Uncategorized
رواية بيجان الفصل الحادي والخمسون 51 بقلم نعمة ابراهيم
رواية بيجان الفصل الحادي والخمسون 51 بقلم نعمة ابراهيم
 |
| رواية بيجان الفصل الحادي والخمسون 51 بقلم نعمة ابراهيم |
رواية بيجان الفصل الحادي والخمسون 51 بقلم نعمة ابراهيم
في البيت الكبير
بعدما أغلقت جريئه الاتصال مع صقر
قررت الاتصال اولا ب شهاب
بعد دقيقه
فُتح الاتصال
شهاب . السلام عليكم…..انسه جريئه معايه
جريئه . و عليكم السلام ي استاذ شهاب
ايوه معاك
شهاب . أنا آسف لو كنت ازعجتك بس انا كنت عاوزة اطمن علي بيجان
جريئه . اه طبعا….ثواني بس اوصله التلفون
وضعت جريئه يدها على سماعه الهاتف
ثم تحركت في اتجاه بيجان وهي تنادي عليه
ب هدوء
جريئه . بيجان…بيجاااان
كان بيجان يجلس علي العشب و بجواره والدتها و عايده
جلست معهم أيضا
بيجان . نعم ي مامي
اقتربت جريئه منه ثم جلست بجواره و هي تعطيه الهاتف
جريئه . خد اونكل شهاب عاوز يكلمك و يطمن عليك
اخذ بيجان منها الهاتف بسعاده
بيجان . الو ي اونكل شهاب
مسح شهاب دمعه كانت ستنزل من عينيه علي ما حدث ل صديق عمره و ما سوف يحدث ل ابنه
لو حدث شئ سيء له
فقال شهاب ب صوت مبحوح
شهاب . الو ي بيحان ي حبيبي عامل اي
انت كويس
بيجان . ايوه ي اونكل الحمد لله….بس هو بابا هيرجع من السفر امتي….وهو ليه مكملنيش زي كل مرة لما بيسافر
شهاب . معلش ي حبيبي هو مشغول اوي…..بس هو بيقول أن اول حاجه هيعملها اول لما يجي هياخدك و تسافروا سوي تتفسحوا تعويض علي السفرية المفاجأة دي
بيجان بسعاده . بجد ي اونكل…..بس هو هيجي امتي
شهاب . قريب ي حبيبي بس انت ادعيله…..بس انت اوعي تتعب طنط جريئه علشان متزعلش منك
بيجان . لإ انا بحب جيرا قوي و مش ممكن ازعلها ابدا
ابتسم شهاب وهو يقول
شهاب . ايوه كده حبيبي شاطر و بيسمع الكلام
هقفل أنا بقا ي حبيبي مع السلامه
بيجان . مع السلامه ي اونكل
بعد إنتهاء الاتصال
قال بيجان
بيجان . اتفضلي ي مامي أنا خلصت
اخذت جريئه منه الهاتف
وهي تقبل وجنته و تقول ب حب
جريئه . احلي مامي سمعتها في العالم كله
ثم نظرت ل والدتها و هي تكمل
امي أنا هقوم اعمل شوية مكالمات
و دلوقتي هتلاقي مندوب مبيعات جاي و معاه اكل كتير زي كورن فليكس و وحلويات كتير و لعب و لبس ل بيجان
استلميهم منه انتي
آيه . ماشي ي حبيبتي
روحي انتي شوفي هتعملي اي
نهضت جريئه من علي العشب و هي تقول
جريئه . ماشي ي ست الكل
بعد ابتعاد جريئه عنهم قليلا
اتصلت ب رشيد
بعد لحظات فتح الاتصال
رشيد . الو…… انسه جريئه معايه
جريئه . ايوه معاك
رشيد . كنت بتصل ب حضرتك علشان اطمن علي بيجان
قالت جريئه ب سخريه
جريئه . يعني انت عاوز تفهمني انك مثلا باعت مدام عايدة معاية…….زينه
رشيد . احممم….مش القصد بس بالتأكيد عاوز اعرف
قاطعته جريئه وهي تقول
جريئه . عاوز تطمن أن بيجان لو مضايقني أو اي حاجه علشان انت عارف أن هو طفل صعب
