رواية رسومات الموت الفصل الأول 1 بقلم ولاء خالد

طفله صغيره عمرها 7سنين  بتحب الرسم الرسم دا موهبه بتيجي للانسان البنت في يوم رسمت رسمه وورتها لامها…

نور:ماما خدي الرسمه هي حلوه؟ّ…

الام:ن..نور 

الام انصدمت من الرسمه كانت عباره عن أن في سرير وراسمه حد نايم عليه ولون الغطاء ازرق بس يلي صدم الام اللون الاحمر يلي غطا علي الازرق!!

الام:نور انتي ليه مخبيه اللون الازرق بالاحمر معجبكيش ياروحي؟…

نور:لاء ياماما مش لون الدم احمر وكمان بابا نايم عليه رسمتوا اهو 

الام:نور!! ازاي تقولي كده ادعي لبابا يخليه ليكي بدل ما ترسمي كده!!

عطتلها الرسمه ومشت نور عيطت وزعلت ان محدش حب الرسمه فحبت تكملها وكتبت اسمها وجمبيها الساعه10:00

راحت حكت ام نور لابوها علي الرسمه ابوها ضحك لانها رسمه عاديه متأزيش الام كانت متوتره وقلبها مقبوض من الرسمه لسبب مجهول متعرفش ليه وعلي الساعه9:59 سمعت الام صوت جوزها بيتألم حاولت تنقظوا كانت اتصلت علي الاسعاف ومعداش دقيقه والاب مات لسبب مجهول ومحدش دخل علي الاوضه ابداً او سمعت اي صوت كان المكان هادي ازاي جوزها مات!!

خلصت العزا وقعدت الام مضايفه ومستغربه موت جوزها كانت ممكن تقول مات موته عاديه لكن كان الغطاا عباره عن دم كتير غرقوا مفيش علامات جرح او اي اصابه اتعرضها زي ما قال التقرير من المشرحه شافت بنتها بترسم خافت قربت منها وبصتلها نور ورفعت الرسمه لوشها ومسكتها امها وايدها بترتجف شافت صور وتحت بشويه اكنها امواج مايه وملونها بالازرق كانت لسه بتلونها وشافت حاجه بين الصور يلي فوق والبحر وكأنوا كوبري وحد هينتحر منوا!!

الام:مين يانور!!

نور وهي بترفع اكتفها:مش عارفه ياماما بس حبيت ارسمها 

شدت منها الورقه وكتبت اسمها وجمبيها الساعه11:5

الام:نور ليه بتكتبي الساعه

نور:تخيلت البنت انها هتموت في الوقت دا 

الام:بنت!!!

بعد ساعه قعدت الام بتفكر طب ليه بتكتب الوقت افتكرت لتكون كتبت الوقت لوفاه ابوها جرت بسرعه وفتحت باب اوضه نور واخدت الرسمه يلي رسمتها لابوها وشافت الوقت دا الوقت يلي لاحظت الساعه في المنبه بتشير ل10 الام خافت من بنتها وان موهبتها هتودي لموت ناس كتير او ملهاش ذنب هي بترسم وخلاص كان دا الاحتمالين الوحيدين …

استأنت لما جات الساعه11:5 وفتحت الفيس بوك بس مفيش خبر قفلتوا وبعدهافتحتوا بعد 5دقائق لقت خبر بنت اتوفت والشهود يلي هناك بيقولوا انها قالتلهم ان موتها بسبب الكوابيس وسمعها الاصوات قبل ما تنام ودا مسببلها تعب وارهاق شديد والكل مفكرها مجنونه وقالتلهم يقولوا كده لاهلها وربطت عيونها بشريط ونطت للمياه وبيحاولوا دلوقتي يتواصلوا مع اهلها الام شهقت من الخبر يعني  تتوقع قبل 5دقائق تكون نطت يعني11:5 الام بصت لاوضه نور لقت نور واقفه وبتفرق في عينها وقالت

نور:حلمت بيها ووقعت في البحر وماتت ياماما

الام برقت معرفتش تقول لبنتها اي تاني يوم الصبح قررت تعرف سر لموهبت بنتها من حد عرفاه في اكتشاف ظواهر غريبه ولربما يساعدها……

°لسه الحكايه مخلصتش ولسه هنعرف اسباب حدوث الاشياء دي وياترا نور قصده ترسم ام بتشوفهم وتحاول ترسم زيهم؟…°