالي الفصل الخامس 5 بقلم بيلا علي

رواية دلالي البارت الخامس

رواية دلالي الجزء الخامس

رواية دلالي الحلقة الخامسة

طلعت اتفاجأ لما لقى رنا داخلة فجأة المكتب فوقعت الصورة من ايدة : هو انتى داخلة زريبة يا رنا ؟!
رنا : لا حبيت اشوفك بس ، اصلك وحشتنى .
طلعت بصلها بضيق و داس عالصورة برجلة .. : تنورى يا ستى .
رنا قعدت قدامة : متأسفة لو كنت ضايقتك
طلعت : لا البيت بيتك
رنا : حيث كدا بقى .. دلاال
دلال جت بسرعة : نعم يا ستى ؟
رنا : قهوة سادة ..
دلال بصت لطلعت : تحب تشرب حاجة يا أبية ؟
رنا : لما يحب يبقى يقول ، أنتى ملكيش كلام معاة .
طلعت أومأ براسة لدلال علشان تمشى ، فخرجت من سكات وهى بتبص بطرف عينها لرنا
طلعت: جرى أية يا رنا جيالنا آخر الليل علشان تطلعى ذعابيبك علينا ؟!
رنا : أنا عملت حاجة غلط ؟

طلعت : مش كدا .. بس خلى طريقتك لينة شوية دى بنت غلبانة مشفتش الحلو من الدنيا لسة
رنا فسرها : وعلى جثتى لو شافتة .. ثم قالت بصوت جهورى : خايف أوى على مشاعرها ي سلام اد اية أنت انسان رقيق ..
طلعت : ومخفش لية هى مش بنى آدمة زينا ؟
رنا : بس خدامة ، وهيفضل اسمها طول عمرها حتى لو أية إلى جرا خدامة فقصرك .. و أنا مش حابة القرب إلى ما بينكوا دا !
طلعت ساب الورق و قلع نظارتة وهو بيتنهد .. : دى الحكاية بقى ؟
رفعت حاجب : بطل تعمل انك فاهم فكل حاجة .. فية حاجات متقدرش تفهمها
قعد قدامها عالكرسى إلى قبال المكتب : بقى الحكاية أنك غيرانة ؟
رنا : ا انا !! ا اغير من دى ؟! لية شايفنى جاية منين !
طلعت : الغيرة ملهاش علاقة بالشخص ، لانها بتبقى نابعة من القلب والقلب مبيهموش المظاهر .. و ساعتها بتتساوى فلاحة من الغيط مع الاميرة إلى فقصر ، لأن الحب واحد يا حياتى ..
ربعت أيدها بغضب زى الطفلة : اهو دة الى أنت فالح فية شوية فلسفة تسكتنى بيهم وخلاص .. بس اسمع أنا بجد هيبقى ليا موقف بعد كدا
طلعت : طب اعمل أية ؟ ما هى شغالة هنا و طبيعى اتعامل معاها
ابتسمت بخفة على جنب : اطردها .. ولا اطردها أنا ؟!
طلعت بصدمة : ا أية ، أنتى اتجننتى !؟
رنا : متنساش أن د هيبقى بيتى لما نتجوز وأنا حرة فية ، وأنا إلى اختار مين إلى يقعد و مين إلى يمشى .. فلو سبتها حتى و طردتها أنا بنفسى بعد الجواز هيبقى تحصيل حاصل ..
طلعت : رنا أنتى بتكلمى بجد ، دلال عشرة ١٠ سنين من لما ابويا مات وهى معايا من قبل حتى ما اعرفك.. عايزانى ارميها فالشارع وهى حتى ملهاش مكان تروحة و لا قرايب .. دا ذنب كبير قبل ما يكون عيبة فحق نفسى و رجولتى !
رنا : والله ايش يثبتلى انك بتحبنى أنا ، ايش يثبتلى أنك عايزنى أنا و مين يأكدلى نوايا ست دلال هانم بالخير و أنها مش عايزة تخطفك منى .. بجنون : مين يعمل كدا !؟
طلعت : أنا .. أنا يا رنا ، والدليل على كدا انى اخترتك انتى .. دلال دى اختى الصغيرة مش اكتر من كدا .. إنما انتى إلى هتكونى مراتى و شريكة حياتى .
سكتت وهى بصة فالارض .. قام وقعد قدامها وهى نازل على رجلة ..
طلعت : أنا نفسى اعرف مين إلى زرع فدماغك الافكار دى ؟