ف بالتالي لما لقيت عايده بتقول انها بتعامله كويس و الولد بيحبها
ف حبيت تتاكد الاول مني
علشان تلاقي ل نفسك حجه تيجي تاخد بيها بيجان
صح
رشيد . ايوه
جريئه . لإ متخفيش أنا وبيجان علاقتنا كويسه مع بعض اوي و مستحيل اتخلي عنه
رشيد . طب ممكن اعرف اي هي صلتك ب بيجان
قالت جريئه ب نفاذ صبر
جريئه . مليش مزاج اقولك ي حج
عندك مانع
تنفس رشيد الصعداء ل يهداء من نفسه
رشيد . ادام مفيش مشكله تمام……مع السلامه
قالت جريئه ب برود
جريئه . باي باي
ثم أغلقت الاتصال
و اتصلت على حسن علي الفور
و هي تتمشي في الحديقه
فُتح الاتصال
جريئه . بص ي حسن من غير مقدمات
متجيش من السفرية بتاعتك غير لما اقلك
حسن ب استغراب . ليه
جريئه . حسن مش انت بتثق فيه
قال حسن من دون تردد
حسن . طبعا…..بس ليه
جريئه . لما ترجع بالسلامه هبقا اقلك علي كل حاجه بس دلوقتي متنزلش و متقلش ل سارة علي حاجه
حسن . ليه يعني
قالت جريئه ب حده
جريئه . حسن……. مش هنلف وندور علي بعض الرحله دي اصلا انت مكنتش هتطلعها دلوقتي بس طلعتها علشان ساره لو قعدت وحكت مع اهلها في حاجه هنتفضح
قال حسن ب قليل من الضيق من حدتها الغير مبررة معه
حسن . تمام…..انزل مصر علي امتي
قالت جريئه ب ضيق من نفسها علي حدتها معه
جريئه . متزعلش مني بس انا لو معملتش كده هنخسر هبتنا قصاد الناس
حسن . خلاص ي جيرا مش زعلان بس قولي هرجع مصر علي امتي كده
جريئه . الله اعلم بس اول لما كل حاجه تتضبط
هقلك تنزل و ي ريت متسألش ليه أو تحاول تعرف اوكي
قال حسن ب ضيق
حسن . ماشي ي جيرا….سلام
جريئه . سلام
بعدما أغلقت جريئه الاتصال
نظرت إلي مكان وجود بيجان ووالدتها
فلم تجده فتوقعت أنهم ذهبوا ل داخل المنزل
ف تحركت في اتجاه و هي مبتسمه لوجود بيجان في منزلها ب الاضافه الي أن كل شئ يمشي مثلما تريد
بعد مرور أسبوع علي تلك الأحداث
و في صباح
كانت جريئه جالسه مع حسام في الحديقه
و هي تشاهد بيجان وهو يلعب مع قطتها كاتي
فقد طلبت من احمد وهو قادم من الاكاديميه
ب أن يأتي بها إليها
بعدما كانت قد طلبت من ريم الاعتناء بها لحين قدوم احمد و استلامه منها ب الاضافه الي تجهيز شنطه ملابسها
لياخذها معه وهو قادم
قال حسام وهو ما زال ينظر إلى بيجان
حسام . عارفه ي يجرا لو مكنتش اعرفك كنت قلت أن الواد ده ابنك
وان كل القصه بتاعت أن صاحب والده اللي هو مديرك في الشركه و طلب منك تخليه عندك لحد لما صاحبه يقوم من الغيبوبه
تأليف و مكنتش صدقت
بس مش غريبه أن الواد يقلك ي مامي
جريئه . حسام…..انت مش بتتعب من الكلام في الموضوع ده….وثانيا منا قلت اني اعرف الواد من النادي
فيها أي
قال حسام ب مكر
حسام . وانتي من أمتي بتروحي النادي علي طول ي جيرا
جريئه . وانا من أمتي بيديكوا تقرير عن تحركاتي ي حسام ي ابن اخوي
حسام . مش قصدي بس بجد حاجه غريبه
قالت جريئه ب شماته
