رواية مريم الفصل الخامس 5 بقلم حبيبة ممدوح
رواية مريم الفصل الخامس 5 بقلم حبيبة ممدوح
رواية مريم البارت الخامس
رواية مريم الجزء الخامس
رواية مريم الحلقة الخامسة
عملت الشاي ودورت ع يونس لقيتو ف البلكونة اخدت كوبايه الشاي وانا داخله لقيتو بيتكلم ف التليفون وسمعتو بيقول..
-ايوة اهي عندي..
قاطعتو وقولتلو
هي مين دي ال عندك.. انت بتكلم مين هاااا.. انت بتتكلم عني ول مين
يونس بارتباك
_مالك ي مريم ف اي
قولت بصوت عالي
انت بتكلم مين دلوقتي.. وبتكلمو عنيي ليييي انا عاوزه افهم
_مريم داا احمد وكان بيسال عليكي..
نعم..
_اي ي مريم مالك
لقيت مامتو جت من المطبخ
•مالكو ي ولاد صوتكو عالي لي
احم احم اسفة… اصل انا منمتش وو… وو تقريبا بيتهيلي حاجه.. متزعلش مني
يونس وهو مستغرب
_اكيد مش زعلان بس مالك
قولت والدموع ف عيني
فكرتك بتكلم حد عني وهتبعني زي ما بابا عمل..
_ابيعك ازاي بس ي مريم متخافيش
•اي الكلام ال بتقوليه دا ي مريم..
معلش ي ماما انا اعصابي تعبانه شويه من ال حصل.. وكمان قابلت بابا الصبح ف كلامو تعبني معلش ي يونس
_ولا يهمك..
انا داخله انام عند اذنكو
•معلش ي يونس هي مش قصدها.. انت عارف الضغط ال هي ف بسبب ابوها وابن عمها دا
_اكيد ي امي انا عارف دا.. هروح انام ف الشقه التانية
قالت ف سرها ربنا يجعلها من نصيبك
دخلت الاوضه وعيطت كتير وانا ببص ف صورة ماما وبشكي ليها من ال حصل ف حيااتي انا تعبت خلاص… انا صابرة علشان خاطرك ي ماما خطرك وبس..نمت من كتر العياط
عدت الايام والامتحانات قربت
_مش هينفع تيجي الصيدلية وانت عندك امتحانات كده
ازاي بس ي احمد مش هينفع
_انا بقولك هينفع وياله روحي ذاكري وممكن تجي الصيدلية علشان اذاكرلك بس مش هتشتغلي
بس..
_مبسش ومرتبك شغال
لا مش هينفع
_ابقي هخصمهم منك بعدين لما تنجحي
وعد..
_اه ومالو
يبقا مش واخده حاجه
_خلاص ي ستي بقا روحي
ماشي سلام
روحت وذاكرت
طق طق طق
ادخل
_خدي ي مريم السندوتشات دي انت مكلتيش حاجه
انا مشعارفه اقولك اي.. شكرا
_انا امك متشكرنيش..
حاضر
جرس الباب رن
_هطلع اشوف مين
اهلا اهلا ازيك ي احمد
-ازيك ي خالتي عامله اي
_الحمدلله امك عامله اي
احمد وهو بيدور بعينو ع مريم ف الشقة
-ماما.. ماما كويسة ي خالتي الا فين مريم
_جوا بتذاكر
يونس وهو طالع من الأوضة
•ازيك ي احمد عامل ايي
_الحمدلله انت عامل اي
•الحمدلله
_اي يبني ال مقعدك هنا مش قولت هتقعد ف الشقه التانيه
يونس وهو مش فاهم..
•احم اه انا كنت بتغدي بس ورايح
_اه تمام فين مريم ي خالتي نديها
يونس بخبث
•وانت عاوزها لي
_هذاكر لها اصل امتحانااتها بكرا
•امم منا قولتها لو عازت حاجه تقولي
اهي مريم جت
اازيك ي احمد
-الحمدلله تمام ياله ع المذاكره مفيش وقت
يونس بغل طلع وهبد باب الشقة وراه
هو ف اي
-احمد مشعارف ياله نكمل مذاكرة ها وصلتي لفين…
فضل يذاكر معايا لحد الساعه3 الفجر
ي خبر الوقت اتاخر اوي ي احمد
_ميهمكيش المهم ان خلصتي.. هتحلي كويس وانت قدها
ان شاء الله
_هعدي عليكي اوصلك بكرا هاا
لاء.. اقصد يعني مينفعش
_ومينفعش لي.. ياله نامي علشان متروحش عليكي نومة باي
نمت وانا مستريحه إن خلصت الماادة ف الوقت الصغير دا.. ومكنتش فاهمه احمد بيعمل معايا كده لي..
•متخافيش وركزي وانت بتحلي
حاضر ي ماما
_خدي السندوتشات دي
سندوتشات ف الكليه!!
•اي هي الكليه مش بيجوعو فيها خدي يبت انت هفتانه
حاضر ي ماما
طق طق
شوفي مين ال بيخبط
دا يونس ي ماما
•ادخل يبني افطر
-لا يماما علشان متاخرش هودي مريم الامتحان
لا ماهو اصل…
-مفيش اصل وفصل مش هتتعبيني ومش هتقلي عليا ياله
مكنتش عارفه اقولو ان احمد هيوديني
نزلنا ولقينا احمد واقف تحت
_موقفاني ساعة لي يشيخه.. ازيك ي يونس
-اهلا ي احمد اي ال جابك.. اقصد جاي هنا لي
_انا جاي اوصل مريم الامتحان
يونس بصلي وبصلو وقال
-احم اه اصل انا كنت هوصلها
_لا ي يونس روح شوف وراك اي انا هوصلها
اتعصب يونس ومشي
_اركبي واقفه لي
حاضر
فضلت طول الطريق ساكته ومش فاهمه اي ال بيحصل
قطع شرودي صوت احمد
_مستعدة
مستعدة
_خلصي وهتلاقيني مستنيكي.. متنطقيش ب ولا كلمة هاجي يعني هاجي
طيب حاضر
خلصت الامتحان وكان كل ال ذاكرهولي احمد جاي في وطلعت مبسوطة
لقيت يونس واقف مستنيني بالعربية
_اي عملتي اي
الحمدلله حليت كويس
_الحمدلله ياله بينا
اصل…
_تاني هتقوليلي اصل ها ف اي
مفيش مفيش
بعت لاحمد ع الواتس اني روحت بس مشفهاش ورن عليا
_انت فين انا قدام الكليه ومش لاقيكي
انا… انا روحت
_روحتي ازاي لوحدك انا مش متفق معاكي
مش لوحدي انا مع يونس
_يونس اه طيب سلام
عدت ايام الامتحانات ونجحت وبتقدير..
روحت ع الصيدليه علشان اطمن احمد.. وانا ماشيه لقيت ناس لابسين لبس غريب وشدوني ف عربية و….
يتبع….
لقراءة الفصل التالي : اضغط هنا
لقراءة الرواية كاملة اضغط على 🙁رواية مريم)