رواية أحببته الفصل الرابع 4 بقلم نورهان صبري

و فى يوم نور كانت راجعة من الدرس..

~يا ماماااا.. يا مامتى.. ما. فجأة نور لقت مامتها واقعة على الأرض.. اتخضت وراحت عليهاا بسرعة تحاول تفوق فيهاا معرفتش.. رنت على الإسعاف بسرعة و جم خدوهاا على المستشفى.. فضلت مستنية كذاا ساعة قدام أوضة العمليات و هى بتعيط.. و بعدين افتكرت ابن خالتها.. ادم.. رنت عليه بسرعة..

~الو.. ايوا يا آدم  الحقنى 

_مالك يا نور.. اى اللى حصل..

~ماما.. ماعرفش اى اللى حصلهاا و لقيتها مغمى عليهاا جبتها المستشفى و لسه لحد دلوقت فى العمليات..

_طب اهدى.. اهدى يا نور و انا جايلك حالا.. مسافة السكة

~ بسرعة بالله عليك يا آدم ..

عدى شوية و نور لقت ادم جاى من بعيد.. وصف سريع كداا لادم ” ادم المنشاوى.. ابن خالة نور.. عنده 24 سنة خريج كلية هندسة و شغال مع باباه فى شركتهم.. المهم الواد داا قمور بقاا كداا بعيون عسلى و شعر اسود و جسم رياضى و كداا يعنى”

_انتى كويسة يا نور.. اى اللى حصل لخالتو

~و الله ماعرف يا ادم.. الدكتور لسه ماخرجش

_طب اهدى بس و ان شاء الله خير..

فضلو نور و ادم مستنيين شوية لحد ما الدكتور خرج..

~ماما كويسة يا دكتور… اى اللى حصلها..

.. ما تقلقيش يا آنسة هى  بس ضغطهاا وطى شوية و السكر نقص بس الحمد لله بقت كويسة دلوقت و تقدروا تشوفوها عن اذنكواا

_شكراا يا دكتور.. يلاا يا نور ندخلها..

نور باتت مع مامتها فى اليوم داا و عدى تانى يوم لحد ما اطمنت على مامتها و خلصوا الإجراءات و روحت البيت و طبعاا ادم راح معاهم..  و طبعاا داا خلى نور ماتروحش دروس خالص فى اليوم داا..

فى اليوم اللى بعده نور راحت الدرس عادى و حاولت تعوض اللى فاتهاا و كداا.. و خلصت الحصة بس قبل ما تمشي مستر رياان وقفهاا..

_نور استنى..

~ نعم يا مستر فى حاجة

_اهاا كنت بس عايز اعرف كنتى غايبة ليه.. انتى عارفة ان الامتحانات على الأبواب و ماينفعش تغيبي.. صح!

~انا اسفة و الله يا مستر.. بس حصلى ظرف و ماقدرتش اجى..

_على العموم حصل خير.. بس انا بجد املى فيكى كبير و متأكد انك مش هتخيبي ظنى صح..

~ ان شاء الله يا مستر.. ادعيلي انت بس..

_و انا دايما هدعيلك…

_معقوله كل داا حصل و انا معرفش يا نور طب كنتى رنى علياا..

~و الله كل حاجة حصلت بسرعة يا مريم و معرفتش افكر فى حاجة.. بس ادم كتر خيره جه و وكان معاناا..

_اهاا الحمد لله ان ربنا قومهالك بالسلامة.. طيب انا همشي دلوقت عايزة حاجة..

~عايزة سلامتك يا روحى..

و مشت مريم بس و هى فى الطريق فى كذاا واحد حاولوا يعترضو طريقها.. و هى حاولت تمشي من غير ماترج عليهم بس فجأه واحد منهم مسك ايدهاا.. قامت هى بصتله بصة كداا خلته يخاف “جامدين احناا هاا” و مسكت نفس الايد لوتهاله و ضربته برجلها و طلعت تجرى.. و طبعاا التانيين اتلبخوا فى صاحبهم.. “فكرتنى هجبلهاا واحد ينقذهاا بقاا و بتاع.. لا انا بخالف التوقعات ????”.. المهم البت طلعت تجري شوية و هى بتبص وراهاا و خايفة “قال يعنى مش هى اللى ضرباهم “و فجأة و بدون سابق إنذار خبطت فى واد قمر كداا “ماهو انا مش هعدى الموقف و هى لسه سنجل بائسة لا” المهم بقاا.. 

.. اى مش تفتحى يا عمية انتى.. 

_انا برضو اللى عميه.. بقولك اى انا مش فاضيالك.. 

.. قال يعنى اناا اللى عايز اكلمك.. بنات آخر زمن صحيح.. ابقوا بصواا قدامكواا بدال ماتمشواا تخبطواا فى الناس و تيجواا تهزقوناا فى الاخر.. 

مريم كانت هتزعق بس فضلت تعتذر وخلاص عشان عيب تكلمواا و كداا فى الشارع.. 

_انا اسفة.. 

.. اسفة.. دلوقت اسفه.. على العموم حصل خير.. 

مريم روحت و رنت على نور تحكيلهاا و طبعاا احنا فى تنمر الصحاب ماعندناش ياما ارحمينى.. ????

المهم عدى الأسبوعين و ابتدت امتحانات نور و مريم و الكل فى حالة توتر فظيعة و لسه رسايل المجهول بتتبعت لنور كل يوم عشان يطمنهاا.. 

وأخيراا خلصت امتحانات و النتيجه الاسبوع الجاى و كله مستنى على نار.. 

_الو يا نور الحقى.. 

~اى يا مريم خضيتينى فى اى 

_النتيجه هتظهر خلال دقايق.. 

~ يالهوووى بتتكلمى جد.. طب اعمل اى يا ربي انا خايفة اووى 

_ و انا هموت من الرعب.. 

~الحقى يا مريم… جبت 98٪ انا مش مصدقة نفسي و اخيرا هدخل الهندسة اللى نفسي فيهاا 

_و انا كمان جبت 97.5٪ انا مبسوطة اووى اننا هندخل هندسة سواا كان داا دايما حلمناا.. 

~ فعلا كان داا دايما حلمناا 

“حلو اووى انك تلاقى صاحب بيشارك حتى أصغر أحلامك.. أصغر التفاصيل.. بتدعواا نفس الدعوى فى كل صلاة و هى انكواا تفضلوا سواا” 

عدى كام يوم و كانت نور نازلة بسرعة من البيت عشان تقابل مريم و فجأة خبطت فى واحد.. لسه هتعتذر منه لقته مستر رياان.. 

~اسف… اى داا مستر رياان.. حضرتك بتعمل اى هناا.. 

_انا ساكن هناا جديد.. انتى اللى بتعملى اى هناا.. 

~انا بيتى هناا 

_بجد.. اى الصدفة الحلوة دى.. 

~صدفة غريبة بصراحه.. على العموم هنشوفك كتيير هناا و لازم تيجى تتعرف على ماما.. 

_اكيد.. لازم 

~ تمم معلش انا متأخرة دلوقت.. عن اذنك.. 

_اذنك معاكى.. 

خرجت مع مريم و حكيتلهاا اللى حصل عادى جداا يعنى.. ????

يتبع…..