جريئه . سيبك مني…… المهم انت اي نظام العرايس اللي داليا بتجبهم لك
بس اي ي واد ي حسام
عسل
ثم غمزت في اخر كلمه و هي تضحك بشماته
نظر لها حسام بغيظ
ثم تحولت نظراته ل شماته هو الآخر بعدما تذكر
وقال ب نبره كلها شماته
حسام . بس اي خلاص مش هبقى لوحدي أنا
ثم غمز في اخر كلمه
ضيقت جريئه عينيها ثم قالت بضيق
جريئه . قصدك اي ياض
حسام . مش اللواء عزت كلم عناني و خد منه معاد علشان يجي يتقدم و يطلب ايدك ل ابنه المقدم غسان
بس
اوعي تقولي انك مش عارفه
قالت جريئه ب ضيق
جريئه . عارفة ي حنين
حسام بمكر . و ادام انتي عارفه عامله في نفسك ولا كأن حد ميتلك كده ليه
مش تقومي تروحي ل كوافير كده و تعملي شوبنج زي اي بنت بيبقا جايلها عريس
قالت جريئه ب ملل
جريئه . شوبنج و كوافير
يعني انت عارف اني أنا هموت علي الجواز و يعني خلاص مش قادرة اطلع اجري اتجوز علشان القطر هيفوتني
ولا أن غسان العريس المنتظر اللي قعدت طول حياتي منتظره
عادي ي ابني كبر دماغك
واحد زي اي واحد جه اتقدم و كان اكتر من مناسب في نظركم ليه
و اترفض في الاخر
فيها أي يعني
حسام . يخربيتك تناكتك ي شيخه
جريئه . ولو أنا متنكتش…..مين يتنك
دنا جريئه الحسيني علي سن ورمح ياض
و غير كده ابعد عن نفوخي مش ناقصك انت التاني
وروح اتجوز ولا اعملك حاجه مفيده في حياتك
بدل القاعده في أرض الموالح
اللي شكلك اتعديت من اسمها و بقيت ناشف و معضم ومالح زيها كده
حسام بمرح . لإ انا هقوم بقا علشان انت دخلتي في مواضيع أنا لا أسمح بها ابدا
جريئه بمرح . الغي رحلتك
حسام بنفس المرح . ي ريت و معاه اوردر الجواز
لحسن مش طالبه معانيه خالص الايام دي
ضحكت جريئه و هي تقول بمرح
جريئه . طريق السلامه ي رسام
حسام . سلام ي اختي
بعد ذهاب حسام نظرت جريئه ل بيجان
و هي تقول ب حنان و حب يزداد كل يوم و هي تراه أمامها
جريئه . بيجان
نظر لها بيجان وهو يحمل كاتي ويلاعبها
بيجان . نعم ي مامي
جريئه . سيب ي حبيبي كاتي و تعال يله ندخل جوه علشان ناكل ونام شوية بس قبل ده ناخد شاور جميل كده شبهك
بيجان . بس انا عاوز العب مع كاتي اكتر
جريئه . معلش ي حبيبي يلا علشان متتعبش
و بعد لما تنام شوية ابقا العب معها تأني
وكمان كاتي لازم تاكل
قال بيجان ب ضيق طفولي جميل
بيجان . ماشي
نهضت جريئه في اتجاهه و هي تحمله و تقبله من وجنته
وتقول ب حنان
جريئه . متكشرش بقا….أنا مش بحب اشوفك زعلان
قال بيجان ب طاعه
بيجان . حاضر ي مامي
قبلته جريئه من وجنته وهي تقول ب حب
جريئه . ايوه كده هو ده حبيبي
ثم دخلت الي البيت و هي تنادي علي أحد الخادمات التي يعملنا في البيت
و قد طلبت منها الاعتناء ب القطه الصغيره ووضع الطعام لها
بعد قليل كانت جريئه في حمام غرفتها تحمم بيجان و تلعب معه في
البانيو بعدما ملاته ب الصابون المخصص للأطفال
قال بيجان و جريئه تضع بعض الصابون علي شعره لكي تغسله
بيجان . مامي أنا بحبك قوي
