Uncategorized
رواية حياة فهد الفصل الحادي والعشرون 21 بقلم نسمة سيد
رواية حياة فهد الفصل الحادي والعشرون 21 بقلم نسمة سيد
 |
| رواية حياة فهد الفصل الحادي والعشرون 21 بقلم نسمة سيد |
رواية حياة فهد الفصل الحادي والعشرون 21 بقلم نسمة سيد
حياه مكنتش شايفه وش الي قدامها لان الدنيا كانت ضلمه اوووي حياه بتحاول تتكلم او تسرخ بس مش عارفه لانه حاطط ايده علي بوقها جامد بس هديت لما سمعته
فهد: قولتيلى بقي انك رايحه عند حمزه دا بكرا صح
شال ايده من على بوقها
حياه: انت مجنون يا فهد ايه الى بتعمله دا وقعت قلبي
فهد: متتكلميش كتير و بقولك مفيش مرواح في حته
حياه: يا فهد مينفعش دا اخويا وبعدين انا وعدته اني هروح لانه وحشني
فهد: خاليه يجي هنا قدامي احسن
حياه: لا طبعا دا مش بيتنا عشان اجيبه
فهد: انتي مراتي ودا بيتي يعني بيتك فهمه ولا لا
حياه: حاضر بكرا هكلمه واقولو
فهد: اطلعي يلا نامي
حياه: حاضر بس بطل تخضني كدا تاني
فهد بضحك: طب اعمل ايه يعني ما في زفت جوا هيروحو يقولو كل حاجه والخطه تبوظ
حياه: ايوا بس براحه عليا شويه
فهد بحنيه: حاضر انا اسف
حياه: تصبح على خير بقي
فهد: وانتي بخير يارب
………….
حياه وهي طلعه اوضتها شافت نور اوضه مي مفتوح راحت عشان تشوفها بس سمعت
مي: بقولك ايه يا ماهر فهد الفتره دي متابع البيت مش هقدر اجيلك خالص والمبلغ الى طلبه كتير مش هعرف اخده
طيب خلاص يا ماهر هاحول اجيلك الصبح سلام
حياه دخلت اوضتها بسرعه وقفلت على نفسها
حياه: يارب يا مي ميكنش الى في بالي صح فهد ممكن يقتلك فيها اتصرف ازاي بس دلوقتي
……………
ناني: هاا هنخليه يشك فيها امتي
مجهول: لسه مش دلوقتي عايز الوقت المناسب الاول وبعدين هقولك
اياد: انا زهقت ع فكره مفيش تغير
مجهول: الصبر حلو اصبر شويه بقي
اياد: لما نشوف اخرتها
…………
في يوم جديد
الكل اتجمع على السفره
نهال: نخلص الفطار ونلبس عشان نروح لحمزه
حياه: لا يا ماما انا قولتلو يجي هو هنا احسن
مي: يعني هتفضلو في البيت
حياه: اه
مي: طيب انا هروح ازور صحبتي عشان تعبانه ومش هتاخر
فهد: ماشي عايزه فلوس؟
مي: لا شكراً
حياه: مي هي صحبتك دي من الكليه؟
مي: اه
حياه: طيب ما تاخدي هدير و شهد معاكي
مي: اصل هما مش عارفينها
هدير: اسمها ايه
حياه: خلاص يا هدير لو كنتي هتعرفيها مي كانت هتقولكم
بس معلش يا مي كلميها اعتذري منها عشان عايزاكي معانا انهارده حمزه هيخرجنا والخروجه مش هتبقي حلوه من غيرك
مي: ما انا مش هتاخر
حياه: تعالى معايا بس وهنتكلم فوق
مي: ماشي نخلص الفطار ونطلع نتكلم
وهما بيفطرو دخل عمر و انس
انس: سموووووو عليكووووو
عمر: صباح الخير
فهد: خييير انتو الاتنين
انس: في ايه بس يا وحش مش تقولنا اتفضل
فهد: اتفضلو ياخويا
عمر قعد قدام شهد
وانس قدام هدير
انس اول ما قعد خبط هدير في رجلها
هدير بصتله بعصبيه
هدير: انا خلصت فطار هطلع اوضتي
انس: ما تقعدي ولا اذا حضرت الشياطين
هدير: لا متقولش كدا انت الشيطان لو شافك هيتوب
انس: اهو اخد في ثواب
هدير بعصبيه: انت بارد ياض انت ع فكره
انس بضحك: ما انا عاارف
هدير طلعت من غير ما ترد عليه
مي انا هروح لصحبتي بسرعه وجايا عشان نخرج باي
ومشيت قبل ما حياه تكلمها
عمر: ازيك يا انسه شهد
شهد: الحمد لله بخير وانت
عمر: بخير جدا
فهد: ع فكره احنا هنا
حياه بضحك: في ايه يافهد هما قالو حاجه ما تسبهم
انا هطلع اغير هدومي عشان انزل اشتري حاجه للخروجه
شهد: استني اجي معاكي
حياه: لا مش مستهله هاجي علطول
حياه طلعت غيرت هدومها بسرعه ومشيت ورا مي
…………….
حياه طلعت العماره و عرفت الشقه الى دخلت فيها مي
وخبطت عليها واول ما فتح الباب………