رنا بدموع : أنا لما فكرت لقيت نفسى مش قادرة استحمل و جيتلك على طول .. ا اصلك متعرفش يا طلعت أنت بالنسبالى أية ، أنت متعرفش أنا مريت بإية فحياتى لحد ما شوفتك .. ج جوز امى ونظراتة ليا بعد ما أمى ماتت ك كان بيهددنى أنة هيع*تدى عليا لو مجبتلوش فلوس كل يوم علشان يروح يشرب بيها .. خلانى عابدة للقرش .. متعرفش أنا تعبت ازاى.. مريت بأد أية علشان اتعالج .. لحد ما قابلتك و و شلة الجامعة .. فاكر ؟ *هو راسة بحنية*لما بحس أنى هفقدك بحس أنى هرجع لنفسى القديمة وأنا م مش عايزة اكون كدا !
*طلعت بيمسح دموعها * : ايوة بس كل دا كان فالماضى.. كل دا عدى خلاص ، معدش فية جوز أمك فحياتك كان فصل شىء و خلص .. و دلوقتى أنتى معايا ، دلوقتى أنتى إلى هتبقى مراتى و حبيبتى .. مفيش داعى نفكر كدا
رنا : ب بس دلال دى ..
حط أيدة على بقها و طلع من جيب بدلتة علبة مخملية .. عيونها لمعت لما شافتها ، فرد أيدها وبصلها بحب وهو بيلبسها الخاتم : مفتكرش فية حاجة اكتر من كدا المفروض تثبتلك ..
رنا بصتلة بذهول .. فابتسم وباس ايدها : أنتى مش مجرد صديقة يا رنا أنتى أغلى من كدا
كل دا ودلال واقفة عالباب و الصينية فإيدها بتترعش … كانت عارفة أن دا هيحصل بس متخيلتش أنة هيبقى مؤلم كدا .. أول مرة تحب وأول مرة تحس بنار الحب وهى بتكويها.
خبطت على الباب .. : ادخل يا أبية ؟
طلعت اتعدل : اه يا دلال ..
طلعت فتح تلفونة وهو بيقعد عالمكتب و بعد كدا ابتسم وهو بيقول : أية رأيك تباتى النهاردة هنا يا رنا ؟
الصينية وقعت من دلال عالأرض و هدوم رنا بقعت من تحت فقالت بزعيق : ا أنتى أية إلى عمليتة دااا !؟
دلال لسة بصة لطلعت بصدمة .. طلعت : عملتى أية يا دلال بس !
دلال بصت لرنا : أا .. مسكت طرف المريلة بتاعتها وبقت تمسح طرف فستان رنا وهى عيونها مدمعة : أنا آسفة يا ست هانم ، مخدش بالى … أخر مرة يا ستى .. أنا آسفة .
رنا ربعت ايدها وبصتلها بقرف : خلاص خلصنا .. وبصت لطلعت بعد ما دلال اتعدلت و خدت الصينية وقالت : ثوانى هعملك واحدة كمان
رنا بسرعة : نفسى اتسدت .. كنت بتقول أية ي طلعت ؟

طلعت بابتسامة : الطريق الى بتعدى منة علشان تروحى واقف علشان فية مجارى طفحت .. لو استنيتى هيبقى لحد الفجر ممكن ، فإية رأيك احمم .. تباتى هنا ؟
رنا : اهؤ ، اهؤ .. ط م ماشى لحد الصبح و همشى .
……
فى المطبخ
نجلاء : لاا أنتى فيكى حاجة مش طبيعية !
دلال : مكانوش فينجانين إلى وقعتهم .. أنا كويسة
نجلاء : لا يمكن تكسرى كوبايتين فإسبوع واحد ؟! د أنا اسافر المريخ بس مشوفكيش كدا !
دلال : لا أنا كويسة ، مش مركزة بس شوية ..
نجلاء حطت أيدها على كتف دلال : قوليلى أية إلى شاغلك ، أنا مش لسة عارفاكى أول امبارح .. دا أحنا عشرة يا حبيبتى .
دلال انفجرت فى البكاء أمام نجلاء ، فضمتها الاخرى إلى صدرها وهى تمسح على شعرها و تقرأ بعض آيات القرأن الكريم .. ولما انتهت : اهدى .. اهدى يا دلال حصل أية ؟
دلال : معنتش قادرة استحمل يا نجلاء ، معنتش قادرة اخبى اكتر من كدا .. أنا هتجلط لو خبيت اكتر !
نجلاء : تخبى أية ؟!
دلال : أنا ب ب بحب أبية طلعت يا نجلاء ، بحبة أوى بجد !
طلعت إلى كان واقف على باب المطبخ و لسة هيفتحة ابتعد بضع خطوات للخلف وهو لا يقدر على الحراك !
فلاش باك .
رنا : اووف أنا مصدعة أوى .

طلعت : علشان مشربتيش القهوة .. أنا هقوم اخلى دلال تعملنا قهوتنا و بالمرة اقول لحد من الخدم يجهز الاوضة إلى هتباتى فيها
رنا بصتلة بتردد ثم اومأت براسها ..
بعد ما خرج ، بعتت رسالة لكرم : أنا هبات عندة النهاردة ، هحاول اخلية يمضى ..
ثم اغلقت الهاتف و بدأت تجول فالغرفة مثل الفراشة
باك ..
خطين من الدموع بدأوا ينزلوا على وجنتى طلعت .. و سقط على ركبتية أمام المطبخ و هذة الجملة تتردد على مسامعة مثل سهام البرق
أحد الخدم : طلعت بية حضرتك تعبان ؟!
هز راسة وهو بيمسح وشة و بيقول : جهز اوضة من إلى فوق علشان عندنا ضيف .. بسرعة لو سمحت .
فى الغرفة
نجلاء سابت دلال و اتسحبت بخفة ناحية الباب علشان تتأكد إن مفيش حد بيسمعهم .. و أول ما فتحت الباب

يتبع..

لقراءة الفصل التالي : اضغط هنا

لقراءة باقي حلقات الرواية اضغط على (رواية دلالي)