توقفت جريئه عن ما تفعله و هي تنظر له بحب
ف أمسكت وجهه بيديها
و هي تقبله علي وجنتيه ووجهه كله و هي تقول بحب
امومي نابع من أعماق قلبها
جريئه . و مامي بتموت فيك مش بتحبك بس
بيجان . مامي هو انتي هتتجوزي
نظرت له جريئه وهي تقول ب حنان
جريئه . بتسأل ليه
بيجان بخجل و حزن . اصل انا سمعت جدو عناني النهارده و هو بيتكلم مع نانا آيه
أن في حد اتقدملك من اسبوع فات بس هو أجل الموضوع لحد لما الوضع قال إنه يستقر
ولما سألت نانا آيه قالت معناه أنه يجي
يخطبك ولو وافقت هتتجوزيه و ياخدك بعيد عني
قالت جريئه ب خبث
جريئه .طب انت رايك اي ي استاذ بودي
قال بيجان بعفوية
بيجان . هطلب من بابي يتجوزك هو لو عاوزة قوي تتجوزي
ضحكت جريئه ب شده بعد كلمته العفوية
ثم قالت من بين ضحكاتها
جريئه . لو عاوزة قوي….لإ شكرا أنا مش عاوزة قوي اتجوز
ثم قالت
ب سخرية شديدة
بقا اصوم اصوم و افطر علي بصله
قال بيجان ب فضول
بيجان . يعني اي ي مامي الكلام ده
ابتسمت جريئه ب حنان ثم قالت
جريئه . متشغليش بالك ي حبيبي
المهم يلا بقا علشان اغلسك جسمك من الصابون ده
بعد اللعب ده كله
بيجان . خلينا شوية ي مامي
قالت جريئه ب حنان
جريئه . لإ شويه ايه…..احنا بقلنا كتير ب نلعب و مفروض دلوقتي اننا نكون نمنا مش لسه مطلعناش من الحمام
قال بيجان ب طاعه
بيجان . حاضر ي مامي
جريئه . ولا انت عيل لمض قوي كده ليه
هو لازم اتكلم كتير وفي النهايه بتسمع الكلام مكان من الاول اي ده
ضحك بيجان علي تعبيري وجهها
خاصتا و هي تضيق المسافه التي بين حاجبيها
و تنظر له ب غيظ
جريئه . بتضحك ماشي
ثم بدأت في زغزغته
و يتعالي صوت ضحكاتهم معا
كانت والدته جريئه في غرفتها تجلس علي أحد الارأك الموجودة في غرفتها
و هي تمسك القرآن الكريم في يدها تقرآن منه
و هي تبتسم علي سعادة ابنته في وجود ذلك الصغير الذي ملئ البيت ب فرحه لم تحدث بعد وفاة حبيبها و فلذة كبدها
ثم قالت ب رجاء للمولي عز وجل
و هي ترفع يدها و بعدما صدقت علي القرآن
ربنا يديم ضحكتك و فرحتك علي طول ي بنتي
بعد فترة كان بيجان قد نام بعدما ارتدي ملابسه و اكل طعامه
وهو الآن نائم في أحضانها و علي شفتيه ابتسامه سعيده
كانت جريئه تنظر له بحب و حنان
و هي تقول ب همس
جريئه . انا حاسه اني لو اتجوزت و خلفت عمري ما هحب ابني أو بنتي قدك أنا بحبك قوي قوي
ثم قبلته علي جبينه
و هي تشدد من احتضانه
و تبتسم ب سعادة وراحه
رن هاتف جريئه بجوارها علي الكمود
ف اخذته قبل أن يتسبب صوته المرتفع في استيقاظ بيجان
و فتحت الاتصال دون أن تري من هو ال متصل
وهي تنهض من علي السرير
مبتعدة عنه في ركن بعيد في نهاية الغرفة
جريئه . الو
صقر . بصي جيرا من غير لف وروان وانا عارف أن مش وقت أسأله سخيفه أو فضوليه مني
بس اللي حصل بقا
حسن بيتفسح بجد في المصائب دي كلها
قالت جريئه ب برود
جريئه . أيوة
