رواية فتاه احلامي الفصل الثامن والعشرون 28 بقلم نونا حمزة

رواية فتاه احلامي الفصل الثامن والعشرون 28 بقلم نونا حمزة

رواية فتاه احلامي البارت الثامن والعشرون

رواية فتاه احلامي الجزء الثامن والعشرون

رواية فتاه احلامي الحلقة الثامنة والعشرون

راحوا علي البيت وسيم سند علي ساره وطلع شقتهم امه اول ما شافته صرخت وسيييييم مالك يا حبيبي ايه اللي عمل فيك كده يا بني
وسيم متخافيش يا ماما انا كويس وتمام مفيش حاجه اطمني
ام وسيم امال ايه اللي عمل فيك كده قولوا بسرعه
ساره حكيت لها على كل اللي حصل معاهم
ام وسيم حسبي الله ونعم الوكيل فيهم منهم لله ربنا ينتقم منهم
مرت الايام ووسيم جهز الشقه اللي هيتجوزوا فيها وجه ميعاد الفرح
وجه ابو ساره من السفر علشان يحضر الفرح زي ما قال لوسيم
حجزوا القاعه وكل شيء تمام 👌
يوم الفرح بليل كان ووسيم بيلبس البدله بتاع الفرح وساره كمان فى الكوافير بتجهز للفرح
رن تليفون وسيم رد الو مين بيتكلم
ايوه وسيم
وسيم ايوه انا صاحب هاني انا لازم اقابلك ضروري في موضوع مهم لازم اتكلم معاك فيه
وسيم موضوع ايه انا النهارده فرحي مش هينفع يوم تاني وانا كمان هحتاجك علشان اعرف مكان الكلب ده وممكن يكون راح فين
صاحب هاني مش هينفع يوم تاني دي مسأله حياه او موت بالنسبالك اكيد انا تعبت لما جبت رقمك من مروه لما قولتلها ان مساله مهمه هتنقذ حياتك من الدمار
وسيم اتنهد ولو اني مش عارف بتتكلم عن ايه بس اوك قولي اجيلك فين معنديش وقت
صاحب هاني اداله العنوان
ركب عربيته بسرعه وراح علي العنوان
رن وسيم الجرس فتح له صاحب هاني وقال اتفضل يا وسيم شكرا انك جيت
وسيم خير في ايه
صاحب هاني اخده عند اوضه وفتح الباب ودخل وسيم وكانت المفاجأه نزلت على وسيم زي الصاعقه وسيم بص بعينه وبرق عنيه لقي هاني نايم علي سرير في الاوضه
وسيم عنيه احمرت والدم غلي فى دماغه وجز علي سنانه وراح هاجم عليه وقال اه يا كلب ياحيوان وراح رافع ايده علشان يديله في وشه
صاحب هاني جري ومسك ايده وقال وسيم ارجوك استني افهم اللي حصل والحكايه كلها الاول وبعدين قرر انتا هتعمل ايه ماشي
بصله وسيم بقرف وقال هعمل ايه هموته وهشرب من دمه اكيد دا كلب وحيوان ومعدوم الضمير
صاحب هاني مهو حكايه الضمير دي هي الحكايه بص كده عليه
وسيم لف وشه ناحيته وعنيه مليانه غل من ناحيته ولاحظ انه مش بيتحرك خالص ومفيش اي مقاومه منه😪
صاحب هاني قال انا هحكيلك علي نص الحكايه وهاني هيحكيلك النص التاني تمام بس ارجوك تمالك نفسك شويه ومتقاطعنيش وانا بتكلم دي مسأله مصيريه بالنسبالك
اتكلم يا هاني احكي يلا
هاني بيتكلم بصعوبه وقال وسيم انا عارف اني غلطت كتير اوي فى حياتى وعملت حاجات كتير اوي وحشه بس بطلب من ربنا يسامحني ويغفرلي
انا فى اليوم اللي خطفت فيه ساره كنت ناوي انتقم منك علشان اللي عملته فيا الشيطان كان مصورلي كده بس صدقني ساره حسيتها انسانه نضيفه اوي غير كل البنات اللي عرفتهم فى حياتى افتكر كلامها لما قالتلي خاف ربنا وافتكر ان فيه حساب انا ساعتها اتأثرت بكلامها اوي يمكن ربنا اراد اني افوق من اللي انا فيه واللي كنت بعمله
لما صرخت وفضلت تنادي عليك حاولت اسكتها وزأتها فى الحيطه بكل عنف وقسوه وقعت على الارض والدم سال من راسها كتير علي الارض وسمعت صوتك وانت بتنادي عليها زي المجنون مقدرتش اقرب منها حاجه منعتني عنها وهي بين ايديا كتفتني
الشيطان صورلي ان لازم احرق قلبك عليها باي طريقه كانت فقمت مقطع لها هدومها وجبت دم من اللى سال من راسها على الارض وحطيت منه علي هدومها وعلي رجليها علشان يبان اني اغتصبتها وهي كان مغمي عليها اصلا مش هتفتكر
واحرق قلبك عليها لان انا عارف اد ايه انتا بتحبها
وهربت بسرعه بس عشان ربنا يعاقبني وانا سايق بالعربيه زي المجنون وبفكر في اللي عملته وضميري اول مره يتكلم معايا بصدق اني انسان حقير وسافل وواطي وندل
وفجأة طلعت ادامي عربيه كبيرة ودخلت فيها بالعربيه ومفوقتش الا وانا فى المستشفى والدكتور بيقولي اني اتشليت تماما
صاحب هاني قال اكمل انا طبعا عرفت اللي حصل لهاني جيت علي المستشفي ووقفت جمبه ومسبتوش لغايه ما طلع من المستشفى وجبته البيت هنا وقبل مايطلع من المستشفى شوفت ساره هناك وعرفت انك في المستشفى بس للاسف معرفتش اتكلم معاها واقولها علي اللي حصل
انا قولت لهاني اني شفت ساره فهو قرر انه يقولك ويريح ضميره
بعد ما عرف ان فرحكوا النهارده وانتا عارف الباقي
وسيم ريقه نشف ومش قادر ينطق مش قادر يستوعب فضل شويه مبرق عنيه وبياخد نفسه بصعوبه واترمي علي كرسي وحط ايده علي دماغه وحس ان الدنيا بتلف بيه وفتح زراير القميص علشان يقدر يتنفس وهو جواه عايز يصرخ من الفرحه
وقام وقال انتا مش عارف انتا عملت فينا ايه انتا موتنا بالحيا وانا كنت ناوي اقتلك وكنت بدور عليك فى كل حته ولو اعرف انك في المستشفى كنت قتلتك هناك بس شاء القدر ان ربنا ينتقم منك علي اللي عملته في حياتك فيا انا وساره
وسابهم وخرج
يا تري رد فعل ساره هتكون ايه بعد ما تعرف

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية فتاه احلامي)