صقر . جريئه متغظنيش…..يعني اي يتفسح في جزر المالديف و في وسط كل المصايب دي
ازاي
جريئه . اولا هو في زنجبار مش المالديف و كمان كنت متوقع مني اي ي صقر
اخاطر ب اني اخلي مرات حسن تسمعنا مره و احنا بنتكلم مع بعض
عن أننا هنعمل اية
و تروح تقول ل أهلها اللي يتمنوا أنهم ي دمرونوا
و كمان انا خليت حسن يسافر علي طول
حتي اليوم اللي قاعدوه معايا في الفيلا حسن كان منوه منها التلفون
و لما سافروا في نفس اليوم بالليل مدهاش التلفون خالص
وفضل معاه
أنا مش هسيب حاجه للظروف ي صقر
بس تعال هنا قولي
انت عرفت منين
صقر . مش معايه رقم حسن علي الواتس اب
جريئه . قصدك الحاله بتاعت الواتس بتاعته
صقر . أيوة كان نشر كذا صورة ليه هو و الولاد بس
جريئه . طب كويس
صقر بخبث . بس صحيح اللي سمعته ده صح
ضيقت جريئه عينيها ثم قالت ب حذر
جريئه . سمعت اي
صقر بشماته . أن في عريس متقدم و عناني كمان وافق عليه لإ و هتقابليه كمان
مع أنه في العادي بيبقا مش ممكن
مش ممكن اي !! ده مستحيل يحصل اصلا
قالت جريئه ب لامبالاة
جريئه . خلصت ولا لسه في حاجه تانيه
عاوز تشمت فيها
صقر . في اي بنت بضحك معاكي
قالت جريئه ب ضيق
جريئه . بضحك معايه
لإ متشكرين مش عاوزينك تضحك معايه
صقر . سيبك من ده كله
بس انتي اي نظامك
قالت جريئه ب برود
جريئه . أنا مخدش واحد هزمته ي صقر في الرمايه
صقر بصدمة . انتي بتهزري……يعني اي مش موافقه عليه علشان هزمتيه في لعبه
ضحكت جريئه ثم قالت ب مرح
جريئه . ي واد انا عاوزة اطفشه خاصتا أن عناني و عاصم اول مرة يطلب مني أقابل حد
وكمان أمي معاهم
من الاخر كده الثلاثي دة اول مره يتفق علي حد معين يتقدملي
ف علشان كدة طلبوا مني اني اشوفه بعديها اقول رأي
صقر . وطبعا الواد مفهوش غلطه ف قلتي ادور علي اي حجه حتي لو كانت عبيطه وخلاص
جريئه بسخري . بالظبط
شاطرور ي صقر
عندك انت بقا حجه علشان اطفشه
صقر . بصراحه غسان من معرفتي بيه شخصيا ل فترة كده في الشغل
ف هو انسان ممتاز و محترم جدا و عمره ما استخدم سلطته ل امور شخصيه و……
قاطعته جريئه وهي تقول بضيق
جريئه . بس بس……. هو انت عبيط ي بابا
أنا مش عاوزاك تمدحلي فيه ي استاذ
أنا عاوزة حجه اطفشه بسببها
مش ميزه اتجوزه علشانها
صقر بسخرية . منا مش لاقي عليه غلطه…..اتكلم عليه ب الباطل يعني
قالت جريئه ب ضيق
جريئه . لإ ابطلني أنا بذكائك
اقعد ساكت و متتكلمش معايا تاني
خلينا امخمخله في دماغي كده علي روقان
علشان اعرف اطفش ازاي المرادي
صقر . مخمخي انتي بقا وانا سلام علشان ورايا شغل
جريئه . منك لله بعد ما احبطني……. سلام
ضحك صقر ثم اغلق الاتصال
تحركت جريئه في اتجاه السرير مرة اخري و هي تقول بغيظ
جريئه . منك لله يعني لازم تقولي الحقيقه
اللي بهرب منها
لإ صقر ده مينفعش صاحب ليه أنا لازم ادرو علي بيست يطبلي في اي حاجه كده
ايوه هو ده الصح
بس اطفش عريس الغفلة ده دلوقتي بعديها افكر في الموضوع ده